متی16
1کینٛہہ فریسی تہٕ صدوقی آیہِ یسوعسؔ نِش تہٕ ووٚنہَس، "ہاو اسہِ زِ ژٕ چھُکھ پزی خداین اسہِ کُن سوزمُت۔ کانہٛہ معجزٕ کر آسمانس پیٚٹھ تہٕ تسنٛدِ طاقتُک کر تیتھ اظہار یس اسہِ تہِ مٲنراوِ"2تٔمؠ ووٚنُکھ یورٕ، "سٲنِس ملکس منٛز یودوے شامس کیُت نب وۅزُل آسہِ، أسؠ چھِ ونان پگاہ آسہِ موسم رُت۔3یودوے صُبحس نب وۅزُل آسہِ أسؠ چھِ ونان از آسہِ واوٕ گٹہٕ کار۔ نبس کُن وُچھِتھ ہیکو ؤنِتھ موسم کیُتھ روزِ۔ مگر ییٚلہِ توٚہؠ پانس انٛدؠ پکؠ سپدُت وُچھان چھُو، توٚہؠ چھُو نہٕ ژینتھےٕ ہیٚکان خدا کیا چھُ کران۔4توٚہہِ بد کۅڈر لوٗکو وُچھوُس کٲژِ پھرِ بہٕ معجزٕ کران۔ مگر توتہِ چھُونہٕ خلوصہٕ سان خدایہِ سٕنٛز عبادت کران۔ اوے کرنہٕ بہٕ تہنٛدِ باپتھ کانہٛہ معجزٕ سِواے سُہ معجزٕ یُس یوناہؔ نبیس سٟتؠ سپُد۔ یُس تریٚن دوٚہن گاڈِ ہنٛدِس شکمس منٛز رود تہٕ زندے دراو واپس۔ اوٕ پتہٕ ترٲوؠ تِم یسوعن أتی تہٕ توٚر ناوِ پنٕنؠ شٲگرد ہٮ۪تھ۔5تِم سٲری تٔرؠ گلیلی سۅدرس اپور۔ تہٕ أتی پیٚو شٲگردن ژٮ۪تس زِ تِمو چھُنہٕ پننہِ کھیٚن چیٚنہٕ باپتھ کہین سٟتؠ تُلمُت۔6أمہِ وقتہٕ ووٚن یِمن یسوعنؔ، "ہوشیار روزِو۔ یُتھنہٕ فریسین تہٕ صدوقین نِش خمیر رٔٹِو یۅسہٕ تِم توٚہہِ پِلناون۔7تِمو لوگ ووٚنؠ یسوعؔ سنٛدِس اتھ وننس معنی ژارُن تہٕ ووٚنُکھ اکھ أکِس زِ أمؠ آسہِ یہِ اوٕ کِنؠ ووٚنمُت تکیازِ اسہِ گوو کھیٚن چیٚن سٟتؠ تلُن مٔشتھے۔8ووٚنؠ گوو یسوعؔ اوس زانان زِ تِم کیا چھِ ونان تہٕ ووٚننکھ، "مےٚ چھُ افسوس زِ توٚہؠ چھُو زانان مےٚ کوٚر توٚہہِ ٹھاک اوٕ کِنؠ فریسین تہٕ صدوسین نِش خمیر رٹنس زِ توٚہہِ گوو کھیٚن چیٚن سٟتؠ تلُن مٔشِتھ۔ توٚہہِ چھو وُنہِ تہِ تتھ پیٚٹھ کمےٕ پژھ یہِ بہٕ تہنٛدِ باپتھ کران چھُس۔9مہٕ سونٛچِو زِ بہٕ کیا چھُس پریشان غذا باپتھ۔ توٚہہِ گووا مٔشتھےٕ مےٚ کِتھہٕ پٲٹھؠ کھیاونٲوؠ پانٛژھ ساس لوٗکھ چھرا پانژو ژۅچو سٟتؠ یا پتھ کُن کٲژاہ ژۅچہِ ٹُکرن ہنٛزٕ ٹوکرِ بچییہِ تہنٛدِ یڈ بٔرِتھ کھیٚنہٕ پتہٕ تہِ۔