YESAYA18
Yaa Kamananfi Etiopia Kootoko
1Yɔɔsa, kasɔ ka nikɔpɛ ni afokodi Kus sekle kotoko,2ankpee ni batii di lekpo suotodi sifrifa sekolo kamɛ di ntu osi.Batɔkyɛntɛ ba ninkpe ni sɛwa, bitɔɔkyɛ,batii ba niɛkaana ni di suoto lɛma lɛkylɔkylɔ ni nfũ,batii ba manyɛkɛ ni di nkyonkɔ ku aba ya ninankyo ni,kale ka nieyie ni kobe ku sɛlaa ateate obuɛ,di sekle lɛsɛ ni kasɔ nɔɔ.3Aye kayi batii bamuu,aye ba ninsi ni kaasɔ suoto,nse bɛɛtakatɛsa flankaa katoo di abokote osi,bibanyɔɔ,nse bɛɛfɛ dikyukyoo kafɔɔ,bibanu ni.4Nnya ɔlaa wɔ di SAATE nwu lebuɛ ɛɛtɔkɔ mi ni alɛ:“Kamalo kanana ninyu nkyeko kasiɛkɔ nii,fɛle kufĩ yakayaka difila,fɛle lelokonkyɛ obolokyi di koleele asaa ofiɛlɛ kamɛ.”5Diekye, fiɛ di ofiɛlɛbee kamawo ni, di atoto obe ntofe nidi atoto nwu kamakple ni nta awosobi sɛɛle,ababudi ntaakɔ nwu ku kakpaasa-pamii andiki,ambudi kafɔɔ sɛla nwu nikɔkplɔlɔɔ ni andiki sĩ an-yu.6Babadiɛ bamuu lɛma mantɛ kobokote bakansiɛ nkyɔkyɔfɛku lepoo babɔkɛɛ;bakansiɛ kamakonko ma di suoto di koleele obe,kabiene kafɔɔ lepoo babɔkɛɛ.7Di obe nwu kamɛ babayɔ akyɛsaa manwako SAATE wɔ Ninlenke nieekye ni batii ba niɛkaana ni di suoto kukũ lɛma lɛkylɔkylɔ ni nfũ,eekye ni batii ba manyɛkɛ ni di nkyonkɔ ku aba ya ninankyo ni nfũ,kale ka nieyie ni kobe ku sɛlaa ateate obuɛ,di sekle lɛsɛ ni kasɔ nɔɔ-babayɔ akyɛsaa nwu manwako Sion Kobokote, di SAATE wɔ Ninlenke ni Leyooto lɛba nwu.The Seed Company