احبار11
1یہُوواہنؔ ووٚن ہارونسؔ تہٕ موسیٰؔ ہس،2"لوٗکن ؤنیو زِ بہٕ چُھس یہ ونان: زمیٖنہ پؠٹھ روزن والیٚن ساروے حیوانو منٛزٕ چھِ توٚہہ یِم جانور کھیٚنُک اجازت۔3اکھ تِم یِمن زٲلؠ دار پڈر آسن بیٚیہِ آسن درٛامُن کران۔ توٚہؠ ہکیٚو یِم جانور کھیٚتھ۔4کینٛہہ جانور چھِ درٛامُن کران مگر تِمن چُھنہٕ زٲلؠ دار پڈر، تہٕ کینٛژن جانورن چھِ زٲلؠ دار پڈر مگر درٛامُن چُھنہٕ کران۔ توٚہہ پزن نہٕ تِم جانور کھیٚنؠ۔ مثالہ پٲٹھؠ، اونٹ چھِ درٛامُن کران مگر تِمن چُھنہٕ زٲلؠ دار پڈر، لہٰذا چھِ تِم تُہنٛدِ کھیٚنہٕ خٲطرٕ ناپاک۔5ترونٛژ چُھ درٛامُن کران مگر کھۅر چِھس نہٕ زٲلؠ دار، لہٰذا چھِ تمہ تہِ کھیٚنہٕ خٲطرٕ ناپاک۔6خرگوش چھِ درامُن کران مگر تِہنٛدؠ کھۅر چھنہٕ زٲلؠ دار، لہٰذا چھِ تِم کھینہٕ خٲطرٕ ناپاک۔7سورن ہنٛدؠ کھۅر چھِ زٲلؠ دار مگر تِم چھنہٕ درٛامنُ کران، لہٰذا چھِ تِم تہنٛدِ کھیٚنہٕ خٲطرٕ ناپاک۔8یِم سٲری جانور چھِ تُہنٛدِ خٲطرٕ ناپاک، لہٰذا نہ پزِ توٚہہ تِمن ہُنٛد ماز کھیٚون تہٕ نہ تہنٛزن لاشن اتھٕ لاگنُ۔9سمندرن تہٕ درؠ یاون منٛز روزن والیٚن سارنےٕ ذوزٲژن منٛز ہکیٚو توٚہؠ تِم کھیٚتھ یمن پکھٕ تہٕ پٔکھہڑ آسن۔10توٚہہ پزِ تمن نفرت کرنؠ یمن نہٕ پَکھٕ تہٕ نہ پکھہڑ آسن۔ تِمن منٛز چھےٚ تِم زوو ذٲژ شٲمل یِم واریاہ لۅکچہ چھےٚ۔11توٚہہ چُھ تِمن نش دوٗر روزن تہٕ تُہنٛد ماز پزنہٕ توٚہہ کھیٚون بیٚیہِ گژھِ تہنٛزن لاشن نفرت کرٕنؠ۔12توٚہہ پزِ تمن سارنےٕ آبس منٛز روزن والیٚن ذُو زٲژن نفرت کرٕنؠ یِمن نہٕ پکھٕ بیٚیہِ تہٕ مُسلہٕ چُھ۔13جاناوارو منٛز چھِ کینٛہہ جاناور یِمن توٚہؠ نفرت کریو تہٕ تِم مہٕ کھیہ ووکھ۔ تِم چھِ وارِلؠ، گرٮ۪د،14عُقاب، کُنہ تہِ قسمُک باز،15کُنہ تہٕ قسمُک کاو،16بٔڈؠ راتہٕ موٚغُل، کرؠکہٕ دِنہٕ وٲلؠ راتہِ موٚغُل، سمندری بطخ، تہِ کنہِ تہِ قسمُکھ باز۔17بیٚیہِ لۅکٕٹؠ راتہٕ موٚغل، بٔڈؠ راتہٕ موٚغُل، کوٚلہٕ ٹوٗنچ،18سفید راتہٕ موٚغُل، صحرٲوی راتہٕ موٚغل، گانٛٹہٕ گرٮ۪د،19سارس، کُنہِ قسمُکھؠ کولہٕ بطخ، ستُت، تہٕ راتہٕ کریٛل۔20توٚہہِ پزِ تِمن وڑوٕنؠن کیوٚمین نِشہ دور روٗزن یِم زمیٖنہِ پؠٹھ تہِ پکان چھِ۔