লুক4
1ইশুহা পবিত্র লাংবেসো মেইপুনুওয়া য়র্দন জোরাসো লাকাপুয়ে। আসা পবিত্র লাংবেহা আকুহিংয়া চিচ্চোওয়া জায়গাতা পুরায়ে। আসা আউতা শয়তানহা আকুহিংয়া নিহকাইয়ু চোইপা পরিকছা জোমসা পাপ জোপাকো কেংয়ে।
আকু দিনবিতা ইশুহা হাইরে মাচাতো আসা নিহকাইইয়ু পেংপুনুওয়া ইশুহা আমা পাংপুয়ে।3আত্রংরাং শয়তানহা আকুহিং জাংয়ে, “নাতিবেমি সেংজাকো চেংওয়া বেনাহা ই লুংটুইহিং জাং, আসা ই লুংটুইহা কোব্রেং জিংকো।”4ইশুহা শয়তানহিং জাংয়ে, “তাংজিকো হিগাতা এপা লামি নিও, ‘দিংঙাহা চাওয়া আংওয়াসোদাং মাবাচেমগা’।”5আকো নোইতা শয়তানহা ইশুহিং য়্যাগ্যইকো তোইতা পুরামসা আম্যইতা তাংসা বাসিমতিতা নিওয়া লোইবি তিংপায়ে।6আসা শয়তানহা আকুহিং জাংয়ে, “কা নাতিহিং ই লোইবিকো জাইপু আসা পুংজিকো গিরি বানাইরোওয়া। হাংপাতানাহা ই তাংসা কাহিং স্যইমি নিও, কা হাংসুহিং পিচাদাংপা জিং, আকুহিং পিচাকো চুরোওয়া।7নাতিমি কাহিং চুনুইমসা নোংনাহা ই তাংসা নাকো জিংরোওয়া।”8আত্রংহা ইশুহা আকুহিংয়া জাংয়ে, “তাংজিকো হিগাতা এপা লামি নিও, ‘নাতিহা প্রভু নাকো সেংজাহিং মেংচে চুনুইমসা নোং আসা আকুহিং মেংচে সেওয়া জো’।”9এপারাং শয়তানহা ইশুহিংয়া য়রুশালেমতা পুরামসা দেমসাকো তোইতা এমসা জাংয়ে, “নাতিহা আজিপ্পারাং সেংজাকো চেংওয়া বেনাহা ইসো টোইংপুই।10হাংপাতানাহা তাংজিকো হিগাতা এপারে লামি নিও: ‘নাতিহিং বাচাইকো সেংজাহা লোডিংবাকো পোইংহিং নিংপুরোওয়া।11পোইংবিহা নাতিহিংয়া খুই-খুইতা প্যইমসা এরোওয়া, আসা নাকো কোকোইহা লুংটুইসো ম্যান্যাচারোওয়া।’”12ইশুহা আকুহিং জাংয়ে, “তাংজিকো হিগাতা এপা লামি নিও, ‘নাতিহা প্রভু নাকো সেংজাহিং পরিকছা মোজোকো’।”13শয়তানহা ইশুহিং পরিকছা জোপুনতেনুকো নোইতা হাই জোদো মোচুপুনুওয়া মৌকা মুংনু ওয়াংরো তামসা ইশুহিং ল্যাতেমসা হোপুয়ে।14ইশুহা লাংবেতা সে মুংচামসা গালীলতা লায়োংয়ে, ইশুকো নুওয়াংহা তাংসা লোইতা বেইপুয়ে।15আকুহা য়হুদিবিকো জোংসুওয়া সাতা হোমসা ঝিপায়ে, আসা তাংসা আকুহিং তাচাচাংমি।16ইশু আপনিকো ডেওয়া শহর নাসরততা দেয়োংয়ে। আতাংকো বেপারাং আকুহা সানুকো দিনতা জোংসুওয়া সাতা হোমসা তাংজিকো হিগা পড়াইকো জায়ে।