প্রকাশ19
1আকো নোইতাহা কাহা লোডিংবাকো উইসে য়ায়া-য়ুয়ুওয়াসো সাডিংপা ঙামসা এপা জাংমবেপা হিংয়ে, “হাল্লেলুইয়া! মুক্তি, মহিমা আসা সেহা কাবিকো সেংজাকোগা,2হাংপাতানাহা আকো ইন্সাফহা আজিপ্পা আসা ন্যায়রে ঠিক নিও। বাসিমতিকো তাংসাহিং আপনিকো নুংনাংওয়াসো দাংপাওয়া আকু টেবো নুংনাংরিহিংয়া আকুহা দন্ড পিচামি নিও, আসা আকো ডেইয়াবিকো য়ুতিকো বাদলা লাংপুনতেমি নিও।”3আবিহা ন্যাসারাং ইকোই সাডিংপা ঙামসা জাংয়ে, “হাল্লেলুইয়া! আকু টেবো শহরকো ওংপুওয়াকো মুদুইহা হাত্রংদো তোইতা হোদিংমি নিও।”4আসা আকু ইকাইসো ডিচো মাটা ওয়ারাংপাবি আসা আকু ডিপু ঙাজ্যইং সেংচেংবিহা চুনুইমসা গাদিংতা গাদিংওয়া নিওয়া সেংজাহিং এপা জাংমসা নোংয়ে, “আমেন, হাল্লেলুইয়া!”5আত্রংহা গাদিংসো এপা জাংদিংওয়া ইচো শব্দ লেয়ে, “কাবিকো সেংজাকো প্রশংসা জো, আকো তাংসা ডেইয়াবাই, নাবি চিয়োওয়া আসা ডিয়োওয়াবাই, হাংসু আকোসো চুসুংমমে।”6আকো নোইতাহা ইচো টেবো য়ায়া-য়ুয়ুওয়া দিংঙাবিকো শব্দ ত্যাবাপা কা হিংয়ে, তোইসো হুইওয়া তিকো আওয়াজ আসা উইসে সে নিক্যইওয়া ডিংবা গারাং-গুরুংপা খ্যাওয়া আওয়াজ ত্যাবাপা কা হিংয়ে, হাংসু এপা জাংদিংমমে: “হাল্লেলুইয়া! হাংপাতানাহা প্রভু কাবিকো সেংজা সে নিওয়াহা রাজ জোদিংয়ো।7য়াংবিহা য়াংতাসুরো আসা সিওপারাং গাগ্রুসুরো,আসা আকুহিং মহিমা পিচারো!হাপাতানাহা লুকাকো বিয়ৌকো দিন ওয়াংমি নিও,আসা আকো বিয়ৌলিহা আপনিরাং তৈয়ার জিংমি নিও।8চাইচাইক্যইওয়া আসা সফা আংদুং লুকো আকুহিংয়া পিচায়ে।”
চাইচাইক্যইওয়া সফা আংদুংহা পবিত্র দিংঙাবিকো তাংজিকো কামগা।9আসা আকু লোডিংবাকো পোইংহা কাহিং জাংয়ে, “আকু লা, লুকাকো বিয়ৌকো ভোজতা নিমতো মুংমবিহা আশিষিতগা।” আকুহা ন্যাসারাং কাহিং জাংয়ে, “সেংজাকো আজিপ্পাকো য়্যইদিবিহা ইরাংগা।”10আসা আকুহিং নোংকো কাহা আকো কোকোই কাটুতা চুনুইয়ে, আদো আকুহা কাহিংয়া জাংয়ে, “নাতিহা কাহিংয়া এপা জোমতুরোওয়া। কা ইশুকো গাওয়াইহিং প্যইমসা এওয়া নাকো এবিকো আসা নাকো ব্যারো ডেইয়া মেংচেগা। সেংজাকো নাগাইতা মেংচে চুনুই! হাংসু হাংসু ইশুকো বিষয়তা জাংমিনি, আকুহা সেংজাকো লাংবেকো সেসো জাংওয়া নিমগা।”11কাহা লোডিংবা ওয়েওয়া তিংয়ে আসা আউতাহা হাংপাওয়া ইপু ওইংঙা নিমি। আকো তোইতা বাইপামসা লেপাদাংওয়াহা “দেংকো ছুওয়া” আসা “আজিপ্পা” তানেরোওয়া। আকুহা ঠিক ইন্সাফ জোরোওয়া আসা লুইসুরোওয়া।