گریند23
1بلعامنؔ ووٚن بلقؔ بادشاہس، "یتہِ بناو ژٕ ستتھ قربان گاہ میانہٕ باپتھ۔ پتہٕ انُکھ قربٲنی خٲطرٕ ستتھ ہکھر تہٕ کٹھ تہٕ کرُکھ ذبح۔2بلقنؔ کۅر تی۔ تہٕ پتہٕ بُز تٔمؠ تہٕ بلعامنؔ پرٛتھ کُنہِ قربان گاہس پٮ۪ٹھ اکھ اکھ کٹھ تہٕ اکھ اکھ ہکُھر۔3پتہٕ وُتھ بلعامؔ بلقس کُن، "ژٕ روز یتِتھ پننٮ۪ن بُزمژن قربٲنیَن نزدیک کھڑا، تہٕ بہٕ گژھے یہُوواہسؔ نِش تہٕ پرژھس زِ تمِس ما چُھ بیٚیہِ کینٛہہ مےٚ ونُن۔ پتہٕ ونے بہٕ ژےٚ زِ تٔمؠ کیاہ ووٚن مےٚ۔"
بلعامؔ کھۅت پتہٕ پانہٕ کِس بالہٕ تینٛتٲلِس پٮ۪ٹھ۔4ییٚلہ سُہ بالہٕ تینٛتٲلِس پٮ۪ٹھ اوس تہٕ خداین دیُت تس تتہِ پنُن جلوٕ۔ بلعامنؔ ووٚن خدایس، "اسہِ بنٲوؠ ستتھ قربان گاہ تہٕ مےٚ کۅر پرٛتھ قربان گاہس پٮ۪ٹھ تُہنٛدِ باپتھ اکھ اکھ ہکُھر تہٕ اکھ اکھ کٹھ ذبح تہٕ پتہٕ بُزِم۔"5پتہٕ دیُت یہُوواہنؔ بلعامسؔ بلق بادشاہس وننہٕ خٲطرٕ اکھ پٲغام۔ تہٕ وُننَس، "واپس گژھِ تہٕ تمِس ون یہ کینٛژھا مےٚ ژےٚ وۅنمے۔"6ییٚلہِ بلعامؔ بلقؔ بادشاہس نشہٕ واپس آو تہٕ بلق اوس موآبؔ کیٚن بُزرگن سٟتؠ قربان گاہس پٮ۪ٹھ بُزنہٕ آمژن قربٲنین نِش کھڑا۔7یہ چُھ سُہ پٲغام یُس بلعامن تِمن بُوو،"بلقنؔ اوٚنُس ارامؔ پٮ۪ٹھٕ یور بہٕ ناد دِتھ۔موآبٕکؠ بادشاہن واتنووُس بہٕ یور ارامؔ کیٚو مشرقی انٛدٕ کیٚو پہاڑو پیٚٹھؠ۔تٔمؠ ووٚن، ۅلہٕ میانہٕ باپتھ کر یعقوب سنٛدین اولادن لعنتانہٕ!ۅلہٕ، ون زِ یِمن اسرائیل ین سٟتؠ یِین بُرٕ واقات پیش!'8مگر بہٕ کِتھ کنؠ سوزٕ تِمن لوٗکن پٮ۪ٹھ لعنت یمن پٮ۪ٹھ نہٕ یہُوواہنؔ لعنت کٔر؟بہٕ کِتھٕ کنؠ کرٕ تِمن لوٗکن خلاف جنگ یمن خلاف نہٕ یہُوواہنؔ جنگ کۅر؟9مےٚ وُچھ تِمہ کنہِ بالن ہنٛدیٚو تھزرو پیٚٹھؠ،مےٚ وُچھ تِمہ پہاڑو پیٚٹھؠ۔مےٚ وُچھ، سۅ چھےٚ اکھ لُکہ جماتھا یۅسہ الگ روزان چھےٚ۔تِمو چُھ باقی قومو نِشہ پنُن پان الگ کۅڈمُت۔