1 کورنتھین12
1بہٕ چُھن وۅنؠ اتھ بارس منٛز کتھ کرنہٕ خٲطرٕ برونٛہہ پکان زِ کِتھہٕ پٲٹھؠ چُھ خدایہِ سُنٛد روح خاص پٲٹھؠ دین دارن طاقت بخشان۔ بہٕ چُھس یژھان توٚہہِ، میاٮنٮ۪ن سٲتھی دین دارن یِمن چیزن متعلق آگاہ کرُن۔2توٚہہِ چُھوا یاد توٚہہِ کیا اوسو کوٚرمُت ییٚلہِ توٚہؠ امانہٕ ورٲے ٲسِو۔ توٚہؠ ٲسِو باقین خداین ہنٛز عبادت کران۔ یوٚدوے باقےٕ خدا ہیٚکن نہٕ کتھ تہِ کٔرِتھ، مگر توٚہہِ کوٚرُو تی یہِ توٚہہِ لوٗکو وۅنہٕ ہو غلط کرنہٕ خٲطرٕ تِمن خداین ہنٛز عبادت کرنہٕ خٲطرٕ۔ 3تہٕ پتہٕ، چُھسو بہٕ توٚہہِ ونان زِ یُس شخص یسوعؔس پٮ۪ٹھ لعنت چُھ سوزان سُہ چُھنہٕ خدایہِ سٕنٛدِس پاک روح کِس طاقتس سٟتؠ کتھ کران۔ دویمہِ طرفہٕ اکھ شخص یُس ونان چُھ زِ یسوعؔ چُھ خداوند تس پزِ خداوند سٕنٛدِس پاک روح کِس سٟتؠ کتھ کرٕنؠ۔4روح چُھ لوٗکن مختلف طریقو طاقت بخشان، مگر اتہِ چُھ بس اکھ روح۔5لوٗکھ چھِ مختلف رنگو رۅبہٕ سنٛز عبادت کران، مگر اتہِ چُھ صرف اکھ خداوند۔6لوٗکھ چھِ مختلف رنگو خدایہِ سنٛزٕ کامہِ کرنہِ، مگر اتہِ چُھ بس اکھ خدا۔ سُے چُھ یُس تمام لوٗکن اختیار دِوان چُھ یمو ساروٕے طریقو کٲم کرنُک7پرٮ۪تھ کانٛہہ دین دار چُھ خدایہِ سٕنٛدِ طرفہٕ مخصوص طریقہٕ حٲصل کران تاکہِ خدایہِ سُنٛد روح ہیٚکہِ کام کرنہٕ خٲطرٕ باقین سٲتھین مدد کٔرِتھ۔8مثلاً، خدایہِ سُنٛد روح چُھ کینٛژن ایماندارن عقلمندی سان کتھ کرنُک طاقت بخشان۔ باقےٕ ایماندار ہیٚکن علمی طور کتھ کٔرِتھ، تہٕ سُے روح چُھ تِمن یہِ کرنُک طاقت بخشان۔9سُے روح چُھ کینٛژن ایماندارن خدایس پٮ۪ٹھ بھروسہٕ کرنُک طاقت بخشان۔ سُے روح چُھ باقین دین دارن بیٚین شفا دِنُک طاقت بخشان۔10باقےٕ دین دار ہیٚکن سخت کامہِ کٔرِتھ۔ باقےٕ دین دار ہیٚکن خدا سنٛدؠ پٲغام بوزنٲوِتھ۔ باقےٕ دین دار ہیٚکن یہِ فٲصلہٕ نِتھ زِ کانٛہہ چیز چھا خدایہِ سٕنٛدِ روح پٮ۪ٹھ آمُت کِنہٕ نَہ۔ کینٛہہ دین دار ہیٚکن غٲر زٲنؠ زبانن منٛز کتھ کٔرِتھ۔ باقےٕ دین دار ہیٚکن یِمن غٲرزٲنؠ زبانن ہنٛز ترجمٲنی کٔرِتھ۔11سُے روح چُھ یِم سارے کامہِ کرنہٕ باپتھ ایماندارن بااختیار بناونہٕ خٲطرٕ کام کران۔ بس چُھ اکھ روح القدس، تہٕ سُہ چُھ فٲصلہٕ کران زِ کِتھہٕ پٲٹھؠ چھےٚ پرٮ۪تھ دین دارس خاص پٲٹھؠ کٲم کرٕنؠ۔12أسؠ چھِ سمجھان أکِس انسان سُنٛد جسم اکھ وحدت، مگر جسمس چھِ واریاہ انٛگ آسان۔ لہٰذا، جسمٕکؠ تِم سٲری انٛگ تِم کٲتؠ تہِ ٲسؠ تن چھِ یِکہٕ وٹہٕ اکھ جسم بناوان۔ یتھے پٲٹھؠ ہیٚکو أسؠ سونچِتھ مسیحؔ ہس متعلق تہِ۔13وۅنؠ خداین چھِ أسؠ تِتھٕ پٲٹھؠ نزدیکی سان جوڈِتھ تھٲوؠ مٕتؠ زنتہٕ چُھ اسہِ اکُے جسم بنوومُت۔ یہِ سپُد تمہِ وزِ ییٚلہِ اسہِ لوٗکو بپتسمہ دیُت، امکِس نتیجس منٛز چُھ اسہِ نِش اکُے روح۔ اسہِ بنوو یہِ اکھ جسم۔ حالانکہ اسہِ منٛزٕ چھِ کینٛہہ یہُودؠ تہٕ غٲر یہُودؠ، یوٚدوے اسہِ منٛزٕ کینہٛ غلام چھِ تہٕ کینٛہہ آزاد چھِ۔ امہِ باوجود نیٚو اسہِ اتھ أکِس روحس منٛز حصہ یِتھٕ پٲٹھؠ اسہِ اکہِ پیالُک شربت بٲگروو۔14یتھٕ پٲٹھؠ توٚہؠ زانان چُھ۔ اکھ جسمٲنؠ انٛگ چُھنہٕ پوٗرٕ جسم بناوان، بلکہِ اتھ چھِ لگان واریاہ انٛگ اکھ جسم بننہٕ باپتھ۔15خیال کٔرِو تُہنٛد کھۅر ہیٚکہِ توٚہہِ سٟتؠ کتھ کٔرِتھ تہٕ ونہِ زِ بہٕ چُھس نہٕ اتھہٕ۔ بہٕ ہیٚکہٕ نہٕ تہنٛدِ بدنُک تان ٲسِتھ۔ یہِ وجہہ ہیٚکہِ نہٕ اتھ مُچھِ تھٲوِتھ تہنٛدِ بدنٕکؠ تان آسنہٕ نِشہ۔16بیٚیہِ کٔرِو خیال زِ تُہنٛد کن ہیٚکہِ توٚہہِ سٟتؠ کتھ کٔرِتھ تہٕ ونہِ اوٕ کِنؠ زِ بہٕ چُھس تہنٛز أچھ۔ بہٕ ہیٚکہٕ نہٕ تہنٛدِ بدنُک تان ٲسِتھ۔ یہِ دعوا ہیٚکہِ نہٕ تہنٛدِ بدنُک تان آسنہٕ نِشہ مُچھِ ترٲوِتھ۔17خیال کٔرِو زِ چھرا أچھےٕ یاژٕ بناون تُہنٛد بدن۔ تیٚلہِ ہیٚکو نہٕ توٚہؠ کینٛہہ بوزِتھےٕ۔ خیال کٔرِو زِ چھرا کنےٕ یٲتؠ بناون تُہنٛد بدن۔ تیٚلہِ ہیٚکو نہٕ توٚہؠ مُشکےٕ ژینِتھ۔18وۅنؠ وُچھِو پوٚز کیا چُھ بدنس متعلق: خداین کوٚر فٲصلہٕ زِ کُس تان کِتھہٕ پٲٹھؠ کرِ کٲم۔ تٔمؠ رلٲوؠ بدنٕکؠ تان پانہٕ وٲنؠ اکہِ خاص آیہِ۔19خیال کٔرِو زِ تہنٛدِ بدنٕکؠ تان آسہ ہن ہِوِی پانہٕ وٲنؠ، توٚہہِ آسہ ہے نہٕ تیٚلہِ پزنہٕ پٲٹھؠ بدنےٕ۔20مگر بدنن متعلق چُھ یہِ پوٚز زِ واریاہ بدنٕکؠ تان چھِ پانہٕ وٲنؠ بیوٚن بیوٚن۔ مگر یِکہٕ وٹہٕ چھِ یِم تان سٲری اکھ بدن بناوان۔21خیال کٔرِو یوٚدوے تہنٛدِ بدنٕکؠ تام کتھ ہیٚکن کٔرِتھ، أچھ ہیٚکہِ نہٕ اتھس ؤنِتھ، "مےٚ چھنہٕ کانٛہہ ضرورت" یتھے پٲٹھؠ ونہِ ہے نہٕ کلہٕ کھور "مےٚ چھنہٕ تہنٛز ضرورت۔"