Tarüa29
1“Ranit la kowi kowh ni uown dow chimsaima mih takua talawm khin enni nasunah kown. Nami ni khe dow tawng lup paw enni naia chang kown nadowi. Nami ni dow enni vüi baw tum ni naown kown.2Nami ni dow chiala pre pum, ruapurla papum hai paningchow mih ruapurla chah ranit pum hown CHAKRAMANG naawmrawmla enni kownkow maih kowi kowh tikah mih uanap enni nachang kown. Nami uanap nam hown dow CHAKRAMANG awmrawm reng chekhai. Naiawngün tawncher dow aser auowk naia uowi kown nadowi.3Now kawmdi uanap chang müa paw lawk pe kanrawn sau mih kawmdi aiungma mih tali set hown 200 gram chiala hown katsang enni nauang pawla kown takla. Ruapurla hown paw pre set hown 800 gram, now ruapurla chah hown paw apum kowi aset hown 400 gram chi enni nauang pawla kawmdi uanap kown takla.5Nami klen kowi paw angak lawt lük müa uanap vüi ruala enni nauang pawla apum kown takla.6Naiawngün uanap dow ni towng la towng kowh khowmta bowkta mih tikah mih uanap, kawmdi uanap hai khamah mih uanap klen kowi enni nachangah kown mih chekhai. Naiawngün dow CHAKRAMANG vüi chakkham uanap chekhai. Nami uanap nam hown dow CHAKRAMANG awmrawm reng chekhai.7“Ranit la kowi kowh hamüt ni khe paw chimsaima mih takua talawm khin enni nasunah kown takla. Nami ni khe paw enni naia chang lup kown nadowi, now angak hownia tarip mih krang natüngla kownkow khang pe hawm khükhü enni nakham ngare kown.8Nami ni khe CHAKRAMANG naawmrawmla enni kownkow chiala apum, ruapurla apum, now paningchow mih ruapurla chah ranit pum hown tikah mih uanap pawi enni nachang kown. Naiawngün tawncher dow aser auowk uowi dowi mih naown kown takla.9Now kawmdi uanap chang müa paw lawk pe kanrawn sau mih kawmdi aiungma mih tali set hown 200 gram chiala hown katsang enni nauang pawla kown takla. Ruapurla hown paw pre set hown 800 gram, now ruapurla chah hown paw apum kowi aset hown 400 gram chi enni nauang pawla kawmdi uanap kown takla.11Nami klen kowi paw angak lawt lük müa uanap vüi ruala enni nauang pawla apum kown takla. Naiawngün uanap dow ni towng la towng kowh khowmta bowkta mih angak lawt lük müa uanap, tikah mih uanap, kawmdi uanap hai khamah mih uanap klen kowi enni nachangah kown mih chekhai.12“Ranit la kowi kowh lacher laitanga ni khe paw chimsaima mih takua talawm khin enni nasunah kown takla. Nami ni khe tawng lup paw enni naia chang kown nadowi. Nami pawi dow ranit ni mowr CHAKRAMANG vüi enni nasunah kown takla. Nami dow CHAKRAMANG vüi kowi kowh Te Pawi chekhai.13Nami ni khe paw CHAKRAMANG naawmrawm enni kownkow chakkham uanap pawi enni nachang kown takla. Nami pawi uown ni khe dow nachangla tikah mih uanap kownkow chiala laisum pum, ruapurla pre pum, now paningchow mih ruapurla chah laitali pum enni nauang pawla kown. Naiawngün tawncher maten dow aser auowk naia uowi kown nadowi.14Now chiala maten vüi dow apum kowi kawmdi uanap chang müa kawmdi lang iung mih tali set hown 200 gram kowi kowh lawk pe kanrawn sau mih enni nauang pawla kown takla. Now ruapurla pre pum mih vüi paw apum kowi pre set hown 800 gram chi, now ruapurla chah maten vüi paw apum kowi aset hown 400 gram chi enni nauang pawla kawmdi uanap kown takla.16Nami klen kowi paw angak lawt lük müa uanap vüi ruala enni nauang pawla apum kown takla. Naiawngün uanap dow ni towng la towng kowh khowmta bowkta mih tikah mih uanap, kawmdi uanap hai khamah mih uanap klen kowi enni nachangah kown mih chekhai.17“Naiawng hai pawi uown ni kowi kowh iawng ranit ni mowr enni nachang kown. Nachenganchepaw pani kowh pani chiala dow enni na-eta apum chi kown, nahanow pawi chur kowh ni, ranit ni mih ni khe dow chiala ranit pum towbowt enni nauang ap kown. Tawkchedow ruapurla pre pum hai ruapurla chah laitali pum mih dow pawi uown ni khe kowh khowt chi enni nauang ap kown takla. Nami hown dow kawmdi uanap, angak lawt lük müa uanap hai khamah mih uanap ni towng enni nauang pawla reng kown takla.35“Now raiat ni mih ni khe dow chimsaima mih takua talawm khin enni naplan sunah iawk kown. Nami ni khe paw enni naia chang lup kown nadowi. Nami dow pawi chur ni kowi kowh chimsaima mih takua talawm khin chekhai.36Nami ni khe paw CHAKRAMANG naawmrawm enni kownkow chakkham uanap pawi enni nachang kown takla. Nami ni khe dow chiala apum, ruapurla apum, now ruapurla chah ranit pum enni nauang ap kown. Naiawngün tawncher maten paw aser auowk naia uowi kown nadowi.37Now chiala, ruapurla hai ruapurla chah apum vüi kawmdi uanap hai khamah mih uanap uang pawla kown takla mih dow pawi uown ni khe kowh khowmta bowkta mih iawng naown kown.38Nami klen kowi paw angak lawt lük müa uanap vüi ruala enni nauang pawla apum kown takla. Naiawngün uanap dow ni towng la towng kowh khowmta bowkta mih tikah mih uanap, kawmdi uanap hai khamah mih uanap klen kowi enni nachangah kown mih chekhai.39“Takhamta mih rakowi hai kowmatia sak nau hown kowh tikah mih uanap, kawmdi uanap, khamah mih uanap hai taking tasangra uanap enni uang chang mih klen paw khowmta bowkta mih pawi ni kowi dow khowmta bowkta mih uanap CHAKRAMANG vüi enni nachangla reng kown takla,” pape khai.40Aia kowi kowh CHAKRAMANG peah mih ana maten Mosi mih Israeluüa kowi uang tek pe khai.
The Seed Company