10کُس ہیٚکہ یعقوبؔ سنٛدین اولادن گنٛزرٲوِتھ، یمہٕ لژھِ ہنٛدین دانن ہنٛدؠ پٲٹھؠ چھِ!اسرائیل کیٚن لوٗکن ہُنٛد ژورِم حصہٕ تہِ کُس ہیٚکہِ گنٛزرِتھ؟بہٕ چُھس یژھان بہٕ گوٚژھُس مُرن یتھٕ کنؠ صادق لوٗکھ مران چھِ۔مےٚ چھےٚ امید زِ بہٕ مرٕ سکوٗنہٕ سان یتھ کنؠ تِم مرن۔11پتہٕ وُن بلقنؔ بلعامس، "ژےٚ کیاہ کۅرتھ مےٚ سٟتؠ؟ مےٚ اُنمکھ ژٕ یور پننٮ۪ن دشمنن لعنت والنہٕ باپتھ، مگر امہِ بجایہ کۅرتھ ژےٚ یمن دعا!12مگر بلعامنؔ دتُس جواب، "بہٕ ہیٚکہٕ صرف تی ؤنِتھ یہ یہُوواہؔ مےٚ ونُن ونہِ۔ بہ ہیٚکہٕ نہٕ بیٚیہِ کہین ؤنِتھ۔"13پتہٕ وُن بلقؔ بادشاہن بلعامسؔ، "مےٚ سٟتؠ یہ بیِس جایہ۔ تتہِ یِیی ژےٚ صرف اسرائیلی قومُک اکھ حصہٕ اتھِ، تہٕ تِمن لوٗکن ہیٚککھ ژٕ میانہِ مۅکھٕ لعنت وٲلِتھ۔14یتھ کنؠ نیٚو بلقنؔ بلعامؔ پِسگہ پہاڑی ہنٛدِس تھزرس پٮ۪ٹھ ضوفِیم نٲوؠ أکِس کھہَس منٛز۔ تتہِ بناوؠ تٔمؠ بیٚیہِ ستتھ قربان گاہ تہٕ پرٛتھ اکِس قربان گاہس پٮ۪ٹھ کۅرُن اکھ ہکُھر تہٕ اکھ کٹھ قربان۔15اتہ تہِ وُن بلعامنؔ بادشاہس، "یتِتھ روز بُزمژن قربٲنیٚن نِش ۅدٕنؠ، بہٕ گژھٕ تہٕ کرٕ یہُوواہسؔ سٟتؠ کتھ۔"16لہٰذا کۅر بلعامن یی تہٕ یہُوواہؔ سپُد بیٚیہِ بلعامسؔ برُونٛہہ کنہِ ظٲہر تہٕ دیُتنس بیاکھ پٲغام۔ پتہٕ وُننس، "بلقسؔ نِش گژھِ واپس تہٕ سُہ بوزناوُن یہ پٲغام۔17امہ موٚکھٕ گو بلعام تتھ قربان گاہس نِش یتِتھ موآبُک بادشاہ تہٕ قٲید ۅدٕنؠ ٲسؠ تہٕ یتھ جایہ بلقنؔ قربٲنیہ بُزٕ۔ بلقن پرُوژھ تمِس، "کیاہ وننے یہُوواہنؔ؟"18تہٕ بلعامنؔ بوزنوو سُہ یہ پٲغام،"بلق، غورٕ سان بوز،بوز اے صفور سنٛدِ گۅبرٕ، بہٕ کیاہ چُھس ونُن یژھان!19خدا چُھنہٕ کانٛہہ انسان۔انسان ونہِ اپُز مگر خدا چُھنہٕ زانٛہہ اپُز ونان۔سُہ چھنہٕ انسانن ہنٛدؠ پٲٹھؠ پنُن سونچ زانٛہہ تہِ بدلاوان۔یہ کینٛژھا تٔمؠ ووٚن بہٕ کرٕ، تہِ چُھ سُہ کران۔