ایستر7
1لہٰذا وٲتؠ بادشاہ تہٕ ہامانؔ ملکانہِ آستیرؔ سٕنٛدِس دویمِس سالس، یُس تمہِ تیار کوٚرمُت اوس۔2دویمِس سالس دوران ییٚلہِ تِم شراب ٲسؠ نوش کران، بادشاہن پرُوژھ آستیرِؔ دُبارٕ، "ملکا آستیرؔ، مہربٲنی کٔرتھ ون مےٚ ژٕ کیاہ چھیٚکھ اصلی یژھان۔ ون مےٚ، بہٕ کرٕ تہِ چانہِ باپتھ۔ بہٕ دِمے ژےٚ کینٛہہ تہِ یہِ ژٕ منٛگکھ، چاہے سُہ کوتاہ تہِ بوٚڈ ٲسہ۔"3ملکانہِ آستیرؔ ووٚن پتہٕ یورٕ، "اے بادشاہ، ہرَگاہ بہٕ ژےٚ خوش کران چھیٚسےَ، مےٚ چھےٚ امید زِ ژٕ کرکھ تہِ یہِ بہٕ منٛگہ۔ مہربٲنی کٔرتھ دِیو مےٚ زندٕ روزنُک موقہٕ، تہٕ مہربان روزِتھ بچٲوؠ توکھ میانؠ لوٗکھ۔ یہِ چُھ تہِ یہِ بہٕ منٛگان چھیٚس۔4بہٕ چھیٚس توٚہہ گُزٲرش کران، تکیازِ کُستام چُھ مےٚ تہٕ میانین لوٗکن ہُنٛد دشمن بنیٚومُت، تہٕ سُہ چُھ اسہِ پوٗرٕ پٲٹھؠ تباہ کرنہِ درامتُ۔ ہرَگاہ تِمن مردن تہٕ مستوراتن کانٛہہ غلام بنٲوِتھ کٕنہِ ہے، تیٚلہِ ونہٕ ہو نہٕ بہٕ تتھ متعلق توٚہہ کینٛہہ تہِ، تکیازِ تمہِ باپتھ توٚہؠ بادشاہ تنٛگ کرٕنؠ اوس نہٕ ضروری۔5بادشاہ اخسویرسنؔ دِیُت ملکانہِ آستیرؔ جواب، "یہِ کمؠ چُھ کۅرمُت؟ کتہِ چُھ سُہ شخص یمؠ یژھ کٲم کرنٕچ حماقت کٔرمٕژ چھےٚ؟6آستیرؔ وتُھس یورٕ، "سُہ شخص یُس سون بوٚڈ دشمن چُھ، چُھ یہِ بدبخت شخص ہامانؔ! "امہِ سٟتؠ کھوٚژ ہامانؔ بادشاہس تہٕ ملکانہِ برونٛہہ کنہِ۔7بادشاہس کٔھژ تیژ شرارت زِ سُہ ووٚتھ شرابہٕ محفلہِ منٛزٕ تھوٚد تہٕ درٛاو۔ سُہ دراو نیٚبر محلہٕ خانہٕ کِس باغس منٛز، وُنؠ کیاہ فٲصلہٕ نمہٕ۔ مگر ہامانؔ ٹھہریوو انٛدرے تہٕ لوٚگ ملکانہِ آستیرِؔ پننہِ زُو برٲنٛژ باپتھ زارٕ پارٕ کرنہِ، تکیازِ تمِس توٚر فِکرِ زِ بادشاہ کرِ تمِس قتل۔8سُہ اوس پننہِ زنٛدٕگی باپتھ زارٕ پارٕ کران، ہامانؔ گو تمِس تتھ پلنٛگس نزدیک یتھ پؠٹھ آستیرؔ بہتھ ٲس۔ بادشاہ ییٚلہِ محلکہِ باغہٕ منٛز تتھ کمرس کُن واپس آو یتہِ سُہ مےَ نوشی کران اوس، تٔمؠ وُچھ یہِ۔ بادشاہن دِژ کریٚکھ، "سُہ چُھ میانہِ ملکانہِ میانہِ موجودگی منٛز تہِ میانؠ سےٕ گرس منٛز بےٚ ہرُمٔتی کرنٕچ کوشش کرٕنؠ ہیٚوان! "یتُھےٕ بادشاہن یہِ ووٚن، تہنٛدیو کینٛژو خدمت گارو دبوو ہامانؔ سُنٛد بُتھ، قتل کرنہٕ ینُک اوس سُہ اکھ اِشارٕ۔9بادشاہ سنٛدین محافظن منٛز اوس اکھ محافظ خربوناؔ یُس بادشاہس ذٲتی خدمت گار اوس، تٔمؠ ووٚن، "اے بادشاہ! ہامانؔن چُھ پننہِ گرِ بیٚیہِ اکھ پنٛژٕہہ میٹر تھوٚد پھاسہِ کوٗٹ کھڑا کوٚرمُت۔ تکیازِ سُہ چُھ یژھان مردکیؔ یَس تتھ پؠٹھ پھٲسؠ دِنؠ۔ مگر مردکیؔ ین بچٲو تُہنٛز زنٛدٕگی۔ "بادشاہن ووٚن، "تتھ پؠٹھ دِیو ہامانس پھٲسؠ!"10لہٰذا دِیُت تِموؔ ہامانؔ تتھ پؠٹھ پھہہ یُس تٔمؠ مردکیؔ سٕنٛدِ باپتھ تیار کوٚرمُت اوس۔ ادٕ ووٚتھ بادشاہس تہِ شرارتھ۔
Bridge Connectivity Solutions Pvt. Ltd.