یوحنا6
1یِمو سارِوٕے واقہو پتہٕ توٚر یسوعؔ گلیلؔ ہنٛدِس سٕدرس اپور۔ یتھ کینٛہہ لوٗکھ تبریاس ناوکہِ سٕدر تہِ زانان چھِ۔2اکھ لُکہٕ ارساتھا پوٚک أمِس پتہٕ پتہٕ تکیازِ یِمو اوس سُہ معجزٕ کران وُچھمُت۔ یعنی سٮ۪ٹہہے بٮ۪مار لوٗکن بلراوان۔3یسوعؔ کھوٚت أکِس بالہٕ ٹینگس تہٕ بیوٹھ پنٕنؠ شٲگرد ہٮ۪تھ أتی۔4أتھؠ وقتس منٛز ٲس یہودٮ۪ن ہنٛز عید فسح کلس پٮ۪ٹھ۔5یسوعؔن تُل کلہٕ تھوٚد تہٕ وُچُھن اکھ تہٕ لُکہٕ ہجوم تٔسؠ کُن پکان۔ تٔمؠ پرُوژھ فلپسس۔ یِمن یتٮ۪ن لوٗکن ہنٛدِ باپت کتہِ انو أسؠ مٔلؠ ژوٚٹ؟6تٔمؠ پرُوژھ یہِ سوال فلپسس چھرا تس سنٛزِ پژھِ ہُنٛد درٮ۪ر وُچھنہٕ باپتھ۔ نتہٕ ٲس تمِس پتاہ اتھ مسلس کیاہ چُھ تمِس کرُن۔ 7فلپسن ووٚنُس یورٕ، "یوٚدوے اسہِ أکِس انسان سنٛزِ دوٚن ہتن دوٚہُن ہنٛز کمٲیی تہِ اتھس منٛز آسہ، أسؠ ہیٚکو نہٕ یِمن یتٮ۪ن لوٗکن اکھ ژوچہِ کٔھنٛڈ تہِ دِتھ۔ توٚہہِ پزِ یِمن کینٛہہ کھؠنہٕ خٲطرٕ دیُن۔8دوٚیِم شٲگرد شمعونؔ پطرس سٕنٛدؠ بٲے اندریاسنؔ ووٚن یسوعسؔ۔9أکِس لڈکس چھِ یتہِ پانٛژھ جَوچہِ ژۅچہِ تہٕ زٕ لۅکچہ گاڈٕ۔ مگر توتہِ چھنہٕ یِمہٕ کٲفی یتٮ۪ن لوٗکن ہنٛدِ باپتھ۔10یسوعنؔ ووٚن پننٮ۪ن شٲگردن زِ تِم بیہناون لوٗکن پتھر۔ الہٕ پلہٕ بیٹھؠ اتہِ پانٛژھ ساس لوٗکھ۔ اتہِ اوس واریاہ گاسہٕ لوٗکن ہنٛدِ بیہنہٕ باپتھ11یسوعنؔ تُلؠ امہِ پتہٕ جَو آٹِکؠ لواسہٕ تہٕ کوٚرُن خدایہِ سُنٛد شکُر ادا امہِ غذا باپتھ۔ امہِ پتہٕ دِتؠ تٔمؠ تہٕ تسٕنٛدیٚو شاگردو یِم لواسہٕ کھنٛجہِ پرٮ۪تھ کٲنٛسہِ یِم گاسس پٮ۪ٹھ بیہِتھ ٲسؠ کھیٚنہٕ باپتھ۔ تِمن دوٚن گاڈن سٟتؠ تہِ کوٚرُن یی۔ لوٗکو کھییہِ یِم گاڈٕ تہٕ لواسہٕ ییتیاہ کھیٚنؠ ٲسِکھ۔12ییٚلہِ سارِوٕے یڈ بٔرِتھ کھیو یسوعنؔ ووٚن پننٮ۪ن شٲگردن زِ پیٚمٕتؠ گاڈٕ تہٕ لواسہٕ کھنٛجہِ سمبرٲیو تاکہِ کانٛہہ رژھ تہِ گژھِ نہٕ ضایع۔13امسنٛدیٚو شاگردو کرِ سارے پتھر پیمژٕ کھنٛجہِ تہٕ پتھ کُن رودمُت ٹُکرٕ جمع تہٕ یتھٕ پٲٹھؠ باہ 12 ٹوکرِ برِ نہٕ تِمو کھنجو سٟتؠ یِم لوٗکن ؤسؠ پیمژٕ آسہ یا کھیٚنے روزمژٕ آسہ۔