য়হোশু19
1দোসরা ভাগহা শিমিয়োনকো জিরিকো প্যাপ্যাম্যাম্যাকো সোতা লাগাইয়ে। আকো কাটুহা য়হুদাকো জিরিহিং পিচাওয়া জায়গাকো নাপোকো কাটু নিমগা।2আকো নাপোতাহা বের্শবা, শেবা, মোলাদা,3হসর-শুআল, বালা, এসেম,4এল্টোলোত, বতুল, হোর্মা,5সিক্লক, বেথ-মর্কাবোত, হসর-সুসা,6বেথ-লবাঅৗত আসা শারুহেন, ই তেরোরা শহরবিহা আকো হুরাপা নিওয়া লোইবিপারাং নিমগা।7ই দিচো শহরবি – এন, রিম্মোন, এতের আসা আসানরে আকো হুরাপা নিওয়া লোইবিহিংপারাং নিমি।8আকু নাপোকো আকো শহরকো হুরাপা নিওয়া লোইবিহা ম্যাব্যা কাটুকো বালাত-বেঅৗর (অর্থাৎ রামা) চোইপারাং পরেমগা। ই জায়গারাং শিমিয়োন জিরিকো প্যাপ্যাম্যাম্যাবিহা আপনিকো উত্তরাধিকারকো রুপতা মুংচায়ে।9য়হুদাকো ভাগতা পিচাওয়া মোংটোহা আবিহিং ঘ্যইওয়ারোমা সিওপা নিমগা, আকো সোতা আকো মোংটোকো এক ভাগহা শিমিয়োনকো জিরিহিং পিচাপুয়ে।10তেস্রো ভাগহা জবুলুনকো জিরিকো প্যাপ্যাম্যাম্যাবিহিং পোপায়ে। আবিকো মুংচাওয়া মোংটোহা সারীদ চোইপা দেকাওয়া নিমগা।11আউসোহা লুংবিহা দিব্যা কাটু মরলা চোইপা দবেশেত আসা য়োক্নামকো নুব্যাকো হোক্রা জিংপুমসা হ্যাপুমগা।12সারীদকো ইদ্যা কাটুতাহা, আকু নুব্যাতাহা কিস্লোত-তবোরকো লুংবিসোহা দাবরত জিংপুমসা য়াপি চোইপা দেকামগা।13আউসোহা আকো নুব্যা কাটু জিংপুমসা গাত-হেপের আসা ইথ-কাসীন চোইয়ামসা রিম্মোন হোওয়া ন্যাতাতা নেআ কাটুতা হোপুওয়া নিমগা।14দ্যাব্যা কাটুকো লুংবিহা হন্নতোন কাটুতা দেকামসা য়িপ্তাহএল ওয়াংবোইতা ত্যইপুমগা।15আকো নাপোতা কাথাথ, নহলল, শিম্রোন, ইদলাহ আসা বেথলেহেম পরেমগা। ই বার্চো শহরবিরে হুরাপা নিওয়া লোইবিহিংপারাং নিমগা।16ই শহর আসা লোইবিহা জবুলুন জিরিকো প্যাপ্যাম্যাম্যাবিহা অধিকার রুপতা মুংচাওয়া ই জায়গাবিকো নাপোতা পরেমগা।17আকু দিদ্যা কাটুকো ভাগহা ইস্সাখারকো জিরিকো প্যাপ্যাম্যাম্যাবিহিং পিচাকো লারাংসা এয়ে।18ইকো আবেইবিতাহা য়িজ্রেল, কসিল্লোত, শুনেম,19হপরৈম, শিঅৗন, অনারাহত,20রব্বিত, কিশ্য়োন, এবেশ,21রেমেত, এন-গন্নিম, এন-হদ্দা আসা বেথ-পসেস পরেমগা।22ই লুংবিহা তবোর, শহসুমা, আসা বেথ-শেমেশ জিংপুমসা য়র্দনতা ত্যইমগা। আকো নাপোতাহা ষোল্লোরা শহরবি আসা আকো আবেই আবেইকো লোইবিপারাং পরেমগা।23ই শহরবি লোইবিহা ইস্সাখারকো জিরিকো প্যাপ্যাম্যাম্যাবিহা আপনিকো পুংজিকো রুপতা মুংচাওয়া জায়গাকো নাপোতা পরেওয়া নিমগা।24ঙাদ্যা কাটুহা আশেরকো জিরিকো প্যাপ্যাম্যাম্যাবিহিং পিচাকো লারাংসা এয়ে।25আকো জায়গাহা হেল্কত, হলো, বেতেন, অক্ছাপ,26অল্লম্মেলেক, অমাত আসা মিশাল পরেমগা। দিব্যা কাটুতা নিওয়া আকো লুংবিহা কর্মল আসা শিহোর-লিব্নাত চোইপা দেকামগা।27নুব্যা কাটুকো লুংবিহা হুরাপুমসা বেথ-দাগোন কাটুতা হোমসা জবুলুন আসা য়িপ্তাহ-এলকো ওয়াংবোই জিংপুমসা দ্যাম্যা কাটু বেথ-এমেক আসা নিয়েল চোইপা দেকামগা। আউসোহা আকুহা দ্যাম্যা কাটুরাং কাবুল,28এব্রোন, রহোপ, হম্মোন আসা কনা জিংপুমসা মহাসিদোন চোইপা দেকামগা।