BaHebburu8
1Lino chipati muli nzitwaambuula nchechi, tujisi mupayizi mupati uliboobo, ooyo ukkede kuluboko lwakululyo lwachuuno chaSinguzu kujulu,2simulimu mubusena busalala adyumba lyachoonzyo lyakayakwa aMwami peepe amuntu.3Nkaambo woonse mupayizi mupati usalilwa kupa zipo azipayizyo, anu kuti chileelede eechi kumupayizi mupati lubo kuti abe achimwi chakupa.4Lino koonzyo wakali anyika, teewakali kunooba mupayizi nikuba abuniini pe, mbukunga kulibapayizi aabo bapa zipo mukwiinda kumulawu.5Bakutawuka mukozyanisyo amunzwiide wabusena busalala bwakujulu, nkaambo Mozesi naakali wayanda kuyaka dyumba, wakalayililwa aLeza, kati, “Ubone kuti wachita zyoonse mbuli munzila njuwakatondezegwa aayo achilundu.”6Pesi mbuli mbukubede, Kkirisitu wakajana mulimu mupati ulimbuli uyindilide kubota kwiinda ooyo wakale mbuli chizuminano wiimaakati zilimbubo, mbukunga chiliyakidwe azisyomezyo zilimbubo.7Nkaambo kuti eecho chizuminano chakale teechakali abubi, teekwakali kunooba mabambe achabili pe.8Nkaambo ujana mulandu ambabo naa waamba kuti:“Mazuba ayoosika, mbwaamba Mwami,aawo nindiyoochita chizuminano chipya aŋanda yaIzirayeli alimwi aŋanda yaJuda;9peepe mbuli chizuminano nchindakachita abamawisimubuzuba oobo mbundakababweza ajanza kandibazulwida kuzwa munyika yaIjiputi;nkaambo tee bakayinkilila anembo pe muchizuminano changu,alimwi aboobo tandikwe nindakabaswiilizya pe, mbwaamba Mwami.10Eechi nchichizuminano nchindiyoochita aŋanda yaIzirayelinikuyooyinda mazuba aayo, mbwaamba Mwami,Ndiyobikka milawu yangu mumiyeeyo yabo,akuyilemba amyoyo yabo,alimwi ndiyoba Leza wabo,alimwi bayooba bantu bangu.11Alimwi tabakwe kuyoyiisya beenzunyinanikuba woonse mukulana wakwe, kati,‘Muzibe Mwami.’Nkaambo boonse bayoondiziba,kuzwa kumuniini wabo kuyosika kumupati.12Nkaambo ndiyooba aluse kuzibi zyabo,alimwi tandikwe kuyooyeeya limbi lubo pe zibi zyabo.”13Mukwaambuula achizuminano chipya uchita eecho chakale mbuli chitakwe mulimu. Alimwi eecho chiliikubula mulimu akukulumpala chalibambilila kumana.
The Word for the World International