17আউতা নিমবিহা আকুহিংয়া অগমবক্তা এশাইয়াকো হিগা পিচায়ে। আকুহা আকু হিগাহিং ওয়েহে, আসা ই নুওয়াং লাওয়া নোপায়ে আসা পড়াইয়ে।18“প্রভুসেংজাকো লাংবেহা কুং তোইতা নিও,হাংপাতানাহা জোরোংবিহিং এনতাওয়া দেরেং হিংপাকো সোতাআকুহা কাহিং জেংমি নিও।আকুহা জেলতা নিমবিহিং নোপাকো,আসা মিচো মিতিংবিহিংনে তিংপাকো,মোচুম্যান্যাপা নিমবিহিং লোপাকো।19আসা আপনিকো দিংঙাবিহিংমুক্তি পিচাওয়া সময় দেয়োংতেও তামসা হিংপাকো,প্রভুসেংজারাং কাহিং নিংপুমি নিও।”20আকো নোইতা ইশুহা হিগা তুংমসা ইচো দিংঙাহিং পিচামসা গায়ে। জোংসুওয়া সাতা নিওয়া তাংসা দিংঙাবিহা ইশুহিং আঙিং-উঙিংপা ন্যইসুদিংমি।21আসা আকুহা আবিহিং জাংয়ে, “হিনিহা তাংজিকো হিগাকো ই নুওয়াংবিহা নাবি হিংওয়া হিংওয়া কোকোইত্তা তাংসা পুরা জিংপুমি নিও।”22তাংসা দিংঙাবিহা আকুহিং তাচায়ে, আসা আকো জাংওয়া এনতাওয়া নুওয়াং হিংমসা আবিহা আআংপেপেচপা জিংপুয়ে আসা জাংয়ে, “ই দিংঙাহা য়োসেফকো সাকো চেংওয়া মোকোমগা?”23আত্রংহা ইশুহা আবিহিং জাংয়ে, “আজিপ্পারাং নাবিহা কাহিং নেহা ই নুওয়াং জাংরোওয়া, ‘ও মাইং পিইচাওয়া দিংঙা! নাগাইহা নাতিহা আপনিহিং সাংপা। কোর্ফরনহুমতা জোমি ত্যাবাপা আপনিকো লোইতারে আআংপেপেচপুওয়া কাম জো’।”24আদো কা আজিপ্পারাং নাবিহিং জাংরোওয়া, অগমবক্তাহিংয়া হাংসুরে আপনিকো লোইতা স্বাগত মোজোমগা।25কা নাবিহিংয়া আজিপ্পারাং ইচো নুওয়াং জাংরোওয়া, এলিয়াকো সময়তাহা লো সুংনিংসো তারি তুউরি ওয়্যাতি মাওয়্যামসা টেবো আনিকাল জিংপুয়ে। আত্রংহা ইস্রাইলতা উইসে মুরিংবি নিমি।26আদো সেংজাহা এলিয়াহিংয়া সিদোন শহরকো আবেইতা সারপাত তাওয়া লোইতা য়ুংওয়া ইচো মুরিংমুকোতা মেংচে নিংপুয়ে। লেরা হাংসুকোতারে মানিংপুতো।27এলিশা অগমবক্তাকো সময়তাহা ইস্রাইলতা য্যাসো মেইপুওয়া উইসে দিংঙাবি নিমগা। আদো আবিকো প্যাকোতাহা সিরিয়া জায়গাকো নামান তাওয়া দিংঙাহিং ল্যামসা দোসরা হাংসুহিংনে মাসাংপাতো।28ই নুওয়াং হিংমসা জোংসুওয়া সাকো দিংঙাবিহা তাংসা সেদ্রাংসপুয়ে।29আবিহা তাত্রিংপা লোসুমসা ইশুহিংয়া শহরসো বাইরে সাপে। আবিকো ই শহরহা য়্যাগ্যইতা বানাইমি নিমি। আকু য়্যাগ্যইকো তোইতা পুরামসা লিতা হুইকো কেংয়ে।30আদো ইশুহা আবিকো প্যাকোসো নোপুমসা হোপুয়ে।