احبار12
1یہُوواہنؔ ووٚن بیٚیہِ موسیٰؔ ہس،2"یہِ وُن اسرائیل کٮ۪ن لوٗکن۔ ہرگاہ أکس زنانہِ اکھ نیٚچو زآو، سۅ گژھِ سٔتن دوٚہُن الگ روزن یتھٕ پٲٹھؠ سۅ پریتھ ریتہٕ حیض کؠن دوٚہُن روٗزن چھِ۔3زینہٕ پتہٕ ٲٹھ دوٚہہ گُزرِتھ گژھِ لٔڑکس ختنہٕ کرنہٕ یُن۔4خلاص سپدنہٕ پتہٕ گژھِ سۅ زنان پاک سپدنہٕ خٲطرٕ تیترہن 33 دوٚہُن انتظار کرِنؠ۔ سۅ گژھِنہٕ میٲنس کُنہِ تہِ مقدس چیزس کُن اتھٕ لاگنؠ، یا مقدس خٟمہٕ کس جگہس منٛز دٲخل سپدنؠ یوٚت تام سُہ وقت پوٚرٕ سپدِ۔5ہرگاہ أکس زنانہِ اکھ لڑکی زایہِ، سۅ گژھِ دوٚن ہفتن الگ روٗزنؠ، یتھٕ پٲٹھؠ سۅ پریتھ ریتہٕ حیض کؠن دوٚہُن الگ چھِ روزان۔ سۅ گژھِ خلاص سپدنہٕ پتہٕ پاک سپدنہٕ خٲطرٕ شُہاٹھن 66 دوٚہُن انتظار کرِنؠ۔6ییٚلہِ تمس پاک سپدنُک وقت پوٚرٕ گژھِ تمس پزِ مقدس خٟمکس دروازس پؠٹھ کاہنس نِشہ اکھ وری وانٛسہِ ہنٛد اکھ برٕ أننُ۔ کاہن زالہِ تمس قربان گاہس پؠٹھ پوٚرِ پٲٹھؠ۔ بیٚیہِ گژھِ سۅ زنان اکھ کوتُر یا اکھ کوٚکلؠ کاہنس نِشہ قربان کرنہٕ خٲطرٕ أننؠ، یتھ زن یہُوواہؔ تمس بیٚیہِ پاک مانہِ۔7کاہن کرِ یِمن جانورن یہُوواہسؔ کُن پیش یتھ زنہٕ سۅ تمس قٲبل دُبارِ بناونہٕ ییہِ۔ پتہٕ ییہِ سۅ تمہِ خوٗنہٕ نِشہ پاک کرنہٕ یُس تمس بچہ زینہٕ وِزِ آو۔ یِم چھِ شرع تِمن زنانن ہنٛدِ خٲطرٕ یِمن اکھ لٔڑکہٕ یا لٔڑکی زیوِ۔8ہرگاہ أکس زنانہِ اکھ شُر زآو پتہٕ ہیٚکہ نہٕ سۅ اکھ برٕ چِھرٕ أنِتھ، سۅ گژھِ زٕ کُکِلہٕ یا زٕ کوتر انٕنؠ۔ اکھ ییہِ قربان گاہس پؠٹھ پوٚرٕ پٲٹھؠ زالنہٕ، بیاکھ آسہ تمس خدایس نِشہ بیٚیہِ پاک بناونہٕ خٲطرٕ قربان کرُن۔ یہِ کرنہٕ سٟتؠ بخشاناوِ کاہن تمس تمو گناہو نِشہ یِم تمہِ کٔرِمِت چھِ، تہٕ وۅنؠ چھِنہٕ تمس الگ روزنچ ضرورت کینٛہہ۔"
Bridge Connectivity Solutions Pvt. Ltd.