Lome5
1Aulugulu, ninihe Yesufea asigi ule ofelesi, Godehe nini isolu idele inolo moloba ufulune, ninimo, nine Saminilo Yesu Kelisofea alefasia, Godedai aeaba lolu.2Nini Godefea asigi ule ofelesia, Godene kanululo usu faseba sugamesi, Yesuhe eno sogoba ufulu. Godene kanululo amone saabia, nini aga kiwigaafia yoba lolu. Ausi, nini henefia, Godene elalelu usu ami sugaeyone, hame diba ofogofia yasiba lolune, nini koleba kaiisu.3Amosu nini kaiisuale. Aubale. Higinilu noolo nini labea holobagagafe, amoneda nini kaiisu. Maumo, nini hilisesia, higinilu amohe, nini kiwi sanefia afelesiale, daabasu melesi mololo.4Aulugulu, kiwi sanefia afelefale mana amohe, nine libo kiwigaafia, hilise ule melesi moloba ofolo. Aufia, hilise ule ado mana amohe, hame diba ofogofia, yasiba melesi mololo.5Aufia, hame diba ofogofia mololo mana amohe, nini yuamesiale mololo. Maumo, nini hilisesia, Godehe Ene Asubane Noekenemo, ninifea melumo alefasia, Ene hameselomo, nine libo usu ama sagaba dafogolu dobu.6Bama. Nini nine meleba sagoba ufiyomo, kiwi male koleba adesi, Godehe fogo iminiba ufulumo adesi ami, Kelisohe idele inolo Godeda faiso mesia waalefe, ili amone sagoba ofelesia olalu.7Helefealu iwi, inolo no anogo sagoba ufiyone, ene miliyolu weaseyobafemo, inolo uleno labela? Male. Auluso, seale, inolo no anogo e nafulu isolu labenaga, inolo ulenohe, ene libo kolefia, e inolo nafulu amo sagoba ufiyofia, olaeyo hameyobafebile.8Auluso, Godehe Ene hameselo ninifea dobuba waleyofiamo, nini aso wolusu moloba labi fogomohe, Keliso E-mo, nini sagoba ofelesia olalu.9Nini asigisia, Godehe Yesune ibifea alefasia, nini isolu idele inolo moloba ufuluba asigibu. Aulune, eweda nini asigiyo dobu. Godehe Yesufea alefasia, nini kanolofealo alebaibia amifia, gasifia siba dafelagoyobafe.10Nini aso Godedai gisa alebaibimo, Ene Faibe olalumo alefasia, nini seloaba ofelesia, Edai hilise ule melesi gadefalu. Auba aulugulu, aga nini Godedai hilise ule adesia, Ene Faibene miliyolu amo alefasia, nini seale koleba gasiba dafelagoba diyobafe.11Aufia, amo hamagale. Nine Saminilo Yesu Kelisohe, ninimo Edai hilise ule melesi moloba ufuluba hilisesia, nini Godefea kaiiba selaba lolu.12Inolo ule mololumo alefasia, wolu helefealu iwi faseba suga mulu. Wolu amohe, olalo lubia faseba mulu. Eno amohe olalomo, idele inolo sunia alebaibia goabu. Maumo, idele inolo sunia wolu moloba yaalo.13Mosesene muguli aso holobagabale labimo, wolumo helefealu iwi ama ufia alolu. Muguli malene, wolu mololomo alegalale.14Auluso, sulu muguli aso maleiya fogo amida, wolu molofe ili amo wolune elebe diaba yaalu. Enebamo, Adamane hiliafia maugafia abia, Mosese muguli meiya hiliamo, olalohe, idele inolo sunia fogo amida, yasifia uluba alolu. Adamahe Godene sulu kuliba abiale, wolu mololu. Idele inolo e faisa mulumo, wolu molosiamo, ilihe Adama mololuguba aubasu mololuale. Auluso, olalohe ili amo suniada aso sesaiba samodofia alolubiyo.