10یا سونٛچِو تِمن ژوٚن ساسن لوٗکن ہُنٛد یِمو یڈ بٔرِتھ کھیٚو ییٚلہِ مےٚ چھرا ستن ژۅچن ٹُکرٕ کٔرِتھ یِمن بٲگراوِ۔ تہٕ تتہِ کٔژ ٹوکرِ بریٚو توٚہہِ پتھ کُن بچیمتیٚن ژۅچہِ پھلیٚو سٟتؠ۔11توٚہہِ پزِ یہِ زانُن زِ بہٕ چھُس نہٕ کھیٚن چیٚنس متعلق کتھ کران۔ یِنہٕ فریسین تہٕ صدوقین نِش خمیر رٔٹِو۔12ادٕ توٚر شٲگردن فکرِ زِ یسوعؔ اوسنہٕ ژۅچہِ منٛز خمیر ہنٛز کتھ کران بلکہِ اوسُس فریسیس تہٕ صدوقین ہنٛز غلط تعلیمہِ ہنٛز کتھ کران۔13ییٚلہِ یسوعؔ تہٕ تسٕنٛدؠ شٲگرد قیصریہ فلپی شہرکِس نکھہٕ کِس علاقس منٛز ژاے تٔمؠ پرُژھ تِمن شٲگردن۔ لوٗکھ کیا سنا چھِ ونان زِ بہٕ آدمؔ سُنٛد گوبر کُس چھُ؟"14تٔمؠ ووٚنُس، "کینٛہہ لوٗکھ چھِ ونان زِ ژٕ چھُکھ بپتسمی یوحنا یمؠ دُبارٕ زندگی پرٲومٕژ چھےٚ۔ کینٛہہ ایلیا چھِ ونان زِ ژٕ چھُکھ نبی یرمیاہ یا بیٚیہِ کانہٛہ نبی یُس پتھ کالہِ روزان اوس تہٕ دُبارٕ زنٛدٕ گوٚمُت چھُ۔15یسوعنؔ ووٚن تِمن، "توٚہؠ کیا سونچان؟ توٚہہِ کیا باسان بہٕ کُس چھُس؟"16شمعون پطرسن ووٚنُس، "ژٕ چھُکھ مسیحؔ نجات دِنہٕ وول ژٕ چھُکھ پرٛتھ چیزس پیٚٹھ پوٗرٕ قدرت تھاون وٲلِس خدایہِ سُنٛد نیٚچو"17اوٕ پتہٕ ووٚنُس یورٕ یسوعن، "شمعون بریوناہ سنٛدِ گوبرٕ۔ خدا گوےٕ خوش تتھ پیٚٹھ یہِ ژےٚ وُنؠ ووٚنُتھ۔ یہِ کوٚرےٕ نہٕ ژےٚ ظٲہر کٲنٛسہِ انسانن بلکہِ چھُ یہِ آسمانن پیٚٹھ میون بب یمؠ ژےٚ پیٚٹھ یہِ ظٲہِر کوٚر"18بہٕ ونے ژےٚ مزید، ژٕ چھُکھ پطرس۔ یمیُک مطلب چھُ کنہِ پل۔ ژٕ روزکھ مےٚ پیٚٹھ ایمان تھاون والیٚن ڈۅکھ اکھ بوٚڈ پل ہیٚو یُس أکِس بجہِ عمارژ ہُنٛد درٮ۪ر بنان چھُ۔ تبٲہی ہنٛدؠ سٲری قوت تہٕ ہٮ۪کننہٕ اتھ خلاف دٔرِتھ۔19پتہٕ ووٚنُن بہٕ بناوتھ ژٕ تِمن لوٗکن بر مُژراونس یا بر بنٛد کرنس قٲبِل یِم آسمان کِس خدایہِ سٕنٛز بادشٲہی منٛز یُن یژھن۔ یتھ ژٕ یہِ زمینہِ پیٚٹھ اجازت دِکھ، خدا کرِ تتھ تٲیید آسمانس پیٚٹھ۔ یتھ ژٕ زمینہِ پیٚٹھ ٹھاک کرکھ تتھ کرِ آسمانس پیٚٹھ خدا تہِ ٹھاک۔20اوٕ پتہٕ کوٚر یسوعنؔ پننٮ۪ن شٲگردن سختی سان ٹھاک فلحال کٲنٛسہِ تس متعلق یہِ وننس زِ سُہ کیا چھُ مسیحؔ۔