14ییٚلہِ لوکو دیدمان یہِ معجزٕ وُچھ یُس یسوعنؔ کوٚرمُت اوس تِمو ووٚن، "پزی چُھ یہِ خدایہِ سُنٛد رسول یُس تٔمؠ پننہِ وعدہ حسابہٕ دُنیاہس منٛز سوز۔15ییٚلہِ یسوعنؔ زون زِ یِم لوٗکھ چھِ زبردستی تس پنُن بادشاہ بنون وٲلؠ تٔمؠ ترٲوؠ تِم بیٚیہِ تہٕ کھوٚت بالس تاکہِ سُہ ہیٚکہِ کُن زوٚن روزِتھ۔16ییٚلہِ شام ووت، یسوعنؔ سٕنٛدؠ شٲگرد ؤتھؠ بالہٕ پٮ۪ٹھٕ گلیل ہنٛدِس سٕدرس کُن۔17تِم ؤتھؠ وانِ تہٕ لوگُکھ ناوِ کفرنحوم شہرس کُن لمُن۔ راتھ ٲس واریاہ گٔٹ تہٕ یسوعنؔ اوسنہٕ وُنہِ یِمن نِش ووتمُت۔18چونکہِ واو اوس شوریومُت تہٕ سدر اوس خشمناک طوفانس منٛز۔19ییٚلہِ یسوعؔ سنٛدیو شاگردو پنٕنؠ ناو سٕدرس منٛز ساڈ ژور یا ساڈ پانٛژھ کلومیٹر تام پکنٲومٕژ ٲس تِمو وُچھ یسوعؔ آبہٕ پیٚٹھؠ پکان تہٕ تِمن نِش واتن وول۔ یِم شٲگرد کھوژؠ۔20یسوعؔ ہن ونُکھ۔ یہِ چُھس بےٕ یسوعؔ۔ کھوٚژُن ترٲیِو۔21تِم سپٕدؠ یسوعسؔ ناوِ منٛز انِتھ واریاہ خوش۔ یِتھُےٕ سُہ ناوِ منٛز ژاو تہنٛز ناو پیٚہِ تتھ مقامس وٲتِتھ یوٚت تِمن گژھُن اوس۔22تمہِ دوٚہہ پتہٕ ییٚلہِ یسوعؔن اکھ تہٕ لوٗکہٕ ہجوم کھیاونوو۔ امؠ ہجومن یُس سٕدر کِس یپٲرمِس بٔٹھِس پٮ۪ٹھ رود۔ سونچ زِ یتہِ چھے ناو اکے تہٕ یسوعؔ بیوٹھ نہٕ ناوِ منٛز کینٛہہ پننٮ۪ن شٲگردن سٟتؠ۔23لوٗکھ آے تِبریاسؔ شہرٕ پٮ۪ٹھٕ بدل ناون منٛز۔ تِمو گنجہِ پننہِ ناوٕ تتھ جایہِ نکھے یتنس لوٗکو یسوعؔ سٕنٛدِس خدایس شکرانہٕ ادا کرنہٕ پتہٕ ژوٚٹ کھیمٕژ ٲس۔24لہٰذا ییٚلہِ ہجومن ژیون زِ نَہ چُھ اتہِ یسوعؔ تہٕ نَہ تسٕنٛدؠ شٲگرد۔ تِم ؤتھؠ یِمنےٕ ناون منٛز تہٕ لوگُکھ کفرنحوم شہرس کُن پکن یسوعؔ وُچھنہٕ باپتھ۔25تِمو وُچھ یسوعؔ کفرؔ نحُوؔم شہرس منٛز گلیل سٕدرس تتھ جایہِ سیدِ سیٚود اپارِ۔ یتنس تٔمؠ یِم لوٗکھ کھیٲومٕتؠ ٲسؠ تِمو پرُژھ یسوعؔس، "استاد اسہِ چھےٚ خبر توٚہؠ ٲسِو نہٕ شٲگردن سٟتؠ ناوِ منٛز توٚہؠ کر وٲتیٚو یور کفرنُحوم۔26یسوعسؔ ونُکھ، "بہٕ چُھسو پوٚز ونان۔ توٚہؠ چُھو نہٕ مےٚ ژھاران زِ توٚہہِ وُچھو دیدمان تمہ معجزٕ یِم یمؠ کٔرؠ۔ بلکہ چُھو توٚہؠ مےٚ ژھاران چھرا اوٕ کِنؠ زِ توٚیؠ کھیٚیِو یڈ بٔرِتھ تِم لواسہٕ یِم مےٚ توٚہہِ دِتؠ۔27کھیٚنہٕ باپتھ ژھٲر ترایو یتی۔ یہِ ہوٚژِ ؤلؠ ؤلؠ۔ امہِ بدلہٕ ژھٲرِو تہٕ گٲرِو سُہ کھیٚن یُس توٚہہِ پوشوٕنؠ زندگی دِیو۔ سُہ کھیٚن دِمہٕ ہو بہٕ آدمؔ سُنٛد گۅبُر چھرا ہیٚکہٕ ہو بےٕ یوت سُہ غذا دِتھ۔ تکیازِ میون مول خدا چُھ اتھ منظور کران۔28امہِ پتہٕ پرُژھ أمؠ ہجومن یسوعسؔ، "أسؠ کۅس کٲم کرو خدایس خوش کرنہٕ باپتھ۔29یسوعسؔ ونُکھ یور، "سۅ کٲم یۅسہ خدا چُھو توٚہہِ کرناوٕنؠ یژھان چھے یہِ پژھ کٔرِو مےٚ پٮ۪ٹھ یُس تٔمؠ سوز۔30ہجومن پرُژھُس مزید، "تیٚلہِ کُس معجزٕ کٔرِو توٚہؠ سانہِ باپتھ یُس أسؠ تہِ وُچِھتھ ہیٚکو تہٕ کرو ژےٚ پٮ۪ٹھ پژھ۔31سانہِ باپتھ کیاہ کٔرِو توٚہؠ۔ سانیٚو اجدادو کھیو مَنّ ییٚلہِ تِم بیابانن منٛز پھیران ٲسؠ موسیٰؔ ہس سٟتؠ۔ یہِ زن نبی نوشتن منز لٮ۪کھان چھِ۔ خداین دِژ تِمن ژوٚٹ کھیٚنہٕ باپتھ آسمانو پٮ۪ٹھٕ۔ 32یسوعنؔ ووٚن تِمن، "بہٕ چُھسو پزر ونان۔ یہِ اوس نہٕ موسیٰؔ یمؠ تہنٛدٮ۪ن جدن اجدادن کھیٚنہٕ باپتھ آسمانہٕ پٮ۪ٹھٕ ژوٚٹ دِژ۔ نَہ۔ بلکہ اوس سُہ میون مول یُس ؤنؠ توٚہہِ پزؠ ژوٚٹ آسمانٕچ دوان چھِ۔33یہِ چُھ پوٚز تکیازِ خدایہِ سٕنٛدِ طرفہٕ پٔزؠ ژوٚٹ چھے آسمانہٕ وسؠ مژ تہٕ سۅ دِیہ پوشوٕنؠ زندگی دُنیہکٮ۪ن لوٗکن۔34لوٗکن توٚگ نہٕ زانہٕ نُے تسٕنٛدِ وننُک مطلب۔ اوے ونُکھ یسوعسؔ، "جناب، مہربٲنی کریتھ دیو اسہِ یہےَ ژوٚٹ ہمیشہِ۔"35یسوعنؔ ووٚن ہجومس یورٕ، "یتھٕ پٲٹھؠ ژوٚٹ جمٲنؠ زندگی رچھان چھےٚ۔ بہٕ چُھس سۅ ژوٚٹ یۅسہ پوشوٕنؠ زندگی دِیہ۔ یُس نہٕ کانٛہہ تہِ بیاکھ کھیٚن چٮ۪ن دِتھ ہیٚکہِ یُس تہِ مےٚ پٮ۪ٹھ پژھ تھاوِ سُہ لبہِ ہمیشہٕ باپتھ تسلی سُہ روزِ ہمیشہٕ سیتر۔36حالانکہ مےٚ وونو توٚہہِ یمہِ برونٛہہ تہِ زِ یوٚدوے توٚہؠ مےٚ رچھان چُھو توٚہہِ چُھو نہٕ تتہِ مےٚ پٮ۪ٹھ پژھ۔37عام لوٗکھ یِم مےٚ پنُن مول دٕبہ واتن مےٚ نِش تہٕ بنن میٲنؠ شٲگرد تہٕ بہٕ کرکھ نہٕ تم ہرگز پانس دوٗر۔38بہٕ کرنہٕ ہرگز یہِ۔ بہٕ چُھس نہٕ آسمانہٕ وتھمُت تہٕ کرنہِ یہِ مےٚ پنٕنؠ مرزی آسہ۔ بلکہ وتھُس بہٕ تے کرنہِ یہِ میون مول یمؠ بہٕ یور سوزُس یژھان چھِ مےٚ کرناوان۔39یہِ چُھ تہٕ یہِ میون مول یمؠ بہٕ سُہ چُھ یژھان تٔمؠ سٲری رژھراوٕنؠ۔ یِم مےٚ تٔمؠ دِتؠ سُہ چُھ یژھان یِم سٲری زندٕ کرٕنؠ بیٚیہِ تِم ٲخری دوٚہہ ییٚلہِ بہٕ ہر کٲنٛسہِ عدالت لاگہٕ۔40یہِ چُھ پزر تکیازِ یہِ چُھ تی یہِ میون مول یژھان چُھ۔ سُہ چُھ یژھان سُہ پرٮ۪تھ کانٛہہ یُس پرٮ۪زناوان چُھ بہٕ نیٚچو کُس چُھ تہٕ مےٚ پٮ۪ٹھ پژھ تھاوان چھِ۔ روزِن ہمیشہٕ باپتھ زندٕ مےٚ سٟتؠ آسمانن پٮ۪ٹھ۔ بہٕ کرکھ یِم زندٕ بیٚیہِ ٲخری دوٚہہ ییٚلہِ بہٕ عدالت لاگہٕ۔41یہُودؠ زِٹھیٚو لوگ یسوعسؔ متعلق اورُک یورُک ونُن تکیازِ تٔمؠ اوس ووٚنمُت زِ سُے چُھ پزنہٕ پٲٹھؠ سۅ ژوٚٹ یۅسہ آسمانہٕ پٮ۪ٹھٕ ؤژھ۔42تٔمؠ لوگ اکھ أکس ونُن، "یہِ چُھ صرف یسوعؔ یوسفُنؔ نیٚچو! امسنٛدِس مٲلِس ماجہِ متعلق چھےٚ اسہِ پتاہ۔ یہِ چُھنہٕ ممکن زِ سُہ کیاہ آسہ آسمانہٕ وتھمُت۔ یہِ زن سُہ پانے ونان چُھ۔43یسوعنؔ ووٚن أمِس، "پانہٕ وٲنؠ کٔرِو یہِ شور وور بنٛد یہِ زن مےٚ وۅنُو توٚہہِ۔44چھرا ہیٚکن مےٚ متعلق تِمے کینٛہہ ؤنِتھ یِم میٲنؠ مٲلؠ یمؠ بہٕ یور سوزُس مےٚ نِش سوزؠ۔ میٲنؠ شٲگرد بننہٕ باپتھ۔ تِمے چھِ کینٛہہ وننس لایق تہِ۔ بہٕکرکھ مےٚ نِش یِنہٕ وٲلؠ یِم لوٗکھ ٲخرتس پٮ۪ٹھ بیٚیہِ زِنٛدٕ ییٚلہِ بہٕ سارِنےٕ پنٕنؠ عدالت لاگہٕ۔45رسولو چُھ ووٚنمُت زِ خدا ہٮ۪چھناوِ سارِنےٕ پانے۔ سُہ پرٮ۪تھ کانٛہہ یُس میٲنِس مٲلؠ سنٛز کتھ بوزِ تہٕ ہٮ۪چھِ واتہِ مےٚ نِش تہٕ بنہِ میون شٲگرد۔ 46میانہِ ورٲے چُھنہٕ بیٚیہِ کٲنٛسہِ میون مول وُچھمُتےٕ۔ بہٕ فقط آس بےٕ خدایہِ سٕنٛدِ پٮ۪ٹھٕ۔ بہٕ چُھس سُہ کُن زوٚن یمؠ سُہ وُچھ۔47بہٕ چُھسو پوٚز ونان یُس تہِ مےٚ پٮ۪ٹھ پژھ قٲیِم کرِ سُہ پراوِ پوشوٕنؠ زندگی مےٚ سٟتؠ جنتس منٛز48بہٕ چُھسو پوٚز تہٕ حقیقی ژوٚٹ یۅسہ ابدی زندگی بخشہِ۔49تہنٛدیٚو جدو اجدادو کھیٚو مَنّ ییٚلہِ تِم پھیران ٲسؠ بیابانن منٛز موسیٰؔ ہس سٟتؠ مگر تِم مودؠ توتہِ۔