Leviticus22
1यहोवा मूसा से कहलन,2हारून आउर ओकर बेटवन से कहऽ, कि इस्राएलियन के जौन सभे पवित्र चीज ऊ हमरा देलन हे, ओकरा से अलगे रहतन। उनका हमर पवित्र नाम के अपवित्र नऽ करे के चाही, हम यहोवा ही।3उनका से कहऽ, कि यदि तोर पीढ़ी दर पीढ़ी में तोर बंश में से कोई अशुद्ध होके ऊ पवित्र चीजवन के नजदीक जईतन जेकरा इस्राएली लोग यहोवा लागी अरपन कईलन हे, तऽ ऊ आदमी के हमरा सामने से निकास देवल जाइ; हम यहोवा ही।4हारून के वंशवन में से जौन कोई के कोढ़ी, चाहे ओकर देह में कोई दुसर रोग रहे, ऊ यहोवा लागी चढ़ावल गेल कोई भी बलिदान में से तब ला नऽ खा सकलन हे, जब ला ऊ शुद्ध न हो जईतन। जौन कोई मरल के सम्पर्क में आवे से, चाहे वीर्य स्राव होवे वाला आदमी के संपर्क में आके कोई अशुद्ध चीज के छुअऽ हे।5चाहे जौन कोई कईसनो रेंगे वाला जन्तु के छूअ हे, जौन ओकरा अशुद्ध करऽ हे, चाहे कोई अईसन आदमी के, जौन ओकरा अशुद्ध करऽ हे, चाहे ऊ कोई भी तरह के अशुद्धता काहे नऽ रहे।6तऽ जौन याजक कोई अशुद्ध चीज के छूतन, ऊ साँझ तक अशुद्ध रहतन। जब तक ऊ अपन देह के पानी से धो नऽ लेवे, तब तक ऊ कोई पवित्र चीज नऽ खईतन।7जखनी सूरज डूब जायेत, तब ऊ शुद्ध हो जइतन सुरज डूबला के बाद पवित्र चीजवन में से खा सकलन हे, काहेकि ऊ ओकर भोजन हे। ओकरा ऊ जंगली जनावरवन के जरिये मरल चाहे ऊ मरल कोई चीज के नऽ खाय के चाही।8ऊ कोई मरल, चाहे जंगली जनावर द्वारा मारल गेल कोई भी चीज के नऽ खईतन, जेकरा से ऊ खुद के अशुद्ध कर लेतन, हम यहोवा ही।9याजकवन के हमर आज्ञा के पालन करे के चाही, नऽ तऽ ऊ पाप के भागी बन जईतन, आउर हमरा अशुद्ध करे के चलते मर सकलन हे, हम यहोवा ही जौन उनका पवित्र बनावऽ हे।10याजक के परिवार के बाहर के कोई भी, याजक के मेहमान चाहे ओकर नौकर समेत, कोई भी आदमी पवित्र चीज नऽ खा सकलन हे।11बाकि जदि याजक अपन धन से कोई दास के मोल ले हे, तऽ ऊ दास यहोवा लागी अलग करल गेल चीजवन में से खा सकलन हे। याजक के परिवार के लोग आउर ओकर घर मे पैदा होवे वाला दास भी ओकरा साथे ऊ सभे चीजवन में से खा सकलन हे।12जदि कोई याजक के बेटी कोई गैरयाजक से बियाह कईलन हे, तऽ ऊ पवित्र चढ़ावा में से कुछ भी नऽ खईतन।13बाकि याजक के बेटी विधवा चाहे छोड़ल गेल रहे, आउर ओकर कोई सन्तान नऽ रहे, आउर ऊ अपन जवानी में अपन बाबूजी के घर में लौट आवे, तऽ ऊ अपन बाबूजी के भोजन मे से खा सकल हे। बाकि याजक के परिवार के कोई भी आदमी याजक के भोजन में से नऽ खा सकलन हे।14जदि कोई आदमी बेगर जानले पवित्र चीज खा लेतन, तऽ ओकरा ओकर बदला याजक के देवे पड़त; ऊ ओकरा में से पाँचवाँ भाग जोड़ के याजक के वापस लौटा देवे पड़त।