2 Samuel14
1Zerui kowh chapa Joab dow Absalawm kowi mang David prüa mih nowm khowk pami tuk khai bowt.2Naiawng rakowi aia dow kowchin maru hanow Tekoa marow kowi kowh prengia uowima mih masiuüa kowi uang hawla lowk ia khai. Nami masiuüa kowi Joab tek pe mih, “Uowila uiting uangtak khe kowh iawng chang diah; uowila uiting uangtak khe kowh tawnguat khup diah, now hang phawk unsi paingbawng diah. Kowng mih vüi uowila uiting uangtak mih akrama khowk mih masiuüa iawng chang diah.3Now mang tut-e kowkowiah hanow maiawngün laiklow maten kowtek diah,” pakhai. Joab dow nami masiuüa tawng chow nakowtek kown mih krawi sangah khai.4Nami masiuüa dow mang tut-e kowkowi hanow krawng kowi tabawkah krawm se chupah khai. Now tek pe mang mih, “Aw mangkri, khowng ang diah,” pakhai.5Mang lüntaah mih, “Tawng chow en own?” pape khai.
Nami masiuüa klangah mih, “Ang dow mamaimow chekhai. Ang kowh dow hua kowng khai bowt.6Ang kowh dow chapa uowi pre ia chowdiah. Akat khe amatchi dow dowm kowi takhüm iüah khai. Nakhowk khe amatchi kowi napraiah kown mih miapaw uowi dowi chekhai. Naiawng rakowi atainau lowk ia dow alowk mih tainau kowi saita khai.7Kawmat dow krungchakuüa maten mih kingküa ang khai. Amatni tek ang mih, ‘En kowh chapa kowi anging rut kowi apta anging diah. Atainau kowi aia saita mih lu klai aia kowi anging nasaita kown,’ pah ang khai. Nahanow aia dow naka powng dawngthawnguan kown nadowi bowt. Naiawng hai amatni dow ang kowh sakowmra lowkchow mih kowi saita kown mih nau büah khai. Nahanow ang kowh hua ming hai aia kowh krungchak dow krawng luk hownia natama kown towbowt,” pakhai.8Nakhowk khe mang tek pe mih, “Kim kowi kowmang diah towbowt. En chapa kowi miapaw uang nowng sai dowi iawng ang mü en kown taih,” pape khai.9Nami masiuüa tek pe mih, “Aw mangkri, en khowng ang rakowi maru tang en angak khai hanow nami angak srui dow ang hai apa kimchak luk kowi pacham kla lah. Nachenganchepaw en hai en kimchak kowh dow angak hang pacham uowi lah,” pakhai.10Mang tek pe mih, “Pachap dowi now pachap uang tek en mih maru kowi ang tut-e uang pawla diah. Nahanow aia dow tawng iawng mih laiklow paw natek en kown nadowi bowt,” pape khai.11Nami masiuüa tek pe mih, “Mangkri, ang kowh chapa kowi lu klai pawk mih maru naia saila dowi kownkow sakrauma hai CHAKRAMANG en kowh Thurai ming hown kham sawi diah. Nadowi now lu klai pawk mih maru mih ang kowh chapa kowi nasaita kown chekhai,” pakhai.
Mang tek pe mih, “Masing CHAKRAMANG ming lüklau se ang takham khowk, en chapa kowh sam aiangchow khowm padow miapaw nauang ia kak kown nadowi,” pape khai.12Nakhowk khe nami masiuüa tek pe mih, “Mangkri, sakrauma hown pe tek ang lai pakatchow diah,” pakhai.
