رومؔ13
1توٚہہ منٛزٕ چُھ پرٛتھ اکِس پنُن پان تِمن لوٗکن تٲبع کرُن یِمن خداین توٚہہ پٮ۪ٹھ حکومت کرنُک اختیار دیُت۔ اوٕ موٚکھٕ زِ کانٛہہ تہِ ہیٚکہِ نہٕ تۅتام حکومت کرِتھ یۅتام نہٕ خدا تس سُہ اختیار دییہِ۔ خداین کرِ وُنہِ کٮ۪ن موجود حکومژ قٲیِم۔ 2وۅنؠ یِم لوٗکھ یِمن ہنٛز مزمت کران چھِ یِمن خداین حکومت کرنُک اختیار دیُت۔ تِم چھِ خدایہ سنٛدٮ۪ن حکمن ہنٛز مخالفت کران۔ خدا دییہ تِمن لوٗکن سزا یمہٕ مخالفت کران چھِ۔ یِمن تمؠ حکومت کرنُک اختیار دیُت۔3اصلی یِم لوٗکھ حکومت کران چھِ تِم چھنہٕ اصٕل کٲم کرن والیٚن کھۅژناوان بلکہِ چھِ تِم تِمن لوٗکن کھۅژناوُن یژھان یمہٕ بُرٕ کامہِ کران چھِ۔ اگر توٚہؠ تِمن کھۅژُن چُھونہٕ یژھان یِمن خداین حکومت کرنُک اختیار دیتمُت چُھ، تیٚلہِ کریٚو تہِ یہ بہتر چُھ یُتھ حکومت کرن وٲلؠ تُہنٛدؠ تعریف کرن۔4یہ چُھ اوٕ کِنؠ زِ لوٗکھ یِمن خداین حکومت کرنُک اختیار دیتمُت چُھ، چھِ تُہنٛدِ فٲیدٕ باپتھ خدایہ سنٛز خدمت کران۔ وۅنؠ اگر توٚہؠ بُرٕ کامہِ کران چُھو تیٚلہِ پزِ توٚہہ کھۅژُن۔ تکیازِ خداین چُھ تِمن لوٗکن اختیار دیتمُت یمہٕ بہتر وجوہاتو کِنؠ سزا دِنُک حکم دِوان چھِ۔ بنیٲدی چھِ تِم لوٗکھ یِم حکومت کران چھِ تمہِ عوض خدایہ سنٛز رٕتؠ پٲٹھؠ خدمت کران بُرٕ کام کرن والیٚن سزا دِتھ۔5امہِ کِس نتیجس منٛز پزِ توٚہہ پنُن پان تِمن لوٗکن سُپرد کرُن یِمن پٮ۪ٹھ خدا حکمرٲنی کرنُک اختیار تھاوان چُھ۔ توٚہہ پزِ یہ کرُن، نہ صرِف اوٕ موٚکھٕ زِ تِم ہیٚکن توٚہہ سزا دِتھ بلکہِ اوٕ موٚکھٕ تہِ زِ توٚہؠ چُھو زانان زِ تہنٛز نافرمٲنی گییہِ خدایہ سنٛز نافرمٲنی!6اصلی چُھو توٚہہ یِمن چیزن ہنٛدِ سببہٕ مٲلیہ تہِ دیُن۔ توٚہؠ دِیو محصول تہِ، تکیازِ تِم لوٗکھ یِمن خدا حکمرٲنی کرنُک اختیار دِوان چُھ چھِ خدایہ سنٛز خدمت کران۔ تِم چھِ پنُن پان خدمتہٕ باپتھ وقف کران۔7پرٛتھ اکِس دِیو تہِ یہ توٚہہِ واجب دیُن آسہِ۔ محصول روزیٚو بران یہ توٚہہِ مٲلیہِ واتان آسہِ۔ فیس ٲسیٚو ادا کران یہ توٚہہ فیس واتان آسہِ۔ تِمن لوٗکن کھۅژیٚو یِمن توٚہہ کھۅژُن پزِ۔ تِمن لوٗکن کٔریٚو عزت یِمن عزت کرُن واتہِ۔8کانٛسہِ ہنٛدؠ مقروض مہٕ بٔنیٚو۔ بلکہِ روزیٚو باقی لوٗکن سٟتؠ محبت ورتاوان یِم مسیحس پٮ۪ٹھ پژھ تھاون وٲلؠ چھِ زنتہٕ توٚہؠ تِہنٛدؠ مقروض چُھو۔ یہ کٔرؠ زیٚو تکیازِ یُس شخص کانٛسہِ دویمِس سٟتؠ محبت کران چُھ سُہ چُھ تہِ پوٗرٕ کران یمیُک تقاضہٕ خدا تِمن قانونن منٛز کران چھُ یِم تمؠ یہُودین عنایت کٔرؠ۔9یہ چُھ پوٚز تکیازِ خداین چُھ پننٮ۪ن قانونن منٛز یِمن کتھن ہُنٛد حکم دیتمُت۔ ییٚلہِ تٔمؠ ووٚن، "یمِس سٟتؠ نہٕ توٚہہ نیتھٕر آسہِ سپُدمُت، تمِس سٟتؠ مہٕ تھٲیو جنسی تعلق، قتٕل مہٕ کٔریٚو، ژوٗر مہٕ کٔریو لوٗکن۔ دویمٮ۪ن ہنٛدٮ۪ن چیزن مہٕ زٲگیٚو، توٚہؠ ہکیٚو بدل کُنہِ چیزُک تہِ ونِتھ یتھ متعلق خداین تِمن قانونن منٛز وونمُت چُھ یِم تٔمؠ یہُودین دِتمٕتؠ چھِ۔ یِمن دویمٮ۪ن چیزن سٟتؠ دیُت خداین یہ حکم تہِ زِ "دویمٮ۪ن سٟتؠ تہِ کٔریٚو تِتھے پٲٹھؠ محبت یتھ پٲٹھؠ توٚہؠ پانس سٟتؠ کران چُھو" 10ییٚلہ توٚہؠ باقین سٟتؠ محبت کران چُھو تیٚلہ چُھو نہٕ توٚہؠ تِمن سٟتؠ بُرٕ ورتاوان۔ یوٚہے وجہ چُھ زِ دویمٮ۪ن سٟتؠ محبت کرنہٕ سٟتؠ چھِ تِم چیز پوٗرٕ سپدان یِم خداین یہُودٮ۪ن ہنٛدٮ۪ن قانونن منٛز طلب کٔرمٕتؠ چھِ۔11یہ کام کٔریٚو تکیازِ توٚہؠ چُھو زانان زِ یہ کُس وقت چُھ۔ یہ چُھ تُہنٛدِ باپتھ روحٲنی طور ہُشار روزنُک وق۔ تکیازِ سُہ وق یمہِ ساعتہٕ یسُوع اسہِ بچاونہٕ باپتھ واپس ییہِ چُھ تمہِ کھۅتہٕ تہِ نزدیک یمہِ ساعتہ اسہِ تس پٮ۪ٹھ بھروسہٕ کرُن ہیٚوتمُت اوس۔12تِتھے پٲٹھؠ یتھٕ پٲٹھؠ راتھ شروع سپدنہٕ برُونٛہہ دوٚہہ چُھ اند واتان، یمہِ گناہ گار دُنیہُک وق چُھ لگ بھگ ختم سپُدمُت، تہٕ یسُوع ییہِ عنقریب واپس۔ اسہِ پزِ تہِ کرُن تراوُن یہ لوٗکھ انہِ گٔٹؠ عالمس منٛز کران چھِ۔ امہِ بجایہ پزِ اسہِ بُرٲیی ہنٛز مخالفت نیکی سٟتؠ کرٕنؠ، یتھ پٲٹھؠ زن اکھ سپاہ دوٚہس پنٕنؠ ذر بکتر دشمنس سٟتؠ لڑنہٕ باپتھ لٲگِتھ تھاوان چُھ۔13اسہِ پزِ بہتر ورتاو کرُن، ییٚلہ زن یہ دُہل چھےٚ تہٕ لوٗکھ ہیٚکن وُچِھتھ زِ أسؠ کیاہ چھِ کران۔ اسہِ پزِ نہٕ نشس منٛز جشن مناوُن تہٕ نہ پزِ نشس منٛز روزُن۔ اسہِ پزن نہٕ لاکمہِ روس غٲر اخلٲقی جنسی ہرکٔژ کرنہِ۔ اسہِ پزن نہٕ باقین سٟتؠ لڑایہ کرنہِ تہٕ تِہُنٛد حسد تھاوُن۔14یمہٕ کامہِ کرنہٕ بجایہ پزن اسہِ خداوند یسُوع مسیح سنٛدؠ کامہِ کرنہِ۔ پننہِ پانہٕ باپتھ مہٕ بٔریٚو تمہِ چیزٕچ فِکر یہ تُہنٛزٕ بد خٲہشہِ کرُن یژھان چھےٚ۔
Bridge Connectivity Solutions Pvt. Ltd.