تٔمؠ یُس تہِ وعدہ کۅر سُہ کۅر تٔمؠ برابر۔ 20تٔمؠ کۅر مےٚ حکم زِ بنی اسرائیلی ین باپتھ کر مےٚ برکتٕچ عرضی۔لہٰذا دِژ تٔمؠ تِمن برکت تہٕ بہٕ ہیٚکہ نہٕ تہِ بدلٲوِتھ۔21یہُوواہؔ تِہنٛد خدا چُھ تِمن سٟتؠ۔لوٗکھ چھِ نعرٕ دِوان زِ سُہ چُھ تِہُنٛد پوٚز بادشاہ۔بے شک واتہ نہٕ یعقوبؔ سنٛدین اولادن کانٛہہ نقصان،تِم تُلن نہٕ خدایہ سنٛدِ بغٲر کانٛہہ تہِ مصیبت۔22خداین کٔڈؠ تِم مِصرچہِ غلامی منٛزٕ تہٕ واتناوِنؠ طاقتور جنگلی دانٛدن ہنٛدؠ پٲٹھؠ بیابانن منٛز۔23ییٚلہ لوٗکھ یعقوبؔ سنٛدین اولادن لعنت سوزن تہٕ تِمن واتہ نہٕ کانٛہہ نقصان،ییٚلہ لوٗکھ تِمن کانٛہہ جود کرن تہٕ تتھ آسہ نہٕ کانٛہہ طاقت۔تہٕ وۅنؠ آسن لوٗکھ یعقوبؔ سںنٛدین اولادن متعلق یہ ونان زِ،'خداین کیاہ کرِ بنی اسرائیلی ین باپتھ حٲران کرن واجنہِ کامہِ!'24تِم چھِ واریاہ مضبوط، تٔمس شیمنہِ ہنٛدؠ پٲٹھؠ یۅسہ باقی جانورن پٮ۪ٹھ حملہٕ کرنہٕ خٲطرٕ تیار چھےٚ آسان۔تِم چھِ سٕہن ہنٛدؠ پٲٹھؠ کھڑا آسان۔سٕہہ چُھنہٕ تۅتام آرامُک ناو ہیٚوان یۅتام نہٕ تِم پننِس شکارس مٲرِتھ کھیٚن تہٕ مٲرمٕتِس جانور سُنٛد خوٗن چیٚن نہٕ۔25بلقنؔ ووٚن پتہٕ بلعامسؔ، اگر ژٕ تِمن لعنت سوزکھ نہٕ مگر بہٕ چُھس نہٕ یژھان زِ کرکھ تِمن دُعا۔"26مگر بلعامنؔ وۅنُس یورٕ، "مےٚ چُھمے ژےٚ وۅنمُت زِ بہٕ چُھس تی کران یہ مےٚ یہُوواہؔ کرنہٕ باپتھ ونان چُھ۔"27امہِ پتہٕ ووٚن بلق بادشاہن بلعامسؔ، "توٚہؠ یِیو مےٚ سٟتؠ۔ بہٕ نِمو توٚہؠ بیِس جایہ۔ شاید گژھِ یہ جاے خدایس خوش تہٕ سُہ دییہِ توٚہہ اتھ جایہ یمن پٮ۪ٹھ لعنت نٲزِل کرنُک اجازت۔"28بلقؔ بادشاہن نیٚو بلعامؔ کوہہِ پیٚورؔ کِس تھزرس پٮ۪ٹھ یتہٕ پٮ۪ٹھٕ سُہ بوٚن کُن نظر دییہِ ہے تہٕ صحراہس منٛز موجود اسرائیل ین وُچِھتھ ہیٚکہِ ہے۔ 29بلعامنؔ ووٚن پتہٕ بلقؔس بیٚیہِ، "میانہِ باپتھ بناو بیٚیہِ ستتھ قربان گاہ تہٕ نذرانہٕ باپتھ کرُکھ ستتھ ہکھر تہٕ ستتھ کٹھ قربان۔"30بلقنؔ بلکُل تی یہ بلعامن تمِس کرنہٕ باپتھ ووٚن۔ تٔمؠ بُزؠ پرٛتھ قربان گاہس پٮ۪ٹھ اکھ اکھ ہکُھر تہٕ اکھ اکھ کٹھ قربٲنی خٲطرٕ۔