Mang tek pe mih, “Tek bowt,” pape khai.13Nami masiuüa tek pe mih, “Now tawngplawng kowchow Thurai maru-uüa kowi nachangah angak kownkow en tuk sangkrang khai? Naiawng en tek mih dow en matia kowi en tape angak mih chekhai. Tawngplawng kowchow panow en lawtta mih en kowh chapa kowi dow en tut-e en uang pe mangah dowi chekhai.14Krawng kowi khükta tui khowk hanow kaah avür dowi bowt. Nami iawng dow a-i paw kowng khowk hanow uang nowng plan sing dowi bowt chekhai. Kowng khowk mih kowi dow CHAKRAMANG khowm padow plan pe singah dowi bowt chekhai. Nachenganchepaw en lawtta mih maru kowi dow en tut-e en uang plan ia pawla iawk chekhai.15Mangkri, mami laiklow ang uang tek en mih dow maru krawk ang kowh chekhai. Ang uang tek en now ang tek en iawng en nachang ang ün tarawng padow ang ka tuak khai.16Now CHAKRAMANG pe anging mih pren hownia ang hai ang kowh chapa kowi namata kown nau mih maru rut hownia en nalawng ang ün tarawng padow ang ka tuak khai.17Mangkri, en nape ang thaulangra kown mih ang ka tuak chowdiah. Tawngplawng kowchow panow en dow aiung angak lawnguan kowi Thurai kowh kramamu iawng tuk chekhai. CHAKRAMANG en kowh Thurai dow en tut-e pacham tawi uowi reng lah,” pakhai.18Nakhowk khe nami masiuüa kowi mang tek pe mih, “Ang nalünta en laiklow lowk kown. Nami dow achingma tek ang diah,” pakhai.
Nami masiuüa tek pe mih, “Mangkri, tek bowt,” pape khai.19Mang lüntaah mih, “Naiawng en uang chang mih Joab uang pe chang en kowh bow?” pakhai.
Nami masiuüa klangah mih, “Mangkri, en sak lüklau hown ang tek khowk, en tek mih na chow. Ow, maiawng ang chang mih dow Joab tek ang kowh chowtaih, now maiawngün laiklow nauang tek kown mih paw aia sang ang kowh chowtaih.20Naiawng Joab chang mih dow nami lawnguan mih asar hown en pacham tuak lah pakowh chekhai. En dow Thurai kowh kramamu iawng prengia uowima chekhai. En dow pren kowi tawng chow own mih own dowi mih en tuk bowk chekhai,” pape khai.21Akung kowi dow mang mih kowchin maru hanow Joab kowi uang hawla khai. Now tek pe Joab mih, “Iung chow. En tek iawng ang chang kown towbowt. Kowkowi hanow Absalawm klanguüa kowi uang pawla bowt,” pakhai.22Now Joab dow krawng kowi tabawkah krawm se mang kowi chupah khai. Now tek pe mang mih, “Mangkri, CHAKRAMANG dow pacham pe en prasi lah. Ang kowh laiklow dow enni chün ang khai. Naiawng rakowi en saksing sana ang mih dow ani ang tuk khai bowt,” pape khai.23Nami kung kowi dow Joab mih Gesur pren kowi kowkowi khai, now Absalawm kowi mih Jerusalem marow kowi uang pawla khai.24Nachenganchepaw mang tek pe mih, “Aia dow aiamat kim kowi pacham kowi lah. Ang pur kowi aia mih hang pacham uang lah,” pakhai. Naiawng rakowi Absalawm dow aiamat kim kowi kowuowi khai; a-pa kim kowi kowkowi dowi chekhai.25Absalawm dow klangiungma chekhai. Aia kowh dow lunui hownia khawkpha mowr tawng iawng mih amün ama uowi dowi chekhai. Aia iawng mih dow Israel pren paprenma kowi miapaw uowi dowi bowt chekhai. Naiawng rakowi aia kowi dow maru lang kiowah khai.26Aia kowh dow sam huma chekhai. Nachenganchepaw aia kep sam mih dow paning kowi pakatchow taih. Naiawng aia kepta mih dow di lai bowt kowh chowtaih chekhai. Naiawngün aia kepta mih sam dow khaiah hanow adik pre set hown akhuai chekhai.27Absalawm kowh dow chapa uowi sum ia, now chama uowi lowk ia chekhai. Achama ming dow Tamar. Aia dow klangiungma chekhai.28Jerusalem marow kowi Absalawm