2 Кур.кн37
1Чылакучышо Господь,Авраам, Исаак, Иаков кугезына-влакында нунын чын ыштыше тукымыштын Юмыжо!2Тый кава ден мландым чыла сӧраллыкышт дене ыштенат,теҥызым шке кӱштымӧ шомакет дене кылденат,пундашдыме келгытым кепшылтенат,тудым лӱдмашан да чапланыше лӱметын печатьше дене петыренат.Чылан Тыйын лӱмет деч лӱдыт,Тыйын виет ончылно чытырат,вет нигӧ Тыйын кӱдыратле чапет ончылно шоген ок керт.Чытен керташ ок лий шыдетым,3кунам Тый сулыкан-влакым чот лӱдыктет.4Но Тыйын сӧрымӧ порылыкет мучашдыме да шымлен пытараш лийдыме!5Вет Тый кӱшылысӧ Господь,поро, шуко чаманыше, шуко чытышеда айдеме-влаклан колтымо орлыклан ӧкынышӧ улат.Тый, Господь, кугу порылыкетлан кӧра Тый декет савырнаш лиймым сӧренат,6Тыйын ончылнет сулыкым ыштыше-влаклан язык кудалтымашым,шуко сайлыкетлан кӧра Тый декет савырныме гоч утаралтмашым сӧренат.Тый, Господь, чын ыштыше-влакын Юмышт улат.Тый ончылнет сулыкым ыштыдыме, чын ыштыше Авраам, Исаак да Иаков деч ӧкынымашым йодын отыл,но мыланем, сулыкан еҥлан, ӧкынен, язык деч кораҥаш йӧным пуэнат.Вет мый теҥыз ошма пырче дечат шуко сулыкым ыштенам,8ятыр осал пашам мый ыштенам, Господь,шуко осалым ыштенам.Шуко титакемлан кӧра мый кавасе кӱкшытыш ончалашат ом йӧрӧ.Мый кӱртньӧ шинчырын нелытше дене пӱгыртымӧ улам –9вуемат нӧлталын ом керт, уке мылам нимогай каныш.Вет мый Тыйын шыдетым луктынам,Тыйын ончылнет осалым ыштенам –10Тыйын кумылет шуктен омыл, кӱштымашет-влакым пудыртенам,йырнык юмо-шамычым шогалтенам да ужмышудымо пашам шукемденам.Кызыт мый, уло шӱм-чон дене ӱҥышемын, Тый дечет порылыкым сӧрвален йодам.11Сулыкым мый ыштенам, Господь,сулыкым ыштенам да осал пашамым палем.Но Тыйым сӧрвален йодам:кудалте мыйын сулыкем, Господь, кудалте –осал пашам дене пырля мыйым ит пытаре,осаллыкем ит шарне, курымеш ужмышудымо ит лий, мыйым вес тӱняш колташ пунчалым ит лук.Вет Тый Юмо, осал пашаштлан ӧкынышӧ-влакын Юмышт, улат.Мылам, тыгай йӧрдымылан, кугу порылыкетым ончыкто,чаманыше улметлан кӧра мыйым утаре.Тунам мый Тыйым илышем мучко чапландараш тӱҥалам,12вет пылпомышысо чыла куат Тыйым моктен мура,да Тыйын чапет курым-курымеш. Аминь.]
Institute for Bible Translation, Finland