Meng Lai79
Asaf kowh meng.
1Aw Thurai, akeng chenchapuüa mih en changla dawngthawnguan mih maru-uüa kowi uang senah khai,amatni dow en kowh pren kowi uang kup khai bowt.Amatni dow en kowh kim chimsaima mih uang sürlawkta nak khowk;Jerusalem marow dow apiaknama changah büah khai.2En kowh naruüa uak dow kuang dawng kowi kowh uaklinguüa kowi pe chaah büah khai,en kowh maru-uüa nga dow kaurawng uaramchak kowi pe chaah büah khai.3En maru-uüa kowh vi dow tui iawng Jerusalem marow kowi hawr iualua khai,amatni kowh uak nadup kown mih maru khowm miapaw uowi dowi chekhai.4Aria aret kowi kowh chenchapuüa dow prawngren anging khai,amatni dow changla anging rensi kau khai.5Aw CHAKRAMANG, chowngchowng saksakma bow en kunmarau anging kown?En kowh kunmaraura maih iawng nalün pluplup reng kown chekhai bow?6En kowh kunmaraura dow tuk en dowi mih chenchapuüa luk kowi khük pe diah.Nami dow chupiia en kown nau dowi mih prenchakuüa luk kowi iu hüng pe diah.7Tawngplawng kowchow panow Jakawb krungchak kowi piak mih dow kowbüah chowtaih,Jakawb krungchakuüa kowh uowi rah apiaknama changta pe mih dow amatni chowtaih.8Anging pipu-uüa kowh angak rakowi hauang rip anging diah,en kowh saksing sanara mih alenma uang tüng anging diah.Tawngplawng kowchow panow mapaw anging kowh sakowmra uowi dowi bowt chekhai.9Aw anging kowh lawng miia Thurai,en kowh kri kraingra nachowngla kownkow uang khowng anging diah;en kowh ming iung nang iung nauowila reng kownkow uang lawng anging diah,now anging kowh angak mih uang lawtta anging diah.10“Tawng kowi chow kowbüah kowh Thurai?” pahai tawngplawng akeng chenchapuüa natek kown?Amatni luk kowi kowh en naruüa kowh lu klai en paw pe mih tüng anging diah.11Nar lup changra kowi cham takhang miuüa kowh kar klow dow en param kowi pacham ting lah,kowngta kownkow khowm bowkta khowk miuüa kowi en kowh kür akraingma mih hown lawngah diah.12Aw CHAKRAMANG, ariaret kowi kowh chenchapuüa mih tha en nang en khai.Naiawng rakowi amatni kowi dow ranit phow mowr ripah diah.13Nahanow ruapur hawmh iawng en mingkhetah mih maru-uüa natek en awmrawm lai kown,chowngchowng saksakma anging narowsi kiowri en reng kown.The Seed Company