Acts25
1फेस्तुस ऊ प्रान्त के प्रधान अधिकारी बन के राज करे लगलन। आउर तीन दिन के बाद ऊ कैसरिया नगर के छोड़ के यरूशलेम के गेलन।2यरूशलेम में, ऊहाँ के कुछ मुख्य याजक आउर दोसरा यहूदी अगुवन फेस्तुस के सामने खड़ा होके कहलन कि पौलुस बड़ी गलत काम करलन हे।3ओखनी फेस्तुस अनुग्रह के विनती करलन कि ऊ पौलुस के खिलाफ मुकदमा आगे बढ़ईतन। ओखनी फेस्तुस से कहलन कि ऊ अपन सिपाही के आदेश देलन कि ऊ पौलुस के यरूशलेम में मुकदमा चलऽ के लईतन। बाकि ऊ में पौलुस पर हमला कर के ओकरा मार देवे के योजना बना रहलन हल4फेस्तुस जबाब देलन, “पौलुस कैसरिया में बन्दी हथन। अब हमहूँ जल्दी से कैसरिया वापस जाय के योजना बना रहली हे।”5ऊ कहलन, “तऽ तोरा में से जौन लोग सामर्थी हथन, ओखनी हमरा साथे ऊहाँ चलतन। जदि तूँ पौलुस पर कोई आरोप लगावे लागी चाहऽ हऽ, तऽ तूँ ऊहाँ जा के ओकरा पर आरोप लगा सकऽ हऽ।”6आउर फेस्तुस यरूशलेम में आराधनालय के सरदार के जौरे एक सप्ताह तक आउर रहलन। फिन ऊ कैसरिया नगर में अईलन। अगला दिन न्याय-आसन पर बईठके फेस्तुस आज्ञा देलन कि पौलुस के उनका भीर लावल जाय, आउर ऊ न्याय के गद्दी पर बईठलन।7जब पौलुस के फईसला के सामने लावल गेल, तऽ जौन यरूशलेम से यहूदी अगुवा अईलन हल, ओकरा पर ढेर गंभीर आरोप लगावे लागी उनकर चारो दने जमा होलन, बाकि ऊ आरोप में से कोई के भी आरोप साबित करे में सक्षम नऽ हो सकलन।8तब पौलुस अपन बात कहलन, कि हम नऽ तऽ यहूदियन के व्यवस्था के खिलाफ कुछ करली हे, आउर नऽ आराधनालय के खिलाफ पाप करली हे, आउर हम नऽ कैसर के खिलाफ भी कुछ बोलली हे।9बाकि फेस्तुस यहूदी अगुवा के खुश करे ला अनुग्रह करे ला चाहऽ हलन, येहिसे ऊ पौलुस से पूछलन, “का तूँ यरूशलेम जाय ला चाहऽ हऽ जेकरा से हम ऊहाँ तोर के मुद्दा के फईसला कर सकम?”10बाकि पौलुस जबाब देलन, “नऽ, हम अखनी कैसर के न्याय-आसन के सामने खड़ा ही, जौन सम्राट के प्रतिनिधि हथन। ईहें हमर फईसला होवे के चाही। हम यहूदियन के साथे कुछ भी अन्याय नऽ करली हे, जईसन कि तूँ बढ़ियाँ तरह से जान हऽ।11जदि हम अपराधी ही आउर मार डाले जाय के लायक कोई काम करली हे, तऽ मरे से नऽ डरऽ ही; बाकि जे बात के ई सभे हमरा पर दोष लगावऽ हथन, जदि ओखनी में से कोई बात सच नऽ ठहरत, तऽ कोई हमरा उनकर हाथ नऽ सौंप सकतन। हम कैसर के दोहाई दे ही।”12फेस्तुस अपन सलाहकारवन से सलाह कर के पौलुस से कहलन, “तूँ कैसर से दोहाई देलऽ हे, येहिसे तोरा कैसर भीर भेजम!”13कुछ महीना के बाद राजा हेरोदेस अग्रिप्पा अपन बहिन बिरनीके के साथे कैसरिया में आके फेस्तुस भीर अपन सम्मान प्रकट करे अईलन। 14राजा अग्रिप्पा आउर बिरनीके कैसरिया में कई दिन तक रहलन। कुछ समय बीते के बाद फेस्तुस पौलुस के बारे में अग्रिप्पा के बतईलन आउर कहलन, “ईहाँ एगो आदमी हथन जेकरा फेलिक्स जेल में कैद कर के रखले हथन।”