লুক3
1রোমি টেবো জাইপু তিবেরিয়সহা রাজ জোওয়া লো চোইংঙানিং বাংতেমি নিমি। আত্রংহা পোনতিয়োস পিলাতসহা য়হুদিয়া জায়গাকো টেবো হাকিম নিমি। রোমি টেবো জাইপুকো জাংমবেপারাং হেরোদ এন্তিপাসহা গালীল জায়গাকো টেবো হাকিম নিমি, আকো ডুওয়া ফিলিপহা ইতুরিয়া আসা ত্রাকোনিতিস জায়গাকো মাটা নিমি। অবিলেনে জায়গাতা লুসানিয়াস তাওয়া দিংঙা টেবো কাইজি নিমি।2আত্রংকো সময়তাহা টেবো পাউবিহা হোন্নাসসো কৈয়াফা নিমি। জোকোরিয়াকো চেংওয়া য়হুন্না চিচ্চোওয়া জায়গাতা নিনুরাং সেংজাহা আকুহিংয়া দেরেং হিংপাকো তামসা জাংয়ে।3য়হুন্নাহা য়র্দন জোরাকো হুরাপা নিওয়া তাংসা জায়গাতা হোমসা দিংঙাবিহিং এপা জাংমসা হিংপায়ে, “আপনি আপনিকো পাপহিং পশ্চতাপ জোমসা বাপ্তিস্মা লাং, আসা সেংজাহা নাবিকো জোওয়া পাপহিংয়া ছমা জোপিরোওয়া।”4এপারাং প্রভুসেংজাকো অগমবক্তা এশাইয়াকো হিগাতা লাওয়া ই নুওয়াংবিহা তাংসা জিংয়ে, “হিং, চিচ্চোওয়া জায়গাসো ইচো দিংঙাহা ঙামসা এপা জাংদিংয়ো, ‘সেংজাকো ন্যাতা চোপা, আকো তেইওয়া ন্যাতাবি গেংপা জো!5তাংসা হোক্রা-হোক্রি মেইপানেরোওয়া। আসা তাংসা য়্যাগ্যইবিহিংয়া ঠেমসা নিওপানেরোওয়া, হুরানেওয়া ন্যাতাবিহা গেংপা জিংনেরোওয়া, হ্যামরাইক্যইওয়া ন্যাতাবিহা এনতাপা জিংনেরোওয়া।6আসা এপারাং সেংজাকো নিংপুওয়া আকো মুক্তিহিংয়া তাংসা দিংঙাবি তিংরোওয়া।’”7উইসে দিংঙাবিহা য়হুন্নাকোতা বাপ্তিস্মা লাংকো লেহে। আদো য়হুন্নাহা আবিহিংয়া জাংয়ে, “ও চুসুং-মাইসুংক্যইওয়া পুইওয়াকো চেংবে বেপা জিংওয়া দিংঙাবাই! ‘সেংজাকো ন্যায়সোহা ক্যাকো’ তামসা নাবিহিংয়া হাংসু ঝিপাংগা?8নাবিহা আপনি আপনিকো পাপহিংয়া পশ্চতাপ জোয়ো তামসা লায়োংদানাহা আকো নাগাইতা এনতাওয়া কাম তিংপা। ‘কাবিহা অব্রাহামকো চেংচুংবিগা’ আকো সোতা ন্যায়সোহা ক্যাকো চুরোওয়া তামসা নাবিহা মোনোগে, কা নাবিহিংয়া জাংরোওয়া, হাংপাতানাহা সেংজাহা ই লুংটুইসোরে অব্রাহামকো চেংবি নোপাকো চুরোওয়া।9নেহা সেংজাকো ন্যায়কো দুপেহা সিংতেংবিকো দেবেতা হুইমি নিও, আকো সোতা ফল মেশেওয়া সিংতেংবিহিংয়া নেমসা মেহতা চুংপুরোওয়া।”10আসা উইসে দিংঙাবিহা য়হুন্নাহিং উইয়ে, “এপা বেনাহা কাবিহা হাং জোনেকোগা?”11য়হুন্নাহা আবিহিংয়া জাংয়ে, “হাংসুকোতা নিহজো আংদুংনি, আবিহা মাতামবিহিং পিচাকো। এপারাং হাংসুকোতা চাওয়া আংওয়াবিনি! আবিরে মাতামবিহিং পিচাকো।”12আসা তোংক্যা জুওয়াবিরে বাপ্তিস্মা লাংকো লেমসা য়হুন্নাহিং উইয়ে,
“উটকেওয়া কাবিহা হাং জোনেকোগা?”13আকুহা আবিহিংয়া জাংয়ে, “নাবিহা রোমি সরকারকো লিংপাংতা তানেওয়ারোমা সিওপা দিংঙাবিকোসো তোংক্যা মাজুগ্যই।”14সিপাইবিরে এপা জাংমসা উইয়ে, “কাবিহা হাং জোকোগা?”
