یشوع2
1پننہِ لشکرکہِ اکہِ جتھہٕ پٮ۪ٹھٕ ژٲرؠ یسوعنؔ زٕ نفر۔ تٔمؠ ووٚن تِمن، "نیرِو تہٕ أنِو یمہِ سارے علاقٕچ خاص پٲٹھؠ یریحُو شہرس أندؠ پٔکؠ کہِ علاقٕچ زانکٲری حٲصِل کٔرِتھ۔ "تِمو تروو پنُن پڑاو تہٕ وٲتؠ یروک شہرس منٛز أکِس پاژھنہِ ہُند گرٕ۔ یمِس ناو اوس راحب۔ یِم رودؠ أتی۔2یہِ شیٚچھ واتنٲو کٔمؠ تام یریحُو کِس بادشاہس۔ "یوکُن بوزِو! کینٛہہ اسرائیلی چھِ آمٕتؠ رات کیُت سٲنِس علاقس ژرژنہِ؟3اوٕ کِنؠ سوز بادشاہن اکھ قٲصد راحبسؔ وننہٕ خٲطرٕ، "تِم نفر کڈُکھ تتہِ یمہٕ ژےٚ نِش وٲتؠ تہٕ چٲنِس گرس منٛز ژاے، تکیازِ تِم ٲسؠ سٲنِس ملکس منٛز ژرژنہٕ باپتھ نظرِ آمٕتؠ۔"4وۅنؠ اوس امہِ پاژھنہِ یمن پناہ دیُتمُت تہٕ تھٲوِن کٔھٹِتھ۔ تٔمؠ ووٚن بادشاہ سنٛدٮ۪ن نفرن، "آ! پزَر ہےَ چُھ زِ تِم نفر آے مےٚ نِش۔ مگر مےٚ چھنہٕ بلکل خبر تِم آے کتہِ پٮ۪ٹھٕ۔ 5تِم درایہ یُتھے انہِ گٹہٕ گییہِ، تمہِ وقتہٕ ییٚلہِ پہرٕدار شہرٕکؠ دروازٕ بنٛد کران چھِ۔ مےَ چھنہٕ خبر زِ تِم کورکُن ٲسؠ نیران۔ یوٚدوے توٚہؠ ہَنا وُژھ کٔرِو، توٚہؠ لٔبِو تِمن وتے۔"6مگر پزر اوس یہِ زِ امہِ پاژھنہِ ٲسؠ یِم دۅنوے نفر پننس گرکِس سٔترِس پشَس پٮ۪ٹھ کھٲلمٕتؠ تہٕ ٲسِن تِم پھمبہٕ ڈیرن تلہٕ کنہِ کٔھٹِتھ تھٲومٕتؠ یِم تٔمسٕنٛدِس پشس پٮ۪ٹھ ہوٚکھان ٲسؠ۔7بادشاہ سٕنٛدؠ سِپاہ دورییہِ شہرٕ نٮ۪بر تِمن سڑکن ژھانڈ دِنہِ یم یردن دریاوکٮ۪ن تارن کن گژھان آسہٕ۔ یُتھےبادشاہ سٕنٛدؠ نفر نٮ۪بر درائے، رٲچھ درَو کٔرؠ شہرٕکؠ دروازٕ بنٛد۔8امہِ برونٛہہ زِ یِم زٕ اسرائیلی نفر لاگن شونٛگُن تٔمہِ رٲژ، راحبؔ کٔھژ تِمن نِش پشَس پٮ۪ٹھ۔9تہٕ ووٚنُن تِمن، "اسہِ چھےٚ خبر زِ یہُوواہنؔ چھےٚ توٚہہِ یہِ زمیٖن دِژمٕژ۔ سٲنؠ سٲری لوٗکھ چُھو توٚہہِ کھوٚژان۔ اسہِ چُھ تُہنٛد یوٗتاہ بیٖم زِ اسہِ منٛز لگیٚو نہٕ توٚہہِ کانٛہہ اکھ تہِ بُتھِ۔