بلعامؔ کھۅت پتہٕ پانہٕ کِس بالہٕ تینٛتٲلِس پٮ۪ٹھ۔4ییٚلہ سُہ بالہٕ تینٛتٲلِس پٮ۪ٹھ اوس تہٕ خداین دیُت تس تتہِ پنُن جلوٕ۔ بلعامنؔ ووٚن خدایس، "اسہِ بنٲوؠ ستتھ قربان گاہ تہٕ مےٚ کۅر پرٛتھ قربان گاہس پٮ۪ٹھ تُہنٛدِ باپتھ اکھ اکھ ہکُھر تہٕ اکھ اکھ کٹھ ذبح تہٕ پتہٕ بُزِم۔"5پتہٕ دیُت یہُوواہنؔ بلعامسؔ بلق بادشاہس وننہٕ خٲطرٕ اکھ پٲغام۔ تہٕ وُننَس، "واپس گژھِ تہٕ تمِس ون یہ کینٛژھا مےٚ ژےٚ وۅنمے۔"6ییٚلہِ بلعامؔ بلقؔ بادشاہس نشہٕ واپس آو تہٕ بلق اوس موآبؔ کیٚن بُزرگن سٟتؠ قربان گاہس پٮ۪ٹھ بُزنہٕ آمژن قربٲنین نِش کھڑا۔7یہ چُھ سُہ پٲغام یُس بلعامن تِمن بُوو،"بلقنؔ اوٚنُس ارامؔ پٮ۪ٹھٕ یور بہٕ ناد دِتھ۔موآبٕکؠ بادشاہن واتنووُس بہٕ یور ارامؔ کیٚو مشرقی انٛدٕ کیٚو پہاڑو پیٚٹھؠ۔تٔمؠ ووٚن، ۅلہٕ میانہٕ باپتھ کر یعقوب سنٛدین اولادن لعنتانہٕ!ۅلہٕ، ون زِ یِمن اسرائیل ین سٟتؠ یِین بُرٕ واقات پیش!'8مگر بہٕ کِتھ کنؠ سوزٕ تِمن لوٗکن پٮ۪ٹھ لعنت یمن پٮ۪ٹھ نہٕ یہُوواہنؔ لعنت کٔر؟بہٕ کِتھٕ کنؠ کرٕ تِمن لوٗکن خلاف جنگ یمن خلاف نہٕ یہُوواہنؔ جنگ کۅر؟9مےٚ وُچھ تِمہ کنہِ بالن ہنٛدیٚو تھزرو پیٚٹھؠ،مےٚ وُچھ تِمہ پہاڑو پیٚٹھؠ۔مےٚ وُچھ، سۅ چھےٚ اکھ لُکہ جماتھا یۅسہ الگ روزان چھےٚ۔تِمو چُھ باقی قومو نِشہ پنُن پان الگ کۅڈمُت۔10کُس ہیٚکہ یعقوبؔ سنٛدین اولادن گنٛزرٲوِتھ، یمہٕ لژھِ ہنٛدین دانن ہنٛدؠ پٲٹھؠ چھِ!اسرائیل کیٚن لوٗکن ہُنٛد ژورِم حصہٕ تہِ کُس ہیٚکہِ گنٛزرِتھ؟بہٕ چُھس یژھان بہٕ گوٚژھُس مُرن یتھٕ کنؠ صادق لوٗکھ مران چھِ۔مےٚ چھےٚ امید زِ بہٕ مرٕ سکوٗنہٕ سان یتھ کنؠ تِم مرن۔