21أمہِ وقتہٕ پیٚٹھٕ رود یسوعؔ مسیحؔ لگاتار پننٮ۪ن شٲگردن یہِ ونان زِ تسنٛدِ باپتھ کوتاہ ضروری چھُ یروشلم گژھن۔ اتہِ بنن تمِس عِذا دِنُک تہٕ امسنٛدِ زمینہِ پیٚٹھ مرنک بٲعِث سٲری زِٹھؠ، حٲکم تہٕ یہُودؠ شریعت ہٮ۪چھناون وٲلؠ کاہن۔ أمہِ پتہٕ تریٚیہِ دوٚہؠ پراوِ سُہ دُبارٕ زندگی۔22مگر پطرسن نیٚو سُہ اکِتھ کُن تہٕ کٔرنس بیٚوٲری یہِ سورےٕ وننہٕ باپتھ۔ تٔمؠ ووٚنُس، "خدا وند۔ خدا مہٕ دِیِن زانہٛہ یہِ سپدنہٕ ژےٚ سٟتؠ۔ یہِ گژھِ نہٕ ہرگِز تہِ سپدُن۔23یسوعؔ پھیور پطرسس کُن تہٕ ترٲونس دٔر نظر تہٕ ووٚننس، "نیر دور مےٚ برونہٛہ کنہِ تکیازِ یہِ چھُ شیطان ژےٚ منٛز ونان۔ ژٕ چھُکھ مےٚ گنہن منٛز گیٖر کرُن یژھان۔ ژٕ چھُکھ نہٕ سونچان یہِ خدا چھُ سونچان بلکہِ چھرا تہِ یہِ لوٗکھ چھِ سونچان۔24اوٕ پتہٕ ووٚن یسوعنؔ شٲگردن، "یودوے توٚہہِ منٛزٕ کانہٛہ مےٚ پیٚٹھ پژھ تھٲوِتھ مےٚ سٟتؠ یُن یژھان آسہِ یوٚت بہٕ گژھٕ، تس پزن پنٕنؠ اِرادٕ، پنُن نفس تراوٕنؠ تہٕ پنٕنؠ صلیب پھیٚکِس پیٚٹھ تُلٕنؠ تہٕ یُن یوٚت بہٕ گژھٕ۔25یُس نہٕ پنُن زُو بچاوُن یژھان آسہِ، تس پزِ ژٮ۪تس تھاوُن زِ سُہ چھُنہٕ زُو بچاوان بلکہ ہاران۔ ووٚنؠ گوو یُس میانہِ باپتھ زُو ہارِ، سُہ چھُ ژکہِ اتھ پراوان۔26کٲنٛسہِ أکِس کیا فٲیدٕ واتہِ یودوے سُہ یتھ دُنیاہس منٛز تہِ سورےٕ پراوِ یہِ سُہ یژھِ مگر پتہٕ راوٮ۪س زُووٕے۔ کانہٛہ انسان کیا فٲیدٕ لبہِ سُہ جایداد پرٲوِتھ یۅسہٕ تسنٛدِس زُووس برابر مۅلٕل آسہِ۔27ووٚنؠ بوزِو کن دٲرِتھ۔ بہٕ آدمؔ سُنٛد گۅبُر تراوٕ یہِ زمین مگر بہٕ یِمہٕ واپس تہٕ آسمانٕکؠ فرشتہٕ آسنم سٟتؠ۔ أمہِ وقتہٕ آسہٕ بہٕ پرٮ۪زلوُن گاش یُس میون بب چھُ تہٕ بہٕ دِمہٕ سارنےٕ انعام تٔمہِ کامہِ حسابہٕ یۅسہٕ تِمو یتھ زمینہِ پیٚٹھ کٔر۔28وارٕ بوزِو۔ توٚہہِ منٛز واریاہ یِم وُنکٮ۪س یتہِ چھِ وُچھن پانہٕ آسمانہٕ پیٚٹھٕ یِنہٕ وٲلِس۔ بہ انسان یِمہٕ اکھ بادشاہ ہیٚو۔ توٚہؠ وُچھِو پانہٕ پننہِ مرنہٕ برونہٛہ۔
Bridge Connectivity Solutions Pvt. Ltd.