BaHebburu7
1Nkaambo ooyu Melikkizedeki, mwami waSalemu, mupayizi waLeza Simajulu, wakaswaanana aAbburahamu naakabweeda kuzwa kukujeya bami mpawo wakamulongezya,2alimwi kulinguwe Abburahamu wakamupa chaakkumi chazintu zyoonse. Nguumutaanzi, mukupandulula zina lyakwe, mwami wabululami, alimwi nguumwami waSalemu, chaamba kuti, mwami waluumuno.3Takwe wisi nikuba banyina nikuba zyalani, alimwi takwe matalikilo amazuba nikuba mamanino abuumi, pesi katondeezya Mwana Mulombe waLeza ooyo uyinkilila anembo mubupayizi kwalyoonse.4Amulange kuti mupati biyeni! Abburahamu sikale wesu wakamupa chaakkumi anzyaakabanyanzya.5Abaabo balunyungu lwaLevi aabo batambula mulimu wabupayizi balijisi mulayizyo mumulawu wakubweza chakkumi kuzwa kubantu, chaamba kuti, kuzwa kuli babunyina, nikuba kuti aaba alubo ndunyungu kuli Abburahamu.6Pesi ooyu mwaalumi utakwe lunyungu lwaLevi wakatambula zyaakkumi kuzwa kuli Abburahamu mpawo wamulongezya ooyo wakali azisyomezyo.7Taakwe kudoneeka pe kuti ulimunsi ulongezegwa awuli aatala.8Aawa zyaakkumi zitambulwa abantu bafwa, kuli lumwi lubazu, awumwi ooyo ujisi bukamboni bwakuti ulapona.9Umwi ulakonzya kwaamba kuti Levi lwakwe, ooyo utambula zyaakkumi, wakaliya zyakkumi mukwiinda muli Abburahamu,10nkaambo wakachili muchibuno chasyayinakulu aawo Melikkizedeki naakamuswaniya.11Lino naa kululamikwa kwakali kujanwa mukwiinda mubupayizi bwabuLevi nkaambo munsi aako bantu bakatambula mulawu, niinzi chimbi chiyandikana inga kulaba umbi na mupayizi unga ulabuka musule akulayilila kwaMelikkizedeki, kwiinda umwi uwunikidwe akulayilila kwaAroni?12Nkaambo kuti kwaaba kubambulula mubupayizi, alawo mulawu weelede kubambululwa.13Nkaambo ooyo wambuulwa atala azintu eezi uzwa kuli uumbi mukowa, ooko kutakwe wakaliwutawukide kuchipayililo.14Nkaambo kulizibikene kuti Mwami wesu wakazwa kumukowa waJuda, alimwi mukweendelana amukowa ooyo Mozesi ngwatakwe nchakaamba pe atala abapayizi.15Eechi chiba antanganana kwiindilila naa kwabuka umwi mupayizi muchiimo chaMelikkizedeki,16wakaba mupayizi, peepe mukwiinda muliziyandika atala amulawu wazyalani pesi anguzu zyabuumi butamani.17Nkaambo kuli bukamboni atala anguwe buti, “Uyooba mupayizi kwalyoonse, mukulayila kwaMelikizedeki.”18Munzila imwi, mulawu wakale ubikkidwe ambali nkaambo kakukompama kwawo akubula mulimu,19nkaambo mulawu taakwe chintu nchiwakabeleka pe chibotu, muli imwi nzila, bulangilizi buli mbubo buleetwa, mukwiinda muli mbubo butusweenzya afwiifwi kuliLeza.20Alimwi peepe kakutakwe chikonke. Aabo bakaba bapayizi lutaanzi bakabweeza milimu yabo kakutakwe chikonke pe,21pesi eechi chakachitwa achikonke,“Mwami wakakonkaalimwi taakwe nayoosandula muzeezo wakwe pe,‘Uyooba mupayizi kwalyoonse.’ ”22Eechi chichita kuti Jesu abe lusinizyo lwachizuminano chilimbubo.23Bapayizi bakale bakali bayiingi mumweelwe, nkaambo bakali kukwabililwa alufu mukwiinkila anembo mumulimu,24pesi ooyo ujisi bupayizi bwakwe kwalyoonse, nkaambo uyinkilila anembo kwalyoonse.25Nkikaako ulakonzya kwachiindi choonse kufutula aabo basweena afwiifwi kuliLeza mukwiinda mulinguwe, mbukunga ulapona lyoonse mukubakumbilila.26Nkaambo kwakali kweelela kuti tube amupayizi mupati uliboobu, usalala, utakwe kampenda, utakwe kabata, upambukene abasizibi, usumpukide ataala amajulu.27Taakwe cheelelo chakuchita, mbuli aabo bapayizi bapati, bapa zipayizyo mazuba woonse, lutaanzi nkaambo kazibi zyakwe mpawo azeezyo zyabantu. Wakachichita eechi kamwi kwalyoonse naakalipeda mwini.28Nkaambo, mulawu usala bantu mubukompami bwabo mbuli bapayizi bapati, pesi ijwi lyachikonke, lyakaza musule amulawu, lisala Mwana Mulombe wakalulamikwa kwalyoonse ngwakasala.
The Word for the World International