11پتہٕ وُن بلقنؔ بلعامس، "ژےٚ کیاہ کۅرتھ مےٚ سٟتؠ؟ مےٚ اُنمکھ ژٕ یور پننٮ۪ن دشمنن لعنت والنہٕ باپتھ، مگر امہِ بجایہ کۅرتھ ژےٚ یمن دعا!12مگر بلعامنؔ دتُس جواب، "بہٕ ہیٚکہٕ صرف تی ؤنِتھ یہ یہُوواہؔ مےٚ ونُن ونہِ۔ بہ ہیٚکہٕ نہٕ بیٚیہِ کہین ؤنِتھ۔"13پتہٕ وُن بلقؔ بادشاہن بلعامسؔ، "مےٚ سٟتؠ یہ بیِس جایہ۔ تتہِ یِیی ژےٚ صرف اسرائیلی قومُک اکھ حصہٕ اتھِ، تہٕ تِمن لوٗکن ہیٚککھ ژٕ میانہِ مۅکھٕ لعنت وٲلِتھ۔14یتھ کنؠ نیٚو بلقنؔ بلعامؔ پِسگہ پہاڑی ہنٛدِس تھزرس پٮ۪ٹھ ضوفِیم نٲوؠ أکِس کھہَس منٛز۔ تتہِ بناوؠ تٔمؠ بیٚیہِ ستتھ قربان گاہ تہٕ پرٛتھ اکِس قربان گاہس پٮ۪ٹھ کۅرُن اکھ ہکُھر تہٕ اکھ کٹھ قربان۔15اتہ تہِ وُن بلعامنؔ بادشاہس، "یتِتھ روز بُزمژن قربٲنیٚن نِش ۅدٕنؠ، بہٕ گژھٕ تہٕ کرٕ یہُوواہسؔ سٟتؠ کتھ۔"16لہٰذا کۅر بلعامن یی تہٕ یہُوواہؔ سپُد بیٚیہِ بلعامسؔ برُونٛہہ کنہِ ظٲہر تہٕ دیُتنس بیاکھ پٲغام۔ پتہٕ وُننس، "بلقسؔ نِش گژھِ واپس تہٕ سُہ بوزناوُن یہ پٲغام۔17امہ موٚکھٕ گو بلعام تتھ قربان گاہس نِش یتِتھ موآبُک بادشاہ تہٕ قٲید ۅدٕنؠ ٲسؠ تہٕ یتھ جایہ بلقنؔ قربٲنیہ بُزٕ۔ بلقن پرُوژھ تمِس، "کیاہ وننے یہُوواہنؔ؟"18تہٕ بلعامنؔ بوزنوو سُہ یہ پٲغام،"بلق، غورٕ سان بوز،بوز اے صفور سنٛدِ گۅبرٕ، بہٕ کیاہ چُھس ونُن یژھان!19خدا چُھنہٕ کانٛہہ انسان۔انسان ونہِ اپُز مگر خدا چُھنہٕ زانٛہہ اپُز ونان۔سُہ چھنہٕ انسانن ہنٛدؠ پٲٹھؠ پنُن سونچ زانٛہہ تہِ بدلاوان۔یہ کینٛژھا تٔمؠ ووٚن بہٕ کرٕ، تہِ چُھ سُہ کران۔تٔمؠ یُس تہِ وعدہ کۅر سُہ کۅر تٔمؠ برابر۔ 20تٔمؠ کۅر مےٚ حکم زِ بنی اسرائیلی ین باپتھ کر مےٚ برکتٕچ عرضی۔لہٰذا دِژ تٔمؠ تِمن برکت تہٕ بہٕ ہیٚکہ نہٕ تہِ بدلٲوِتھ۔21یہُوواہؔ تِہنٛد خدا چُھ تِمن سٟتؠ۔لوٗکھ چھِ نعرٕ دِوان زِ سُہ چُھ تِہُنٛد پوٚز بادشاہ۔