য়হুন্নাহা আবিহিংয়া জাংয়ে, “নাবিহা দোসরা দিংঙাবিহিং চুসুংপামসা আসা ল্যহপামসা ন্যাস্যা মোজুউ, আদো আপনিহিং হাসে পিচাদিং আওসেতারাং গাগ্রুপা য়ুং।”15দিংঙাবিহা জেংওয়া জাইপু খ্রীষ্টহিং খুইসুদিংমি, আকো সোতা আবিহা তুংসিংতা য়হুন্নাহিংনাং, “না ইরাং খ্রীষ্টমে?” তামসা নোসুদিংমি।16আত্রংহা য়হুন্নাহা তাংসাহিং জাংয়ে, “কা আজিপ্পারাং নাবিহিং তিসো বাপ্তিস্মা পিচারোওয়া, আদো ইচো কারোমা সে নিওয়া দেপাদাংয়ে। আকো কোরোংকো সিংদি সিকো বেপারে কা মোতো। আকুহা নাবিহিং পবিত্র লাংবেসো আসা মেসো বাপ্তিস্মা পিচারোওয়া।17তাওয়া কুরাহা আকো খুইতা নিও। নেহা আকু কুরাসোহা আকুহা আপনিকো কোলেং সাইরোওয়া। আসা অংসেহা আকো তোপাতা এরোওয়া আসা ভীতোহা হাত্রংরে মিসিওয়া মেতা চুংপুরোওয়া।”18এপারাং য়হুন্নাহা উইসে নুওয়াংবি ঝিপামসা দিংঙাবিহিং এনতাওয়া দেরেং হিংপায়ে।19হেরোদ টেবো জাইপুহা আপনিকো ডুওয়া ফিলিপকো মে হেরোদিয়াসহিং এচপুমকো সোতা আসা উইসে পাপবি জোওয়াকো সোতা য়হুন্নাহা আকুহিংয়া য়েংয়ে।20আকো সোতা হেরোদহা য়হুন্নাহিংয়া জেলতা সুংমসা আকুহা পাপকো তোইতা ন্যাসারাং দোসরা পাপ কাম জোয়ে।21আসা উইসে দিংঙাবি বাপ্তিস্মা লাংদিংনুওয়া ইশুরে বাপ্তিস্মা লাংয়ে আসা আকু পাচাইদিংনুওয়া লোডিংবা ওয়েচপুহে।22আসা পবিত্র লাংবেহা ইশুকো জুপাতা কুইজা ত্যাবাপা ঊইয়ে। আসা লোডিংবাসো ইচো আওয়াজ লেহে, “নাতিহা কুং জেজেংওয়া চেংওয়াগা, কা নাতিহিংপা গাগ্রুপা নিও।”23ইশু আপনিকো কাম শুরু জোদাংনুওয়া আকুহা ইকাইসো লো ত্যানিং বাংদাংতেমি। দিংঙাবিহা য়োসেফহিংনাং আকো আপা তামসা জাংচাংমি। য়োসেফহা এলিকো চেংওয়া নিমি,24এলিহা মোতাতকো চেংওয়া, মোতাতহা লেবিকো চেংওয়া, লেবিহা মল্কিকো চেংওয়া, মল্কিহা য়ান্নাকো চেংওয়া, য়ান্নাহা য়োসেফকো চেংওয়া,25য়োসেফ মোত্তাথিয়াসকো চেংওয়া, মোত্তাথিয়াসহা আমোসকো চেংওয়া, আমোসহা নাহুমকো চেংওয়া, নাহুমহা ইসলিকো চেংওয়া, ইসলিহা নোগ্গেইকো চেংওয়া,26নোগ্গেইহা মাথকো চেংওয়া, মাথহা মোত্তাতিয়াসকো চেংওয়া, মোত্তাথিয়াসহা সেমেইনকো চেংওয়া, সেমেইনহা য়োসেখকো চেংওয়া, য়োসেখহা