50مگر یمہِ ثۅچہِ ہنٛز کتھ بۅ کران چُھس وژھ آسمانہٕ پٮ۪ٹھٕ تاکہِ کانٛہہ کھیٚیہِ اتھ تہٕ تس انسان سُنٛد روح مرِ نہٕ زانہٛہ۔51بہٕ چُھس پزی سۅ ژوٚٹ یۅسہ پوشوٕنؠ زندگی دِیہ تہٕ یۅسہ آسمانہٕ ؤژھ۔ سُہ ہر کانٛہہ نفر یُس اتھ ژۅچہِ کھیٚیہِ پراوِ پوشوٕنؠ زندگی مےٚ سٟتؠ آسمانس پٮ۪ٹھ۔ میون یہِ بدن تہِ چُھ سُے ژوٚٹ۔ بہٕ دِمہٕ یہِ پنُن بدن چھپہِ یتھ دُنیاہن منٛز سارِنےٕ ہنٛز پوشوٕنہِ زندگی باپتھ۔52یہُودؠ زِٹھیٚو لوگ ؤنؠ پانہٕ وٲنؠ اکھ أکِس سٟتؠ واد واد۔ تِمو ووٚن یہِ نفر ہیٚکنہٕ ہرگِز پنُن بدن سانہِ کھیٚنہٕ باپتھ دِتھ۔53اوے ونُکھ یسوعنؔ بہٕ چُھسو پوٚز ونان توٚہہِ پزِ میون آدمؔ سٕنٛدِ گۅبرٕ سُنٛد یہِ ماز کھیوٚن۔ تہٕ أمؠ سُنٛد یہِ خوٗن چیوٚن یوٚدوے توٚہؠ یہِ کٔرِو نہٕ پوشوٕنؠ زندگی پرٲیو نہٕ ہرگِز۔54کانٛہہ تہِ میون میانہِ بدنُک یہِ ماز کھیٚیہِ تہٕ خوٗن چیٚیہِ لبہِ ابدی زندگی مےٚ سٟتؠ جنتس منٛز۔ تہٕ بیٚیہِ کرن بہٕ سُہ دُبارٕ زندٕ ٲخرتس پٮ۪ٹھ ییٚلہِ بہٕ عدالت لاگہٕ55تہٕ یی چُھ تکیازِ میون ماز چُھ پوٚز روحٲنی کھیٚن تہٕ میون رتھ پزی روحٲنی شربت۔56یِم میون ماز کھیٚن تہٕ رتھ چٮ۪ن رلن مےٚ سٟتؠ تہٕ بہٕ رلہٕ تِمن سٟتؠ۔57میون مول چُھ پرٮ۪تھ کٲنٛسہِ زندگی بخشان۔ تکیازِ تٔمؠ بنووُس بہٕ تہِ اتھ لایق۔ یتھے پٲٹھؠ یِم مےٚ پٮ۪ٹھ پلن روزن ہمیشہٕ زندٕ چُھ میانہِ کرنہٕ سٟتؠ۔58بےٚ چُھس سۅ ژوٚٹ یۅسہ آسمانہٕ ؤژھ۔ یہِ ژوٚٹ چھنہٕ سۅ ژوٚٹ یۅسہ اسرائیلی جدو اجدادو کھیٚیہِ توتہِ مود ہر کانٛہہ۔ مگر یُس تہِ مےٚ یعنی یہِ ژوٚٹ کھیٚیہِ روزِ ہمیشہٕ زندٕ مےٚ سٟتؠ آسمانن پٮ۪ٹھ59یسوعنؔ دِتؠ یِم بیان یہودٮ۪ن برونٛہہ کنہِ تہندِس ہیکلس منٛز کفرنحوم شہرس منٛز ییٚلہِ سُہ اتہِ پنٕنؠ تعلیم دِوان اوس۔60ییٚلہِ تِمو یہِ بوز یہِ تٔمؠ ونُکھ واریہو یسوعؔ سنٛدیو شاگردو ووٚن، "یہِ یسوعؔ ونان چُھ تہٕ چُھ سٮ۪ٹھا مشکل ماننہِ ین۔ یقیناً کرِ نہٕ اتھ کانٛہہ منظور۔61یوٚدوے تس ووٚن نہٕ کٲنسے یسوعؔ اوس زانان زِ تسٕنٛدؠ شٲگرد تہِ چھِ تسٕنٛدِس وننس پٮ۪ٹھ اورُک یورُک ونان۔ اوے پرُژھنکھ کیاہ میٲنؠ تعلیم چھا توٚہہِ ناگوار باسان۔62یوٚدوے میٲنؠ تعلیم توٚہہِ ناگوار چھےٚ تیٚلہِ گژھِ توٚہہِ تہِ ناگوار۔ ییٚلہِ توٚہؠ مےٚ آدمؔ سٕنٛدِس گۅبرس آسمانس کھسان وُچھو یتہِ بہٕ اوسُس؟ 63بس چُھ خدایہِ سُنٛد روح یس کٲنٛسہِ زپوشوٕنؠ زندگی دِتھ ہیٚکہِ۔ انسٲنؠ فطرت آسن چُھ مادس منٛز بے فٲیدٕ۔ یہِ بہٕ توٚہہِ ونان چُھس سُہ چُھ روح القدس تعلیم۔ تہٕ یی چُھ پوشوٕنؠ زندگی دِوان۔64خبر کینٛہہ لوٗکھ چھِنہٕ توٚہہِ منٛز یہِ مانان۔ یہِ مےٚ ووٚن یسوعؔ اوس زانان برابر تمہِ دوٚہہ پٮ۪ٹھٕ ییٚلہِ أمؠ پنٕنؠ تعلیم دِنؠ شروع کرِ۔ زِ کُس کُس کرِ تس پٮ۪ٹھ پژھ تہٕ کُس دِیہ تمِس دغا۔65اوٕ پتہٕ ونُکھ یسوعنؔ تکیازِ توٚہہِ منٛزٕ چُھنہٕ کانٛہہ مےٚ پٮ۪ٹھ پژھ تھاوان مےٚ ووٚن توٚہہِ برونٛہےٕ زِ تِمے یِمن خداین مےٚ کُن یِنچ صلٲحیت بخشؠ تہٕ میٲنؠ شٲگرد بننچ تِمنےٕ اسہِ یہِ صلٲحیت۔66ییٚلہِ یسوعنؔ یہِ کینٛہہ سا ووٚن امسٕنٛدؠ واریاہ شٲگرد دراے واپس تٔتھؠ کامہِ کُن یُس تِم أمِس سمکھنہ برونٛہےٕ کران ٲسؠ تہٕ ترٲوٕکھ اڈٕ وتی امسنٛز شاگردی کرٕنؠ۔67چونکہِ واریاہ ژٔلؠ اوے ووٚن یسوعنؔ پننٮ۪ن بہن شٲگردن کُن۔ یقیناً چُھو نہٕ توٚہؠ یژھان مےٚ ترٲوِتھ نیرُن۔ پزر چھا؟68شمعونؔ پطرسن ووٚنُس یورٕ، "خداوند یوٚدوے اسہِ توٚہہِ ترٲوِتھ نیرُن آسہ ہے کانٛہہ تہِ چُھنہٕ ژےٚ ورٲے یمِس کُن أسؠ گژھو۔ چھرا چُھو توٚہؠ تعلیم دِوان یوٚسہٕ اسہِ پوشوٕنہِ زندگی کُن نِیِ آسمانن پٮ۪ٹھ۔69اسہِ چھےٚ ژےٚ پٮ۪ٹھ پژھ۔ تہٕ أسؠ چھِ پزنہٕ پٲٹھؠ زانان زٕ توٚہؠ چُھو پاک یُس آسمانہٕ وتھمُت چُھ خدایہِ سٕنٛدِ طرفہٕ۔70یسوعنؔ ونُکھ یورٕ، "بہٕ چُھس یقیناً توٚہہِ بہن نفرن ژاران مگر توٚہہِ منٛز چُھ اکھ نفر شیطان سنٛدِس حکمس تل۔71ییٚلہِ یسوعنؔ ووٚن سُہ اوس کران کتھ یہُوداؔ سنٛز یُس شمعونؔ اِسکریوتی سُنٛد نیٚچو اوس۔ تکیازِ یوٚہے اوس بہو شاگردو منٛزٕ یُس بُتھِ پہن یسوعؔس دغا دِیہ۔
Bridge Connectivity Solutions Pvt. Ltd.