12আকো মিচোহা মেহকো মিজাই ত্যাবাপা নিমি, আসা আকো পোরোতাহা জাইপুকো লুওয়া উইসে মুকুট নিমি। আকু ওইংঙা বাইপাওয়াকোতাহা ইচো মিং লামি নিমি, আকুহা আকু ল্যামসা দোসরা হাংসুরে মানাইমি।13আকুহা য়ুতিতা বুজপুওয়া আংদুং লুওয়া নিমি, আসা আকো মিংহা “সেংজাকো য়্যইদি” নিমি।14লোডিংবাকো সিপাইবিহা হাংপাওয়া আসা সফা মলমলকো আংদুং লুমসা হাংপাওয়া ওইংঙাবিতা বাইপুমসা আকো নুনুই নুনুই হোপুইয়ে।15আকো নামুসোহা জ্যা-জ্যাবিহিং চেহওয়া বিংবিংক্যইওয়া তালওয়ার নোচাংমি, আসা আকুহা চাকো দ্যইসো আবিকো তোইতা অধিকার জোরোওয়া। সে নিওয়া সেংজাহা আংগুরহিং ছুইমসা সাইতি নোপামি ত্যাবাপা আকুহা আবিহিংয়া হুইংদ্যারোওয়া।16আকো আংদুং আসা ওয়াইবেতা “জাইপুকো জাইপু আসা গিরিবিকো গিরিগা” তামসা লাওয়া নিমি।17আত্রংহা কাহা ইচো লোডিংবাকো পোইংহিং সানিতা জাদিংওয়া তিংয়ে। আকুহা ডিংবাতা ভুইওয়া তাংসা সিগুংবিহিং সাডিংপা ঙামসা এপা জাংয়ে, “লেই, সেংজাকো টেবো ভোজতা জমা জিং।18নাবিহা জাইপুবি, কেপ্ট্যাইনবি, সে নিওয়া দিংঙাবি আসা ওইংঙাবি আসা আউতা বাইমবি, গিরি আসা ডেইয়া-ডেইয়ামেবি, ডিয়োমবি আসা চিয়োমবি তাংসাকো বিয়া চা।”19আত্রংহা কাহা আকু সেংচেং আসা বাসিমতিকো জাইপুবি আসা আকো সিপাইবিহিং তিংয়ে। আবিহা আকু ওইংঙাতা বাইওয়া আসা আকো সিপাইবিহিংপা লুইসুকো জমা জিংওয়া কাহা তিংয়ে।20আত্রংহা আকু সেংচেংহা প্যইচপুয়ে আসা আকুহিংপা আআংপেপেচপুওয়া কাম জোওয়া আসা প্যায়োং য়্যইওয়া অগমবক্তাহিংনে প্যইচপুয়ে। ই প্যায়োং য়্যইওয়া অগমবক্তাহা ই আআংপেপেচপুওয়া কামবিহা সেংচেংকো কাটুসো জোওয়া নিমগা। ই আআংপেপেচপুওয়া কামসোহা আবিহা আকু সেংচেংকো ছাপ লাগাইওয়া আসা মুর্তিহিং হুইওয়াবিহিংয়া ল্যহপাওয়া নিমি। ইবি নিদ্যাসারাং সেংচেং আসা প্যায়োং য়্যইওয়া অগমবক্তাহিংয়া গন্দকসো লালাইদিংওয়া হোরোংবাকো মেহতা ঙাজ্যইংরাং বাডোইচপুয়ে।21আসা আবিকো সিপাইবিহা আকু হাংপাওয়া ওইংঙাকো তোইতা বাইওয়াকো নামুসো নোওয়া তালওয়ারসো সিপুয়ে, আসা তাংসা সিগুংবিহা আকো বিয়া গাইক্যইপা চায়ে।
চাইচাইক্যইওয়া সফা আংদুংহা পবিত্র দিংঙাবিকো তাংজিকো কামগা।9আসা আকু লোডিংবাকো পোইংহা কাহিং জাংয়ে, “আকু লা, লুকাকো বিয়ৌকো ভোজতা নিমতো মুংমবিহা আশিষিতগা।” আকুহা ন্যাসারাং কাহিং জাংয়ে, “সেংজাকো আজিপ্পাকো য়্যইদিবিহা ইরাংগা।”10আসা আকুহিং নোংকো কাহা আকো কোকোই কাটুতা চুনুইয়ে, আদো আকুহা কাহিংয়া জাংয়ে, “নাতিহা কাহিংয়া এপা জোমতুরোওয়া। কা ইশুকো গাওয়াইহিং প্যইমসা এওয়া নাকো এবিকো আসা নাকো ব্যারো ডেইয়া মেংচেগা। সেংজাকো নাগাইতা মেংচে চুনুই! হাংসু হাংসু ইশুকো বিষয়তা জাংমিনি, আকুহা সেংজাকো লাংবেকো সেসো জাংওয়া নিমগা।”