31আকো নোইতাহা ইশুহা গালীল শহরকো কোর্ফরনহুম তাওয়া জায়গাতা উইরেহে, সানুকো দিনতা আকুহা য়হুদিবিকো জোংসুওয়া সাতা দিংঙাবিহিং ঝিপাদিংমি।32আসা আবিহা ইশুকো ঝিপাওয়া নুওয়াংতা আআংপেপেচপা জিংপুয়ে, হাংপাতানাহা আকুহা অধিকার নিওয়া বেপারাং ঝিপাদিংমি।33জোংসুওয়া সাতাহা সিংঙো দ্যইংচপুওয়া ইচো দিংঙা নিমি। আকুহা সাডুংপা চিলিংমসা জাংয়ে,34“ও নাসরতকো ইশু, কাবিহিংপা নাকো হাং কাম নিংগা? নাতিহা কাবিহিংয়া দাংপাকো লেমগা? নাতিহা সেংজাকো পবিত্র দিংঙা তামসা কা নাইমগা।”35ই হিংমসা ইশুহা আকু সিংঙোহিংয়া চিংচাইমসা জাংয়ে, “চেকেপা য়ুং, আসা আকু দিংঙাকো জুপাসো নোপুমসা হ্যাতু।” সিংঙোহা আকু দিংঙাহিং তাংসাকো প্যাকোতা ইপাতেমসা নোপুয়ে। আদো আকু দিংঙাকো জুপাতাহা হাইরে মাজিংতো।36আউতা নিওয়া তাংসা দিংঙাবিহা আআংপেপেচপা জিংপুমসা জাংসুয়ে, “ই দিংঙাকো য়্যইওয়াতাহা অধিকার আসা সে নিয়ুং, ইকো জাংওয়া কোকোইত্তা জেসাংবিরে নোপুমসা ক্যানেমুং।”37আসা আকো জোওয়া কামহা আকো তাংসা জায়গাতা বেইপুয়ে।38জোংসুওয়া সাসো নোমসা ইশুহা সিমোনকো সাতা হোয়ে। আত্রংহা সিমোনকো জুমেহা চোরোউ-চোরোউপা হাইমি নিমি। সিমোনকো সাকো দিংঙাবিহা হাইওয়াহিং সাংপাপি তামসা ইশুহিং জাংচায়ে।39ইশুহা হাইওয়াকো আবেইতা জামসা হাইওয়াহিং চিংচাইয়ে। আসা আকো হাইওয়াহা আত্রংতারাং সাংপুয়ে, আসা লোমসা ইশুহিং পিচাকো চাওয়া আংওয়াবি বানাইয়ে।40আসা জিরুং সানি হুইপুনুওয়া উইসে দিংঙাবিহা য়োংন্যা দ্যইংচপুওয়া আপনি আপনিকো হাইওয়া দিংঙাবিহিং ইশুকোতা পারায়ে, আসা ইশুহা আবিকো পোরোতা খুই ওইমসা তাংসাহিং সাংপায়ে।41উইসে দিংঙাবিকো জুপাসো সিংঙোবিহা চিলিংমসা এপা জাংমসা নোপুয়ে, “নাতিহা সেংজাকো চেংওয়াগা।” আদো ইশুহা আবিহিং চিংচাইমসা ওয়াংকো মিচাতো, হাংপাতানাহা আবিহা আকুহিংয়া খ্রীষ্টগা তামসা নাইদিংমি।42হাপকুং জেংপুনুওয়া ইশুহা নোপুমসা চিচ্চোওয়া জায়গাতা হোয়ে। আদো উইসে দিংঙাবিহা আকুহিং মোপামসা আকোতা দেয়োংমসা, “কাবিহিং হুইতেমসা মোহোগে” তামসা য়োইকো কেংয়ে।43আদো ইশুহা আবিহিং জাংয়ে, “কাহা হেপা জোমসা জিংদো সেংজাকো রাজ্যকো এনতাওয়া দেরেং দোসরা জায়গাবিতারে হিংপানেরো, হাংপাতানাহা কাহিংয়া ইকো সোতারাং নিংপুমগা।”44আকো সোতা ইশুহা য়হুদিয়াকো জায়গাকো জোংসুওয়া সাবিতা হোয়ে, আসা এনতাওয়া দেরেং হিংপায়ে।
