1 کورنتھین13
1خیال کٔرِو زِ بہٕ ہیٚکہٕ واریاہ انسٲنؠ تہٕ بالا انسٲنؠ فرشتن ہنٛز زبانہٕ بولِتھ مگر لول چُھم نہٕ کٲنسہِ اکؠ سُنٛد تہِ۔ زٲنؠ تو بہٕ ہیٚکہٕ واریاہ شور پٲدٕ کٔرِتھ کُنہِ تھدِ وزنہٕ والہِ دھاتٕکؠ پٲٹھؠ۔ وۅنؠ گو اتھہٕ روٚٹ آسنہٕ کران کٲنسے۔2بیٚیہِ کٔرِو خیال زِ بہٕ ہیٚکہٕ خدایہِ سٕنٛدِ وننُک اعلان کٔرِتھ بیٚیہِ یہِ زِ بہٕ ہیٚکہٕ ژٮ۪ترِتھ تہٕ سورےٕ زٲنِتھ تہِ۔ بیٚیہِ آسہ مےٚ یقین زِ بہٕ ہیٚکہٕ کۅہ تہٕ بال ہِلٲوِتھ۔ مگر سٟتؠ تھٲیِو یتہِ خیالس منٛز زِ مےٚ چُھنہٕ لول وول کٲنسہِ ہُنٛد تہِ۔ اوٕ کِنؠ چُھنہٕ کانٛہہ چیزےٕ اہم۔3بیٚیہِ کٔرِو خیال زِ مےٚ دیُت تہِ سورےٕ باقین یہِ مےٚ اوس۔ مثلاً لوٗکن یِمن نہٕ غذا اوس تہٕ بیٚیہِ کوٚر نہٕ مےٚ پننہِ پانُک بچاو تاکہِ لوٗکھ کرن مےٚ عزت۔ مگر یتہِ تھٲیِو خیال زِ لول چُھس نہٕ بہٕ کٲنسہِ کران۔ اوٕ کِنؠ زِ بہٕ چُھس نہٕ کٲنٛسہِ تہِ لول کران۔ یتھ کانٛہہ چیز تہِ کرِ نہٕ مےٚ مدد۔4باقین لول برن وٲلؠ چھِ صبرٕ سان پراران روزان تہٕ شانلہِ سان عمل کران۔ تِم چھِنہٕ یژھان زِ باقےٕ مٕہ راوٕ رٲوِن تِم چیز یِم تمن نِش چھِ۔ تِم چھِنہٕ پانس کُنہِ قسمُک تھزر دِوان یا پنٕنؠ شٲنِل ہاونہٕ باپتھ عمل کران۔5تِم چھِنہٕ یچھ کامہِ یا مندچھاون واجنہِ کامہِ کران۔ تِم چھِنہٕ چھرا پننہِ پانہٕ کُےٕ یوت پرواہ بران۔ تِم چھِنہٕ ؤلؠ ؤلؠ کیجن کھسان۔ تِم چھِنہٕ باقین ہنٛدٮ۪ن سہون تہٕ اترٮ۪ن ژرۅان روزان۔6تِم چھِنہٕ خوشی مناوان ییٚلہِ لوٗکھ کینٛہہ اتٕرؠ کرن۔ اتھ برعکس چھِ تِم پزر مازان۔7تِم چھِ پٮرٮ۪تھ کٲنسہِ سٟتؠ رلان میلان۔ تمن چھےٚ ہروِزِ یہِ پژھ زِ خدا کرِ تی یہِ ساروٕے کھۅتہٕ رُت آسہ۔ تمن چُھ یہِ پوشوُن اعتماد زِ خدا کرِ تہِ یمیُک تٔمؠ وعدٕ دیُتمُت چُھ۔ خدا کرِ پنُن وعدٕ پوٗرٕ۔ تم چھِ ہمیشہٕ ثابت قدمی کران ییٚلہ خراب چیز چھِ سپدان۔8تِم یِم زن لوٗکن لول چھِ بران تراون نہٕ زانہٛہ یہِ لول کرُن۔ وۅنؠ گو کُنہِ دوٚہہ تراون لوٗکھ خدا سُنٛد ونُن پتھ کُن۔ کُنہِ ساعتہٕ تراون لوٗکھ وۅپر زبانہٕ بولنہِ۔ کُنہِ دوٚہہ مشن لوٗکن خاص خاصےٕ۔9یِم چیز سپدنےٕ نہٕ امہِ اپور اوٕ کِنؠ زِ أسؠ چھِ خاص کامہِ اڈلیٚکؠ پٲٹھؠ زانان۔ تہٕ أسؠ چھِ تصدیق کران خدایہِ سٕنٛدِ وننُک۔ اڈلیٚکؠ پٲٹھؠ۔10وۅنؠ ییٚلہِ أسؠ تہِ ژیترو یہِ مکمل چُھ ییٚلہِ زن یسوعؔ واپس ییہِ کُنہِ چیزُک اڈلیوٚک آسُن روزنہٕ کانٛہہ معاملے۔11اکھ تمثیل بوزؠ تو۔ ییٚلہِ أسؠ لۅکٕٹؠ ٲسؠ۔ أسؠ ٲسؠ شُرٮ۪ن ہنٛدؠ پٲٹھؠ کتھ کران۔ أسؠ ٲسؠ شُرٮ۪ن ہنٛدِ آیہِ سونٛچان کران۔ أسؠ ٲسؠ شُرٮ۪ن ہنٛدؠ پٲٹھؠ فٲصلہٕ کران۔ مگر یُتھےٕ أسؠ بٔڈؠ گے اسہِ ترٲو شُرؠ گی أتی۔12وۅنؠ چھِ أسؠ خدایس بالواسطہٕ وُچھان زنتہٕ کُنہِ عٲنہٕ منٛزؠ چھِ عکس وُچھان۔ ییٚلہِ یسوعؔ واپس ییہِ، أسؠ وُچھوون خدا دید مان۔ وُنکٮ۪س چھِنہٕ أسؠ خدا اڈلیٚکؠ پٲٹھؠ زانن۔ ییٚلہِ یسوعؔ واپس ییہِ ادٕ أسؠ زانو خدایس تیُتےٕ یوٗتاہ سُہ اسہِ زانان چُھ۔13چھیکرس پٮ۪ٹھ روزو أسؠ تِمے ترےٚ کامہِ کران یِم أسؠ کران چھِ۔ اسؠ کرو مسیحؔ ہس پٮ۪ٹھ پژھ، اعتماد سان یہِ امید تھٲوِتھ زِ خدا کرِ تہِ یمیُک وعدٕ دیُتمُت چُھن تہٕ روزو خدایس تہٕ باقےٕ لوٗکن لول کران۔ وۅنؠ گو خدایس تہٕ باقےٕ لوٗکن ہُنٛد لول چُھ یمو تریٚیو منٛزٕ ساروٕے کھۅتہٕ اہم۔
Bridge Connectivity Solutions Pvt. Ltd.