احبار13
1یہُوواہنؔ ووٚن ہارونسؔ تہٕ موسیٰؔ ہس یہِ:2"ییٚلہِ کٲنسہِ ہنٛدِس بدنٕکس مُسلس ورم آسہ، ہیترؠ یا چمکہٕ وُن اکھ داغ آسہ یتھ بٮ۪مٲرؠ لٔجمٕژ باسان آسہ، پتہٕ گژھِ تمس کانٛہہ نفر ہارونسؔ یا تمؠ سٕنٛدِس کٲنٛسہِ أکس نیٚچوِس نِشہ أننُ یُس اکھ کاہن آسہ۔3کاہن گژھِ تمس نفرٕ سُنٛد سُہ مُسلہٕ وچُھن۔ ہرگاہ دادچہِ جایہِ ہنٛدؠ وال آسن سفید گٲمٕتؠ تہٕ دادچِ جاۓ ژمہِ کھۅتہٕ سرٔنؠ آسہ، تیلہِ چھِ یہِ مُسلچ اکھ بٮ۪مٲرؠ یوس باقی لوٗکن لارنُک خطرٕ چُھ۔ ہرگاہ کاہنس توٚر فِکرِ زِ یہِ چھِ سۅ بٮ۪مٲرؠ، تمس چُھ اعلان کرُن زِ سُہ نفر چُھنہٕ باقی لوٗکن سٟتؠ روٗزنس لایق۔4ہرگاہ تمس نفرٕ سنٛدِس مُسلس پؠٹھ سفید داغ چُھ مگر سُہ زخم چُھنہٕ مُسلہٕ کھۅتہٕ سرۅن، کاہن گژھِ تمس ستن دوٚہُن باقی لوٗکو نِشہ دور تھاون۔5کاہن کرِ تمس ستتھ دوٚہہ نیرتھ دبارٕ ملاحظ۔ ہرگاہ تمؠ کاہنن وُچھ زِ زخمس منٛز چُھنہٕ کانٛہہ تبدیلی آمٕژ بیٚیہِ چُھنہٕ پھیلیومُت، سُہ گژھِ تمس بیٚیہِ سٔتن دوٚہُن لوٗکن نِشہ دور رٹُن۔6ستتھ دوٚہہ پتہٕ گژھِ سُہ تمس نفرس دُبارٕ بیٚیہِ اکہِ لٹہِ ملاحظ کرُن۔ ہرگاہ سُہ زخمکھ رنگ چُھ کم گوٚمُت بیٚیہِ چُھنہٕ پھیلیومُت، کاہن گژھِ اعلان کرُن زِ سُہ نفر چُھ لوٗکن سٟتؠ دُبارِ روزنہٕ خٲطرٕ ٹھیک۔ تمؠ سٕنٛدِس مُسلس پؠٹھ چُھ سُرخ باد؛ یوس نہٕ کٲنٛسہِ تہِ لاریہِ۔ سُہ نفر چھلہِ پننٕؠ پلو، پتہٕ دِیہ تمس کاہن باقی لوٗکن سٟتؠ روزنُک اجازت۔7ہرگاہ سُہ زخم کاہن سٕنٛدِ ملاحظ پتہٕ پھہلیومُت چُھ، تمس نفرس پزِ کاہنس نِشہ دُبارٕ گژھن۔8کاہن کرِ تمس ملاحظ، ہرگاہ سُہ زخم آسہ واریہس مُسلس تیلیمُت، یہِ چُھ میونٛد، کاہن کرِ اعلان زِ سُہ نفر چُھنہٕ باقی لوٗکن سٟتؠ روزنس لایق۔9ییٚلہِ کٲنسہِ تہِ نفرس میونٛد آسہ کانٛہہ اکھ گژھِ تمس کاہنس نش أننُ۔10کاہن گژھِ تمس ملاحظ کرُن۔ ہرگاہ مُسلس سفید ورم آسہ یمہِ سٟتؠ وال آسن سفید گٲمٕتؠ بیٚیہِ تتھ جایہِ ہنٛدِس مازس آسہ دگ،11تیلہِ چھِ یہِ مُسلچ اکھ ہمیشہ روٗزن واجِنؠ بٮ۪مٲرؠ؛ کاہن کرِ اعلان زِ سُہ نفر چُھنہٕ باقی لوٗکن سٟتؠ روٗزنس لایق ٹھیک۔ کاہنس چُھنہٕ پتہٕ ضروری زِ سُہ تھوِ تمس باقی لوٗکو نِشہ سٔتن دوٚہُن دوٗر یُتھ سُہ تمس بیٚیہِ ملاحظ کرِ، تکیازِ تمس چھِ برونٛٹھۓ پتاہ زِ سُہ نفر چُھنہٕ باقی لوٗکن سٟتؠ روٗزنس لایق ٹھیک۔12ہرگاہ سۅ بٮ۪مٲرؠ کٲنسہِ ہنٛدِس سٲرسےٕ بدنس پھہلیہِ، تہٕ کاہن کرِ تمس ملاحظ تہٕ وچھِ زِ سۅ بٮ۪مٲرؠ چھِ تمؠ سٕنٛدِ کٔلہٕ پؠٹھ تمؠ سنٛدین کھۅرن تام پھہلیمٕژ،13تہٕ تمہِ سٟتؠ چُھ تمؠ سُنٛد سورے مُسلہٕ سفید گوٚومُت یُس یہِ ہاوِ زِ دوٗد چُھ ختم سٕپدمُت، کاہن کرِ اعلان زِ تمس نفرس چُھنہٕ لوٗکن نِشہ دوٗر روٗزنُ۔14مگر تمس نفرٕ سٕنٛدؠ زخم کُھلہٕ آسن، تمس چھِ مُلس لٲگ دار بٮ۪مٲرؠ۔15ییٚلہِ کاہن تہِ وُچھِ سُہ گژھِ اعلان کرُن زِ تمس نفرس چھِ اکھ لٲگ دار بٮ۪مٲرؠ تہٕ سُہ چُھنہٕ لوٗکن سٟتؠ روٗزنس لایق۔16ہرگاہ تمؠ سٕنٛدِس مازس منٛز تبدیلی آیہِ تہٕ سُپد سفید، سُہ گژھِ کاہنس نِشہ دُبارٕ واتُن۔17کاہن کرِ تمس دُبارٕ ملاحظ، تہٕ ہرگاہ تمؠ سٕنٛدؠ زخم آسن سفید گٲمتؠ، کاہن کرِ اعلان زِ یہِ نفر چُھ باقی لوٗکن سٟتؠ بیٚیہِ روٗزنس لایق۔18ییٚلہِ کٲنٛسہِ ہنٛدِس مُلس پؠٹھ اکھ پھیٚپھر آسہ تہٕ وۅنؠ آسہ بٔلیومُت،19مگر تتھ پھیُپھرچہِ جایہِ آسہ وۅنؠ سفید ورم یا اکھ چمکہٕ وُن داغ، سُہ گژھِ کاہنس نِشہ واتُن۔20کاہنس چُھ تمس ملاحظ کرُن۔ ہرگاہ تمس یہِ باسہِ زِ سُہ چُھ مُسلہٕ کھۅتہٕ بوٗن تہٕ امکؠ وال چھِ سفید گٲمٕتؠ، یہِ چھِ اکھ لٲگ دار بٮ۪مٲرؠ یوس پھیپھرچہِ جایہِ پٲدٕ گٔمٕژ چھِ۔ کاہن گژھِ اعلان کرُن زِ سُہ نفر چُھنہٕ لوٗکن سٟتؠ روٗزنس لایق۔21ییٚلہِ کاہنس تتھ ملاحظ کرنہٕ، اگر تمؠ وُچھ زِ تتھ داغس منٛز چُھنہٕ کانٛہہ تہِ سفید وال، تہٕ تس سُپد مولوم زِ مُسلچ چمک چھِ کم گٕمژ، پتہٕ رٹہِ کاہن تمس سٔتن دوٚہُن لوٗکن نِشہ دوٗر۔22ہرگاہ سُہ پھہلان آسہ، یہِ چھِ تیلہِ لٲگ دار، تہٕ کاہنس پزِ اعلان کرُن زِ سُہ نفر چُھنہٕ باقی لوٗکن سٟتؠ روٗزنس لایق۔23ہرگاہ تتھ داغس منٛز چھِنہٕ کانٛہہ تبدیلی آمٕژ بیٚیہِ چُھنہٕ پھہلیومُت، تیلہِ چُھ یہٕ پھیپھرُک صرف اکھ داغ، تہٕ کاہن کرِ اعلان زِ سُہ نفر چُھ دُبارٕ لوٗکن سٟتؠ روٗزنس لایق۔