Adama e-mo, inolo dufia miyobafe amone mimisililu alolu.15Auluso, Godehe ulu kegele melu amomo, Adama heleba daalu amoguluale. Maumo, inolo ulehe heleba daalu amofea alefasia, idele inolo wedinale daneba yaalu. Auluso, Godene kanululo amohe, Adamane heleba daalu amo sunialu. Godehe inolo ule Yesu Kelisofea alefasia, idele inolo wedinalefea, ulu kegele melu. Amomo, ili wedinalefea wasigafia, hano galebaisaloguba, galebaisafe.16Aufia, Godene ulu kegele mesia, moloba dafelagolu amohe, inolo ulene wolu molosia, moloba dafelagolumo sunialu. Enebamo, wolu uledale milifasia labi, osolaeyomo amone faisa holobagasia, amohe mololusia sesia, osolaba dafiyomo lubia mulu. Auluso, Godene kanululo amo, mana amone nolobalo eweguba labe. Heleba dedalelo wedinale amodale milifasia labi, Gode Ene ulu kegele amone faisa holobagasia, amohe, idele inolo isolu melesi moloba ufiyone lubia mulu.17Inolo ule heleba daalu amo alefasia, olalohe, idele inolo sunia sesaiba yaafia, yasilo alolubiyo. Auluso, agamo, inolo ule Yesu Keliso alefasia, idele inolo ili Gode Ene kanululo wasigalumo difasia, ili bebea sigia, yasilo ine alebaiyobafe. Godehe idele inolo ili amofea ulu kegele mesia, ili isolu melesi moloba ufulu.18Aulugulu, inolo ule heleba daalu amo alefasia, idele inolo sunia mololusia osolaba dafalilu alebaibu. Auluso, inolo ule isolu mololu amo alefasia, idele inolo sunia Godedai isolu molofia gadefaeyosia, moloba dafelagolu. Amo alefasia, miliyolu sealemo, ilifea dia mulu.19Inolo ulehe Godene sulu dofasia, kuliba daaluale amo alefasia, idele inolo wedinalemo, wolu mololo melesi moloba ufulu. Amogubasu, nolobalomo, inolo ulehe, Godene sulu dofasia, kuliba daalu amo alefasia, idele inolo wedinalemo isolu melesi moloba ufiyobafe.20Idele inolo ili heleba daaluba hilisemesine, Godehe muguli sulu saaba ufulu. Auluso, wolu bulesimo, Godene kanululoda bulesia, amo sunialu.21Aulugulu, woluhe idele inolo olalofealo lubia abia, ine yasilo labi, nolobalomo, Godene kanululohe idele inolo miliyolu miliyofealo lubia abia, aubasu yasilo labe. Ehe nine Saminilo Yesu Kelisofea alefasia, idele inolo isolu moloba ofelesia aufe.
Adama e-mo, inolo dufia miyobafe amone mimisililu alolu.15Auluso, Godehe ulu kegele melu amomo, Adama heleba daalu amoguluale. Maumo, inolo ulehe heleba daalu amofea alefasia, idele inolo wedinale daneba yaalu. Auluso, Godene kanululo amohe, Adamane heleba daalu amo sunialu. Godehe inolo ule Yesu Kelisofea alefasia, idele inolo wedinalefea, ulu kegele melu. Amomo, ili wedinalefea wasigafia, hano galebaisaloguba, galebaisafe.16Aufia, Godene ulu kegele mesia, moloba dafelagolu amohe, inolo ulene wolu molosia, moloba dafelagolumo sunialu. Enebamo, wolu uledale milifasia labi, osolaeyomo amone faisa holobagasia, amohe mololusia sesia, osolaba dafiyomo lubia mulu. Auluso, Godene kanululo amo, mana amone nolobalo eweguba labe. Heleba dedalelo wedinale amodale milifasia labi, Gode Ene ulu kegele amone faisa holobagasia, amohe, idele inolo isolu melesi moloba ufiyone lubia mulu.17Inolo ule heleba daalu amo alefasia, olalohe, idele inolo sunia sesaiba yaafia, yasilo alolubiyo. Auluso, agamo, inolo ule Yesu Keliso alefasia, idele inolo ili Gode Ene kanululo wasigalumo difasia, ili bebea sigia, yasilo ine alebaiyobafe. Godehe idele inolo ili amofea ulu kegele mesia, ili isolu melesi moloba ufulu.18Aulugulu, inolo ule heleba daalu amo alefasia, idele inolo sunia mololusia osolaba dafalilu alebaibu. Auluso, inolo ule isolu mololu amo alefasia, idele inolo sunia Godedai isolu molofia gadefaeyosia, moloba dafelagolu. Amo alefasia, miliyolu sealemo, ilifea dia mulu.19Inolo ulehe Godene sulu dofasia, kuliba daaluale amo alefasia, idele inolo wedinalemo, wolu mololo melesi moloba ufulu. Amogubasu, nolobalomo, inolo ulehe, Godene sulu dofasia, kuliba daalu amo alefasia, idele inolo wedinalemo isolu melesi moloba ufiyobafe.20Idele inolo ili heleba daaluba hilisemesine, Godehe muguli sulu saaba ufulu. Auluso, wolu bulesimo, Godene kanululoda bulesia, amo sunialu.21Aulugulu, woluhe idele inolo olalofealo lubia abia, ine yasilo labi, nolobalomo, Godene kanululohe idele inolo miliyolu miliyofealo lubia abia, aubasu yasilo labe. Ehe nine Saminilo Yesu Kelisofea alefasia, idele inolo isolu moloba ofelesia aufe.
Wycliffe Bible Translators, Inc.