29আকো নোইতাহা লুংবিহা রামা আসা গারাতিংওয়া কাটুসো হুরাপুমসা টুরোস শহরতা দেকামগা আসা আউসোহা হোসা কাটুসো হুরাপুমসা ভুমধ্য ঝাহাদি চোইপা দেকামগা। আকো লুংবিকো নাপোতাহা মহেবেল, অক্জিব,30উম্মা, অপেক আসা রহোপ পরেমগা। ই বাইসসোরা শহরবি আসা আবেই আবেইকো লোইবিপারাং নিমগা।31ই শহরবি আসা লোইবিহা আশের জিরিকো প্যাপ্যাম্যাম্যাবিহা পুংজিকো রুপতা মুংচাওয়া জায়গাবি নিমগা।32টুদ্যা ভাগহা নপ্তালিকো জিরিকো প্যাপ্যাম্যাম্যাবিহিং পোপিয়ে।33আকো লুংবিহা হেলেপসোহা সানন্নিমকো ফলাটকো সিংতেং অদামি-নেকেব আসা য়ব্নেল জিংপুমসা লক্কুম চোইপা হোমসা য়র্দনতা ত্যইমগা।34আউতাহা লুংবিকো দিব্যা কাটুহা অজ্নোত-তবোর কাটু হুরাপুমসা হুক্কোক জিংপুমসা ম্যাব্যা কাটু জবলুন চোইপা, দিব্যা আশের চোইপা আসা নুব্যা য়র্দন চোইপা দেকামগা।35গারাতিংওয়া শহরবিহা সিদ্দিম, সের, হম্মদ, রক্কত, কিন্নরেত,36অদামা, রামা, হাসোর,37কেদেশ, এদ্রই, এন-হাসোর,38য়িরোন, মিগ্দল-এল, হোরেম, বেথ-অনাত আসা বেত-শেমেশ নিমগা। ই উন্নিশসোরা শহরবিহিংপা হুরাপা নিওয়া লোইবিপারাং নিমগা।39ই শহরবি আসা লোইবিহা নপ্তালিকো জিরিকো প্যাপ্যাম্যাম্যাবিহা পুংজিকো রুপতা মুংচাওয়া জায়গাবিকো নাপোতা নিমগা।40নীচো ভাগহা দানকো জিরিকো প্যাপ্যাম্যাম্যাবিহিং পিচাকো সোতা লাংরাংসা এমি নিমগা।41আকো জায়গাকো নাপোতাহা সোরা, এস্তোল, ইর-শেমেশ,42শালবিন, অয়ালোন, ইত্লা,43এলোন, তিম্না, এক্রোন,44এল্তকে, গিব্বতোন, বালাত,45য়হুদ, বনে-বরক, গাত-রিম্মোন,46মে-য়রকোন, রক্কোন আসা য়োপ্পাকো হুরাপা নিওয়া জায়গাবি পরেমগা।47দানকো জিরিকো দিংঙাবিহা আপনিকো কাটুকো মোংটো ল্যাতেনেনুওয়া আবিহা লেশেমতা হোমসা আকুহিং হোমলা জোয়ে, আসা আকুহিং কব্জাতা লাংমসা আউতা য়ুংওয়া দিংঙাবিহিংয়া স্যাপুয়ে আসা আকু শহরহিংয়া আপনিকো বানাইচপুয়ে। আবিহা আউতা য়ুংসুয়ে আসা আকু শহরকো মিংহা লেশেমসোহা সোমসা আপনিকো আটাবিকো মিং সেইরাং দান এহে।48ই শহরবি আসা লোইবিহা দানকো জিরিকো প্যাপ্যাম্যাম্যাবি পুংজিকো রুপতা মুংচাওয়া জায়গাকো নাপোতা পরেমগা।49ইস্রাইলকো দিংঙাবিহা জায়গা পোসুপুনতেনুওয়া আকো এক ভাগহা নুনকো চেংওয়া য়হোশুহিং আপনিকো পুংজি বানাইকো পিচায়ে।50প্রভুসেংজাকো আজ্ঞা জোওয়া সেই আকো য়াওয়া শহর এফ্রাইমকো য়্যাগ্যইতা নিওয়া তিম্নত-সেহর আবিহা য়হোশুহিং পিচায়ে। আকুহা আউতা ন্যাসারাং শহর বানাইয়ে আসা আউতারাং য়ুংপুয়ে।51পাউ এলাজার, নুনকো চেংওয়া য়হোশু আসা ইস্রাইলি জিরিকো প্যাপ্যাম্যাম্যা-প্যাপ্যাম্যাম্যাকো অগুওয়াবিহা প্রভুসেংজাকো ইচ্ছা কোইকো চিট্টা বাডোইমসা শিলোতা প্রভুসেংজাকো পবিত্র তাম্বুকো লাপুং কাটুকো জায়গা পোমসা ই ভাগবি পোপিয়ে। এপারাং আবিহা জায়গা পোসুওয়া কামহা ত্যইপায়ে।
The Seed Company