Hebrews3
1येहिगुने, हे पवित्र भईवन! तूँ जे स्वर्गीय बोलाहट के भागीदार हऽ, हमनी के अपनावल गेल प्रेरित आउर महायाजक, यीशु पर गौर कर के विचार करऽ,2जे अपन नियुक्त करेवालन के प्रति विश्वासयोग्य रहलन, जईसे मूसा भी अपन घराना में हलन।3काहेकि उनका तऽ मूसा से भी जादे बढ़ के महिमा के योग्य मानल गेल हे, जईसे कि घर से भी बढ़ के ओकरा बनावे वालन के आदर होवऽ हे।4काहेकि सभे घर के कोई नऽ कोई बनावऽ हथन, बाकि जे सभे चिजवन के बनईलन ऊ परमेश्वर ही हथन।5आउर मूसा अपन सभे घराना में सेवक के जईसन विश्वासयोग्य रहलन जेकरा से भविष्य में बोलल जाय वाला बात के गवाही देतन; 6बाकि मसीह, बेटा के जईसन उनकर घर के अधिकारी हथन आउर उनकर घर हमनी ही, जदि हम भरोसा के थामले रहम आउर अपन आशा पर नाज करम।7येहिगुने जईसे पवित्र आत्मा कहऽ हथन कि:“आज के दिन, जदि तूँ उनकर आवाज सुनवऽ,8तऽ अपन मन के कठोर नऽ करिहऽजईसन जंगल में परीक्षा के दिन, गोस्सा देलावे के घड़ी करलक हल, 9जहाँ तोहनी के पुरखावन जाँच कर के हमरा परखलन,आउर चालीस बरस लागी ओखनी हमर काम देखलन।10येहिगुने, हम ऊ पीढ़ी पर बड़ी गोस्सा गेली,आउर हम कहली, ‘ऊ अपन मन में हमेशा भटकते रहऽ हथनआउर ऊ हमर राह के नऽ जानलन।’11तऽ हम अपन गोस्सा में शपथ खईली,'का ऊ हमर विश्राम में प्रवेश करतन!” 12हे भईवन, होशियार रहऽ, जेकरा से तोहनी में से कोई अविश्वाश वाला बुरा हृदय के नऽ रहतन, जे जिन्दा परमेश्वर से दूर हो जईतन।13एकर बजाय, जब लागी एकरा आज के दिन कहल जा हे, तब ला हर दिन एक दोसरा के समझईते रहिहऽ, जेकरा से तोहनी में से कोई भी पाप के धोखाधड़ी से कठोर नऽ हो जईतन।14काहेकि जदि सचमुच हमनी अपन भरोसा के शुरुआत के आखिरी लागी मजबूती से थामले रहऽ ही, तऽ हमनी मसीह के भागीदार हो गेली हे।15जबकि अईसन पवित्रशास्त्र में कहल गेल हे कि,“आज के दिन जदि तूँ उनकर आवाज सुनिहऽ,तऽ अपन हृदय के कठोर नऽ करिहऽजईसन विवाद करे के दिन करलऽ हल।”16काहेकि सुन के भी, उनका कौन लोगवन गोस्सा देलईलन? का ई ओही सभे इस्राएलियन नऽ हलन, जे मूसा के द्वारा मिस्र देश से बाहर निकललन हल?17आउर चालीस साल लागी ऊ केकरा से बड़ी जादे गोस्साल रहलन? का ई ओही लोग नऽ हलन जौन सभे पाप करलन हल, आउर जिनकर लाश जंगल में पड़ल रहल? 18आउर ऊ केकरा से किरिया खईलन हल, कि ऊ उनकर विश्राम में प्रवेश नऽ करतन, का ओखनी से नऽ, जे आज्ञा उल्लंघन करलन हल? 19आउर हमनी देखऽ ही कि अविश्वाश के चलते ऊ प्रवेश नऽ कर पईलन।
Bridge Connectivity Solutions Pvt. Ltd.