Meng Lai20
Mami dow David kowh meng chekhai.
1CHAKRAMANG dow en krat mih khin khe pacham khowng en reng lah,Jakawb kowh Thurai dow pacham lawng en lah.2Aia dow aia kowh chimsaima mih arah hownia pacham khowng en lah,Zaiawn hungh hownia pacham pe en kür reng lah.3En chang pe phuchua mih maten aia pacham ka tuak lah,en tikah mih uanap ün dow aia pacham paw en lah.4En nauah mih sia maten aia pacham pe en lah,en sangkrangah mih maten aia pacham pe phaw en lah.5En awng tasen mih khin khe anging naawmrawm kown,now Thurai ming hown anging naruang tamkhuown kown.CHAKRAMANG dow en awr lü awr lengah mih maten pacham pe en lah.6Kawmat dow ang tuk khowk,CHAKRAMANG dow aia nümnapah mih maru kowi natakhula reng kown.Aia nümnapah mih maru kowh hawk klow dow mukuang pren hownia aia naiu sünta pe reng kown,now aia kowh kür akraingma mih hown aia dow amatni kowi towkala reng kown.7Tawngbak mih maru dow amatni kowh kawrnga kari luk kowi neplawng nesak khai,tawngbak mih maru dow amatni kowh siphaiuüa luk kowi neplawng nesak khai.Tawkche anging dow CHAKRAMANG anging kowh Thurai ming kowi chowtaih neplawng nesak reng.8Thurai kowi neplawng nesak dowi miuüa dow nasum bowk kown,amatni dow tasenra kowi natim bowk kown.Tawkche anging dow anikma naiowng kown.9Aw CHAKRAMANG, en nümnapah mih mang kowi takhula diah,now anging haw en mih khin khe uang klang anging diah.The Seed Company