Leviticus9
1आठवाँ दिन मूसा, हारून आउर ओकर बेटवन आउर इस्राएल के पुरनियन के बोलइलन।2आउर ऊ हारून से कहलन, पापबलि करे लागी झुण्ड में से एगो बछड़ा आउर होमबलि करे लागी एगो निर्दोष मेढ़ा ले आवऽ, आउर ओकरा यहोवा के भीर चढ़ावऽ।3आउर तूँ इस्राएलियन से कहऽ कि पापबलि लागी एगो बकरा, आउर होमबलि लागी एक साल के बछड़ा आउर एगो निर्दोष भेड़ के बच्चा लेलऽ;4आउर मेलबलि कर के यहोवा के सामने बलि करे ला एगो बैल आउर एगो मेढ़ा, आउर तेल से सानल अन्नबलि लिहऽ, काहेकि आज यहोवा तोरा दर्शन देतन।5आउर जौन-जौन चीज के आज्ञा मूसा देलन हल, ओकरा ओखनी सभे मिलापवाला तम्बू मे ले अईलन, आउर इस्राएल के सभे मंडली यहोवा के भीर आके खड़ा होलन।6तब मूसा कहलन, यहोवा तोरा येही करे ला आज्ञा देलन हे, जेकरा से उनकर महिमा तोरा पर परकट होवे।7फिन मूसा हारून से कहलन, वेदी भीर आके अपन पापबलि आउर होमबलि चढ़ावऽ, आउर अपना लागी आउर अपन प्रजा लागी पछतावा करऽ, आउर यहोवा के आज्ञा के मुताबिक लोगवन लागी पछतावा करे ला बलिदान चढ़ावऽ, ई यहोवा के आज्ञा हे। 8येहिसे हारून बेदी भीर जा के, पापबलि ला जौन बछड़ा ओकरा लागी हल, बलि कईलन।9तऽ हारून के बेटवन खून के ओकरा हाथ में देलन, आउर ऊ अपन अँगुली ओकरा मे डूबा के बेदी के सींगवन पर लगईलन, तऽ ऊ खून के बेदी के पाया पर उझल देलन।10बाकि ऊ चर्बी, गुर्दा, आउर कलेजा के परत के पापबलि कर के वेदी पर जलईलन, जईसन यहोवा मूसा के आज्ञा देलन हल।11आउर ऊ मांस आउर खाल के ऊ छावनी के बाहर जला देलन।12हारून होमबलि के बलि कईलन, आउर उनकर बेटवन ओकर खून ओकरा देलन। जेकरा ऊ बेदी के चारो दने छिड़क देलन।13तऽ ऊ मुड़ी समेत होमबलि के एक-एक टुकड़वन ओकरा देलन, आउर ऊ ओकरा वेदी पर जला देलन।14आउर ऊ भीतरका हिस्सा आउर गोड़ धोलन, आउर ओकरा बेदी पर होमबलि के ऊपरे जलईलन।15हारून लोगवन लागी एगो बकरा बलि कईलन, आउर ओकरा ओखनी के पाप लागी बलि कईलन, ऊ ओकर पाप लागी बलिदान कर देलन, जईसन ऊ पहिले बकरा साथे कईलन हल।16आउर ऊ होमबलि चढ़ईलन, आउर यहोवा के आज्ञा के मुताबिक ओकरा चढ़ईलन।17ऊ अन्नबलि चढ़ईलन, आउर ऊ अपन हाथ ओकरा से भर लेलन, आउर भोर के होमबलि के साथे बेदी पर जला देलन।18आउर हारून प्रजा लागी मेलबलि ला बैल आउर मेढ़ा के भी मार देलन। हारून के बेटवन ऊ खून के लेलन, ओकरा ऊ वेदी के चारो दने छिड़क देलन।19बाकि ओखनी बैल आउर मेढ़ा के चर्बी, आउर मोटका पूंछ आउर भीतरका हिस्सा के झांके वाला चर्बी, आउर गुर्दा, आउर कलेजा के परत के काट देलन।20आउर जौन टुकड़ा काटल गेल हल, ओकरा लेके ऊ छाती पर रखलन, आउर हारून चर्बी के वेदी पर जला देलन।21आउर हारून मूसा के आज्ञा के मोताबिक छाती आउर दाहिना जाँघ के हिलावे वाला भेंट लागी यहोवा के सामने हिलईलन।22तब हारून प्रजा के तरफ हाथ उठा के ओखनी के आशीर्वाद देलन, तऽ ऊ पापबलि, मेलबलि, होमबलि चढ़ा के वेदी से नीचे अईलन।23मूसा आउर हारून मिलापवाला तम्बू में गेलन, आउर निकस के प्राजा के आशीर्वाद देलन, आउर यहोवा के तेज समूचे प्रजा के दिखाई देलक।24यहोवा से आग निकलल आउर होमबलि आउर वेदी के चर्बी के भस्म कर देलक। जखनी सभे लोगवन ई देखलन तऽ चिल्लईलन आउर परमेश्वर के सम्मान करे लागी औन्धे मुँहे गिर गेल।
Bridge Connectivity Solutions Pvt. Ltd.