Jawb14
1Jawb plan tek mih,“Masiuüa hownia kowh uang dia mih maru dow chowng townchow taih chekhai,now nami chownglawng dow akrat pusara hown atekma kangowh chekhai.2Lusa maru chownglawng dow pau awr thar hanow alenma kle mih iawng chekhai.Nami dow nim iawng alenma tama hanow tawngpaw uowi dowi bowt chekhai.3Nachenganchepaw aw Thurai, tawngplawng kowchow en tang mü ang rereng?Ang iawng kür uowi dowi mih maru kowi tara chetra kowi en napawla kown tak bow?4Asürlawkma mih maru kowi chimsaima nowng chang mih mia chow uowi?Naiawng nowng chang mih miapaw uowi dowi chekhai.5Anging kowh chownglawng ni dow en khowm bowkta khowk;mün la chow anging nasing kown mih en tuk chekhai.En khowm bowkta khowk mih dow nowng klowiah dowi bowt chekhai.6Naiawng rakowi anging naka tanai kownkow anging malowkchow kowi tow anging diah;anging kowh khin townchow mih sukkri kowi iawng asowrma pe sun anging diah.7“Singh kowh khowm padow sakowmra uowi chekhai;singh dow kripta chepaw naplan tak iawk kown,now nami hownia amia sar nauang uowi iawk kown.8Singh kowh dow aprün prim reng chekhai,now nami prün dow bawn dawng kowi kowng reng chekhai.9Tawkche nami prün dow ka tui hanow plan tak reng,now singh pawi sar iawng amia plan prek reng chekhai.10Nachenganchepaw lusa maru dow kowng hanow chur reng;lusa maru dow sak that hanow uang plan sing dowi bowt chekhai.11Lusa maru dow kanh hai awkang khe kowh iawng chekhai;lusa maru dow kowng hanow plan ru dowi bowt chekhai.Amatni dow mukuang tama dowi mowr narü kown nadowi bowt;amatni dow makowng müi hownia nathowr kown nadowi bowt chekhai.13“Aw Thurai, makownguüa uowi rah kowi cham pet ang diah;en kowh kunmarau prowng dowi mowr cham petta ang hüah diah.Mün khowt chow ang nacham uowi kown mih khin khowm ang diah,now en cham pet ang mih arah kowi ang uowi mih ka tuakah diah.14Lusa maru dow kowng hanow plan sing iawk dowi bowt chekhai.Plan sing iawk kown mih che ang tuk panü dow ang nachawng phülü diah;kawmkratma ang uowi mih hownia en nauang lawng ang kown mih ang nachawng diah.15Nakhowk khe dow en haw ang hanow ang naklang en bowt kown,now ang kowi, en rut hown kowh en thawpah mih maru kowi en naawmrawmah bowt kown.16Nakhowk khe dow ang mangah mih tiama maten en natang mü ang kown.Tawkchedow ang changta mih angak en narüa ang kown nadowi bowt.17Nakhowk khe dow ang changta angak mih maten en nalawtta ang kown,nami angak dow en nakhi dowi bowt kownkow en nakhuta ang bowt kown.18“Nachenganchepaw hungh takhuek bünlün mih iawng hai uowi rah hownia huaklu süt rürü mih iawnglusa maru kowh sakowmra mih en piakta pe reng chekhai,now tui hown huaklu tarawt mih iawng hai bawn kowi tui nawmla mih iawngamatni kowh sakowmra dow en piakta pe reng chekhai.20Lusa maru kowi dow atungma en nowngah hanow amatni dow chur reng,amatni kowi dow kowng khe en klowita pe apowm hanow en sata reng.21Amatni kowh chauüa ka ringkawra chepaw amatni dow tuk dowi bowt;amatni kowh chauüa ka rukraira chepaw amatni dow tuk dowi bowt chekhai.22Amatni dow amatni kowh arau towbowt tuk büah khai,now amatni matia vüi chowtaih uowila uiting uangtak büah khai,” pakhai.
The Seed Company