Re Tabtôan3

1Taltêl aê nan kêlêôtan na reesaran du ronga ra soksok êr bonga ane Warsangul Bwatkôlkôl môômnê êr ne miran du lor ran ratan. Aê i m'pe banê êsên anre epea, “?Koknga ne Bwatkôlkôl pe epe kô taetegne bwaea tesu jingi bwatrea êr na lo ôt anlo?”2Aê êsên sahrô bwiji tlo taltêl epea, “Makô met'po gan bwelak re bwatrea êr na lo ôt anla.3Ape Bwatkôlkôl pea, ‘Mkô taet'po gne bwae bôtôa an du lon tobol na lo ôt tê, aê mkô taet'po sobrê tê. Tanre tê aê kô met'matmat.’”4Ape taltêl pe banê êsên epea, “Mkô taet'mat koknga,5olin ane Bwatkôlkôl mwakêlê epe lon bông ane mkô metegne bwaetê aê mta mkô metesêa aê mkô met'papanê Bwatkôlkôl. Mkô meteklê sekan an mwaknoknon aê sekan an taaknoknon.”6Aê êsên anre mwalsê epe bwaea anre m'betôô olin ganan, aê lean natê m'betôô, aê lon be ane i metegne bwaea enre balêp olin ane i metemwê ne i met'dodbwêrê ôt. Tê re tê aê i mwahgo bwaea ga re anre aê egne, aê esunê ga banê nan admwan olin ane rakô en sek bil ere, aê i mwagne.7Aê mta rakô bonga mwasêa aê rakô m'dodbwêrê epe rakô m'be wamwalmwal nga, aê ngatê aê rakô m'solsol guju ra bôtôa anbe pik bil aê ebjibji.
8Pon anre aê rakô mwarngo ane Warsangul Bwatkôlkôl m'sala laklak lon ôt, banê ran raarêê. Antôn anre me nan êsên mwaplu mtatnê Warsangul Bwatkôlkôl tôn bôtôa êr na lo ôt.9Aê Warsangul Bwatkôlkôl ka banê antôn anre epea, “?Êk ebê?”
10Aê i m'war bwiji epea, “Nê mwarngo êk nga lon ôt ape nê mamta, olin ane nê m'be wamwalmwal, ngatê aê nê mwaplu mtatnê êk.”
11Aê i m'pea, “?Sê m'pe banê êk epe o m'be wamwalmwal? ?O m'gan re bwatrea ane nê m'pat pwirisnê banê êk epe o taet'gan re?”
12Aê Adam war bwiji epea, “Êsên ane o m'sunê manê nê en sunê bwaea anre manê nê aê nê mwagnê.”
13Warsangul Bwatkôlkôl pe banê êsên epea, “?O mwamwê sa?”
Aê êsên pea, “Taltêl mwasarsusu nê ngatê aê nê mwagne.”
14Aê Warsangul Bwatkôlkôl pe banê taltêl epea,“Olin ane o m'seknê tanloaê lo langlang na bwê êraê soksok êr bonga ane miran du loraê nê met'kakanê êk.O met'gal ran tebwamaê egne bêng na lo tanlon bông êr bonga lon nam miran.15Nê metemwê ne lolom met'sangsanganê êsên,aê lolon met'sangsanganê êk.Aê wanjum êr an metadodo ma pom,aê êsên, aê wanjun êr an metadodo ma pon,aê lolor met'sangsanganê êr.Wanju êsên metepnis gosê bôtôm,aê wanjum metegtê bwansên lê wanju êsên.”
16Aê i m'pe banê êsên epea,“Nê metemwê ne nam bisusan aê keratan natê metepwiris balêp.Ape lom metebe nam admwan aê i met'du bonê êk.”
17Aê i m'pe banê Adam epea,“Olin ane o m'tong banê nam êsênaê egan re bwatrea ane nê m'pat pwirisnê banê êk epe o taetegne aê o nga gne,aê nê m'kakanê tan olim.O met'pwakon bwaaê enga gan lon bông êr bonga lon nam miran.”18Aê metemwê ne aolekankan êr aê raakankan êr metedôpdôp aê emiimir olim,aê o met'gan bwelaknê soksok êr an mamir lon ôt ômwan.19Bêrêtrêt met'sal re êk tôn aê o met'nga gan,aê i met'papanre ba aê esotê ane o met'mo môl balon tan ane mwakoe êk re,olin ane o m'be tan aê o met'mo môl nga balon tan.
20Antôn ane sên be Adam mwalngi sê nan êsên aê sên be Ib, olin ane i m'be dasê atôntôn êr bonga an sek ran ratan.21Warsangul Bwatkôlkôl môômnê bwelaul re bwela langlang na bwê su aê i m'be bwelaul na Adam tên nan êsên, aê ekro bare rakô.
22Warsangul Bwatkôlkôl pea, “Gimi telsê! Antôn anlo aê i m'papanê sure kêt, ne i mwaklê sekan an mwaknoknon aê sekan an taaknoknon. Aê papanre aê i taet'po kis tê aê ehgo bwaea jingin bwatrea na miran ne gne aê esek basô...”23Aê Warsangul Bwatkôlkôl mwahrô i jingin lo ôt an Iden, olin ane i metatang gogonê tan olin ruuruan ran tan ane mwakoe i re.24I m'korbênê antôn baôt aê elngi nan absôbsôr êr anbe Jerubim re breôt Iden, re ôt ane iêl mamra re men ai na jingin su ane eap mwalmêlmêm re, ne i m'belbelsê i baran tô aê etletle baran mwir. I m'du kookor goron sal an banê bôtôa na miran.

Pioneer Bible Translators

https://app.library.bible/content/0f63f6f842ebe8e7