য়োদাকো চেংওয়া,27য়োদাহা য়োআননকো চেংওয়া, য়োআননহা রেসাকো চেংওয়া, রেসা য়রুবাবেলকো চেংওয়া, য়রুবাবেলহা শালতিয়েলকো চেংওয়া, শালতিয়েলহা নেরিকো চেংওয়া,28নেরিহা মল্কিকো চেংওয়া, মল্কিহা অদ্দিকো চেংওয়া, অদ্দিহা কোসামকো চেওয়া, কোসামহা ইলমাদমকো চেংওয়া, ইলমাদমহা এরকো চেংওয়া,29এরহা য়োহসুকো চেংওয়া, য়োহসুহা এলাজারকো চেংওয়া, এলাজারহা য়োরিমকো চেংওয়া, য়োরিমহা মোততাটকো চেংওয়া, মোততাটহা লেবিকো চেংওয়া,30লেবিহা সিমিয়োনকো চেংওয়া, সিমিয়োনহা য়হুদাকো চেংওয়া, য়হুদাহা য়োসেফকো চেংওয়া, য়োসেফহা য়োন্নানকো চেংওয়া, য়োন্নানহা ইলিয়াকিমকো চেংওয়া,31ইলিয়াকিমহা মোলেয়াকো চেংওয়া, মোলেয়াহা মিন্নাকো চেংওয়া, মিন্নাহা মন্তাথাকো চেংওয়া, মন্তাথাহা নাথানকো চেংওয়া, নাথানহা দাউদকো চেংওয়া,32দাউদহা ইসাইকো চেংওয়া, ইসাইহা আবেদকো চেংওয়া, আবেদহা বোয়াজকো চেংওয়া, বোয়াজহা সোল্মনকো চেংওয়া, সোল্মনহা নোহাসেনকো চেংওয়া,33নোহাসেনহা অম্মিনাদাবকো চেংওয়া, অম্মিনাদাবহা আরামকো চেংওয়া, আরামহা হেসরোনকো চেংওয়া, হেসরোনহা পিরেসকো চেংওয়া, পিরেসহা য়হুদাকো চেংওয়া,34য়হুদাহা য়াকুবকো চেংওয়া, য়াকুবহা ইসহাককো চেংওয়া, ইসহাকহা অব্রাহামকো চেংওয়া, অব্রাহামহা তেরকো চেংওয়া, তেরহা নোহার চেংওয়া,35নোহারহা সোরুগকো চেংওয়া, সোরুগহা রুউকো চেংওয়া, রুউহা পেলেককো চেংওয়া, পেলেকহা এবিরকো চেংওয়া, এবিরহা সেলোহকো চেংওয়া,36সেহোলহা কেনানকো চেংওয়া, কেনানহা আর্পকদকো চেংওয়া, আর্পকদহা সেমকো চেংওয়া, সেমহা নোহাকো চেংওয়া, নোহাহা লেমেখকো চেংওয়া,37লেমেখহা মতুশেলহকো চেংওয়া, মতুশেলহা হনোককো চেংওয়া, হনোকহা য়েরিতকো চেংওয়া, য়েরিতহা মোহোলেলকো চেংওয়া, মোহোলেলহা কেনানকো চেংওয়া,38কেনানহা এনোসকো চেংওয়া, এনোসহা সেতকো চেংওয়া সেতহা আদমকো চেংওয়া, আদমহা সেংজাকো চেংওয়া নিমগা।
“উটকেওয়া কাবিহা হাং জোনেকোগা?”13আকুহা আবিহিংয়া জাংয়ে, “নাবিহা রোমি সরকারকো লিংপাংতা তানেওয়ারোমা সিওপা দিংঙাবিকোসো তোংক্যা মাজুগ্যই।”14সিপাইবিরে এপা জাংমসা উইয়ে, “কাবিহা হাং জোকোগা?”
