Re Tabtôan2
1Aê nan ômwan na lo tôngtông aê ratan nok me soksok êr bonga aê êr ket bonê sal natê.2Aê Bwatkôlkôl noknê ômwan êr bonga ane i môômnê, aê ran lêôruan na bông, aê i mapmap nê nan ômwan êr bonga.3Bwatkôlkôl konnê lêôruan na bông aê elngi ne i m'be wabôngkon, olin ngane ran bông anre aê i mapmap nê nan ômwan êr bonga na soksok êr ane i mwakoe.4Anlo aê i m'be dun na lo tôngtông êr aê ratan, re wamran ane Warsangul Bwatkôlkôl mwakoe êr.5Wamran anre aê taalsê raajulus aê têtê bôtôa êr re ôt na ômwan ran ratan bwa ere, aê taalsê tatesu ngan tedôp re ôt na ômwan bwa ere. Olin ngane Warsangul Bwatkôlkôl taadêngnê ne ôs teluu baran ratan, aê taalsê antôn tesu re ngan tetang gogonê tan olin ruuruan.6Ape wa m'gêpgêp maôt jingin lo tan aê egsê raalu tan bonga.7Warsangul Bwatkôlkôl mwalmolmo antôn re bêng na lo tan. Aê ebngosnê miran balon gusun, aê i mamabe antôn, ane miran du lon.8Warsangul Bwatkôlkôl mwarui lo ôt an Iden re bere ôt ane iêl mamramra re, aê elngi antôn ane i môômnê i bare.9Aê Warsangul Bwatkôlkôl mwamwê ne bôtôa êr lele m'dôpdôp aê emuumur lon tan. Bôtôa êr anre ngadkes aê lean natê m'betôô aê bwaetê m'betôô olin ganan. Bôtôa na miran aê bôtôa na kêlêôtan na sekan êr an mwaknoknon aê na sekan êr an taaknoknon, aê rakô m'du lon tobol na lo ôt.10Wa su mwangkuu maôt lon ôt an Iden olin ngane i metegsê lo ôt, aê wa an sal ere mwabsô aê emabe buli wa m'beêt.11Su aê sêtê m'be Pison. I m'sal liiji tan na ôt Habila ane at anbe gol du re.12At ane sêtê m'be gol na ôt re aê i m'betôô, at ane sêtê m'be oniks me bôtôa ane doêtê ne bon kookor môn aê i m'du re.13Aê ruan na wa aê sêtê m'be Gihon. I m'sal liiji tan bonga na ôt Kus.14Têlan na wa aê sêtê m'be Taekris. I m'sal re bere ôt Asiria, re ôt ane iêl mamramra re. Aê êtan na wa aê sêtê m'be Iupretis.15Warsangul Bwatkôlkôl mwadbe antôn anre aê elngi i lon ôt an Iden olin ngane i me'tang gogonê lo tan olin ruuruan aê elepon.16Aê Warsangul Bwatkôlkôl pat pwirisnê banê antôn anre epea, “O mwangrê ngane o met'po gan re bwatrea tesu re nga êr an du lon ôt ere.17Ape re bwatrea na kêlêôtan na sekan an mwaknoknon aê na sekan an taaknoknon aê o taet'gan re. Olin ngane lon bông ane o metegne bwaetê, aê o met'mat.”18Warsangul Bwatkôlkôl pea, “I taabetôô ngane antôn anlo tesek keekes nga. Nê met'ômnê antôn tesu an metedbodbo i ne i met'mo papanê i nga.”19Soksok êr ane miran du lor ran tan aê soksok êr en gaga na lo masêa bonga ene i m'po ômnê kêrênê tê re tan ne Warsangul Bwatkôlkôl m'ka êr ma bwêlê antôn anre olin ngane i metalsê papanbê ne i metelngi sêr aê iês sa antê ne i m'pe bara su aê i m'be sên têêre.20Aê antôn anre mwalngi sê langlang na bwê êr bonga, aê sê soksok êr bonga an gaga re masêa aê sê soksok êr ngadkes antê ne miran du lor na ratan. Ape oli antôn ane sên be Adam, aê taalsê tesu re ngan papanê i, ne i metedbodbo i.21Aê Warsangul Bwatkôlkôl mwamwê ne Adam mamjur aê lon metmet, aê re wamran ane i mamjur, aê Bwatkôlkôl pilkui mweraanan su aê emo kookornê ôt ane i m'pilkui re.22Warsangul Bwatkôlkôl môômnê mwerar ane i m'pilkui jingi antôn anre aê i mamabe êsên aê eka i ma bwêlê antôn anre.23Aê Adam pea,“Nga be i ere!Anlo aê i m'be bwarsu an mamra re bwarsuk,aê isinan aê i mamra re isinak.Sên metebe êsênolin ngane i mamra re admwan.”24Aê papanre aê admwan metelngi teman aê dasên aê eba bil me nan êsên aê rakô met'mabe tarbea su nga.25Antôn anre me nan êsên aê rakô m'be wamwalmwal nga, ape bê rakô taakan.
Pioneer Bible Translators