ایستر6
1تمہِ رٲژ آیہِ نہٕ بادشاہس نینٛدر۔ أتی ووٚن تٔمؠ تِمن جوانن یِم تمِس خدمتس ٲسؠ، أنیٚو سا پتمہِ شٲہی کاروٲیہِ۔ اکؠ جوانن انہِ پتمہِ کاروٲیہِ تہٕ لاجَن بادشاہس نِشہ زورٕ زورٕ پرنہِ۔2پتمیٚن کاروٲین منٛز اوس لیکھتھ زِ شٲہی محٲفظ بگتاناؔ تہٕ ترشؔ یِم بادشاہ سٕنٛدِس ذٲتی رہٲیش گاہ کِس برانٛدس نگرٲنی ٲسؠ، ٲسؠ بادشاہ اخسویرسؔ قتل کرنُک منصوبہ بناوان۔ تتھ کاروٲیہِ منٛز اوس یتہِ درج زِ مردکیؔ ین ٲس تِہنٛز سۅ سٲزش فاش کٔرمژ تہٕ بادشاہ اوسُن تتھ متعلق خبردار کۅرمُت۔ تہِ کرنہٕ سٟتؠ بچٲوٕن بادشاہ سنٛز زنٛدگی۔3پتہٕ پُرژھ بادشاہن، "اتھ عوض کُس اعزازا چُھ مےٚ مردکیؔ یس دیُتمت یمؠ میانؠ زنٛدگی بچٲومٕژ چھےٚ؟" تٔمؠ جوانن دِتُس جواب یُس تمِس خدمتس اوس زِ، "تمِس خٲطرٕ چُھنہٕ کانٛسہِ کینٛہہ کۅرمُت۔"4تمی وزِ ژاو ہامانؔ بادشاہ سٕنٛدِس نیٚبرِمس آنٛگنس منٛز، یہِ وننہٕ باپتھ زِ سُہ چُھ یژھان مردکیؔ تتھ پھاسہِ کوٗٹس پؠٹھ کھالُن یُس تٔمؠ تسنٛدِ خٲطرٕ تیار اوس کوٚرمُت۔ یپٲرؠ اوس بادشاہ یژھان کانٛسہِ سٟتؠ مشورٕ کٔرتھ یہِ طے کرُن زِ مردکیؔ یس کِتھٕ پٲٹھؠ ییہِ عزت افزایی کرنہٕ، اوے پُرژھ تٔمؠ، "آنٛگنس منٛز کسُ چُھ؟"5جوانن دِتُس جواب، "اے بادشاہ، ہامانؔ چُھ آنٛگنس منٛز کھڑا۔ "بادشاہن ووٚن، "سُہ أنوون یورؠ۔"6ہامانؔ ییٚلہِ انٛدر ژاو، بادشاہن پُرژھ تمِس، "مےٚ کیاہ پزِ تمِس نفرٕ سٕنٛدِ خٲطرٕ کرُن یمِس بہٕ سۅدِلہٕ یزتھ کرُن چُھس یژھان؟ ہاماننؔ سونچ پانس متعلق، "یقینن چُھس بہٕ سُہ شخص یمِس بادشاہ ساروٕے کھۅتہٕ زیادٕ یزتھ دیُن چُھ یژھان!"7ہاماننؔ ووٚن بادشاہس، "ہرگاہ توٚہؠ پٔزؠ پٲٹھؠ کانٛسہِ یزتھ بخشن یژھان چُھو،8تیٚلہِ ؤنِو پننؠن خدمت گارن زِ تِم انَن سُہ شٲہی لباس یُس توٚہہ لوگمُت آسہ۔ بیٚیہِ انُن سُہ اکھ گُر یمِس توٚہہ سوٲرؠ کٔرمژ آسہ تہٕ پتہٕ تھٲیِو تہنٛدس کلس پؠٹھ اکھ شٲہی تاج یُتھ یہِ باس لگہ زِ یہِ چُھ تُہنٛد۔9"پتہٕ گژھِ تُہنٛدِ طرفہٕ تُہنٛد کانٛہہ تھوٚد امیر تمِس یہِ لباس تہٕ گُر پیش کرُن۔ تُہنٛدؠ خدمت گار لاگن تمِس نفرس پلو یمِس توٚہؠ سۅدلہٕ یزتھ چُھو کرُن یژھان۔ گُرس کھٲلتھ گژھِ سُہ شہرس پھِرناونہٕ یُن۔ تہٕ سٟتؠ سٟتؠ گژھِ پارے دِنہٕ یِنؠ زِ یہِ چُھ بادشاہ سٕنٛدِ حکمہٕ سپدان، تکیازِ سُہ چُھ یمِس شخصس پزنہٕ پٲٹھؠ یزتھ دیُن یژھان!"10بادشاہس آو یہِ منصوبہ پسنٛد تٔمؠ ووٚن ہامانؔس، "ؤلؠ ؤلؠ گژھِ! لباس تہٕ گُر ان تیار کٔرتھ تہٕ کرِ یہُودؠ مردکیؔ سنٛدِ خٲطرٕ تہِ یہِ ژےٚ وُنؠ ونُتھ۔ سُتہ چُھ میٚون اکھ خدمت گار یُس محلہٕ کِس دروازس پؠٹھ بہتھ چُھ۔ یاد تھاو یہِ ژےٚ ونُتھ تہِ کٔرؠ زِ سورےٕ۔11لہٰذا کوٚر ہامانن بادشاہ سُنٛد حکم پوٗرٕ، تٔمؠ نیٚو لباس تہٕ گُر۔ تٔمؠ لٲگؠ مردکیؔ یَس پلو، گُرِس کھٲلِتھ پھرنوون شہرٕ منٛزؠ۔ تٔمؠ دِژ ژۅپٲرؠ پارے تہٕ ونُن، "بادشاہ چُھ یہِ اوٕ موٚکھٕ کران تکیازِ سُہ چُھ پزی یمِس شخصس یزتھ افزٲیی کران!"12مردکیؔ آو بادشاہ سنٛدِس دروازس پؠٹھ واپس تہٕ ہامانؔ ژول شرمنٛدٕ گٔژھِتھ پنُن گرٕ۔13ہاماننؔ کٔرؠ پنٕنؠ سٲری دوس بیٚیہِ جمع۔ تٔمؠ ووٚن تِمن تہٕ پننہِ زنانہِ زرِشؔ تہِ سورےٕ یہِ تمہِ دوٚہہ تمِس سٟتؠ واقع سَپدمُت اوس۔ تمؠ سنٛزِ خاندارنہِ تہٕ کینٛژو دوستو یِم تمِس مشیر تہِ ٲسؠ ووٚن تمِس، "مردکیؔ ین ہیٚوتےٕ ژےٚ شِکس دیُن۔ سُہ چُھ یہُودؠ لہٰذا ہیٚککھ نہٕ ژٕ تمِس پوشِتھ۔ سُہ ہارنٲوی ژےٚ۔14تِم ٲسؠ وُنہِ پانہٕ وٲنؠ کتھےٕ کران تہٕ بادشاہ سنٛدؠ کینٛہہ محٲفظ آے ہامانسؔ آستیرؔ سنٛدِس سالس پٮ۪ٹھ ننہٕ خٲطرٕ یُس تمہِ تیار اوس کۅرمُت۔
Bridge Connectivity Solutions Pvt. Ltd.