11কাহা লোডিংবা ওয়েওয়া তিংয়ে আসা আউতাহা হাংপাওয়া ইপু ওইংঙা নিমি। আকো তোইতা বাইপামসা লেপাদাংওয়াহা “দেংকো ছুওয়া” আসা “আজিপ্পা” তানেরোওয়া। আকুহা ঠিক ইন্সাফ জোরোওয়া আসা লুইসুরোওয়া।12আকো মিচোহা মেহকো মিজাই ত্যাবাপা নিমি, আসা আকো পোরোতাহা জাইপুকো লুওয়া উইসে মুকুট নিমি। আকু ওইংঙা বাইপাওয়াকোতাহা ইচো মিং লামি নিমি, আকুহা আকু ল্যামসা দোসরা হাংসুরে মানাইমি।13আকুহা য়ুতিতা বুজপুওয়া আংদুং লুওয়া নিমি, আসা আকো মিংহা “সেংজাকো য়্যইদি” নিমি।14লোডিংবাকো সিপাইবিহা হাংপাওয়া আসা সফা মলমলকো আংদুং লুমসা হাংপাওয়া ওইংঙাবিতা বাইপুমসা আকো নুনুই নুনুই হোপুইয়ে।15আকো নামুসোহা জ্যা-জ্যাবিহিং চেহওয়া বিংবিংক্যইওয়া তালওয়ার নোচাংমি, আসা আকুহা চাকো দ্যইসো আবিকো তোইতা অধিকার জোরোওয়া। সে নিওয়া সেংজাহা আংগুরহিং ছুইমসা সাইতি নোপামি ত্যাবাপা আকুহা আবিহিংয়া হুইংদ্যারোওয়া।16আকো আংদুং আসা ওয়াইবেতা “জাইপুকো জাইপু আসা গিরিবিকো গিরিগা” তামসা লাওয়া নিমি।17আত্রংহা কাহা ইচো লোডিংবাকো পোইংহিং সানিতা জাদিংওয়া তিংয়ে। আকুহা ডিংবাতা ভুইওয়া তাংসা সিগুংবিহিং সাডিংপা ঙামসা এপা জাংয়ে, “লেই, সেংজাকো টেবো ভোজতা জমা জিং।18নাবিহা জাইপুবি, কেপ্ট্যাইনবি, সে নিওয়া দিংঙাবি আসা ওইংঙাবি আসা আউতা বাইমবি, গিরি আসা ডেইয়া-ডেইয়ামেবি, ডিয়োমবি আসা চিয়োমবি তাংসাকো বিয়া চা।”19আত্রংহা কাহা আকু সেংচেং আসা বাসিমতিকো জাইপুবি আসা আকো সিপাইবিহিং তিংয়ে। আবিহা আকু ওইংঙাতা বাইওয়া আসা আকো সিপাইবিহিংপা লুইসুকো জমা জিংওয়া কাহা তিংয়ে।20আত্রংহা আকু সেংচেংহা প্যইচপুয়ে আসা আকুহিংপা আআংপেপেচপুওয়া কাম জোওয়া আসা প্যায়োং য়্যইওয়া অগমবক্তাহিংনে প্যইচপুয়ে। ই প্যায়োং য়্যইওয়া অগমবক্তাহা ই আআংপেপেচপুওয়া কামবিহা সেংচেংকো কাটুসো জোওয়া নিমগা। ই আআংপেপেচপুওয়া কামসোহা আবিহা আকু সেংচেংকো ছাপ লাগাইওয়া আসা মুর্তিহিং হুইওয়াবিহিংয়া ল্যহপাওয়া নিমি। ইবি নিদ্যাসারাং সেংচেং আসা প্যায়োং য়্যইওয়া অগমবক্তাহিংয়া গন্দকসো লালাইদিংওয়া হোরোংবাকো মেহতা ঙাজ্যইংরাং বাডোইচপুয়ে।21আসা আবিকো সিপাইবিহা আকু হাংপাওয়া ওইংঙাকো তোইতা বাইওয়াকো নামুসো নোওয়া তালওয়ারসো সিপুয়ে, আসা তাংসা সিগুংবিহা আকো বিয়া গাইক্যইপা চায়ে।
The Seed Company