uowi mih dow pre ning khowk. Nachenganchepaw aia dow mang kowi ka khi dowi tak chekhai.29Now Absalawm mih mang tut-e nape kowiah kownkow Joab kowi nakowhaw kown mih kowchin maru khai. Nachenganchepaw Joab dow Absalawm tut-e uang kown mih nau pe dowi chekhai. Nami kung kowi dow Absalawm mih Joab kowi nakowhaw kownkow kowplan chin maru khai iawk. Tawkche nami leng paw Joab dow aia tut-e uang kown mih nau pe dowi iawk chekhai.30Nakhowk khe aia kowh naruüa kowi Absalawm tek pe mih, “Sünta büa diah, Joab kowh laih dow ang kowh laih ria kowi taih. Aia dow iakmow paw sawtta khowk. Enni mih laih kowi kowkowiah hanow kowtowk pe diah,” pakhai. Naiawng rakowi Absalawm kowh naruüa dow Joab kowh laih kowi kowkowiah hanow kowtowk pe khai.31Nakhowk khe dow Joab mih Absalawm kim kowi kowkowiah hanow kowtek pe mih, “Tawngplawng kowchow en kowh naruüa uang tuk towk ang laih khai?” pakhai.32Absalawm klangah mih, “Tawngplawng kowchow panow nauang haw en kownkow ang uang chin en maru khowk chowdiah. Nachenganchepaw ang tut-e en uang dowi chekhai. Nami khin khe en uang e dow mang tut-e ang kowchin en kown mih chowdiah. Now, ‘Nakowi uowi phülü mih ang vüi lang iung rowt tak chowdiah. Aia che khi ang kown nau dowi hanow Gesur pren hownia uang pawla ang mih tawngplawng kowchow?’ pami laiklow nakowpe lünta en kown chowdiah. Kawmat mih apa kowi ka khi iawng en chang ang diah. Ang kowh che angak uowi khai hanow aia mih pacham saita ang lah,” pakhai.33Naiawng rakowi Joab dow mang tut-e kowkowiah hanow naiawngün laiklow maten tek pe khai. Naiawng rakowi achur kowi dow mang mih Absalawm kowi nauang hawla kownkow kowchin maru khai. Now Absalawm dow mang pur kowi uang hanow krawng kowi tabawk krawm se uang chupah khai. Nakhowk khe mang dow Absalawm kowi namah khai.
Nami masiuüa klangah mih, “Ang dow mamaimow chekhai. Ang kowh dow hua kowng khai bowt.6Ang kowh dow chapa uowi pre ia chowdiah. Akat khe amatchi dow dowm kowi takhüm iüah khai. Nakhowk khe amatchi kowi napraiah kown mih miapaw uowi dowi chekhai. Naiawng rakowi atainau lowk ia dow alowk mih tainau kowi saita khai.7Kawmat dow krungchakuüa maten mih kingküa ang khai. Amatni tek ang mih, ‘En kowh chapa kowi anging rut kowi apta anging diah. Atainau kowi aia saita mih lu klai aia kowi anging nasaita kown,’ pah ang khai. Nahanow aia dow naka powng dawngthawnguan kown nadowi bowt. Naiawng hai amatni dow ang kowh sakowmra lowkchow mih kowi saita kown mih nau büah khai. Nahanow ang kowh hua ming hai aia kowh krungchak dow krawng luk hownia natama kown towbowt,” pakhai.8Nakhowk khe mang tek pe mih, “Kim kowi kowmang diah towbowt. En chapa kowi miapaw uang nowng sai dowi iawng ang mü en kown taih,” pape khai.9Nami masiuüa tek pe mih, “Aw mangkri, en khowng ang rakowi maru tang en angak khai hanow nami angak srui dow ang hai apa kimchak luk kowi pacham kla lah. Nachenganchepaw en hai en kimchak kowh dow angak hang pacham uowi lah,” pakhai.10Mang tek pe mih, “Pachap dowi now pachap uang tek en mih maru kowi ang tut-e uang pawla diah. Nahanow aia dow tawng iawng mih laiklow paw natek en kown nadowi bowt,” pape khai.11Nami masiuüa tek pe mih, “Mangkri, ang kowh chapa kowi lu klai pawk mih maru naia saila dowi kownkow sakrauma hai CHAKRAMANG en kowh Thurai ming hown kham sawi diah. Nadowi now lu klai pawk mih maru mih ang kowh chapa kowi nasaita kown chekhai,” pakhai.
