2 Куг1
1Саулын колымыж деч вара, амалик-влакым кырен шалатымеке, Давид Секелагыш пӧртылын да тушто кок кече лийын.2Кумшо кечын тушко Саулын станже гыч ик еҥ толын. Ӱмбал вургемже кушкедме, а вуйышкыжо пуракым шавыме лийын. Давид дек лишеммекше, тудо вуйжым мланде марте савен.3Давид йодын: «Кушеч тый толынат?» Тудыжо вашештен: «Мый Израильын станже гыч куржынам».4Давид тудлан каласен: «Мо лийын? Каласе мылам». Тудыжо шке мутшым шуен: «Сарзе-влак сӧй пасу гыч куржыныт, шуко еҥ вуйжым пыштен, нуно пуштмо улыт. Саул ден Ионафан эргыжат коленыт».5Давид уверым кондышо самырык еҥ деч йодын: «Саул ден Ионафан эргыжын колымышт нерген кушеч палет?»6«Мый Гелвуй курыкыш толын лектым, – вашештен рвезе. – Тушто Саулым ужым: тудо умдышкыжо эҥертен шога ыле, а сарлык орва ден имнешке-влак пеш чак толын шуыныт ыле.7Тудо шеҥгекыла ончале да, мыйым ужын, шкеж дек ӱжӧ.8”Теве мый улам”, – каласышым. ”Тый кӧ улат?” – тудо йодо. ”Мый амалик калык гыч улам”, – вашештышым.9Тудо мылам каласыш: ”Тышке лишем да мыйым пушт. Мыйым колымаш орлык авалтен, а мый эше илыше улам”.10Мый лишемым да тудым пуштым. Мый паленам: тыгай сусыр деч вара тудо садак илен ок шу ыле. Вуйжо гыч [кугыжан] вуйшӱдышым, кидше гыч кидшолым нальым да нуным тышке тылат, мыйын озамлан, кондышым».11Тидым колмеке, Давид вургемжым кушкедын, воктеныже шогышо-влакат [вургемыштым кушкедыныт].12Кас марте нуно Саул ден тудын Ионафан эргыже шотышто, тыгак Господьын калыкше – керде деч пытыше Израиль тукым – шотышто мӱгырен шортын пӱтым кученыт.13Уверым кондышо рвезе деч Давид йодын: «Тый кушеч улат?» «Мый илаш толшо амалик еҥын эргыже улам», – вашештен тудыжо.14Тунам Давид каласен: «Кузе тый Господьын шӱрен палемдыме еҥже ӱмбак кидетым нӧлталаш лӱдын отыл?»15Давид шке сарзыж-влак кокла гыч иктыжым ӱжын да кӱштен каласен: «Тол тышке да тудым пушт!»16Тудыжо тиде еҥым шуралтен пуштын. Давид тыге пелештен: «Колыметлан тый шке титакан улат. ”Мый Господьын шӱрен палемдымыжым пуштынам” манын каласымет годым умшат тыйын ваштареш таныклен».17Саул ден тудын Ионафан эргыж шотышто Давид шортмо мурым мурен,18тиде «Йоҥеж мурым» Иуда эрге-влакланат туныкташ кӱштен. Тудым «Чын ыштышын книгаштыже» возымо:19«Тыйын чапетым, Израиль, кӱкшакалаштет пытарыме!Виян сарзет-влакым пуштыныт!20Ида каласкале тидын нерген Гефыште,ида шаркале тиде уверым Аскалон уремлаште:филистим ӱдыр-шамыч ынышт куане,пӱчдымӧ-влакын ӱдырышт ынышт йывырте.21Гелвуй курык-шамыч, ӱмбакыда лупс ынже воч, йӱр ынже йӱр,ӱмбалныда шурно лектышым кондышо пасу-влак ынышт лий –тушто виян-шамычын авыртышышт камвозын,Саулын авыртышыжым тетла ӱй дене огыт шӱрӧ.22Ионафанын пикшыже сусыртен да вӱрым луктын,виян-влакын капышкышт логалде, тудо мӧҥгеш пӧртылын огыл,Саулын кердыже сӧй пасу гыч яра каен огыл.23Саул ден Ионафан, илымышт годым йӧратыме да пагалыме-влак,колымышт годымат ойырлен огытыл.Арыслангайык деч писе, лев деч виян нуно лийыныт!24Израильын ӱдыржӧ-влак, Саул верч шортса!Тудо тыланда йошкар тӱсан чапле вургемым чиктен,шӧртньӧ дене чиемдам сӧрастарен.25Виян-влак пытеныт кредалмаште!Тыйын кӱкшакаштет Ионафаным пуштмо.26Ионафан йолташем, тылат верч ойгырем!Пеш шерге лийынат тый мыланем.Йӧратымашет мылам ӱдырамашын йӧратымашыж деч кугурак лийын.27Виян-влак пытеныт, кредалме саргурал йомын!»
Institute for Bible Translation, Finland