য়হুন্নাহা আবিহিংয়া জাংয়ে, “নাবিহা দোসরা দিংঙাবিহিং চুসুংপামসা আসা ল্যহপামসা ন্যাস্যা মোজুউ, আদো আপনিহিং হাসে পিচাদিং আওসেতারাং গাগ্রুপা য়ুং।”15দিংঙাবিহা জেংওয়া জাইপু খ্রীষ্টহিং খুইসুদিংমি, আকো সোতা আবিহা তুংসিংতা য়হুন্নাহিংনাং, “না ইরাং খ্রীষ্টমে?” তামসা নোসুদিংমি।16আত্রংহা য়হুন্নাহা তাংসাহিং জাংয়ে, “কা আজিপ্পারাং নাবিহিং তিসো বাপ্তিস্মা পিচারোওয়া, আদো ইচো কারোমা সে নিওয়া দেপাদাংয়ে। আকো কোরোংকো সিংদি সিকো বেপারে কা মোতো। আকুহা নাবিহিং পবিত্র লাংবেসো আসা মেসো বাপ্তিস্মা পিচারোওয়া।17তাওয়া কুরাহা আকো খুইতা নিও। নেহা আকু কুরাসোহা আকুহা আপনিকো কোলেং সাইরোওয়া। আসা অংসেহা আকো তোপাতা এরোওয়া আসা ভীতোহা হাত্রংরে মিসিওয়া মেতা চুংপুরোওয়া।”18এপারাং য়হুন্নাহা উইসে নুওয়াংবি ঝিপামসা দিংঙাবিহিং এনতাওয়া দেরেং হিংপায়ে।19হেরোদ টেবো জাইপুহা আপনিকো ডুওয়া ফিলিপকো মে হেরোদিয়াসহিং এচপুমকো সোতা আসা উইসে পাপবি জোওয়াকো সোতা য়হুন্নাহা আকুহিংয়া য়েংয়ে।20আকো সোতা হেরোদহা য়হুন্নাহিংয়া জেলতা সুংমসা আকুহা পাপকো তোইতা ন্যাসারাং দোসরা পাপ কাম জোয়ে।21আসা উইসে দিংঙাবি বাপ্তিস্মা লাংদিংনুওয়া ইশুরে বাপ্তিস্মা লাংয়ে আসা আকু পাচাইদিংনুওয়া লোডিংবা ওয়েচপুহে।22আসা পবিত্র লাংবেহা ইশুকো জুপাতা কুইজা ত্যাবাপা ঊইয়ে। আসা লোডিংবাসো ইচো আওয়াজ লেহে, “নাতিহা কুং জেজেংওয়া চেংওয়াগা, কা নাতিহিংপা গাগ্রুপা নিও।”23ইশু আপনিকো কাম শুরু জোদাংনুওয়া আকুহা ইকাইসো লো ত্যানিং বাংদাংতেমি। দিংঙাবিহা য়োসেফহিংনাং আকো আপা তামসা জাংচাংমি। য়োসেফহা এলিকো চেংওয়া নিমি,24এলিহা মোতাতকো চেংওয়া, মোতাতহা লেবিকো চেংওয়া, লেবিহা মল্কিকো চেংওয়া, মল্কিহা য়ান্নাকো চেংওয়া, য়ান্নাহা য়োসেফকো চেংওয়া,25য়োসেফ মোত্তাথিয়াসকো চেংওয়া, মোত্তাথিয়াসহা আমোসকো চেংওয়া, আমোসহা নাহুমকো চেংওয়া, নাহুমহা ইসলিকো চেংওয়া, ইসলিহা নোগ্গেইকো চেংওয়া,26নোগ্গেইহা মাথকো চেংওয়া, মাথহা