15इस्राएल के लोग ऊ पवित्र चीजवन के अशुद्ध नऽ करतन, जेकरा ओखनी ऊँचाई पर चढ़ा के यहोवा लागी अर्पित कईलन हे।16आउर अपना ऊपर ऊ पाप के भार उठावऽ, जेकरा से ऊ पवित्र भोजन खाइ के दोषी ठहरतन, काहेकि हम यहोवा ही, जौन ओखनी के पवित्र करऽ ही।17यहोवा मूसा से कहलन।18हारून आउर ओकर बेटवन से, आउर इस्राएल के सभे लोगवन से कहऽ। ओखनी से कहऽ, 'कि कोई इस्राएली, चाहे इस्राएल में रहे वाला कोई परदेशी, जब कोई मनिता के पूरा करे लागी बलिदान चढ़ावे। चाहे ऊ स्वेच्छाबलि रहे, चाहे यहोवा लागी होमबलि चढ़ावऽ हे।19जदि उनका खुशी से स्वीकार करे ला रहे, तऽ ओखनी के गाय-बैल, भेड़-बकरियन में से एगो निर्दोष नर जानवर चढ़ावे के चाही।20बाकि जौन चीज में कोई दोष रहे, ओकरा तूँ नऽ चढ़ईहऽ। हम तोर तरफ से एकरा खुशी से स्वीकार नऽ करम।21जौन कोई मनौता पूरा करे लागी चाहे स्वेच्छाबलि ला गाय-बैल, भेड़-बकरी में से मेलबलि कर के यहोवा लागी चढ़इतन, ऊ खुशी से ग्रहण करे लागी बेदाग होवे। ऊ जनावर में कोई दोष नऽ होवे के चाही।22तूँ अईसन जानवर नऽ चढ़ईहऽ, जौन आंधर, चाहे लूल्हा-लाँगड़, चाहे जेकरा मासा, घाव, चाहे पपड़ी रहे। तूँ एकरा वेदी पर के आग में यहोवा लागी चढ़ावा के रूप में न चढ़ईहऽ।23तूँ स्वेच्छाबलि मान के कोई बैल चाहे भेड़ के बच्चा जौन टेढ़ा चाहे छोटा रहे, चढ़ा सकलऽ हे, बाकि अईसन चढ़ावा मनिता लागी स्वीकार नऽ करल जायेत।24कोई अईसन जनावर यहोवा लागी बलिदान नऽ चढ़ईहऽ जेकर अंडकोश कुचलल रहे, फटल चाहे कटल रहे, अपन देश के भीतर अईसन नऽ करिहऽ।25तूँ अपन परमेश्वर के रोटी कोई परदेशी के हाथ से नऽ चढ़ईहऽ। जौन जानवर अपंग हे आउर ओकरा में कोई दाग हे, ऊ उनका लागी स्वीकार नऽ करल जायेत। 26यहोवा मूसा से कहलन।27जखनी बछड़ा, चाहे भेड़, चाहे बकरी के बच्चा पैदा होवे, तऽ जरुरी सात दिन ला अपन माई के पास रहत। फिनो आठवाँ दिन के बाद से ऊ यहोवा लागी आग में होमबलि कर के ग्रहण करल जायेत।28गाय चाहे भेड़ के समेत ओकर बच्चवन के साथ एक्के दिन के नऽ मार दिहऽ।29जखनी तूँ यहोवा लागी धन्यवाद बलि चढ़ईहऽ, तऽ ओकरा खुशी से ग्रहणयोग्य रीति से चढ़ईहऽ।30जौन दिन ओकरा बलि करल जाइ ओही दिन ओकरा खायेल जाइ के चाही। तोरा एकरा में से कुच्छो भी अगला विहान ला नऽ छोड़े के चाही। हम यहोवा ही।31तोहनी के हमर आज्ञा मन में रखे के चाही आउर ओकरा पालन करे के चाही। हम यहोवा ही32तूँ हमर पवित्र नाम के अपवित्र नऽ करिहऽ। इस्राएल के लोग के द्वारा हमरा पवित्र मानल जाय के चाही। हम यहोवा ही, जौन तोरा पवित्र बनावऽ ही।33जौन तोहनी के मिस्र देश से निकाल ले अईली, कि तोहनी के परमेश्वर ठहरम; हम यहोवा ही।
Bridge Connectivity Solutions Pvt. Ltd.