Jawb15
1Nami kung kowi Jawb kowi Teman chenchap Elifaz klangah mih,2“Chanlaima mih maru auan uowi dowi mih laiklow natek kown bow?Aia kowh laiklow li iawng tawngpaw auan uowi dowi chekhai bow?3Chanlaima mih maru auan uowi dowi mih laiklow hown nacham taüa kown bow?Asung uowi dowi mih laiklow aia tek naklak kown bow?4Tawkche en dow Thurai kowi khowm kram dowi bowt chekhai,now Thurai tut-e paw en awr lü awr leng dowi bowt chekhai.5Naiawng en tek mih dow en kowh ngak rakowi chekhai,now en kowh laiklow hown dow en pet angak khai.6En kowh ngak dow ang nadowi tüng en,en matia nawr hownia kowh laiklow chowtaih tüng en.En kowh ngak dow en kowh laiklow hown tukah bowk mih towbowt.7“Lusa maru pungmadawng kowi uang rik dia mih en chekhai bow?Hungma mawngma uowi dowi rawn uang rik dia mih en chekhai bow?8Thurai kowh sangkrangra laiklow en tawi ta khai bowt bow?Chanlaima mih maru en lowk ia towbowt pabow en ka tuak?9En tukah mih kowi anging tukah dowi mih uowi ne bow?Now en tuktaah mih kowi anging tukta dowi mih uowi ne bow?10Anging pungmadawng kowi lawngtang sam pau mih maru uowi lowk ia,aia dow en pa lak-e paw lang lawngtang chekhai.11Thurai kowh sakklamra laiklow anging tek en mih en sak-ih dowi tak bow?Nami laiklow dow asamchow hown anging tek en khowk nadowi bow?12“Tawngplawng kowchow en kowh sak tiama ngak kowi pawla en rereng?Tawngplawng kowchow mik rikma pat en tuk kunmarau khai?13Nami dow Thurai kowi en kunmarauah mih chekhai,naiawngün laiklow dow en nawr hownia kowh en lawtah mih chekhai.14Lusa maru dow achinawmma nadowi chekhai,masiuüa mu lak hownia kowh uang dia mih dow achinawmma nadowi chekhai.15Thurai dow aia kowh kramamu-uüa kowi paw owmah dowi;aia mik kowi dow mukuang paw achinawmma nadowi chekhai.16Naiawng now lusa maru ngam dow mapaw tachi tanawm kown nadowi;tawngplawng kowchow panow lusa maru dow suiiai kaniaima mih ngak hai lup ngak chang reng chekhai,amatni dow tui kham iawng angak mih hing changta hüah chekhai.17“Naiawng rakowi ang natek en kown mih kowi hawt sünta diah,ang khi-ah mih maten dow en kowi ang natek en kown.18Nami laiklow dow amatni kowh pipu-uüa hownia kowh chanlai miuüa kaah mih chekhai,chanlaima miuüa dow naiawngün laiklow mih ang kowi lawpta ang prowng khowk chekhai.19Amatni kowi kowh peah mih pren kowi dow amatni klen kowi amiapaw tawi uowi dowi chekhai.Naiawng rakowi amia iawng mih prenlang maru paw amatni kowi peah prengia ngak dowi chekhai.20Maru ngak dow achowngma ngare kowi uowi reng chekhai,sak ngakma mih dow sing uowi sak uowi mowr nangare kown.21Aia dow takrow takraira klow mih nata reng kown,now athaulangma pahai aia naka tuak kown.Nakhowk khe maru ngakuüa dow uangah now aia kowi nauang senah kown.22Aia dow kowngra hownia naia plai kown mih owm dowi bowt chekhai,now aia vüi dow saidawng hown nakowng kown mih khowmta khowk chekhai.23Aia dow krawi mang panglang se tek mih,‘Tawng kowi chow ang kowh chakkham?’ pakhai.Aia dow khin ngak uang tawn rürü mih tuk chekhai.24Aia dow tuak kratra hai ngarera kowi lainowmma kram khai.Nami dow kamrütma nauang senah kown mih mang kowi kram mih iawng chekhai.25Tawngplawng kowchow panow aia dow chawkla rut se kingküa Thurai khai,aia dow lowra nowng chang mih Thurai luk kowi chang bawri khai.26Aia dow bawrima hai laiüama chekhai,aia dow kawngma dowkma nasen Thurai kownkow kowiowm khai.27“Maru ngak dow kurengma chepaw naia kown,now aia kowh kow dow akauma chepaw naia kown.28Tawkche aia dow maru uowiah dowi mih apiaknama mih marow kowi nauowi kown,now maru napiakta kownkow khowm bowkta mih kim kowi nauowi kown.29Naiawng rakowi aia dow kurengma nauowi kown nadowi bowt;aia kowh dawngthawnguan ün anikma nauowi kown nadowi bowt,now aia kowh nim khowm padow nauowi kown nadowi bowt.30Aiiu hownia aia dow naia plai kown nadowi;maih hown kowh kam mih singh mia iawng aia naphaw kown,now aia dow Thurai kowh kawli hown narown kown.31Asung uowi dowi mih uanh luk kowi owmsak mih dow kowmatia kowi takuan mih chekhai.Tawngplawng kowchow panow aia owmah sak mih kowi aia dow tawngpaw naka kown nadowi.32Aia dow akhin nadowi tak khe aia kowh ripra naka kown,now singh mia prek dowi mih iawng aia dow naiuk nasown kown nadowi.33Aia dow auih a-aima khe kowh prua bunlun mih grep ruih iawng naown kown,now auih phaw dowi rawn apau dowh prawn rawn mih kanrawn singh iawng naphaw kown.34Tawngplawng kowchow panow Thurai kowi ringkaw dowi miuüa kowh dow chauüa nauowi kown nadowi,bümsua tangka hown thawpah mih kim üa dow maih nakamta pe kown.35Aia dow chang ngak kownkow sangkrang reng;aia dow angak kowi penah khai,now mu lak hownia limmara uang lawt reng,” pakhai.
The Seed Company