YESAYA17
Yaa Kamananfi Damasko Ku Israel Kootoko
1Ɔlaa di Damasko suoto:“Nyu, Damasko dilɔbasinle okpoo kplɛkafɔɔ kubakple obiɛle kunte.2Babadie di Aroer sekpoo kplɛsinkple babɔkɛɛ sele ntenkɔ,di otii kuonwii dilɔbakpee ma ni lɛyɛkɛ.3Efraim okpoo kplɛ seyoyiɛ kamayɛ,ku Damasko sɛka osie nwu;batii ba nimabu ni di Aram kamatefɛle Israel batii lɛkpa,”SAATE wɔ Ninlenke ni niebuɛ.4“Di dii nwu nkpo Yakob dibu nwu kamafiele;suoto nɔɔ lɛla kamaloo.5Dibate fɛ nse fiɛlɛtɛ lefiɛlɛ kamɔɔ ka nin-yɛ ni koofeeefee ni atita kafɔɔ ku kɔnɛɛ nɔɔ-fɛ nse otii lesiisa ni atitabi diRefaim Ɔtaata nwu.6Kafɔɔ awo kamabu ni,fɛ nse bɛɛyɔ owoso bɛɛtɛsɛ nnɔnyi awosobi,mandiɛ ni anyɔ ee atiɛ di nnɔnyi awosobi ɔla takale suoto,ana ee anɔɔ di ɔla kplɛ wɔ nintika ni suoto,”SAATE, Israel Yaa nwu niebuɛ.7Di dii nwu nkpo, batii kamawolaa Blatɛ lɛmamamunikĩisa anu lɛma mankyɔɔ Israel Klekletɛ nwu.8Blɔbanyu oleɔta akyikye nwu,ninle ni nnɛɛ lɛma ɔkpɛ ɔbla,blɔbasimbu kafɔɔ Asera sewoso afiɔ nwuku oluufii oleɔta akyikye nwu di anɛɛbi lɛma lɛbla nii.9Di dii nwu nkpo, sekpoo kplɛ siene lɛma se baadiɛ baatɛ ni ta Israel batii oso, kamate fɛle aba ya beediɛ bɛɛtɛ dieyii ni kyi. Amuu kamate afukuti.10Fatooyee Yaa dikitɛ lɛfɔ;faanyuma Difuɔnkpaa, kawofakɔ lɛfɔ nwu.Nkpo oso, kuntɛ fɛɛkpɛ kofe bienefɛɛpɛ kale bamba nta awosobi,11kuntɛ di dii le faapɛ nya nii, faata nya aamuɔ,di olesɛ kafɔɔ di obe wɔ faasɔ nya nii, faata nya aadie atoto,kafɔɔ di ofiɛlebee dibale fɛ kasakasa didifiɛyi ku dibuo le ninanwa ni kasɔ.Beelenkee Balo Nnle
12Oo, nnle kpinwu kɔnya sɛblɔ-bɔɔnya ɔblɔ fɛle lekpo nikofuu nii!Oo, batii nwu nkpo kudu-booyiisa kudu fɛle ntu kplɛ diwi!13Kuntɛ batii nwu koyiisa kudu fɛle ntu kpinwu diwi yi,nse eesĩ ɔlaa ɛɛta ma mantoso mansifi sɛmaa fanfa,afɛɛfɔ nfɛ ma fɛle sɛsɔ di akpenkpe osi,fɛle afata kosole di afɛɛfɔ siene kanya.14Di kɔtɔɔfɔ difu mafua ma!Fiɛ di kale masɛ ni basinnaa!Nle mmle ninle mba nialɛ wo ni asaa kalekɔ nɛ,ku mba niayu wo ni asaa letota nɛ.The Seed Company