15येहिसे जब हम यरूशलेम में गेली, तऽ मुख्य याजकवन आउर यहूदी पुरनियन हमरा भीर आके हमरा से निवेदन करलन, कि हम उनका मौत के सजा देवे के माँग करलन।16बाकि हम उनका से कहली कि जब कोई आदमी पर कोई गंभीर दोष लगावल जा हे, तऽ रोमियन में ऊ आदमी ला तुरन्त दोषी के रूप में सौंपे के रीति नऽ हे। एकर बदले, हम आरोपी के ऊ आरोप लगावे वाला के सामने खड़ा होवे दे ही, ताकि ऊ उनकर बारे में जौन कुछ कहऽ हथन, उनकर खिलाफ अपन बचाव कर सकतन।17येहिसे जब ऊ यहूदी कैसरिया में अईलन, तऽ हम उनकर मुकदमा सुने में कोई देर नऽ करली, बलुक उनकर आवे के एक दिन बाद ही हम न्यायाधीश के न्याय-आसन पर बईठ गेली आउर पहरदारवन के आज्ञा देली कि कैदी के भीतर ले जा।18बाकि जब यहूदी अगुवा हमरा बतईलन कि बन्दी का बुरा करलन हे, तऽ हम नऽ सोचली कि जे कुछ ओखनी कहलन ऊ गंभीर हे।19एकर बदले, ऊ अपन धरम के बात आउर यीशु के नाम के एगो आदमी के बारे में उनका से बहस कर रहलन हल, जौन मर गेलन हल, बाकि पौलुस कहलन कि ऊ जिन्दा हथन।20हम ई बात के नऽ समझऽ हली, आउर नऽ सच्चाई के समझऽ हली। येहिसे हम पौलुस से पूछली, 'का तूँ यरूशलेम जाय ला चाहऽ हऽ, ताकि हम ऊहाँ ई सभे बात के बारे में तोर फईसला कर सकम?'21बाकि पौलुस अपन मुकदमा के फईसला करे लागी कैसर के दोहाई देलन, येहिसे हम आज्ञा देली कि जब तक हम ऊ कैसर भीर नऽ भेजम, तब तक उनका देख-रेख में रखल जाय।22तब अग्रिप्पा फेस्तुस से कहलन, “हम भी सुने ला चाहऽ ही कि ई आदमी का कहऽ हे।” फेस्तुस जबाब देलन, “हम कल तोर सुनवाई के इन्तजाम करम।”23अगला दिन जब अग्रिप्पा आउर बिरनीके सभा के सभास्थल में अईलन, आउर सभे लोग उनकर आदर कर रहलन हल, आउर उनका जौरे कुछ रोमी सरदार आउर कैसरिया के बड़का-बड़का लोग भी अईलन, तब फेस्तुस पहरदारवन के आज्ञा देलन कि ऊ पौलुस के भीतरे ले आवऽ।24जब पौलुस भीतरे अईलन, तऽ फेस्तुस कहलन, “हे राजा अग्रिप्पा आउर तोहनी सभे जे ईहाँ हऽ, ई आदमी के देखऽ हऽ। यरूशलेम में आउर ईहाँ भी यहूदियन के बड़ी मनी सरदार हमरा से निवेदन करलन हे कि एकरा आउर जिन्दा नऽ रहे दऽ।25बाकि हम देखली कि ऊ अईसन कुछ भी नऽ करलन हे जेकरा से ओकरा मौत के सजा मिल सकत। फिन भी, ऊ कैसर से अपन मामला के फईसला करे लागी दोहाई देलन हे, येहिसे हम उनका रोम भेजे ला फईसला करली हे।26बाकि हम नऽ जानऽ ही कि हम उनकर बारे में प्रभु के कौची लिखे के चाही। येहिसे हम उनका तोहनी सभे से, आउर खास तोर पर राजा अग्रिप्पा से जाँच करे लागी ईहाँ लईली हे! हम अईसन येहिसे करली हे जेकरा से तूँ उनका से सवाल कर सकऽ। तब हम जान सकऽ ही कि सम्राट के का लिखे के हे।27आखिर में हम समझऽ ही कि कोई कैदी के रोम के राजा भीर भेजऽ ही, तऽ हमरा ओकरा सही-सही बतावे के चाही कि लोग का कहऽ हथन कि ऊ का-का गलत काम करलन हे।”
Bridge Connectivity Solutions Pvt. Ltd.