21مگر توٚہہِ چُھ تِم جانور کھینُک اجازت یِمن پکھٕ چھِ تہٕ کُنہِ ساعتہٕ چھِ زمیٖنہِ پؠٹھ پکان ہرگاہ تِمن اورٕ یوٗرِ وۅٹہٕ تُلنہٕ باپتھ گرہ دار زنٛگہٕ چھِ۔22تِمن منٛز چھِ ہالو، بٔڈؠ ہالو، چھینگر، وُٹِل ہالو شٲمل۔23مگر توٚہؠ مہَ کھییوکھ باقی تِم کٔیمؠ یِمن پکھٕ تہٕ ژوٗر زنٛگہٕ چھِ۔24کینٛہہ خاص جانور چھِ تِم یِمن ہنٛزن لاشن سٟتؠ ہرگاہ توٚہہِ اتھٕ لٲگیو توٚہؠ سپدیو میانہِ باپتھ ناپاک۔ یُس تہِ کانٛہہ تِہنٛزن لاشن اتھٕ لاگہِ تمس پزِ نہٕ شامس تام باقی لوٗکن اتھٕ لاگن۔25یُس اکھ تہنٛزن لاشن تُلہِ تمس پزن پننٕؠ پلو چھلٕنؠ بیٚیہِ لاگہِ نہٕ باقی لوٗکن شامس تام اتھٕ۔26تِم جانور یہنٛزن لاشن توٚہؠ اتھٕ لٲگیو نہٕ چھِ یِمن پڈر مکمل پٲٹھؠ زٲلؠ دار چھِنہٕ بیٚیہِ چھِنہٕ درٛامن کران۔ یُس اکھ یِمن جانورن ہنٛزن لاشن اتھٕ لاگہِ سُہ سپدِ ناپاک۔27تِمو ساروے جانورو منٛز یِم زمیٖنہِ پؠٹھ پنٛجن پؠٹھ پکان چھِ، تِہنٛزن لاشن مہَ لٲگیو اتھٕ۔ یُس اکھ تِہنٛزِ کُنہِ أکس تہِ لاشہِ اتھٕ لاگہِ، تمس پزن نہٕ باقی لوٗکن پننٕؠ اتھٕ تمہِ دوٚہہ شامس تام لاگِن۔28یُس اکھ تہنٛزن لاشن تُلہِ سُہ چھلہِ پننٕؠ پلو تہٕ شامس تام لاگہِ نہٕ باقی لوٗکن کُن پننٕؠ اتھ، تکیازِ تہنٛزن لاشن اتھٕ لاگنہٕ سٟتؠ گیوٕ توٚہؠ میانہِ باپتھ ناپاک۔29زمیٖنہِ پؠٹھ کھوٚکھٕج کٔرِتھ پکن وٲلؠ جانور یِمن اتھٕ لاگنہٕ سٟتؠ توٚہؠ ناپاک سپدیو تِم چھِ: نوٗل، گٔگر، کنہِ تہِ قسمچؠ بٔڈؠ کینکہٕ لٔٹ،30حرذون، بٔڈ کینکہٕ لٔٹ تہٕ باقی کینکہٕ لٔٹ، صحرٲوؠ کینکہٕ لٔٹ، تہٕ گرگٹ۔31زمیٖنہِ پؠٹھ کھوٚکھج کرن وٲلؠ جانور چھِ تُہنٛدِ باپتھ ناپاک۔ یُس اکھ تہنٛزن لاشن اتھٕ لاگہِ سُہ گژھِ نہٕ شام تام باقی لوٗکن اتھٕ لاگُن۔32ییٚلہِ یِمو جانورو منٛز کانٛہہ اکھ مَرِ تہٕ مٔرِتھ پییٚہِ تتھ کُنہِ چیزس پؠٹھ یُس استعمال آسہ سپدان سُہ سپدِ موٚکُر، چاہے لکٕرِ ہنٛد آسہ، پلو، کٲنٛسہِ جانور سُنٛد مُسلہٕ یا ٹاٹھ، سُہ چُھ آبس منٛز تراون۔ پتہٕ گژھِ نہٕ سُہ شام تام استعمال کرنہٕ یُن۔33ہرگاہ سُہ ناپاک جانور کترِوِس بانس منٛز پیو، یہِ تتھ منٛز آسہ سُہ سپدِ ناپاک تہٕ سُہ بانہٕ گثھِ پھُٹراونہٕ یُن۔34ہرگاہ توٚہہِ تمہِ بانہٕ منٛز کُنہِ غذہس آب تراووٕ سُہ غذا چُھنہٕ کھییوٗن بیٚیہِ چُھنہٕ تمہِ بانہٕ منٛز آب چیوٗن۔