Judges14
1एक दिन, शिमशोन तिम्ना गेलन, आउर ऊ तिम्ना में पलिश्ती लोग में से एगो लड़की के देखलन।2तब ऊ लौट गेलन, आउर अपन बाबूजी आउर माय के खबर दे के कहलन, हम तिम्ना में पलिश्तियन के बेटी के बीच में एगो लड़की के देखली हे। तऽ अब ओकरा हमर मेहरारू बने ला बियाह करऽ दऽ।3उनकर माय आउर बाबूजी उनका उत्तर देलन, “का तोर कुटुम चाहे हमर सऊँसे प्रजा में कोई दोसरा लड़की नऽ हे, कि तूँ बिन खतना वाला पलिश्तियन में से कोई लड़की के बियाह लईवऽ?” शिमशोन अपन बाबूजी से कहलन, ओकरा हमरा ला ले आवऽ, काहेकि ऊ हमर नजर में खुबसूरत हे।4बाकि उनकर बाबूजी आउर माय नऽ जानऽ हलन, कि ई बात यहोवा दने से हे, काहेकि ऊ पलिश्तियन के खिलाफ मौका खोज रहलन हल। ऊ घड़ी पलिश्तियन इस्राएल देश पर राज कर रहलन हल।5तब शिमशोन अपन माय-बाप के जौरे तिम्ना चल गेलन। ऊ तिम्ना के दाख के बगईचा में अईलन, आउर का देखलन, कि शेरवन के बीच में से एगो जवान शेर उनकर सामने दहाड़ रहल हल।6यहोवा के आत्मा उनका पर पूरा शक्ति से उतरल, आउर ऊ ओकरा बकरी के बच्चा के जईसन फाड़ देलन। उनकर हाथ में कुच्छो भी नऽ हल, बाकि ऊ अपन बाबूजी चाहे अपन माय के ई नऽ बतईलन कि ऊ का कईलन हे।7तब ऊ भीतर गेलन, आउर ऊ औरत से बात कईलन, आउर ऊ शिमशोन के नजर में बढ़ियां लगल।8फिन कुछ दिन के बाद में ऊ ओकरा लावे लागी लौट अईलन। ऊ शेर के लोथ के देखे लागी राह बदल लेलन, आउर का देखलन, कि शेर के लोथ में मधुमक्खी के एगो झुण्ड आउर मधु भी हे।9आउर ऊ ओकरा अपन हाथ से नोचलन, आउर ऊ चल देलन आउर खईते-खईते अपन बाबूजी आउर अपन माय भीर चल गेलन, ऊ उनका ओकरा में से कुछ देलन, कि ओहू खा लेतन, बाकि ऊ उनका ई नऽ बतईलन, कि ऊ शेर के लोथ में से मधु निकसलन हे।10तब उनकर बाबूजी ऊ औरत भीर गेलन, आउर तिम्ना के रीति के मोताबिक शिमशोन पिये ला भोज तईयार कईलन, काहेकि जमान लोग ओईसहीं कईलन हल।11आउर जब ऊ उनका देखलन, तब अईसन होल, कि ऊ तीसगो जिगरी दोस्त के ले अईलन, आउर ओखनी उनकर साथे हलन।12शिमशोन उनका से कहलन, हम तोरा से एगो बूझ बुझौली पूछऽ ही। जदि तूँ पिये वाला भोज के सातो दिन में हमरा सच में ई मतलब समझईवऽ, आउर तूँ सच में जान गेलऽ हे, तऽ हम तोरा तीसगो सनी के बाहरी कपड़ा आउर तीस जोड़ा कपड़ा देम।13आउर जदि तूँ हमरा जबाब नऽ दे सकवऽ, तऽ तोरा हमरा ला तीसगो सनी के कुरता, आउर तीस जोड़ा कपड़ा देवे पड़त। "ऊ उनका से कहलन, अपन बूझ बुझौनी बतावऽ, कि हम ओकरा सुनियई।14ऊ उनका से कहलन, "खाय वाला में से भोजन निकलल; आउर तागतवर से मीठा चीज निकलल।" बाकि ऊ तीन दिन के भीतरे भी बूझ बुझौनी के अर्थ नऽ समझा सकलन।15सातवाँ दिन अईसन होल कि ऊ शिमशोन के मेहरारू से कहलन, "अपन मरदाना के फुसलावऽ, कि ऊ हमरा बुझौअल के राज बतावे, कहीं अईसन नऽ होवे कि हम तोरा आउर तोर बाबूजी के परिवार के साथ आग में जला के मार देऊँ। का हमरा बेदखल करे लागी तूँ हमरा बुलईलऽ हे?16तब शिमशोन के मेहरारू रो रोके कहे लगलन, “जरुर तूँ हमरा से नफरत रखले हऽ! तूँ हमरा प्रेम नऽ करऽ हऽ! तूँ हमर समाज के आगे एगो बुझौअल बुझईलऽ हे, बाकि हमरा नऽ बतईलऽ।" शिमशोन उनका से कहलन, देखऽ, हम अपन माय चाहे बाबूजी के नऽ बतईली हे, तऽ का हमरा तोरा बता देवे के चाही?”17आउर ऊ सातो दिन तक जब ऊ दाखमधु पीते रहलन, ऊ मेहरारू उनका भीर रोते रहलन। सातवाँ दिन अईसन होल कि ऊ मेहरारू शिमशोन पर दबाब देलन, येहिसे शिमशोन ओकरा राज बता देलन, आउर ओखनी अपन लोग पर ई बुझौअल के राज प्रकट कईलक।18तब नगर के लोग सातवाँ दिन सूरज डूबे से पहिले उनका से कहलन, मधु से जादे मीठा का हे? आउर शेर से जादे तागतवर कौन हे? तऽ शिमशोन उनका से कहलन, जदि तूँ हमर बछिया से हर नऽ जोततऽ हल, तऽ तोरा हमर बुझौअल के पता नऽ चलत हल।19तब यहोवा के आत्मा शिमशोन पर बल से उतरल। तऽ शिमशोन अश्कलोन नगर गेलन आउर ऊ ओकर तीसगो आदमी के मार देलन। आउर ऊ ओखनी के कपड़ा भी लूट लेलन, आउर बुझौअल के बतावे वालन के कपड़ा भी देलन। अब ओकर गोस्सा भड़क उठल, आउर ऊ अपन बाबूजी के घरे चल अईलन।20तब शिमशोन के मेहरारू शिमशोन के गहरा दोस्त के मेहरारू बन गेल, जौन शिमशोन के साथे गहरा दोस्ती रखऽ हल।
Bridge Connectivity Solutions Pvt. Ltd.