আকু দিনবিতা ইশুহা হাইরে মাচাতো আসা নিহকাইইয়ু পেংপুনুওয়া ইশুহা আমা পাংপুয়ে।3আত্রংরাং শয়তানহা আকুহিং জাংয়ে, “নাতিবেমি সেংজাকো চেংওয়া বেনাহা ই লুংটুইহিং জাং, আসা ই লুংটুইহা কোব্রেং জিংকো।”4ইশুহা শয়তানহিং জাংয়ে, “তাংজিকো হিগাতা এপা লামি নিও, ‘দিংঙাহা চাওয়া আংওয়াসোদাং মাবাচেমগা’।”5আকো নোইতা শয়তানহা ইশুহিং য়্যাগ্যইকো তোইতা পুরামসা আম্যইতা তাংসা বাসিমতিতা নিওয়া লোইবি তিংপায়ে।6আসা শয়তানহা আকুহিং জাংয়ে, “কা নাতিহিং ই লোইবিকো জাইপু আসা পুংজিকো গিরি বানাইরোওয়া। হাংপাতানাহা ই তাংসা কাহিং স্যইমি নিও, কা হাংসুহিং পিচাদাংপা জিং, আকুহিং পিচাকো চুরোওয়া।7নাতিমি কাহিং চুনুইমসা নোংনাহা ই তাংসা নাকো জিংরোওয়া।”8আত্রংহা ইশুহা আকুহিংয়া জাংয়ে, “তাংজিকো হিগাতা এপা লামি নিও, ‘নাতিহা প্রভু নাকো সেংজাহিং মেংচে চুনুইমসা নোং আসা আকুহিং মেংচে সেওয়া জো’।”9এপারাং শয়তানহা ইশুহিংয়া য়রুশালেমতা পুরামসা দেমসাকো তোইতা এমসা জাংয়ে, “নাতিহা আজিপ্পারাং সেংজাকো চেংওয়া বেনাহা ইসো টোইংপুই।10হাংপাতানাহা তাংজিকো হিগাতা এপারে লামি নিও: ‘নাতিহিং বাচাইকো সেংজাহা লোডিংবাকো পোইংহিং নিংপুরোওয়া।11পোইংবিহা নাতিহিংয়া খুই-খুইতা প্যইমসা এরোওয়া, আসা নাকো কোকোইহা লুংটুইসো ম্যান্যাচারোওয়া।’”12ইশুহা আকুহিং জাংয়ে, “তাংজিকো হিগাতা এপা লামি নিও, ‘নাতিহা প্রভু নাকো সেংজাহিং পরিকছা মোজোকো’।”13শয়তানহা ইশুহিং পরিকছা জোপুনতেনুকো নোইতা হাই জোদো মোচুপুনুওয়া মৌকা মুংনু ওয়াংরো তামসা ইশুহিং ল্যাতেমসা হোপুয়ে।14ইশুহা লাংবেতা সে মুংচামসা গালীলতা লায়োংয়ে, ইশুকো নুওয়াংহা তাংসা লোইতা বেইপুয়ে।15আকুহা য়হুদিবিকো জোংসুওয়া সাতা হোমসা ঝিপায়ে, আসা তাংসা আকুহিং তাচাচাংমি।16ইশু আপনিকো ডেওয়া শহর নাসরততা দেয়োংয়ে। আতাংকো বেপারাং আকুহা সানুকো দিনতা জোংসুওয়া সাতা হোমসা তাংজিকো হিগা পড়াইকো জায়ে।17আউতা নিমবিহা আকুহিংয়া অগমবক্তা এশাইয়াকো হিগা পিচায়ে। আকুহা আকু হিগাহিং ওয়েহে, আসা ই নুওয়াং লাওয়া নোপায়ে আসা পড়াইয়ে।