2 Куг2
1Тидын деч вара Давид Господь деч йодын: «Мылам Иудан иктаж-кудо олашкыже каяш мо?» Господь вашештен: «Кай». Давид йодын: «Мылам кушко кайыман?» «Хевроныш», – каласен Господь.2Давид тушко каен, пеленже кок ватыжым налын – Изреель гыч улшо Ахиноамам да Кармил гыч улшо Авигеям, Навал деч кодшо тулык ватым.3Давид пеленже лийше еҥ-влакымат ешышт дене наҥгаен. Нуно Хевронышто да воктен улшо илемлаште илаш тӱҥалыныт.4Тушко Иуда тукым гыч еҥ-шамыч миеныт да Давидым Иудан кугыжажлан шӱрен палемденыт.
Галаадысе Иавис олаште илыше-влакын Саулым тойымышт нерген Давидлан каласеныт.5Тудо нунын деке уверзе-шамычым тыге каласаш колтен: «Тек Господь тендам суапландара! Те шке Саул озаланда, [Господьын шӱрен палемдымыжлан,] поро пашам ыштенда – тудым [да Ионафан эргыжым] тоенда.6Тек Господь Юмат тендан деке поро да ӱшанле лиеш. Тыге ыштымыланда мыят тендан деке поро лиям.7Вуйдам ида саке, патыр лийза! Вет тендан Саул озада колен, а Иуда тукым мыйым шке кугыжажлан шӱрен палемден».8Но Нир эрге Авенир, Саулын сартӧраже, Саулын Иевосфей эргыжым налын да Маханаимыш конден.9Тудо Иевосфейым Галаадын, Ашурын, Изреельын, Ефремын, Вениаминын – уло Израильын – кугыжажлан шогалтен.10Израильын кугыжажлан шогалмыж годым Иевосфей, Саулын эргыже, нылле ияш лийын. Тудо кок ий кугыжаланен. Давид дене Иуда тукым гына кодын.11Хевронышто тудо Иуда тукым дене шым ий да куд тылзе кугыжаланен.12Нир эрге Авенир да Иевосфейын, Саул эргын, сарзыже-влак Маханаим гыч лектыныт да Гаваоныш каеныт.13Ваштарешышт Иоав, Саруян эргыже, Давидын сарзыж-влак дене лектын. Нуно Гаваон пӱя дене вашлийыныт: иктышт пӱян ик велныже лийыныт, весышт – вес велне.14Авенир Иоавлан каласен: «Тек самырык еҥ-влак лектыт да мемнан ончылно икте-весышт дене таҥасен кучедалыт». «Йӧра, – вашештен Иоав, – тек лектыт».15Самырык еҥ-влак лектыныт: Саул эрге Иевосфей могырым Вениамин тукымысо латкок еҥ да Давидын сарзыже-влак кокла гыч латкок еҥ.16Нуно икте-весыштым вуйышт гыч руалтен кученыт да ваш-ваш ӧрдыжышт гыч керде дене шуралтеныт. Тыге нуно чыланат вуйыштым пыштеныт. Гаваонысо тиде верым Хелкаф-Хаццурим манын лӱмденыт.17Тиде кечын пеш кугу кредалмаш лийын. Давидын сарзыже-влак Авенир ден израильтян-шамычым кырен шалатеныт.18Тушто Саруян кум эргыже лийын: Иоав, Авесса да Асаил. Асаилже пӱчӧ гай писе йолан лийын, пеш сайын куржталын.19Тудо Авенир почеш куржын да чарныде поктен, кышаж деч пурлашкат, шолашкат кораҥын огыл.20Авенир шеҥгек ончалын да йодын: «Тиде тый улат мо, Асаил?» Тудыжо вашештен: «Мый улам».21Авенир тудлан каласен: «Пурлашке але шолашке савырне да иктаж-кӧм весым руалтен кучо, саргуралжым шкаланет нал». Но Асаил тудым чарныде поктен каен.22Авенир Асаиллан угыч каласен: «Чарне поктыметым, уке