10اسہِ چُھ بوزمُت سورےٕ زِ یہُوواہنؔ کِتھہٕ پٲٹھؠ ہۅکھروو بحرِ قُلزمؔ توٚہہِ اپور تارنہٕ بابتھ ییٚلہِ توٚہؠ مِصرٕ منٛزٕ دروو۔ اسہِ بوز یِتہِ زِ توٚہہِ کیاہ کوٚرُو سیحون تہٕ عوجؔ ہیون امورؠؔ بادشاہن سٟتؠ یِم یردن دریاوٕ اپارِ روزان ٲسؠ، تہٕ کِتھہٕ پٲٹھؠ کوٚرُو تہنٛدِ سلطنتُک پرٮ۪تھ کانٛہہ نفرس تہٕ چیز بُرباد۔11ییٚلہِ اسہِ یِمن چیٖزن متٮعلق بوز، اسہِ ژایہِ یہِ دٔپؠ زِ تہِ نَٹھ۔ اسہِ منٛز چھنہٕ کٲنٛسہِ أکِس تہِ توٚہہِ بُتھِ لگنٕچ ہٮ۪مت، تکیازِ یہُوواہؔ چُھ آسمانہٕ پٮ۪ٹھٕ زمینہِ تام پرٮ۪تھ چیزُک مٲلک۔12پس بہٕ چُھس یژھان یہُوواہسؔ حٲضِر زٲنِتھ دِیو توٚہؠ مےٚ وعدہ زِ یوٚدوے توٚہؠ پنُن وعدہ پوٗرٕ کٔرِونہٕ، سُہ دییہِ توٚہہِ تمہِ وعدہ خلٲفی ہُنٛد سزا۔ کٔریٚو مےٚ سٟتؠ وعدہ زِ توٚہؠ روزیٚو مےٚ تہٕ میٲنِس عیالس پٮ۪ٹھ مہربان۔ دِیو مےٚ ضمانت زِ توٚہؠ کیا پٲلِیو پنُن وعدہ، 13تہٕ روزیٚو اسہِ سارِنےٕ ۂنٛدِ زُووٕ کؠ میٲنِس مٲلِس، ماجہِ، میانٮ۪ن بٮیٚنٮ۪ن، باین تہٕ سانہِ سارے ونٛڈکؠ ضٲمن۔ تہٕ توٚہؠ بچٲیو سٲنِس ونٛڈس ییٚلہِ اسرائیلی یتھ شہرس تلُک پٮ۪ٹھ کرن۔14یِمو دوٚیو نفرو ووٚن أمِس زنانہِ، "أسؠ دِمو پنٕنؠ زُو چھپہِ یوٚدوے اسہِ پنُن وعدہ پٲلِتھ ہیوٚکنہٕ۔ یوٚدوے ژٕ سٲنِس منصوبس فاش کرکھ نہٕ، تیٚلہِ روزو أسؠ چٲنِس ونٛڈس پٮ۪ٹھ سٮ۪ٹھاہ مہربان۔ ییٚلہِ یہُوواہؔ یہِ زمیٖن اسہِ دِیہ۔"15راحبؔ نہِ گریُک اکھ نٮ۪برِم دیوار اوس شہرکہِ قصبُک حصہٕ۔ تٔمؠ ترٲو اکھ دٔر رز دیوارس منٛز بناونہٕ آمژِ دارِ کِنؠ تاکہِ یِم نفر کھسن دارِ تہٕ وسن رزِ رزِ دیوارٕ بوٚن۔16امہِ پتہٕ ووٚنُن تِمن، "ییٚلہِ توٚہؠ یہِ شہر ترٲیو، سیٚودے کھٔسؠ زیٚو بالن کُن۔ تاکہِ تُہنٛدِس تلاشس منٛز آوٕرؠ لوٗکھ لبن نہٕ توٚہہِ۔ بالہٕ گوین تہٕ گۅپھن منٛز روزِ زیٚو ترٮ۪ن دوٚہُن ژوٗرِ یوٚتام تُہنٛدِس تلاشس منٛز ورفتار لوٗکھ واپس پھیرن۔ امہِ پتہٕ ہیٚکِو توٚہؠ پننس پڑاوس کُن نیرتھ۔"17یِمَو دوٚیو نفرو دیُت أمِس اکھ وۅزُل نشانہٕ تہٕ ووٚن ہس، "ژےٚ پزی بلکل یی کرُن۔ یوٚدوے ژٕ یہِ کرکھ نہٕ۔ اسہِ پٮ۪ٹھ روزِ نہٕ پنُن وعدہ پالنُک کانٛہہ شرط باقی۔"18ییٚلہِ أسؠ یتھ علاقس منٛز یِمو، ژےٚ پزی یہِ وۅزج رز یتھ دارِ اویزان تراوُن یپٲرؠ ژٕ اسہِ نٮ۪بر تراوکھ، تہٕ ژےٚ پزی پنُن مول، موج، بیٚنہِ، بوے تہٕ سورےٕ مٲلؠ سُنٛد ونٛڈٕ یتی سمبراوُن۔19یوٚدوے چانہِ ونٛڈُک کانٛہہ اکھ نفر تہِ یمہِ گرٕ نٮ۪بر دراو، سُہ تراوِ پنُن زُو ہلاکتس منٛز تہٕ یوٚدوے سُہ قتل سپدِ أسؠ آسو نہٕ تٔمِکؠ ذِمہٕ دار تہٕ یوٚدوے یتھ گرس منٛز روزِتھ کٲنٛسہِ اکِس تہِ نقصان واتہِ، أسؠ آسو ذِمہٕ دار۔20مزید یوٚدوے ژٕ سانہِ کرنُک کراونُک کانٛہہ اِشارٕ تہِ کٲنٛسہِ دِکھ، أسؠ روزو نہٕ پننہِ دِنہٕ آمتہِ لفظٕکؠ پابند ژےٚ یا چٲنِس گرس یا چانٮ۪ن گرٕوالٮ۪ن نیصبت۔"21رحابنؔ ووٚننکھ یورٕ، "بہٕ چھس پوٗرٕ مانان یہِ توٚہہِ ونُو۔ "امہِ پتہٕ کٔرؠ تٔمؠ یِم دۅشوے روانہٕ تہٕ تِمو ترٲو سۅ پتھ کُن۔ تمہِ گونٛڈ سُہ وۅزُل نشانہٕ دار کارڈ تہٕ ترووُن اویزان۔22ییٚلہِ یِمو دوٚیو نفرو شہر تروو تِم دراے ہیٚور بالن کُن۔ اتہِ رودؠ یِم ترٮ۪ن دوٚہُن ییٚلہِ زن شاہن سوزؠ مٕتؠ نفر یِمن لگاتار ژھاران رودؠ۔ تِمو ژھٲنٛڈؠ تِم سٲرؠ سےٕ سڑکہِ ہیٚور تہٕ بوٚن۔ مگر تِم زٕ نفر لٔبِکھ نہٕ کُنہِ۔23امہِ پتہٕ دراے تِم دۅشوے نفر پننس پڑاوس کُن۔ تِم ؤتھؠ یردن دریاوٕ بوٚن کُن تہٕ لوٚبُکھ تار تہِ تہٕ وٲتؠ واپس یسوعسؔ سٲری حالات وننہِ۔ تِمو ووٚن تس سورےٕ گدرُن۔24تِمو ووٚن یسوعسؔ، "خداوندن چھےٚ پزی یہِ زمیٖن اسہِ دِژمٕژ۔ تمہِ کنعٲنؠ ملکٕکؠ لوٗکھ چھِ تیٖتؠ خوفہٕ ۂتؠ زِ تِم چھِنہٕ اسہِ بُتھِ لگنس قٲبل۔
Bridge Connectivity Solutions Pvt. Ltd.