22اتھ برعکس چُھ یہِ پوٚز زِ تِم تان یمن أسؠ بڈٕ ٲوِلؠ زانو چھِ، پزنہٕ پٲٹھؠ اہم۔23مزید چھِ أسؠ زیادٕ قدر تِمن تانن کران یِمن أسؠ کم قٟمتی زانان چھِ۔ أسؠ چھِ کم شٲنلہ والیٚن تانن زیادٕ شٲنلہ وٲلؠ مانان۔24مگر أسؠ چھِنہٕ زیادٕ شٲنلہ والیٚن تانن کینٛہہ خاص پٲٹھؠ مازان۔ ٲخرس پٮ۪ٹھ خدٲیی چھے یمن سارنےٕ بدنکٮ۪ن تانن یِکہٕ وٹہٕ أکِس بدنس منٛز رلاوان تہٕ سُہ چُھ کم قدر والیٚن تانن قدرٕ وٲلؠ بناوان۔25خداین کوٚر یہِ تاکہِ بدن گژھِ نہٕ بیوٚن مختلف تانن منٛز۔ امہِ بدلہٕ چھِ بدنٕکؠ تان پانہٕ وٲنؠ سمُت کٔرِتھ کٲم کران۔ تہٕ کُنہِ تانس چھنہٕ بیٚیِس تانس پٮ۪ٹھ ترجیع۔26اوے ییٚلہِ کُنہِ أکِس تانس چُھو لگہ باقےٕ تان تہِ چھِ چھۅکل گژھان۔ ییٚلہِ کانٛہہ کُنہِ أکِس تانس مٹھ مٹھ دِیہ ساری تان چھِ وۅلسنس یِوان۔27بہٕ چُھس یہِ اوٕ کِنؠ ونان زِ توٚہؠ چُھو زنتہٕ مسیحؔ سُنٛد بدن۔ توٚہہِ منٛزٕ چُھ پرٮ۪تھ کانٛہہ زنتہٕ تمسنٛدِ بدنُک تان۔28امی آیہِ بوزؠ تو یہِ خداین بنٲوؠ خاص پٲٹھؠ تِم لوٗکھ پُرقوت یِم تس سنٛز عبادت کران چھِ۔ اکھ: کینٛہہ لوٗکھ چھِ تِم یِم زن خداین مسیحؔ سنٛدؠ نمایندگی کرنہِ سوزؠ۔ دویِم: کینٛہہ لوٗکھ امہِ باپتھ زِ تمیُک اعلان کرن یہِ خداین ووٚن۔ تریٚیِم: کینٛہہ لوٗکھ چھِ باقین تعلیم دِوان۔ امہِ مزید کینٛہہ لوٗکھ چھِ قوت واجنہِ کامہِ کران۔ کینٛہہ چھِ باقین شفا بخشان۔ کینٛہہ باقےٕ دین دارن اتھہٕ روٚٹ کران۔ دین دار جمٲژن رہنمٲئی کران یا مختلف زبانہٕ بولان۔29مگر کٔژتامےٕ دین دار چھِ مسیحؔ سنٛدؠ رسول۔ چھرا کٔژتامےٕ چھِ تی اعلان کران یہِ خداین ووٚن۔ کٔژتامےٕ چھِ باقین دین دارن تعلیم دِوان۔ کٔژتامےٕ چھِ، قوت واجنہِ کامہِ کران۔30کٔژتامےٕ چھِ باقین شفا بخشان۔ چھرا کٔژتامےٕ چھِ وۅپر زبانہٕ بولان۔ چھرا کٔژتامےٕ چھِ یِمن وۅپر زبانن ترجمہٕ کران۔31وۅنؠ چُھس بہٕ یژھان زِ توٚہؠ ژھٲرِو شوقہٕ سان سٮ۪ٹھا فٲیدٕ منٛد انعام۔ برونٛہہ کُن وننہٕ بہٕ توٚہہِ سۅ ساروٕے کھۅتہٕ شاندار وتھ یتھ پٮ۪ٹھ توٚہؠ پٔکِتھ ہیٚکو۔
Bridge Connectivity Solutions Pvt. Ltd.