Meng Lai80
Mami dow Asaf kowh meng chekhai. Mami meng dow “Kra pau saksi” pami meng owi iawng natekah kown mih chekhai.
1Aw Israeluüa kowh mingkhet miia, anging kowh laiklow kowi pe param diah;en dow Josef krungchak kowi ruapur hawmh kowi iawng kruitownla khai.En dow cherupuüa luk kowi chowm khai,en kowh anowi dow en krawi sawtah reng chekhai.2Efraim, Benjamin hai Manase krungchak pur kowi en kowh kür tüng pe diah,now nauang lawng anging kownkow uang tarü diah.3Aw Thurai, alai kowh iawng plan tow anging iawk diah,en kowh sanara mih anowi iawng anging luk kowi pauang sawt lah.Nahanow anging naka lawngra kown towbowt.4Aw lang kri lang kraing mih CHAKRAMANG Thurai,anging awr lü awr leng mih mün ni tak chow en sak-ih dowi kown?5Anging kowi dow akrat pusara mih chakkham iawng en pe chaah khai,now mik tui ahuma en pe kham anging khai.6Nauang khün anging pren kownkow chenchapuüa lala en pe taranah khai,anging kowh ransu-uüa mih anging lawnguan kowi prawngren anging khai.7Aw lang kri lang kraing mih Thurai, alai kowh iawng plan tow anging iawk diah,en kowh sanara mih anowi iawng anging luk kowi pauang sawt lah.Nahanow anging naka lawngra kown towbowt.8Aigupta pren hownia grep ruih atut chow iawng en uang pawla anging khai,akeng chenchapuüa kowi prütta hanow nami dow en chowkah khai.9Nami grep tut kowi dow en tu pe mawh khai,nami grep prün dow abüpma paprenma kowi krawi thow khai.10Nami grep mung klim dow hungma mawngma kowi krawi tamum klum khai,nami ruih prek dow aiuk aiukma mih sidar singh kowi krawi mumta klum khai.11Nami grep ruih prek dow sata mowr cham krawi tarawk khai,nami taprek mih ruih sar dow Iufratis aw mowr cham krawi ting khai.12Tawngplawng kowchow nami taka müa khah en khueta pe khai?En khueta pe khah rakowi aria iawng uang mang mih maru maten dow nami uih lüngla khai.13Kaurawng pak hawmh paw uangah now nami uih mih uang cha khai bowt,now dowm kowi kowh asaduauüa paw nami uih dow uang cha khai bowt.14Aw lang kri lang kraing mih Thurai, uang plan diah;mukuang hownia uang iu mü diah,now mami grep ruih mih uang mingkhet diah.15En matia rut hown kowh en chowkah mih singh pawi,en matia vüi nami mia prek akhawtma en changah mih,16nami singh dow ransu-uüa kripah hanow maih hown towkta khai bowt.Maru-uüa dow en kunmarauah rakowi piak bowk khowk.17En lang ruiah mih maru-uüa kowi peah kür diah,amatni kowi dow en matia vüi akürma en changah mih chekhai.18Nahanow en hownia katpaw anging nacham powt kown nadowi bowt.Uang plan pe sing anging iawk diah,now en ming kowi anging nalük nalau iawk kown.19Aw lang kri lang kraing mih Thurai, alai kowh iawng plan tow anging iawk diah,en kowh sanara mih anowi iawng anging luk kowi pauang sawt lah.Nahanow anging naka lawngra kown towbowt.The Seed Company