رومؔ12
1تہٕ پتہٕ یہ کینٛژھا مےٚ تتھ پٮ۪ٹھ سونٛچِتھ توٚہہ ووٚن، بہٕ چُھس توٚہہ پنٕنؠ سٲتھی ایماندار زٲنِتھ نصیحت کران یتھ بُنیادس پٮ۪ٹھ زِ خدا کوتاہ مہربان چُھ۔ پنُن پان کٔریٚو خدایہ سنٛدِ باپتھ قربان، زٲنیٚو زنتہٕ چھِ أسؠ زندٕ جانور یمہٕ کانٛہہ خدایس پیش کران چُھ۔ پاک روزِتھ کٔرؠ وون خدا رٲزؠ۔ یہ کرُن چُھ تُہنٛدِ خدٲیی خدمٕژ ہُنٛد معقول طریقہٕ2پنُن پان مہٕ بنٲیو موجودٕ دورٕ کٮ۪ن گناہ گار لوٗکن ہنٛدؠ پٲٹھؠ۔ بلکہ دِیو خدایس پنُن طرزِ عمل تہٕ سونٛچنُک انداز بدلاونہٕ یُتھ توٚہؠ پرکھٲیو، تتھ ثٲبت کرِتھ ہکیٚو زِ خدا کیاہ چُھ یژھان۔ خدا چُھ یژھان زِ توٚہؠ کریٚو تہِ یہ رُت، خۅشوُن تہٕ بےٚعٲب آسہِ۔3اصلی چُھ یمہِ کتھِ ہنٛزِ بنیٲز پٮ۪ٹھ زِ خداین دیُت مےٚ یمہِ کتھِ ہنٛز نمایندٕ گی کرنُک اختیار زِ بہٕ چُھس توٚہہِ منٛزٕ پرٛتھ اکِس ونان، پنُن پنُن پان مہٕ سمجھِو بہتر۔ بلکہِ سونٛچو پانس متعلق وارٕ، خداین یمہِ اعتبارٕ توٚہہ منٛزٕ پرٛتھ اکِس تس پٮ۪ٹھ بھروسہٕ کرنٕچ قدر عطا کٔر۔4توٚہہ پزِ پانس متعلق بہتر پٲٹھؠ سونٛچُن، تکیازِ یتھ کنؠ اکِس انسٲنی جسمس واریاہ حصہٕ آسان چھِ یمہٕ سٲری الگ الگ مقصدو باپتھ کٲم کران چھِ،5تہٕ یتھے پٲٹھؠ چھِ أسؠ واریاہ مسیح ہس پٮ۪ٹھ پژھ تھاون وٲلؠ مسیح سنٛدِ باپتھ اکہِ جمٲژ ہنٛدِ حثیتہٕ متحد۔ اسہِ منٛزٕ چُھ پرٛتھ کانٛہہ اکھ اکِس سٟتؠ تِتھے کنؠ متحد یتھٕ کنؠ انسٲنی جسمٕکؠ تان اکھ اکِس سٟتؠ متحد چھِ۔6پتہٕ تہِ کرِ اسہِ مسیح ہس مانن والیٚو مختلف روحٲنی صلٲحیژٕ تحفہٕ رنگؠ حٲصل یمہٕ اسہِ خداین عطا کرِ۔ اگر خداین توٚہہ نبوتُک توفیق عطا کوٚر، تیٚلہِ کٔرِو خدایس پٮ۪ٹھ بھروسہٕ کرنکہِ تمہِ مقدارٕ مطٲبق نبوت یُس خداین توٚہہِ بخشو۔7اگر خداین توٚہہ خدمت کرنُک توفیق دیُت تہٕ توٚہہِ پزیٚو باقین ہنٛز خدمت کرٕنؠ۔ اگر توٚہؠ خداین باقین تعلیم دِنس قٲبِل بنٲیو تہٕ توٚہہِ پزیٚو تِمن تعلیم دِنؠ۔8اگر خداین توٚہہ دویمٮ۪ن حوصلہٕ افزٲیی کرنُک توفیق دیُت تہٕ توٚہہِ پزیٚو تِمن ہنٛز حوصلہٕ افزٲیی کرٕنؠ۔ اگر خداین توٚہؠ اتھ قٲبِل بنٲیو زِ یہ کینٛژھا توٚہہِ نِش چُھ تہِ ہکیٚو توٚہؠ دویمٮ۪ن تہِ دِتھ، تہٕ توٚہہِ پزیٚو تہِ وژھِ وٲنجہِ دیُن۔ اگر خداین توٚہؠ دویمٮ۪ن ہنٛز رہنمٲیی کرنُک طاقت دیُت تہٕ توٚہہ پزیٚو پوٗرٕ تن دہی سان دویمٮ۪ن ہنٛز رہنمٲیی کرٕنؠ۔ اگر خداین توٚہہِ رحم کرنُک توفیق دیُت تہٕ توٚہہ پزیٚو خۅشدلی سان رحم کرُن۔9اکھ اکِس سٟتؠ کٔریٚو پوٚز محبت۔ بدی نشہِ روزیٚو دور۔ یہ اصل چُھ تہٕ رٔٹیٚو پوٗرٕ شدتہٕ سان۔ 10محبت کرن والیٚن ایماندارن ہنٛدِس سلسِلس منٛز یِیو اکھ اکِس سٟتؠ محبتہٕ سان پیش۔ دویمٮ۪ن سٲتھی ایمان والیٚن عزت کرنہٕ باپتھ کٔریٚو پانہٕ پہل۔11کٲہِل مہٕ بنیٚو بلکہ بنِو محنتی۔ دِلس منٛز کٔریٚو روحٲنی جوش پٲدٕ۔ خدایہ سنٛز کٔریٚو خدمت۔12خۅش روزیٚو تکیازِ توٚہہ چُھو خداوندس پٮ۪ٹھ بھروسہٕ۔ ییٚلہِ توٚہہ تکلیف واتہِ، صبر کٔرزیٚو۔ دُعا رُوزِو ہٮ۪تھےٕ منٛگان۔13یہ توٚہہ چُھ بٲگرٲیو خدایہ سنٛدٮ۪ن لوٗکن یہ تِمن ضرورت آسہِ۔ باقین پننٮ۪ن گرن منٛز خۅش آوے کرنٕکؠ کٔریٚو موقہٕ تلاش۔14خدایس منٛگیٚو، تِمن لوٗکن کر برکت یمہ توٚہہ سٟتؠ بدسلوکی کران چھِ۔ خدایس منٛگیٚو زِ تمن پٮ۪ٹھ لعنت سوزنہٕ بجایہ دِیو تِمن برکت۔15تِمن لوٗکن سٟتؠ منٲیو خوشی یِم خوشی مناوان آسن، تِمن سٟتؠ ودِو یِم ودان رِوان آسن۔ 16اکھ أکؠ سُنٛد تھٲیو تیوت خیال تہٕ سونچ یوٗتاہ پنُن تھاوان چُھو۔ پانس پٮ۪ٹھ مہٕ کریٚو کِبُر سوار۔ عٲجِز لوٗکن ہنٛدِس صحبتس منٛز روزیٚو۔ تکبُر مہٕ کٔریٚو۔ 17یمؠ توٚہہ سٟتؠ بُرٲیی کٔر تمِس سٟتؠ مہٕ ورتٲیو بُرٕ۔ تِمہٕ کامہِ کرنس پٮ۪ٹھ کٔرِو غور یِمن پرٛتھ اکھ بہتر زانان چُھ۔18پرٛتھ کانٛسہِ سٟتؠ روزیٚو امنہٕ سان یۅتام تُہندِ باپتھ یہ ممکن سپدِ۔19ٹاٹھیٚو ایماندارو، یِمن سٟتؠ بہٕ محبت کران چُھس، اگر توٚہہ سٟتؠ کانٛہہ بُرٕ ورتاوِ تمِس مہٕ ہیٚو بدلہٕ۔ تمِس دییہِ خدا پانے سزا۔ بہٕ چُھسو توٚہہ یہ ونان تکیازِ موسیٰ چُھ یہ پننٮ۪ن صحیفن منٛز لیٚکھان، "خداوند چُھ ونان، "بہٕ ہیمہٕ تمِس بدلہِ یُس توٚہہ سٟتؠ بُرٕ ورتاوِ تہٕ بہٕ دمہٕ تِمن تہنٛدِ کرِمتہِ حسابہٕ سزا" 20بلکہِ چُھن اسہِ بدلہٕ ہیٚنُک اِجازت دنہٕ بجایہ صحیفن منٛز ہِدایت دیتمُت زِ پنٕنؠ دشمن کھیاوُکھ چیاوُکھ اگر تِمن کھین چینٕچ ضرورت پییہِ۔ یہ کٔریٚو تکیازِ ییٚلہِ توٚہؠ یہ کٔریٚو تہٕ تُہنٛدؠ دشمن سپدن شرمنٛدٕ زنتہٕ تھٲیو توٚہؠ تہنٛدٮ۪ن کلن پٮ۪ٹھ دزوٕنؠ تینگل۔ 21دویمٮ۪ن لفظن منٛز ونو بُرٲیی سٟتؠ بُرٲیی ہُند جواب دِتھ ہیٚکو نہٕ بُرٲیی پٮ۪ٹھ قوبو لبِتھ بلکہِ ہیٚکہ وون نیکی ہُند جواب دِتھ بُرٲیی ہارنٲوِتھ۔
Bridge Connectivity Solutions Pvt. Ltd.