Josua4
1Jawrdan aw paipra pown kowi Israeluüa maten kowting mih khin khe CHAKRAMANG tek pe Josua mih,2“Pachen kowi lowk ia chi bowkbowk kowi laipre ia rui maru diah.3Now Jawrdan aw dawnglang kowi uamowuüa iowngra hownia aiuk sangrum mih hua kowpe pawah laipre buk diah. Naiawngün hua dow aiak kowh enni cham iakra kowi natowah kownkow amatni kowi pe kawtla diah,” pakhai.4Naiawng rakowi Josua mih Israeluüa pungmadawng hownia pakrungchak kowi lowk ia chi bowkbowk kowi klo maru laipre ia khai. Naiawngün aia kloah mih maru-uüa kowi aia tek pe mih, “Jawrdan aw kowi iu dowm büah hanow CHAKRAMANG kowh sangbowk laitawm tawkpla re-e kowkowi büa diah. Now nami arah hownia enni Israel laipre krungchak vüi lowk ia e lowk chi bowkbowk kowi laipre buk kowkawt hua büa diah.6Naiawngün hua dow enni vüi amat müa naown kown. Naiawngün hua lawnguan kowi pur prakowi enni kowh chauüa nalünta enni kown. Nami khin khe enni natek pe kown mih, ‘Jawrdan aw kowi CHAKRAMANG kowh sangbowk laitawm tawkpla a-i uaipownla mih khin khe Jawrdan aw tui taak lang khai. Naiawng rakowi nami lawnguan a-i natukla reng kownkow maiawngün hua a-i Israeluüa vüi chowngchowng saksakma amat müa chekhai,’ napape kown,” pakhai.8Israeluüa dow Josua kowi CHAKRAMANG peah mih ana pek iawng chang khai bowt. Amatni dow amatni Israel laipre krungchak vüi Jawrdan aw dawnglang hownia aiukma kangowh mih hua kowkawt laipre buk khai. Now naiawngün hua dow amatni cham iakra kowi cham towah khai.9Now sangbowk laitawm tawkpla kawtla mih uamowuüa iowngra re-e Josua dow aiuk sangrum mih hua kowchowk laipre buk khai. Naiawngün hua dow kawmat pat nami re-e uowi reng tak chekhai.10Napown Jawrdan aw kown mih lawnguan maru kawmuüa kowi natek pe kownkow Josua kowi Mosi pela ana khai. Naiawng rakowi Josua dow nami powm iawng maru kawmuüa kowi tek pe khai. Achang takla mih srui amatni ki changta bowk dowi mowr uamowuüa dow aw dawnglang kowi iowng hüah khai, now maru kawmuüa dow sakkrowngma hown haipown Jawrdan aw khai.11Mosi pela ana iawng Reuben krungchak maten, Gad krungchak maten, now Manase krungchak dawnglang mih natawi dowk tasen kownkow kamrütma hown Israeluüa pur kowi rik pown Jawrdan aw khai. Nacham dowk tasen kownkow maru iun 40,000 ia ngia mih tasen müa rutchün khawkleng dowkma hown CHAKRAMANG kowi khepla se haipown aw hanow Jeriko marow re-e kowh dowm nai kowi kowuowi khai.
Nami kung kowi kowh ta lat mih Israeluüa dow haipown Jawrdan aw khai. Nakhowk khe Josua kowi CHAKRAMANG tek pe mih, “Kawtla sangbowk laitawm tawkpla mih uamowuüa kowi Jawrdan aw hownia nauai pün bowt kownkow peah ana diah,” pakhai. Naiawng rakowi Jawrdan aw hownia nauai pün bowt kownkow uamowuüa kowi Josua peah ana khai. Now kawtla CHAKRAMANG kowh sangbowk laitawm tawkpla mih uamowuüa dow Jawrdan aw dawnglang hownia aw pang kowi uai pün büah khai bowt. Now süngkangma kowi uamowuüa kowchawp hown krowksang Jawrdan aw tui dow aiawng uowi iawng kutplan uowi khai iawk.
