Tarüa28
1CHAKRAMANG tek pe Mosi mih,2“Mami laiklow Israeluüa kowi kowtek pe diah: Chakkham uanap nam hown dow ang awmrawm reng chekhai. Naiawng rakowi maih kowi tikah mih uanap nachangla kownkow ang khowm bowkta mih akhin kowi enni nauang pawla chakkham reng kown takla.3CHAKRAMANG vüi ni towng kowh maih kowi tikah mih uanap nachangla kownkow paningchow mih ruapurla chah enni nauang pawla pre pum kown takla. Tawkchedow aser auowk naia uowi kown nadowi.4Lowk mih ruapurla chah dow rau-e khe enni naphuchuaah kown, now alowk mih ruapurla chah dow sat kup khe enni naphuchuaah kown.5Nami klen kowi kawmdi uanap chang müa kawmdi lang iung mih aset hown 400 gram enni nauang pawla kown takla. Nami kawmdi kowi dow enni nalawk pe kanrawn sau aset kown takla.6Mami ni towng kowh maih kowi tikah mih uanap dow Sinai hungh kowi uowi khe kowh thawpah mih rirow chekhai. Nami dow CHAKRAMANG vüi chakkham uanap chekhai. Nami uanap nam hown dow CHAKRAMANG awmrawm reng chekhai.7Phuchua ruapurla chah towng khamah mih uanap paw arak aset ngia enni naapla reng kown takla. Nami khamah mih uanap kowi kowh uanh dow CHAKRAMANG vüi taklowp taklangra te chimsaima mih viadawng kowi kowh phuchuara kowi enni nakhükah kown takla.8Alowk mih ruapurla chah dow sat kup khe enni naphuchuaah kown takla. Nami enni phuchua mih khin khe paw rau-e khe kowh iawng kawmdi uanap hai khamah mih uanap enni nachangla kown. Nami dow chakkham uanap chekhai. Nami uanap nam hown dow CHAKRAMANG awmrawm reng chekhai.9“Tanai Ni khe dow paningchow mih ruapurla chah enni naphuchua pre pum kown takla. Nami dow aser auowk naia uowi kown nadowi. Nami enni phuchua mih khin khe dow khamah mih uanap chang müa uanh hai kawmdi uanap chang müa kawmdi lang iung mih kowi kowh lawk pe kanrawn sau mih kawmdi paw pre set hown 800 gram enni naphuchuala kown takla.10Nami tikah mih uanap dow ni towng kowh uanap klen kowi paw enni nachangah kown mih chekhai.11“Lacher towng kowh auown ni kowi CHAKRAMANG vüi tikah mih uanap chang müa chiala pre pum, ruapurla papum hai paningchow mih ruapurla chah ranit pum enni naphuchua kown takla. Naiawngün tawncher dow aser auowk naia uowi kown nadowi.12Phuchua chiala towng kawmdi uanap chang müa kawmdi lang iung mih tali set hown 200 gram kowi kowh lawk pe kanrawn sau mih enni naphuchuala kown takla; phuchua ruapurla khe paw kawmdi lang iung mih sum set hown 600 gram kowi kowh lawk pe kanrawn sau mih enni naphuchuala kown, now phuchua ruapurla chah towng paw kawmdi lang iung mih aset hown 800 gram kowi kowh lawk pe kanrawn sau mih enni naphuchuala kown takla. Nami dow CHAKRAMANG vüi chakkham uanap chekhai. Nami uanap nam hown dow CHAKRAMANG awmrawm reng chekhai.14“Phuchua chiala towng khamah mih uanap chang müa grep tui pre set enni nauang pawla kown takla; phuchua ruapurla khe paw aset hown 300 gram enni nauang pawla kown takla, now phuchua ruapurla chah towng paw aset chi enni naphuchuala kown takla. Nami dow lacher towng kowh tikah mih uanap chekhai. Nami uanap dow ning towng kowh lacher towng enni nachang kown takla.15“Nami klen kowi paw angak lawt lük müa uanap vüi ruala enni