মোত্তাতিয়াসকো চেংওয়া, মোত্তাথিয়াসহা সেমেইনকো চেংওয়া, সেমেইনহা য়োসেখকো চেংওয়া, য়োসেখহা য়োদাকো চেংওয়া,27য়োদাহা য়োআননকো চেংওয়া, য়োআননহা রেসাকো চেংওয়া, রেসা য়রুবাবেলকো চেংওয়া, য়রুবাবেলহা শালতিয়েলকো চেংওয়া, শালতিয়েলহা নেরিকো চেংওয়া,28নেরিহা মল্কিকো চেংওয়া, মল্কিহা অদ্দিকো চেংওয়া, অদ্দিহা কোসামকো চেওয়া, কোসামহা ইলমাদমকো চেংওয়া, ইলমাদমহা এরকো চেংওয়া,29এরহা য়োহসুকো চেংওয়া, য়োহসুহা এলাজারকো চেংওয়া, এলাজারহা য়োরিমকো চেংওয়া, য়োরিমহা মোততাটকো চেংওয়া, মোততাটহা লেবিকো চেংওয়া,30লেবিহা সিমিয়োনকো চেংওয়া, সিমিয়োনহা য়হুদাকো চেংওয়া, য়হুদাহা য়োসেফকো চেংওয়া, য়োসেফহা য়োন্নানকো চেংওয়া, য়োন্নানহা ইলিয়াকিমকো চেংওয়া,31ইলিয়াকিমহা মোলেয়াকো চেংওয়া, মোলেয়াহা মিন্নাকো চেংওয়া, মিন্নাহা মন্তাথাকো চেংওয়া, মন্তাথাহা নাথানকো চেংওয়া, নাথানহা দাউদকো চেংওয়া,32দাউদহা ইসাইকো চেংওয়া, ইসাইহা আবেদকো চেংওয়া, আবেদহা বোয়াজকো চেংওয়া, বোয়াজহা সোল্মনকো চেংওয়া, সোল্মনহা নোহাসেনকো চেংওয়া,33নোহাসেনহা অম্মিনাদাবকো চেংওয়া, অম্মিনাদাবহা আরামকো চেংওয়া, আরামহা হেসরোনকো চেংওয়া, হেসরোনহা পিরেসকো চেংওয়া, পিরেসহা য়হুদাকো চেংওয়া,34য়হুদাহা য়াকুবকো চেংওয়া, য়াকুবহা ইসহাককো চেংওয়া, ইসহাকহা অব্রাহামকো চেংওয়া, অব্রাহামহা তেরকো চেংওয়া, তেরহা নোহার চেংওয়া,35নোহারহা সোরুগকো চেংওয়া, সোরুগহা রুউকো চেংওয়া, রুউহা পেলেককো চেংওয়া, পেলেকহা এবিরকো চেংওয়া, এবিরহা সেলোহকো চেংওয়া,36সেহোলহা কেনানকো চেংওয়া, কেনানহা আর্পকদকো চেংওয়া, আর্পকদহা সেমকো চেংওয়া, সেমহা নোহাকো চেংওয়া, নোহাহা লেমেখকো চেংওয়া,37লেমেখহা মতুশেলহকো চেংওয়া, মতুশেলহা হনোককো চেংওয়া, হনোকহা য়েরিতকো চেংওয়া, য়েরিতহা মোহোলেলকো চেংওয়া, মোহোলেলহা কেনানকো চেংওয়া,38কেনানহা এনোসকো চেংওয়া, এনোসহা সেতকো চেংওয়া সেতহা আদমকো চেংওয়া, আদমহা সেংজাকো চেংওয়া নিমগা।
The Seed Company