ABIRANIYAWA1
1Kwanki a beyi Mirikisi yi beta nja nsu Adaatolo mu a kwanki nyowa nja a turiki nyowa te anya nsu anebi,2sede a kwanki karishe Mirikisi yi beta nja mu te anya Yaa yi. Te anya Yaa yi na Mirikisi yi guru mbo a durinya, nsude Mirikisi zabi de yi gado a kiya mbo guru a karishe.3Yesu e shiya ma asikye ni dereja Mirikisi nja kyakya yiri ni kamani yi, e shiya yaa keyi guru ntani durinya ni yiko kelima yi. A beyi de e wonkye lepi ni nsebeki guru, e zunwa a bisi a nani dama ni Mirikisi, nsu yiko.4Yomuna Yaa Man Girima pi meleku, yiride Mirikisi beyi seni de e pi na su sori.5Sobon Mirikisi taba gye meleku daa a bisi nkye,<<Ki ma Yaa na ba;yawu Ni ma Adaa ke ba.>>Ko kwa Mirikisi e pala gye meleku daa nkye,<<Na ma Adaa yi,nja yaa ma Yaa na.>>6Sede kwanki de Mirikisi yaa bila saka Yaa yi ni pari a siki durinya nkye,<<Ema dole guru meleku Mirikisi su bowuta yi.>>>>7Sede a kiya meleku Mirikisi nkye,<<Yaa sa melekuyi su ma kankye aworo Mirikisi,se bunwa yi sua ma kankye arishiya wuta.>>8Sede a kiya Yaa, Mirikisi nkye,<<Solota ke, Mirikisi, yaama ni din din, din!Ki yi solota a kiya ntani ake ni gaskye.9Ka so mbode ma gangasi nja ka ki mumungu.E shiya sa Mirikisi, Mirikisi ake, e zabi kese e ba ke peri siki ni girimade pi ni nsu oboki tepiya ake.>>10Mirikisi kwa pala nkye,<<Dege pari, Obagizi, kapa kutiri durinya,Ni nani ake ki yi bisi.11Sua beeta, sede eke ki na;guru asu sua sopa kankye keikei.12Ka lende su kankye yadi,sua shenja kankye keikei.Sede e ke ka ma yiride ki ma,kama gbogbo.>>13Mirikisi taba gye meleku yi daa nkye:<<Zunwa anya mu a nani dama naari Na sa oboki gebakea kisi seni ke.>>14Nsu waa, ma meleku? Osu na su ma aworo de Mirikisi saka su de su sua worede Mirikisi yaa sila nsu nto.
The Word for the World International