Titus2
1बाकि तूँ, अईसन बात कहल करऽ, जे सिद्धान्त के योग्य हे।2बूढ़ा आदमी सावधान, गम्भीर आउर बुद्धिजीवी होतन, आउर उनका विश्वास, प्रेम आउर धीरज मजबूत होत।3येही तरह बूढ़ी औरतियन चाल चलन में भक्ति से भरल रहतन, ओखनी निन्दा करे वाला आउर बड़ी दाखरस के दासियन नऽ; बाकि बढ़ियाँ बात सिखावे वाला होतन।4येही तरह से ओखनी जवान औरतियन के सिखावे, कि ओखनी अपन मरदवन से प्रेम रखतन आउर अपन लईकवन से प्रेम रखतन;5आउर विवेकपूर्ण, शुद्ध, अच्छा घरेलू औरत, आउर अपन-अपन पति के अधीन रहे वाला होतन, तऽ परमेश्वर के वचन के निन्दा नऽ होवे।6अईसहीं, जवान आदमियन के भी समझावल करऽ, कि विवेकपूर्ण होतन।7सभे बात में खुद के अच्छा काम के उदाहरण के रूप में पेश करऽ। सम्मान के साथे, तोर शिक्षा में अविकृत बनऽ8आउर सच्चा उपदेश जे शिकायत से ऊपर हे जेकरा से विरोधी हमर बारे में बुरा बोले के अवसर नऽ पाके शर्मिन्दा होतन।9सभे दास के हर बात में अपन स्वामियन के अधीन रहे के चाही, उनका खुश रखे के चाही, आउर वाद-विवाद नऽ करतन;10चोरी नऽ करिहऽ; बाकि पूरा तरह से विश्वासयोग्यता के प्रदर्शन करिहऽ, जेकरा से सभे बात में अच्छा शिक्षा के महत्व दे सकतन जे हमर उद्धारकर्ता परमेश्वर के बारे हे।11काहेकि परमेश्वर के अनुग्रह सभे आदमियन में उद्धार लागी परकट होल हे।12हमनी के चेतावऽ हथन, कि हमनी अभक्ति आउर सांसारिक इच्छा से मन फिरा के ई वर्तमान युग में विवेकपूर्ण आउर धार्मिकता से आउर भक्ति से जिनगी बितायेम;13जखनी हमनी ऊ धन्य आशा के प्राप्त करे ला आउर अपन महान परमेश्वर आउर उद्धारकर्ता यीशु मसीह के महिमा के दर्शन करे लागी प्रतीक्षा करऽ ही।14मसीह यीशु खुद के हमनी ला दे देलन, कि हमनी के हर तरह के अधर्म के काम से छोड़ईतन, आउर शुद्ध कर के अपना ला एगो खास लोग बना लेतन जे भला कामवन में उत्साहित हे। 15ई बात के बारे में बोलऽ आउर समझावऽ आउर पूरा अधिकार के साथ डाँटऽ। कोई तोरा नीचा नऽ जान पईतन।
Bridge Connectivity Solutions Pvt. Ltd.