Acts24
1फिन रोमी सिपाही द्वारा पौलुस के केसरिया लावल जाय के पाँच दिन के बाद हनन्याह महायाजक यरूशलेम से ऊहाँ अईलन, आउर ऊ अपना साथे कुछ यहूदी पुरनिया के भी लईलन। ऊ एगो अईसन आदमी के भी लईलन जे अच्छा वक्ता हलन आउर रोमी व्यवस्था के अच्छा से जान हलन। उनकर नाम तिरतुल्लुस हल। यहूदी अगुवाई चाहऽ हलन कि ऊ हाकिम के ई समझईतन कि ऊ पौलुस के सजा देतन। 2येहिगुने अधिकारी अपन सिपाही के पौलुस के बोलावेला आज्ञा देलन। जब पौलुस अईलन, तऽ तिरतुल्लुस फेलिक्स से ओकरा सजा देवे ला विनती करलन। ऊ अधिकारी से कहलन, “महामहिम राजपाल फेलिक्स, तूँ जेतना साल से हमरा पर राज कर रहलऽ हे, तब से हम उतने शान्ति से जिनगी जी रहली हे। तूँ बुद्धिमानी से योजना बना के हमनी यहूदियन जाति लागी बड़ी कुछ बढ़ियाँ करलऽ हे।3येहिसे, महाप्रतापी फेलिक्स, तूँ हमनी सभे ला जौन कुछ करलऽ हे, ओकरा ला हम तोरा हमेशा धन्यवाद दे ही, चाहे तूँ ऊ काम कहीं भी करलऽ हे।4बाकि हम तोर जादे समय बर्बाद नऽ करम येहिगुने हम छोटा रूप में कहऽ ही। दया कर के हमर बात सुनऽ। हमरा पता हे कि तूँ ई मामला में सही फईसला लेवऽ।5हम अपने के याद देला सकली हे कि ई आदमी जहाँ कहीं जा हे, ऊहाँ मोसीबत खड़ा कर हे। ऊ सभे दुनियाँ के यहूदियन तोहनी रोमियन के खिलाफ बगावत करे ला उसकावऽ हे। ऊ यहूदी धरम के भीतर एगो कट्टरपंथी समूह के अगुवाई करऽ हे। ऊ समूह के अनुयायी खुद के नासरी कहऽ हे।6ऊ यरूशलेम में हमनी के मन्दिर के अपवित्र करे के कोशिश करलक, आउर येहिसे हम उनका बन्दी बना लेली। आउर हम अपन कानून के मुताबिक ओकर न्याय करे ला चाहऽ ही।7बाकि रोमी सिपाहियन के सरदार लूसियास अपन सिपाहियन सहित अईलन आउर उनका हमरा भीर से ले गेलन।8हम उनका तोरा भीर भेज रहली हे। जदि तूँ खुद उनका से ई सभे बात के बारे में पूछवऽ, तऽ तोरा पता चल जायेत कि हम उनका बारे में जे कुछ कह रहली हे, ऊ सभे सच हे।”9तब केसरिया से आयेल दोसर यहूदी अगुवा भी पौलुस पर आरोप लगईलन आउर जोर दे के कहलन कि तिरतुल्लुस जे कुछ उनकर बारे में कहलन हे, ऊ सच हे।10तब हाकिम हाथ से पौलुस के इशारा करलन कि ऊ कुछ बोलतन। तब पौलुस अपन बचाव करे ला कहलन, “हे हाकिम फेलिक्स, हम जानऽ ही कि तूँ ई यहूदी प्रान्त के जाति पर ढेर साल से न्यायी हऽ। येहिसे हम तोरा सामने अपन बचाव करे ला उत्सुक ही। काहेकि हम जानऽ ही कि तूँ हमर बात सुनवऽ आउर हमर फईसला बिना पक्षपात के करवऽ।11तूँ आसानी से साबित कर सकल हे कि हम खाली बारह दिन पहिले परमेश्वर के आराधना करे लागी यरूशलेम अईली हे।12कोई भी सच में ई नऽ कह सकऽ हे कि ओखनी हमरा मन्दिर में अँगना में कोई से बहस करते देखलन, काहेकि हम अईसन नऽ करली हे। कोई भी सच में ई नऽ कह सकऽ हे कि ऊ हमरा कोई यहूदी आराधनालय में दंगा भड़कईते चाहे यरूशलेम में कहीं आउर उत्पात करते देखलन, काहेकि हम अईसन नऽ करली हे।13येहिसे ऊ अब जौन बात के हमरा पर आरोप लगा रहलऽ हे, ओकरा तोर सामने साबित नऽ कर सकलन हे।14बाकि हम तोर सामने ई बात के सच मानऽ ही: हम ओईसने जिनगी जियऽ ही जईसे यीशु के मार्ग हमनी के जिये ला सिखईलन हे। ओखनी ई दावा कर हे कि ई बात हमरा दोसर यहूदियन से अलग बनावऽ हे, बाकि येही ऊ तरीका हे जेकरा से हम ऊ परमेश्वर के आज्ञा मानऽ ही जिनकर हमनी के यहूदी पुरखा आराधना करऽ हलन। हम ओखनी सभे बात पर भी विश्वास करऽ ही जौन मूसा परमेश्वर द्वारा देवल गेल व्यवस्था में लिखल हे आउर ऊ सभे बात पर जौन दोसरा भविष्यद्वक्तावन अपन किताब में लिखल हे।