nauang pawla apum kown takla. Naiawngün uanap dow ni towng kowh khowmta bowkta mih tikah mih uanap, kawmdi uanap hai khamah mih uanap klen kowi enni nachangah kown mih chekhai.16“Ning towng kowh la uown kowi lacher laitali ni mih ni khe CHAKRAMANG vüi enni nasun Takat Pawi kown takla.17Nami la lacher laitanga ni hownia bowt now The pe tuah dowi mih kawm Pawi nauown bowt kown. Nakhowk khe dow ranit ni mowr the pe tuah dowi mih kawm enni nacha kown takla.18Nami The pe tua dowi mih kawm Pawi auown ni khe dow chimsaima mih takua talawm khin enni nasunah kown takla; nami ni dow tawng lup paw enni naia chang kown nadowi.19Nami ni kowi CHAKRAMANG vüi chakkham uanap chang müa dow chiala pre pum, ruapurla papum hai paningchow mih ruapurla chah ranit pum enni nauang pawla kown takla. Naiawngün tawncher dow aser auowk naia uowi kown nadowi.20Phuchua chiala towng kawmdi uanap chang müa kawmdi lang iung mih tali set hown 200 gram kowi kowh lawk pe kanrawn sau mih enni naphuchuala kown takla; phuchua ruapurla khe paw kawmdi lang iung mih pre set hown 800 gram kowi kowh lawk pe kanrawn sau mih enni naphuchuala kown, now phuchua ruapurla chah towng paw kawmdi lang iung mih aset hown 400 gram kowi kowh lawk pe kanrawn sau mih enni naphuchuala kown takla.22Nami klen kowi paw angak lawt lük müa uanap vüi ruala enni nauang pawla apum kown takla.23Naiawngün uanap dow rau towng kowh khowmta bowkta mih tikah mih uanap klen kowi enni nachangah kown mih chekhai.24Naiawng hai ranit ni mowr ni towng CHAKRAMANG vüi chakkham uanap enni nachang kown takla. Nami uanap nam hown dow CHAKRAMANG awmrawm reng chekhai. Naiawngün uanap dow ni towng la towng kowh khowmta bowkta mih tikah mih uanap hai khamah mih uanap klen kowi enni nachangah kown mih chekhai.25Nami ranit ni mih ni kowi dow chimsaima mih takua talawm khin enni nasunah kown; nami ni dow tawng lup paw enni naia chang kown nadowi.26“Chamüng Pawk Pawi enni sun mih khin khe dow CHAKRAMANG vüi enni naphuchua luprak sar kown takla. Nami ni kowi dow chimsaima mih takua talawm khin enni nasunah kown takla. Nami ni dow tawng lup paw enni naia chang kown nadowi.27Nami ni dow chiala pre pum, ruapurla papum hai paningchow mih ruapurla chah ranit pum hown CHAKRAMANG naawmrawmla enni kownkow tikah mih uanap enni nachang kown. Nami uanap nam hown dow CHAKRAMANG awmrawm reng chekhai.28Phuchua chiala towng kawmdi uanap chang müa kawmdi lang iung mih tali set hown 200 gram kowi kowh lawk pe kanrawn sau mih enni naphuchuala kown takla; phuchua ruapurla khe paw kawmdi lang iung mih pre set hown 800 gram kowi kowh lawk pe kanrawn sau mih enni naphuchuala kown, now phuchua ruapurla chah towng paw kawmdi lang iung mih aset hown 400 gram kowi kowh lawk pe kanrawn sau mih enni naphuchuala kown takla.30Nami klen kowi paw angak lawt lük müa uanap vüi ruala enni nauang pawla apum kown takla.31Naiawngün uanap dow ni towng la towng kowh khowmta bowkta mih tikah mih uanap, kawmdi uanap hai khamah mih uanap klen kowi enni nachangah kown mih chekhai. Naiawngün uanap chang müa tawncher dow aser auowk naia uowi kown nadowi.
The Seed Company