Naiawng hai nami ni khe Israeluüa maten naring nakawah kownkow Josua kowi CHAKRAMANG changah khai. Naiawng rakowi Mosi kowi iawng Josua kowi paw aia sing uowi mowr maru kawmuüa ringkawah khai bowt.19Israeluüa pown Jawrdan aw mih dow ning sar kowi kowh la uown kowi lacher hamüt ni khe chekhai. Ki pownta Jawrdan aw hanow amatni dow Gilgal pami arah kowi kowkhup tangbung büah khai. Gilgal dow Jeriko marow satlawt prakowi chekhai.20Now Jawrdan aw hownia kowh uang kawtla mih laipre buk mih hua dow nakowi Josua chowkah khai.21Nami kung kowi dow aia tek pe Israeluüa mih, “Pur prakowi maiawngün hua lawnguan kowi enni kowh chauüa nalünta enni kown.22Nakhowk khe enni natek pe kown mih, ‘Maiawngün hua dow a-i Israeluüa akang khawngma mih Jawrdan aw haipown mih lawnguan natukla reng kown mih amat müa chekhai.23Mami pren kowi a-i Israeluüa uang kup kownkow uaipown Jawrdan aw khe Jawrdan aw rephai akang khawngma mih luk iawng a-i uaimang khai. Uaipown sata Rik khe a-i ia pown bowk dowi mowr sata Rik phai akang khawngma CHAKRAMANG chang a-i iawng mami Jawrdan aw a-i uaipown khe paw CHAKRAMANG chang a-i khai.24Naiawng CHAKRAMANG chang mih dow aia kowh rut akürma mih palusama maru natukla kownkow hai CHAKRAMANG enni kowh Thurai kowi chowngchowng saksakma ringkawma hown a-i nakramah kownkow chekhai,’ napape kown,” pakhai.
Nami kung kowi kowh ta lat mih Israeluüa dow haipown Jawrdan aw khai. Nakhowk khe Josua kowi CHAKRAMANG tek pe mih, “Kawtla sangbowk laitawm tawkpla mih uamowuüa kowi Jawrdan aw hownia nauai pün bowt kownkow peah ana diah,” pakhai. Naiawng rakowi Jawrdan aw hownia nauai pün bowt kownkow uamowuüa kowi Josua peah ana khai. Now kawtla CHAKRAMANG kowh sangbowk laitawm tawkpla mih uamowuüa dow Jawrdan aw dawnglang hownia aw pang kowi uai pün büah khai bowt. Now süngkangma kowi uamowuüa kowchawp hown krowksang Jawrdan aw tui dow aiawng uowi iawng kutplan uowi khai iawk.
Naiawng hai nami ni khe Israeluüa maten naring nakawah kownkow Josua kowi CHAKRAMANG changah khai. Naiawng rakowi Mosi kowi iawng Josua kowi paw aia sing uowi mowr maru kawmuüa ringkawah khai bowt.19Israeluüa pown Jawrdan aw mih dow ning sar kowi kowh la uown kowi lacher hamüt ni khe chekhai. Ki pownta Jawrdan aw hanow amatni dow Gilgal pami arah kowi kowkhup tangbung büah khai. Gilgal dow Jeriko marow satlawt prakowi chekhai.20Now Jawrdan aw hownia kowh uang kawtla mih laipre buk mih hua dow nakowi Josua chowkah khai.21Nami kung kowi dow aia tek pe Israeluüa mih, “Pur prakowi maiawngün hua lawnguan kowi enni kowh chauüa nalünta enni kown.22Nakhowk khe enni natek pe kown mih, ‘Maiawngün hua dow a-i Israeluüa akang khawngma mih Jawrdan aw haipown mih lawnguan natukla reng kown mih amat müa chekhai.23Mami pren kowi a-i Israeluüa uang kup kownkow uaipown Jawrdan aw khe Jawrdan aw rephai akang khawngma mih luk iawng a-i uaimang khai. Uaipown sata Rik khe a-i ia pown bowk dowi mowr sata Rik phai akang khawngma CHAKRAMANG chang a-i iawng mami Jawrdan aw a-i uaipown khe paw CHAKRAMANG chang a-i khai.24Naiawng CHAKRAMANG chang mih dow aia kowh rut akürma mih palusama maru natukla kownkow hai CHAKRAMANG enni kowh Thurai kowi chowngchowng saksakma ringkawma hown a-i nakramah kownkow chekhai,’ napape kown,” pakhai.
The Seed Company