35یتھ پؠٹھ تہِ تِمن لاشین ہنٛد کانٛہہ تہِ چیز پییٚہِ سُہ سپدِ ناپاک ہرگاہ سُہ جانور پییٚہِ تندورس منٛز یا دانس منٛز، یتھ پؠٹھ تہِ پییٚہِ سُہ گژھِ پھڑراونہٕ یُن۔ سُہ سپد ناپاک تہٕ دُبارِ لگہ نہٕ استعمال کرُن۔36ہرگاہ تہنٛز کانٛہہ لٲش پییٚہِ أکس ناگس منٛز یا کیوٗرس منٛز، سُہ آب ہیکیو تمہِ پتہ تہِ چیتھ، مگر یُس اکھ تِمن لٲشن اتھٕ لاگہِ سُہ سپد ناپاک۔37ہرگاہ تمہٕ لٲشہِ پییٚہِ تتھ بیلِس پؠٹھ یُس وونہٕ یوان چُھ، سُہ بیوٗل چُھ تمہِ پتہ تہِ وونہٕ خٲطرٕ پاک۔38ہرگاہ تتھ بیٲلِس آسہ آب دِنہٕ آمُت تہٕ پتہٕ پییٚہِ تتھ پؠٹھ لاش، سُہ بیوٗل گژھِ ترٲویتھ ژھوٗننُ؛ تُہنٛد گژھِ سُہ ناپاک مانُن۔39ہرگاہ اکھ جانور یمؠ سُنٛد ماز کھینُک اجازت توٚہہِ چُھ، مرِ، یُس اکھ تمؠ سنٛزِ لاشہِ اتھٕ لاگہِ سُہ گژھِ نہٕ شام تام باقی لوٗکن اتھٕ لاگُن۔40یُس اکھ تمہِ لاشہِ منٛز کینٛہہ ماز کھییٚہِ تمس چھِ ضروری پننٕؠ پلو چھلٕنؠ بیٚیہِ لاگہِ نہٕ سُہ شام تام اتھٕ۔ یُس اکھ تژھےٕ اکھ لاش تُلہِ سُہ چھلہِ پننٕؠ پلو تہٕ روزِ شام تام ناپاک۔41زمیٖنس سٟتؠ کھوکھج کرن وٲلؠ سٲری جانور یِمن منٛز تِم جانور تہِ شٲمل چھِ یِم یڈ دِیت کھوکھج کران چھِ، تِم چھِ ناپاک تہٕ تِم گژھن نہٕ کھیٚنؠ۔43تِم جانور کھینہٕ سٟتؠ مہَ کٔریو پننُ پان ناپاک۔ اتھ متلق روزیو بڈٕ ہوشیار۔44بہٕ چُھس یہُوواہؔ تُہنٛد خدا، بہٕ چُھس پاک لہٰذا پزِ توٚہہِ پاک روٗزن۔ توٚہہِ پزن نہٕ تِم چیز کھیٚنؠ یِمو سٟتؠ توٚہؠ ناپاک سپدیو۔ یِم جانور زمیٖنہِ پؠٹھ کھوکھج کران چھِ تِم مہَ کھییٚوٗکھ یِمو سٟتؠ سپدیو ناپاک۔45بہٕ چُھس یہُوواہؔ یمؠ توٚہؠ مِصرس منٛز غلامی نِشہ آزاد کٔروٕ یتھ زن توٚہؠ میٲنؠ عبادت کٔریو۔ لہٰذا بہٕ چُھس پاک، توٚہہِ پزِ پاک روٗزن۔46جانورن تہٕ جاناوارن بیٚیہِ تِمن سارنے ذوُ زٲژن متلق یِم آبس منٛز روزان چھِ یا زمیٖنس پؠٹھ کھوکھج کران چھِ، تِمن ہنٛدِ خٲطرٕ چُھ یِہ شرع۔47توٚہہِ پزِ زاننُ کٔم چیز چھِ پاک تہٕ کٔم چیز چھِ ناپاک، بیٚیہِ زٲنیٚو کُم چیز کھینُک چُھ توٚہہِ اجازت تہٕ کٔمن چیزن ہُنٛد چُھنہٕ توٚہہِ کھینُک اجازت۔"
Bridge Connectivity Solutions Pvt. Ltd.