15हम भी येही आशा करऽ ही, कि एक दिन परमेश्वर ऊ सभे के जौन मर गेलन हे, ओकर पुनरुत्थान होत, चाहे ऊ धर्मी हथन चाहे अधर्मी।16काहेकि हमरा विश्वास हे कि ऊ दिन आवत, हम हमेशा ओही करे के कोशिश करम जौन परमेश्वर के पसन्द हे आउर जे दोसरा लोग के विवेक सही समझऽ हथन।17हम तोरा बतावऽ ही कि यरूशलेम में का हल। ढेर साल तक दोसरा जगह में रहे के बाद, हम अपन गरीब यहूदी भईवन लोग के कुछ पईसा देवे लागी यरूशलेम लौट गेलन। ताकि अपन गरीब यहूदी भईवन के मदत करे ला कुछ पईसा ला सकम। ऊहाँ रहते भर में मन्दिर के अँगना में बलि भी चढ़ईली।18आसिया के कुछ यहूदियन हमरा आराधनालय के अँगना में बलि चढ़ईते शुद्ध देखलन, हम ऊ करमकांड पूरा कर लेली हल जेकरा से हमरा ऊहाँ परमेश्वर के आराधना करे के इजाजत हल। हमरा साथे कोई भीड़ नऽ हल आउर हम कोई लोगवन के दंगा करे ला नऽ उकसा रहली हल।19बाकि नऽ, आसिया प्रान्त के ऊ यहूदी ही हलन जौन लोगवन के दंगा करे लागी भड़कईलन। जदि ऊ सोच हथन कि हम कुछ गलत करली हे, तऽ उनका तोरा सामने ईहाँ आके आरोप लगावे के चाही।20बाकि जदि ऊ अईसन नऽ करे ला चाहऽ हथन, तऽ ई सभे यहूदी लोग जौन ईहाँ हथन, तोरा बता देतन कि उनकर विचार से हम का अपराध करली हे जब हम उनकर सभा में अपन बचाव करली।21ऊ कह सकलन हे कि हम ई एगो गलत काम करली: जब हम उनकर सभा में हली, तऽ हम चिल्ला के कहली, ‘आज तूँ हमरा न्याय कर रहल हे काहेकि हमर मानना हे कि परमेश्वर ओखनी सभे लोग के पुनरुत्थान करतन जौन मर गेलन हे।’”22फेलिक्स के पहिले से ही ऊ समूह के बारे में बड़ी कुछ सटीक पता हल, जेकरा ऊ “प्रभु के मार्ग” कहऽ हलन, येहिसे ऊ मुकदमा रोक देलन आउर यहूदी अगुवन से कहलन, “जब सेनापति लूसियास ईहाँ अईतन, तऽ हम ई मामला के फईसला करम।”23फिन फेलिक्स पौलुस के रखवाली करे वाला सिपाही से कहलन कि ऊ पौलुस के वापस जेल में ले जईतन। बाकि ऊ उनका से कहलन कि ऊ पौलुस के जेल में अपन मरजी से काम करे देतन। ऊ ई भी कहलन कि जदि पौलुस के दोस्त उनका से सेवा ला अईतन, तऽ अधिकारी ओखनी के पौलुस के हर तरह से मदत करे देतन।24कुछ दिन के बाद फेलिक्स अपन यहूदी मेहरारू द्रुसिल्ला के साथे अईलन आउर पौलुस के अपना भीर बोल के उनका से बात करलन। फेलिक्स आउर द्रुसिल्ला सुनलन कि पौलुस उनका से यीशु मसीह के पर विश्वास करे के बारे में का कहलन।25पौलुस उनका से कहलन कि परमेश्वर चाहऽ हथन कि लोग उनका खुश करे लागी का करतन। ऊ ई भी बतईलन कि लोग के अपन धार्मिकता आउर व्यवहार पर कईसे काबू रखे के चाही, पौलुस कहलन कि एगो अईसन समय आवत जब परमेश्वर सभे लोग के न्याय करतन। ई सभे बात सुन के फेलिक्स डर गेलन, येहिसे ऊ पौलुस से कहलन, “अखनी हम येही सुने ला चाहऽ ही। जब हमरा भीर होत, तऽ हम तोरा से फिन मिले लागी कहम।”26फेलिक्स के उम्मीद हल कि पौलुस उनका कुछ घूँस के पईसा देतन, येहिसे ऊ पौलुस के कई बार अपना भीर बोलईलन। पौलुस फेलिक्स से बड़ी बार बात करलन, बाकि ऊ फेलिक्स के कुछ पईसा नऽ देलन, येहिसे फेलिक्स अपन सिपाहियन से पौलुस के जेल से रिहाई करे ला नऽ कहलन।27ई सिलसिला करीब दू साल ला चलते रहल, फिन फेलिक्स के जगह पुरकियुस फेस्तुस अधिकारी बनलन। आउर फेलिक्स यहूदी अगुवन के अनुग्रह पाके खुश करे ला चाहऽ हलन, पौलुस के जेल में ही रहे देलन।
Bridge Connectivity Solutions Pvt. Ltd.