гын тыйым пушташ логалеш! Кузе мый тунам Иоав изатын шинчашкыже ончалам?23[Тыге лийшаш огыл! Иоав изат деке пӧртыл!»] Но тудыжо поктымым чарнаш шоненат огыл. Тунам Авенир умдыжын вурдо мучашыж дене тудым мӱшкыржӧ гыч шуралтен. Умдо вошт пурен, Асаил тушанак йӧрлын да колен. Кӧ Асаилын колымо верже дек лишемын, кажныже шогалын.24Варажым Авенирым Иоав ден Авесса поктен каеныт. Кече шичме годым нуно Амма лӱман изи курык деке миен шуыныт. Тудыжо Гиах ваштареш, Гаваон ир мландыш кайымаште, верланен.25Вес изи курык вуйышто Вениамин тукым еҥ-шамыч Авенир йыр тӱшкан погынен шогалыныт.26Авенир Иоавлан кычкыралын: «Эше мыняр жап кердына-влак вӱрым йоктараш тӱҥалыт? Мучашыже кочо лиймым от пале мо? Кунам тый шке еҥет-шамычлан иза-шольыштым поктымым чарнышт манын каласет?»27Иоав вашештен: «Юмо дене товатлем: нине шомакым от каласе ыле гын, мыйын сарзем-влак иза-шольыштым эше эр марте поктен каят ыле».28Иоав пучым пуалтен – сарзыже-шамыч чарнен шогалыныт да израильтян-влакым тетла поктен каен огытыл. Тыге кредалмаш чарнен.29Авенир ден тудын еҥже-влак тиде кечын йӱдвошт тӧрвер дене каеныт да Иордан вес велке вонченыт. Вара пӱтынь Битроным эртен каеныт да Маханаимыш толын шуыныт.30Иоав, Авенирым поктен чарнымекше, мӧҥгеш пӧртылын да шке еҥже-шамычым поген. Асаилым шотлаш огыл гын, Давидын сарзыж-влак кокла гыч латиндеш еҥ пытен.31А Давидын сарзыже-шамыч Авенирын Вениамин тукым гыч улшо кумшӱдӧ кудло еҥжым пуштыныт.32Асаилын капшым конденыт да ачажын Вифлеемыште улшо шӱгарыштыже тоеныт. Иоав шке еҥже-влак дене йӱдвошт ошкылын да волгыжмо годым Хевроныш миен шуын.
Галаадысе Иавис олаште илыше-влакын Саулым тойымышт нерген Давидлан каласеныт.5Тудо нунын деке уверзе-шамычым тыге каласаш колтен: «Тек Господь тендам суапландара! Те шке Саул озаланда, [Господьын шӱрен палемдымыжлан,] поро пашам ыштенда – тудым [да Ионафан эргыжым] тоенда.6Тек Господь Юмат тендан деке поро да ӱшанле лиеш. Тыге ыштымыланда мыят тендан деке поро лиям.7Вуйдам ида саке, патыр лийза! Вет тендан Саул озада колен, а Иуда тукым мыйым шке кугыжажлан шӱрен палемден».8Но Нир эрге Авенир, Саулын сартӧраже, Саулын Иевосфей эргыжым налын да Маханаимыш конден.9Тудо Иевосфейым Галаадын, Ашурын, Изреельын, Ефремын, Вениаминын – уло Израильын – кугыжажлан шогалтен.10Израильын кугыжажлан шогалмыж годым Иевосфей, Саулын эргыже, нылле ияш лийын. Тудо кок ий кугыжаланен. Давид дене Иуда тукым гына кодын.11Хевронышто тудо Иуда тукым дене шым ий да куд тылзе кугыжаланен.12Нир эрге Авенир да Иевосфейын, Саул эргын, сарзыже-влак Маханаим гыч лектыныт да Гаваоныш каеныт.13Ваштарешышт Иоав, Саруян эргыже, Давидын сарзыж-влак дене лектын. Нуно Гаваон пӱя дене вашлийыныт: иктышт пӱян ик велныже лийыныт, весышт – вес велне.14Авенир Иоавлан каласен: «Тек самырык еҥ-влак лектыт да мемнан ончылно икте-весышт дене таҥасен кучедалыт». «Йӧра, – вашештен Иоав, – тек лектыт».15Самырык еҥ-влак лектыныт: Саул эрге Иевосфей могырым Вениамин тукымысо латкок еҥ да Давидын сарзыже-влак кокла гыч латкок еҥ.16Нуно икте-весыштым вуйышт гыч руалтен кученыт да ваш-ваш ӧрдыжышт гыч керде дене шуралтеныт. Тыге нуно чыланат вуйыштым пыштеныт. Гаваонысо тиде верым Хелкаф-Хаццурим манын лӱмденыт.17Тиде кечын пеш кугу кредалмаш лийын. Давидын сарзыже-влак Авенир ден израильтян-шамычым кырен шалатеныт.18Тушто Саруян кум эргыже лийын: Иоав, Авесса да Асаил. Асаилже пӱчӧ гай писе йолан лийын, пеш сайын куржталын.19Тудо Авенир почеш куржын да чарныде поктен, кышаж деч пурлашкат, шолашкат кораҥын огыл.20Авенир шеҥгек ончалын да йодын: «Тиде тый улат мо, Асаил?» Тудыжо вашештен: «Мый улам».21Авенир тудлан каласен: «Пурлашке але шолашке савырне да иктаж-кӧм весым руалтен кучо, саргуралжым шкаланет нал». Но Асаил тудым чарныде поктен каен.22Авенир Асаиллан угыч каласен: «Чарне поктыметым, уке гын тыйым пушташ логалеш! Кузе мый тунам Иоав изатын шинчашкыже ончалам?23[Тыге лийшаш огыл! Иоав изат деке пӧртыл!»] Но тудыжо поктымым чарнаш шоненат огыл. Тунам Авенир умдыжын вурдо мучашыж дене тудым мӱшкыржӧ гыч шуралтен. Умдо вошт пурен, Асаил тушанак йӧрлын да колен. Кӧ Асаилын колымо верже дек лишемын, кажныже шогалын.24Варажым Авенирым Иоав ден Авесса поктен каеныт. Кече шичме годым нуно Амма лӱман изи курык деке миен шуыныт. Тудыжо Гиах ваштареш, Гаваон ир мландыш кайымаште, верланен.25Вес изи курык вуйышто Вениамин тукым еҥ-шамыч Авенир йыр тӱшкан погынен шогалыныт.26Авенир Иоавлан кычкыралын: «Эше мыняр жап кердына-влак вӱрым йоктараш тӱҥалыт? Мучашыже кочо лиймым от пале мо? Кунам тый шке еҥет-шамычлан иза-шольыштым поктымым чарнышт манын каласет?»27Иоав вашештен: «Юмо дене товатлем: нине шомакым от каласе ыле гын, мыйын сарзем-влак иза-шольыштым эше эр марте поктен каят ыле».28Иоав пучым пуалтен – сарзыже-шамыч чарнен шогалыныт да израильтян-влакым тетла поктен каен огытыл. Тыге кредалмаш чарнен.29Авенир ден тудын еҥже-влак тиде кечын йӱдвошт тӧрвер дене каеныт да Иордан вес велке вонченыт. Вара пӱтынь Битроным эртен каеныт да Маханаимыш толын шуыныт.30Иоав, Авенирым поктен чарнымекше, мӧҥгеш пӧртылын да шке еҥже-шамычым поген. Асаилым шотлаш огыл гын, Давидын сарзыж-влак кокла гыч латиндеш еҥ пытен.31А Давидын сарзыже-шамыч Авенирын Вениамин тукым гыч улшо кумшӱдӧ кудло еҥжым пуштыныт.32Асаилын капшым конденыт да ачажын Вифлеемыште улшо шӱгарыштыже тоеныт. Иоав шке еҥже-влак дене йӱдвошт ошкылын да волгыжмо годым Хевроныш миен шуын.
Institute for Bible Translation, Finland