Mang tek pe mih, “Masing CHAKRAMANG ming lüklau se ang takham khowk, en chapa kowh sam aiangchow khowm padow miapaw nauang ia kak kown nadowi,” pape khai.12Nakhowk khe nami masiuüa tek pe mih, “Mangkri, sakrauma hown pe tek ang lai pakatchow diah,” pakhai.
Mang tek pe mih, “Tek bowt,” pape khai.13Nami masiuüa tek pe mih, “Now tawngplawng kowchow Thurai maru-uüa kowi nachangah angak kownkow en tuk sangkrang khai? Naiawng en tek mih dow en matia kowi en tape angak mih chekhai. Tawngplawng kowchow panow en lawtta mih en kowh chapa kowi dow en tut-e en uang pe mangah dowi chekhai.14Krawng kowi khükta tui khowk hanow kaah avür dowi bowt. Nami iawng dow a-i paw kowng khowk hanow uang nowng plan sing dowi bowt chekhai. Kowng khowk mih kowi dow CHAKRAMANG khowm padow plan pe singah dowi bowt chekhai. Nachenganchepaw en lawtta mih maru kowi dow en tut-e en uang plan ia pawla iawk chekhai.15Mangkri, mami laiklow ang uang tek en mih dow maru krawk ang kowh chekhai. Ang uang tek en now ang tek en iawng en nachang ang ün tarawng padow ang ka tuak khai.16Now CHAKRAMANG pe anging mih pren hownia ang hai ang kowh chapa kowi namata kown nau mih maru rut hownia en nalawng ang ün tarawng padow ang ka tuak khai.17Mangkri, en nape ang thaulangra kown mih ang ka tuak chowdiah. Tawngplawng kowchow panow en dow aiung angak lawnguan kowi Thurai kowh kramamu iawng tuk chekhai. CHAKRAMANG en kowh Thurai dow en tut-e pacham tawi uowi reng lah,” pakhai.18Nakhowk khe nami masiuüa kowi mang tek pe mih, “Ang nalünta en laiklow lowk kown. Nami dow achingma tek ang diah,” pakhai.
Nami masiuüa tek pe mih, “Mangkri, tek bowt,” pape khai.19Mang lüntaah mih, “Naiawng en uang chang mih Joab uang pe chang en kowh bow?” pakhai.