18“প্রভুসেংজাকো লাংবেহা কুং তোইতা নিও,হাংপাতানাহা জোরোংবিহিং এনতাওয়া দেরেং হিংপাকো সোতাআকুহা কাহিং জেংমি নিও।আকুহা জেলতা নিমবিহিং নোপাকো,আসা মিচো মিতিংবিহিংনে তিংপাকো,মোচুম্যান্যাপা নিমবিহিং লোপাকো।19আসা আপনিকো দিংঙাবিহিংমুক্তি পিচাওয়া সময় দেয়োংতেও তামসা হিংপাকো,প্রভুসেংজারাং কাহিং নিংপুমি নিও।”20আকো নোইতা ইশুহা হিগা তুংমসা ইচো দিংঙাহিং পিচামসা গায়ে। জোংসুওয়া সাতা নিওয়া তাংসা দিংঙাবিহা ইশুহিং আঙিং-উঙিংপা ন্যইসুদিংমি।21আসা আকুহা আবিহিং জাংয়ে, “হিনিহা তাংজিকো হিগাকো ই নুওয়াংবিহা নাবি হিংওয়া হিংওয়া কোকোইত্তা তাংসা পুরা জিংপুমি নিও।”22তাংসা দিংঙাবিহা আকুহিং তাচায়ে, আসা আকো জাংওয়া এনতাওয়া নুওয়াং হিংমসা আবিহা আআংপেপেচপা জিংপুয়ে আসা জাংয়ে, “ই দিংঙাহা য়োসেফকো সাকো চেংওয়া মোকোমগা?”23আত্রংহা ইশুহা আবিহিং জাংয়ে, “আজিপ্পারাং নাবিহা কাহিং নেহা ই নুওয়াং জাংরোওয়া, ‘ও মাইং পিইচাওয়া দিংঙা! নাগাইহা নাতিহা আপনিহিং সাংপা। কোর্ফরনহুমতা জোমি ত্যাবাপা আপনিকো লোইতারে আআংপেপেচপুওয়া কাম জো’।”24আদো কা আজিপ্পারাং নাবিহিং জাংরোওয়া, অগমবক্তাহিংয়া হাংসুরে আপনিকো লোইতা স্বাগত মোজোমগা।25কা নাবিহিংয়া আজিপ্পারাং ইচো নুওয়াং জাংরোওয়া, এলিয়াকো সময়তাহা লো সুংনিংসো তারি তুউরি ওয়্যাতি মাওয়্যামসা টেবো আনিকাল জিংপুয়ে। আত্রংহা ইস্রাইলতা উইসে মুরিংবি নিমি।26আদো সেংজাহা এলিয়াহিংয়া সিদোন শহরকো আবেইতা সারপাত তাওয়া লোইতা য়ুংওয়া ইচো মুরিংমুকোতা মেংচে নিংপুয়ে। লেরা হাংসুকোতারে মানিংপুতো।27এলিশা অগমবক্তাকো সময়তাহা ইস্রাইলতা য্যাসো মেইপুওয়া উইসে দিংঙাবি নিমগা। আদো আবিকো প্যাকোতাহা সিরিয়া জায়গাকো নামান তাওয়া দিংঙাহিং ল্যামসা দোসরা হাংসুহিংনে মাসাংপাতো।28ই নুওয়াং হিংমসা জোংসুওয়া সাকো দিংঙাবিহা তাংসা সেদ্রাংসপুয়ে।29আবিহা তাত্রিংপা লোসুমসা ইশুহিংয়া শহরসো বাইরে সাপে। আবিকো ই শহরহা য়্যাগ্যইতা বানাইমি নিমি। আকু য়্যাগ্যইকো তোইতা পুরামসা লিতা হুইকো কেংয়ে।30আদো ইশুহা আবিকো প্যাকোসো নোপুমসা হোপুয়ে।31আকো নোইতাহা ইশুহা গালীল শহরকো কোর্ফরনহুম তাওয়া জায়গাতা উইরেহে, সানুকো দিনতা আকুহা য়হুদিবিকো জোংসুওয়া সাতা দিংঙাবিহিং ঝিপাদিংমি।