24ییٚلہِ کانٛسہِ مسلس پؠٹھ دٔوٚدمُت چُھ تہٕ دٔزن داغ ییہِ چمکہٕ وُن یا سفید بوٚزنہٕ، تہٕ تمہِ جایہِ ہنٛدِس مازس آسہ تکلیف دِوان،25کاہن کرِ تتھ داغس ملاحظ۔ ہرگاہ تتھ داغس پؠٹھ آسن وال سفید گٲمٕتؠ بیٚیہِ آسہ مسلہٕ کھۅتہٕ بوٚن، تیلہِ چھِ یہِ مسلچ اکھ لٲگ دار بٮ۪مٲرؠ یوس دزنچ جایہِ ظٲہر گٲمٕژ چھِ، تہٕ کاہنس پزِ اعلان کرُن زِ سُہ نفر چُھنہٕ باقی لوٗکن سٟتؠ روٗزنس لایق۔26ہرگاہ کاہنس ملاحظ کرنہٕ پتہٕ وچھِ زِ تتھ داغس پؠٹھ چُھنہٕ کانٛہہ تہٕ وال سفید تہٕ یہِ چُھ صرف مسلس پؠٹھے یوٚت، بیٚیہِ چُھ داغ ژوٚلمُت، کاہن رٹہِ تمس نفرس باقی لوٗکو نِشہ سٔتن دوٚہُن دوٗر۔27ستتھ دوٚہہ نیرِتھ کرِ کاہن تمس دُبارٕ ملاحظ۔ ہرگاہ سُہ زخم پھہلان آسہ، تیلہِ چھِ یہِ مسلچ اکھ لٲگ دار بٮ۪مٲرؠ، تہٕ کاہن کرِ اعلان زِ سُہ نفر چُھنہٕ لوٗکن سٟتؠ روٗزنس لایق۔28بہرحال، ہرگاہ داغس منٛز چھِنہٕ کانٛہہ تہِ تبدیلی آمٕژ بیٚیہِ چُھنہٕ پھہلیوومُت بلکہِ چُھ ژوٚلمُت، تیلہِ چُھ یہِ دٔزن داغ؛ کاہنس پزِ اعلان کرُن زِ سُہ نفر چُھ لوٗکن سٟتؠ روٗزنس لایق۔29ہرگاہ أکس مردس یا أکس زنانہِ کٔلس پؠٹھ یا ہوٚنگٕنہِ پؠٹھ اکھ زخم آسہ،30کاہنس پزِ تس نفرس ملاحظ کرُن۔ ہرگاہ سُہ داغ مسلہٕ کھۅتہٕ بوٚن باسہِ بیٚیہِ آسہ تتھ جایہِ پؠٹھ وال کم گٲمتٕؠ بیٚیہِ آسن زرد سُپدیمُت، تیلہِ چھِ یہِ مسلچ اکھ لٲگ دار بٮ۪مٲرؠ یۅسہ خٲرش پٲدٕ کرن چھِ۔ تتھ معاملس منٛز پزِ کاہنس اعلان کرُن زِ سُہ نفر چُھنہٕ باقی لوٗکن سٟتؠ روٗزنس لایق۔31مگر ییٚلہِ کاہن تمہِ قسمٕکس زخمس ملاحظ کرِ، ہرگاہ تس باسہِ زِ سُہ چُھ صرف مسلس پؠٹھ تہٕ تتھ پؠٹھ چُھنہٕ کانٛہہ تہٕ صحت منٛد وال، کاہن رٹہِ تمس سٔتن دوٚہُن باقی لوٗکو نِشہ دوٗر۔32کاہن کرِ تتھ زخمس سٔتمِس دوٚہس پؠٹھ دُبارٕ ملاحظ۔ ہرگاہ یہِ آسہ نہٕ پھہلیوومُت بیٚیہِ آسہ نہٕ تتھ جایہِ منٛز کانٛہہ تہِ وال زرد، بیٚیہِ ہرگاہ باسہِ زِ یہِ چُھ صرف مسلس پؠٹھ،33تمس نفرس پزِ زخمس نکھٕ وال کٲسنؠ نہٕ کہ تِم وال یِم زخمس پؠٹھ آسن۔ کاہن رٹہِ تمس نفرس بیٚیہِ سٔتن دوٚہُن لوٗکو نِشہ دوٗر۔34سٔتؠ مس دوٚہس پؠٹھ کرِ کاہن تتھ دٲدِس دُبارٕ ملاحظ۔ ہرگاہ سُہ آسہ نہٕ پھہلیوومُت بیٚیہِ باسہِ یہِ چُھ مسلس پؠٹھؠ کِنؠ، کاہن کرِ اعلان زِ سُہ نفر چُھ بیٚیہِ لوٗکن سٟتؠ روٗزنس لایق۔ سُہ نفر چھلہِ پننٕؠ پلو، پتہٕ ہیٚکہ باقی لوٗکن سٟتؠ شٲمل گژھتھ۔35ہرگاہ سُہ زخم پھہلیوو پتہٕ،36کاہن کرِ تمس بیٚیہِ ملاحظ۔ ہرگاہ سۅ خٲرِش پھہلیمژٕ چھِ، کاہنس چھِنہٕ زرد وال تلاش کرنچ ضروٗرت، تکیازِ یہِ چُھ صاف ظٲہر زِ تس نفرس چھِ مسلچ اکھ لٲگ دار بٮ۪مٲرؠ۔37ہرگاہ کاہنس فِکرِ توٚر زِ داغس منٛز چُھنہٕ تبدیلی آمژٕ بیٚیہِ چھِ تتھ جایہِ منٛز صحت منٛد وال کھسان، یہِ چُھ صاف ظٲہر زِ خٲرِش چھِ بلیمژٕ، تہٕ کاہن کرِ اعلان زِ سُہ نفر چُھ دُبارٕ لوٗکن سٟتؠ روٗزنس لایق۔38ییٚلہِ أکس مردس یا أکس زنانہِ مسلس پؠٹھ سفید داغ آسن،39کاہنس پزِ تِمن ملاحظ کرُن۔ ہرگاہ تِم داغ گٔٹؠ سفید چھِ، یہِ چُھ صرف اکھ زہرٕباد تہٕ کاہن کرِ اعلان زِ سُہ نفر چُھ باقی لوٗکن سٟتؠ روٗزنس لایق۔40ہرگاہ کٲنٛسہِ مردس کٔلس مس نیرِتھ ژوٚل تہٕ بنوو کھوٚر، تمس چھِنہٕ باقی لوٗکن نِشہ دوٗر روزنٕچ ضروٗرت۔41ہرگاہ تمؠ سٕنٛدِس کٔلس چُھ برونٛٹھِ انٛدٕ مسَ نیرِیتھ ژوٗلمُت تہٕ تمؠ سُنٛد ڈؠکہٕ چُھ کھوٚر بنیمُت، ییہِ چُھ تمس باپتھ ٹھیک۔42پوٚز ہرگاہ تمؠ سٕنٛدِس ٹؠنہِ کٔلس یا تمؠ سٕنٛدِس ڈؠکس پؠٹھ اکھ چمکہٕ ون زخم آسہ، تیلہِ چھِ تمس مسلچ اکھ لٲگ دار بٮ۪مٲرؠ۔43کاہن کرِ تمس ملاحظ۔ ہرگاہ ورمہٕ دار زخم اکھ چمکہٕ ون داغ چُھ یتھٕ پٲٹھؠ تمس أکس نفرس یمِس مسلچؠ اکھ لٲگ دار بٮ۪مٲرؠ آسہ،44کاہن کرِ اعلان زِ تسَ نفرس چھِ مسلچ اکھ لٲگ دار بٮ۪مٲرؠ تہٕ سُہ نفر چُھنہٕ باقی لوٗکن سٟتؠ روٗزنس لایق۔45یمِس أکس مسلچ اکھ لٲگ دار بٮ۪مٲرؠ چھِ تمس پزن ژھنمٕتؠ پلو لاگنؠ بیٚیہِ گژھِنہٕ پننؠس مستس کٲنگوٗو والُن۔ ییٚلہِ سُہ لوٗکن نکھٕ آسہ تمس پزِ پننُ ٲس بند تھون تہٕ کرؠکھ دِنؠ، "مےٚ نکھٕ مہَ یِیو! مےٚ چھِ مسلچ اکھ لاگ دار بؠمارؠ!"46تمس چُھنہٕ باقی لوٗکن سٟتؠ روزنُک اجازت یوٚت تام تمس سۅ بٮ۪مٲرؠ چھِ۔ سُہ گژھِ ڈیرس نیٚبرٕ کنہِ کُنے زوٚن روٗزُن۔"47کُنہِ ساعتہٕ چھِ کٲنٛسہِ نفرٕ سنٛدین پلون لاوٕ لگن۔ تِم پلو ہیکؠن ییرٕکؠ یا زٲیلہِ کپرکؠ یا دٲلکؠ یا بیٚیہِ کُنہِ چیزکؠ ٲسِتھ یِمن منٛز دٲلہٕ آسہ۔49ہرگاہ اُلودٕ حصہٕ سٔبز یا سُرخ چُھ، تتہِ چُھ کیوٚم پھہلن، تہٕ مٲلکھ گژھِ تہِ أکس کاہنس ہاون۔50کاہن گژھِ تتھ ملاحظ کرُن، پتہٕ گژھِ تتھ پانے سٔتن دوٚہُن أکس الگ جایہِ تھاوُن۔51سٔتمہِ دوٚہہ کرِ سُہ اتھ بیٚیہِ ملاحظ۔ ہرگاہ سُہ لاوٕ آسہ پھہلیووٚمُت، تیلہِ چُھ یہِ صاف ظٲہر سُہ چُھ لاوٕ یُس تتھ سارسے تباہ کرن چُھ یہِ تتھ پؠٹھ آسہ تہٕ سُہ پلو یا کانٛہہ تہِ چیز گژھِنہٕ دُبارٕ استعمال کرُن۔52تمیٛک مٲلکھ گژھِ سُہ چیز پوٚرٕ پٲٹھؠ زالُن یتھ پؠٹھ لاوٕ چُھ، ییر یا یہِ کانٛہہ تہٕ چیز تہِ آسہ۔53ہرگاہ کاہنس ملاحظ کرِتھ وچھِ زِ لاوٕ چُھنہٕ پھہلیووٚمُت،54سُہ گژھِ تمس نفرس ونُن زِ سُہ چھلہِ یہِ۔ پتہٕ گژھٕ سُہ تتھ الگ جایہِ سٔتن دوٚہُن تھاوُن۔55کاہن گژھِ تتھ لاوٕ لٔگؠ مِتس چیزس چھلنہٕ پتہٕ ستہِ دوٚہہ ملاحظ کرُن۔ ہرگاہ لاوٕکِس رنگس منٛز آسہ نہٕ کانٛہہ تبدیلی آمٕژ، اگرچہ یہِ پھہلیووٚمُت آسہ نہٕ، سُہ چیز گژھِ نہٕ دُبارٕ استعمال کرُن۔ یہِ چُھ نہٕ مسلہٕ زِ لاوٕ چھا چیزس اندرؠ کِنؠ یا نیٚبرؠ کِنؠ۔ سُہ گژھِ زالنہٕ یُن۔56ییٚلہِ کاہن تتھ چھلنہٕ پتہٕ ملاحظ کرِ، ہرگاہ لاوٕ آسہ گوٚٹ گوٚومُت سُہ گژھِ تمیٛکُ سُہ حصہٕ ژٹُن یتھ پؠٹھ لاوٕ اوس۔57ہرگاہ سُہ لاوٕ تتھ چیزس پؠٹھ دُبارٕ ظٲہر سپدِ، تیلہِ چُھ صاف ظٲہر زِ یہِ چُھ پھٔہلن، تہٕ مٲلکھ گژھِ سُہ چیز پوٚرٕ پٲٹھؠ زالُن۔58ہرگاہ چھلنہٕ پتہٕ گوٚو لاوٕ تمہِ پلوٕ پؠٹھٕ غٲب، مٲلکھ گژھِ سُہ پلو دُبارٕ چھلُن پتہٕ ہیکس دُبارٕ استعمال کرِتھ۔59یِم چھِ تِم ہدایات تِمن چیزن متلق یِم ییرٕکؠ یا زٲویلہ کپرکؠ یا دٲلکؠ بنیمِت آسن یِمن پؠٹھ لاوٕ آسہ، یہِ طے کرنہٕ باپتھ زِ مٲلکس پزناہ زِ تِم چیز استعمال کرِن کنہٕ نہٕ۔
Bridge Connectivity Solutions Pvt. Ltd.