Nami masiuüa klangah mih, “Mangkri, en sak lüklau hown ang tek khowk, en tek mih na chow. Ow, maiawng ang chang mih dow Joab tek ang kowh chowtaih, now maiawngün laiklow nauang tek kown mih paw aia sang ang kowh chowtaih.20Naiawng Joab chang mih dow nami lawnguan mih asar hown en pacham tuak lah pakowh chekhai. En dow Thurai kowh kramamu iawng prengia uowima chekhai. En dow pren kowi tawng chow own mih own dowi mih en tuk bowk chekhai,” pape khai.21Akung kowi dow mang mih kowchin maru hanow Joab kowi uang hawla khai. Now tek pe Joab mih, “Iung chow. En tek iawng ang chang kown towbowt. Kowkowi hanow Absalawm klanguüa kowi uang pawla bowt,” pakhai.22Now Joab dow krawng kowi tabawkah krawm se mang kowi chupah khai. Now tek pe mang mih, “Mangkri, CHAKRAMANG dow pacham pe en prasi lah. Ang kowh laiklow dow enni chün ang khai. Naiawng rakowi en saksing sana ang mih dow ani ang tuk khai bowt,” pape khai.23Nami kung kowi dow Joab mih Gesur pren kowi kowkowi khai, now Absalawm kowi mih Jerusalem marow kowi uang pawla khai.24Nachenganchepaw mang tek pe mih, “Aia dow aiamat kim kowi pacham kowi lah. Ang pur kowi aia mih hang pacham uang lah,” pakhai. Naiawng rakowi Absalawm dow aiamat kim kowi kowuowi khai; a-pa kim kowi kowkowi dowi chekhai.25Absalawm dow klangiungma chekhai. Aia kowh dow lunui hownia khawkpha mowr tawng iawng mih amün ama uowi dowi chekhai. Aia iawng mih dow Israel pren paprenma kowi miapaw uowi dowi bowt chekhai. Naiawng rakowi aia kowi dow maru lang kiowah khai.26Aia kowh dow sam huma chekhai. Nachenganchepaw aia kep sam mih dow paning kowi pakatchow taih. Naiawng aia kepta mih dow di lai bowt kowh chowtaih chekhai. Naiawngün aia kepta mih sam dow khaiah hanow adik pre set hown akhuai chekhai.27Absalawm kowh dow chapa uowi sum ia, now chama uowi lowk ia chekhai. Achama ming dow Tamar. Aia dow klangiungma chekhai.28Jerusalem marow kowi Absalawm uowi mih dow pre ning khowk. Nachenganchepaw aia dow mang kowi ka khi dowi tak chekhai.29Now Absalawm mih mang tut-e nape kowiah kownkow Joab kowi nakowhaw kown mih kowchin maru khai. Nachenganchepaw Joab dow Absalawm tut-e uang kown mih nau pe dowi chekhai. Nami kung kowi dow Absalawm mih Joab kowi nakowhaw kownkow kowplan chin maru khai iawk. Tawkche nami leng paw Joab dow aia tut-e uang kown mih nau pe dowi iawk chekhai.30Nakhowk khe aia kowh naruüa kowi Absalawm tek pe mih, “Sünta büa diah, Joab kowh laih dow ang kowh laih ria kowi taih. Aia dow iakmow paw sawtta khowk. Enni mih laih kowi kowkowiah hanow kowtowk pe diah,” pakhai. Naiawng rakowi Absalawm kowh naruüa dow Joab kowh laih kowi kowkowiah hanow kowtowk pe khai.31Nakhowk khe dow Joab mih Absalawm kim kowi kowkowiah hanow kowtek pe mih, “Tawngplawng kowchow en kowh naruüa uang tuk towk ang laih khai?” pakhai.32Absalawm klangah mih, “Tawngplawng kowchow panow nauang haw en kownkow ang uang chin en maru khowk chowdiah. Nachenganchepaw ang tut-e en uang dowi chekhai. Nami khin khe en uang e dow mang tut-e ang kowchin en kown mih chowdiah. Now, ‘Nakowi uowi phülü mih ang vüi lang iung rowt tak chowdiah. Aia che khi ang kown nau dowi hanow Gesur pren hownia uang pawla ang mih tawngplawng kowchow?’ pami laiklow nakowpe lünta en kown chowdiah. Kawmat mih apa kowi ka khi iawng en chang ang diah. Ang kowh che angak uowi khai hanow aia mih pacham saita ang lah,” pakhai.33Naiawng rakowi Joab dow mang tut-e kowkowiah hanow naiawngün laiklow maten tek pe khai. Naiawng rakowi achur kowi dow mang mih Absalawm kowi nauang hawla kownkow kowchin maru khai. Now Absalawm dow mang pur kowi uang hanow krawng kowi tabawk krawm se uang chupah khai. Nakhowk khe mang dow Absalawm kowi namah khai.
The Seed Company