Numbers2
1तखन यहोवा हारून आ मूसाके ई निर्देशन देलथिन।2“जखन इजराएलीसब अपन तम्बू ठाढ़ करत तखन ओकरासबके ओहि इलाकामे ठाढ़ करबाक चाही जे पवित्र तम्बूक चारुकात अछि, मुदा ओकर लग नहि। प्रत्येक कुलके लोकके अलग-अलग इलाकामे अपन तम्बू लगाबए पड़तनि। प्रत्येक कुलके ओहि इलाकामे एकटा झंडा लगाबए पड़त जे ओकर कुलके पहिचान करए।3यहूदा कुलके अगुवासबके पवित्र तम्बूके पूर्व दिस अपन तम्बू ठाढ़ करबाक चाही। अपन कुलके झन्डाके लग। अम्मीनादाबके पुत्र नहशोन।4यहूदाके कुलके 74,600 आदमीके मुखिया होएत। 5इस्साकार कुलक अगुवासब यहूदाक कातमे अपन तम्बू ठाढ़ करत। सूआरके पुत्र नतनेल6इस्साखारके कुलके 54,400 आदमीके मुखिया होएत।7जबूलूनके कुलक अगुवासब इस्साखारक कातमे अपन तम्बू ठाढ़ करत। हेलोनके पुत्र एलीआब,8जबूलूनके कुलके संख्या 57,400 आदमीके मुखिया होएत।9तएं ओत यहूदाके शिविरक सबटा संख्या 186, 400 अछि। ओसब पहिने निकलत।10रूबेनके कुलके अपन तम्बू पवित्र तम्बूके दक्षिण दिस, अपन कुलके झंडाके लग राखए पड़तैक। एकर प्रधान शदेऊरके बेटा एलीसूर,11रूबेनके कुलके 46,500 आदमीके मुखिया होएतै।12शिमोनके कुलक लोकसब रूबेनक कातमे अपन तम्बू ठाढ़ करत। एकर प्रधान सूरीशद्दैके पुत्र शलूमीएल,13शिमोनके कुलके 59,300 आदमीके मुखिया होएत।14गाद कुलक लोकसब शिमोनक कातमे अपन तम्बू ठाढ़ करत। एकर अगुवा रूएलके पुत्र एल्यासाप,15गाद कुलके 45,650 आदमीके मुखिया होएतै।16तएं रूबेन पवित्र तम्बूक दक्षिण दिस 151, 450 सैनिक रहत। ओ तीनू कुल जखन इजराएलीसब यात्रा करत तखन पहिन समूहक पाछु ओकरासबके दोसर समूह होएबाक चाही।17ओहि समूहक पाछु लेवीके वंशजसब चलत, जे पवित्र तम्बूके ल' क' चलत। इजराएलीसब ओहि क्रममे चलत जेना ओसब सदिखन अपन तम्बू ठाढ़ करैत अछि। प्रत्येक कुल अपन अपन झंडा ल' क' चलत।18इफ्राइम कुलके लोकसब अपन तम्बू पवित्र तम्बूके पश्चिम दिस, अपन कुलके झंडाके लग, लगाबए पड़तैक। एकर अगुवा अम्मीहूदके पुत्र एलीशामा, एफ्राइम कुलक19संख्या 40,500 होएत।20मनश्शे कुलक लोकसब एफ्राइमके कातमे अपन तम्बू ठाढ़ करत। एकर अगुवा पदासूरके पुत्र गम्लीएल,21मनश्शेके कुलके 32,200 आदमीके मुखिया होएत।22बिन्यामीन कुलक लोक मनश्शेक कातमे अपन तम्बू ठाढ़ करत। एकर अगुवा गिदेओनीके पुत्र अबीदान,23बिन्यामीनके कुलके 35,400 आदमीके मुखिया होएत।24तएं पवित्र डेराक पश्चिम दिस इफ्राइमके 108,100 सैनिक रहत। ओ तीनू कुल लेवीके वंशजक पाछु दोसर समूहक पाछु ओकरासबके तेसर समूह होएबाक चाही।25दानके कुलके पवित्र तम्बूके उत्तर भागमे, अपन कुलके झंडाके लग अपन तम्बू लगाबए पड़तैक। एकर अगुवा अम्मीशद्दैके पुत्र अहीएजेर,26दानके कुलके 62,700 आदमीके मुखिया होएत।27आशेर कुलक लोकसब दानके कातमे अपन तम्बू ठाढ़ करत। एकर अगुवा ओक्रानके बेटा पगीएल,28आशेरके कुलके 41,500 आदमीके मुखिया होएत।29नप्ताली कुलक लोक आशेरक कातमे अपन तम्बू लगाओत। एकर अगुवा एनानके पुत्र अहीरा,30नप्ताली कुलके 53,400 आदमीके मुखिया होएत।31तएं दानके पवित्र तम्बूक उत्तर दिस 157, 600 सैनिक रहत। ओ तीनू कुलके अंतिममे रहत। इजराएलीसब जखन यात्रा करैत अछि तखन ओकरासबके अपन झंडा ल' क' चलबाक चलत।”32तएं 603, 550 इजराएली आदमीसब छल जे लड़एमे सक्षम छल जे अपन अपन परिवारक पूर्वजक अनुसार सूचीवद्ध छल।33मुदा जेना यहोवाक आज्ञा छलनि, मूसा आ हारून लेवीसबके इजराएलके लोकमे नहि गनलनि।34इजराएलीसब ओसब काज कएलक जे यहोवा मूसाके कहने छलाह। अपन अपन कुलक झंडाके लग अपन तम्बू लगा दैत छलाह, आ जखन नव स्थानपर यात्रा करैत छलाह त' अपन वंश आ परिवारके समूहके संग टहलैत चलैत छलाह।
Bridge Connectivity Solutions Pvt. Ltd.