بے شک واتہ نہٕ یعقوبؔ سنٛدین اولادن کانٛہہ نقصان،تِم تُلن نہٕ خدایہ سنٛدِ بغٲر کانٛہہ تہِ مصیبت۔22خداین کٔڈؠ تِم مِصرچہِ غلامی منٛزٕ تہٕ واتناوِنؠ طاقتور جنگلی دانٛدن ہنٛدؠ پٲٹھؠ بیابانن منٛز۔23ییٚلہ لوٗکھ یعقوبؔ سنٛدین اولادن لعنت سوزن تہٕ تِمن واتہ نہٕ کانٛہہ نقصان،ییٚلہ لوٗکھ تِمن کانٛہہ جود کرن تہٕ تتھ آسہ نہٕ کانٛہہ طاقت۔تہٕ وۅنؠ آسن لوٗکھ یعقوبؔ سںنٛدین اولادن متعلق یہ ونان زِ،'خداین کیاہ کرِ بنی اسرائیلی ین باپتھ حٲران کرن واجنہِ کامہِ!'24تِم چھِ واریاہ مضبوط، تٔمس شیمنہِ ہنٛدؠ پٲٹھؠ یۅسہ باقی جانورن پٮ۪ٹھ حملہٕ کرنہٕ خٲطرٕ تیار چھےٚ آسان۔تِم چھِ سٕہن ہنٛدؠ پٲٹھؠ کھڑا آسان۔سٕہہ چُھنہٕ تۅتام آرامُک ناو ہیٚوان یۅتام نہٕ تِم پننِس شکارس مٲرِتھ کھیٚن تہٕ مٲرمٕتِس جانور سُنٛد خوٗن چیٚن نہٕ۔25بلقنؔ ووٚن پتہٕ بلعامسؔ، اگر ژٕ تِمن لعنت سوزکھ نہٕ مگر بہٕ چُھس نہٕ یژھان زِ کرکھ تِمن دُعا۔"26مگر بلعامنؔ وۅنُس یورٕ، "مےٚ چُھمے ژےٚ وۅنمُت زِ بہٕ چُھس تی کران یہ مےٚ یہُوواہؔ کرنہٕ باپتھ ونان چُھ۔"27امہِ پتہٕ ووٚن بلق بادشاہن بلعامسؔ، "توٚہؠ یِیو مےٚ سٟتؠ۔ بہٕ نِمو توٚہؠ بیِس جایہ۔ شاید گژھِ یہ جاے خدایس خوش تہٕ سُہ دییہِ توٚہہ اتھ جایہ یمن پٮ۪ٹھ لعنت نٲزِل کرنُک اجازت۔"28بلقؔ بادشاہن نیٚو بلعامؔ کوہہِ پیٚورؔ کِس تھزرس پٮ۪ٹھ یتہٕ پٮ۪ٹھٕ سُہ بوٚن کُن نظر دییہِ ہے تہٕ صحراہس منٛز موجود اسرائیل ین وُچِھتھ ہیٚکہِ ہے۔ 29بلعامنؔ ووٚن پتہٕ بلقؔس بیٚیہِ، "میانہِ باپتھ بناو بیٚیہِ ستتھ قربان گاہ تہٕ نذرانہٕ باپتھ کرُکھ ستتھ ہکھر تہٕ ستتھ کٹھ قربان۔"30بلقنؔ بلکُل تی یہ بلعامن تمِس کرنہٕ باپتھ ووٚن۔ تٔمؠ بُزؠ پرٛتھ قربان گاہس پٮ۪ٹھ اکھ اکھ ہکُھر تہٕ اکھ اکھ کٹھ قربٲنی خٲطرٕ۔
Bridge Connectivity Solutions Pvt. Ltd.