32আসা আবিহা ইশুকো ঝিপাওয়া নুওয়াংতা আআংপেপেচপা জিংপুয়ে, হাংপাতানাহা আকুহা অধিকার নিওয়া বেপারাং ঝিপাদিংমি।33জোংসুওয়া সাতাহা সিংঙো দ্যইংচপুওয়া ইচো দিংঙা নিমি। আকুহা সাডুংপা চিলিংমসা জাংয়ে,34“ও নাসরতকো ইশু, কাবিহিংপা নাকো হাং কাম নিংগা? নাতিহা কাবিহিংয়া দাংপাকো লেমগা? নাতিহা সেংজাকো পবিত্র দিংঙা তামসা কা নাইমগা।”35ই হিংমসা ইশুহা আকু সিংঙোহিংয়া চিংচাইমসা জাংয়ে, “চেকেপা য়ুং, আসা আকু দিংঙাকো জুপাসো নোপুমসা হ্যাতু।” সিংঙোহা আকু দিংঙাহিং তাংসাকো প্যাকোতা ইপাতেমসা নোপুয়ে। আদো আকু দিংঙাকো জুপাতাহা হাইরে মাজিংতো।36আউতা নিওয়া তাংসা দিংঙাবিহা আআংপেপেচপা জিংপুমসা জাংসুয়ে, “ই দিংঙাকো য়্যইওয়াতাহা অধিকার আসা সে নিয়ুং, ইকো জাংওয়া কোকোইত্তা জেসাংবিরে নোপুমসা ক্যানেমুং।”37আসা আকো জোওয়া কামহা আকো তাংসা জায়গাতা বেইপুয়ে।38জোংসুওয়া সাসো নোমসা ইশুহা সিমোনকো সাতা হোয়ে। আত্রংহা সিমোনকো জুমেহা চোরোউ-চোরোউপা হাইমি নিমি। সিমোনকো সাকো দিংঙাবিহা হাইওয়াহিং সাংপাপি তামসা ইশুহিং জাংচায়ে।39ইশুহা হাইওয়াকো আবেইতা জামসা হাইওয়াহিং চিংচাইয়ে। আসা আকো হাইওয়াহা আত্রংতারাং সাংপুয়ে, আসা লোমসা ইশুহিং পিচাকো চাওয়া আংওয়াবি বানাইয়ে।40আসা জিরুং সানি হুইপুনুওয়া উইসে দিংঙাবিহা য়োংন্যা দ্যইংচপুওয়া আপনি আপনিকো হাইওয়া দিংঙাবিহিং ইশুকোতা পারায়ে, আসা ইশুহা আবিকো পোরোতা খুই ওইমসা তাংসাহিং সাংপায়ে।41উইসে দিংঙাবিকো জুপাসো সিংঙোবিহা চিলিংমসা এপা জাংমসা নোপুয়ে, “নাতিহা সেংজাকো চেংওয়াগা।” আদো ইশুহা আবিহিং চিংচাইমসা ওয়াংকো মিচাতো, হাংপাতানাহা আবিহা আকুহিংয়া খ্রীষ্টগা তামসা নাইদিংমি।42হাপকুং জেংপুনুওয়া ইশুহা নোপুমসা চিচ্চোওয়া জায়গাতা হোয়ে। আদো উইসে দিংঙাবিহা আকুহিং মোপামসা আকোতা দেয়োংমসা, “কাবিহিং হুইতেমসা মোহোগে” তামসা য়োইকো কেংয়ে।43আদো ইশুহা আবিহিং জাংয়ে, “কাহা হেপা জোমসা জিংদো সেংজাকো রাজ্যকো এনতাওয়া দেরেং দোসরা জায়গাবিতারে হিংপানেরো, হাংপাতানাহা কাহিংয়া ইকো সোতারাং নিংপুমগা।”44আকো সোতা ইশুহা য়হুদিয়াকো জায়গাকো জোংসুওয়া সাবিতা হোয়ে, আসা এনতাওয়া দেরেং হিংপায়ে।
The Seed Company