گریند24
1بلعامس توٚر وۅنؠ فکرِ زِ یہُوواہؔ اسرائیلی لوٗکن برکت دیُن یژھان، نکہِ تِمن لعنت سوزٕنؠ یژھان۔ لہٰذا کۅر نہٕ تٔمؠ کُنہ روحٲنی طاقتُک استعمال یتھ کنؠ زنہٕ اکھ روحٲنی بزرگ زاننہٕ خٲطرٕ کران چُھ زِ یہُوواہؔ کیاہ چُھ یژھان، یتھ کنؠ زن سُہ اکثر کران اوس۔ امہِ بجایہ کۅر تٔمؠ سحراوس کُن پنُن رۅخ۔2بلعامن وُچھ زِ اسرائیلی لوٗکھ ٲسؠ تتہِ پننٮ۪ن خٟمن منٛز ڈیرٕ دِتھ تہٕ پرٛتھ کانٛہہ قبیلہٕ اوس پنٕنؠ جمٲژ سٟتؠ۔ پتہٕ سپُد تس خدایی روح بیٚیہِ جلوٕ گر۔3یہ چھےٚ سۅ روحٲنی شیٚچھ یۅسہ تٔمؠ بلقسؔ دِژ:بہٕ چُھس بعورؔ سُنٛد نیٚچو بلعامؔ یہ پیشن گوئی کران۔یہ پیشن گوئی یۅسہ بہٕ توٚہہ دِوان چُھس چُھ اکھ سُہ فرد دِوان یُس وچھان زِ آینٛدٕ کیاہ بنہِ۔4مےٚ بوز یہ پٲغام خدایس نِش۔یہ چھےٚ تمؠ سنٛز بشارت یُس مکمل دسگاہ تھاوان چُھ۔میانہِ نظرٕ چھےٚ یلہٕ گژھان یِتھُے بہٕ تمِس برُونٛہہ کنہِ نمان چُھس۔5اے یعقوبؔ سنٛدِ گۅبرٕ، چٲنؠ خٟمہٕ چھِ واریاہ خوبصوٗرت!یتہِ ژٕ روزان چُھکھ تمہٕ جایہ تہِ چھےٚ بہترین!6مےٚ برُونٛہہ کنہِ چھِ چٲنؠ خٟمہٕ خزٕر کُلیٚن ہنٛدؠ پٲٹھؠ تہٕ دریاوٕ بٹھِ کیٚن باغن ہنٛدؠ پٲٹھؠ پھٲلِتھ۔ تِم چھِ یہُوواہؔ سنٛدیو لٲگؠ مٕتیٚو عُود کُلیٚن ہنٛدؠ پٲٹھؠ مضبوط،تِم چھِ دریاوٕ بٹھیٚن پٮ۪ٹھ آمتیٚن دیودارن ہنٛدؠ پٲٹھؠ۔7چٲنؠ آبہٕ نٔٹؠ روزن ہمیشہٕ بٔرِتؠ۔ژٕ یُس تہِ بیول ووَکھ سُہ زیونہٕ خٲطرٕ آسہ تتھ ہمیشہٕ وٲفِر آب میصر۔بنی اسرائیل لُک بادشاہ آسہ اجاجؔ بادشاہس کھۅتہٕ تھوٚد۔یتھ سلطنتَس پٮ۪ٹھ سُہ حکومت کرِ سۅ آسہ پُر وِقار۔8خداین أنؠ اسرائیلی مِصرٕ منٛزٕ کٔڈتھ، پننہٕ بڈِ طاقتہٕ سٟتؠ یس جنٛگلؠ سانٛڈ سُنٛد ہیٚو طاقت چُھ۔خدا کرِ تِمن سارنی قومن نابود یِم تمؠ سنٛز مخالفت کرن۔سُہ پُھٹراوِ تِمن سارنی لوٗکن أڈجہ، تہٕ ماریٚکھ پننیٚو تیٖرو سٟتؠ۔9بنی اسرائیلی چھِ سٕہن ہنٛدؠ پٲٹھؠ یمہٕ شونٛگِتھ تہٕ کُملِتھ، پننِس شُکارس تھف دنہٕ خٲطرٕ تیار آسان چھِ،تمِس سیمنہِ ہنٛدؠ پٲٹھؠ یۅسہ ارامسؔ منٛز آسان چھےٚ،تہٕ کانٛہہ چُھنہٕ تمِس ہُشار کرنٕچ ہمتھ کران!خدا کرِ تِمن سارنی برکت یُس توٚہہ اسرائیل ین برکت دییہِ۔ تہٕ ژھنہِ تس فردس لعنت یُس تُہنٛدِ خٲطرٕ لعنت منٛگہِ۔10پتہٕ سپُد بادشاہ بلقؔ بلعامسؔ سیٹھاہ ناراض۔ تٔمؠ ہوو پننیٚو اتھو سٟتؠ زِ تمِس چُھ واریاہ شرارتھ، تہٕ تٔمؠ ووٚن کریٚکھ دِتھ، "مےٚ اوٚنمکھ ژٕ پننٮ۪ن دشمنن لعنتانہٕ کرنہٕ باپتھ یور بُلٲوِتھ۔ اتھ برعکس کۅرتھ ژےٚ تِمن ترییہِ پھرِ دُعا!11ژٕ نیر ۅن یتہ۔ گژھِ پنُن گرٕ واپس! مےٚ وۅنمے نا ژےٚ اگر ژٕ یمن لعنت ژھنکھ تہٕ بہٕ دِمے ژےٚ واریاہ رقم، مگر یہُوواہنؔ رُکوٕنکھ ژٕ کانٛہہ تنخواہ رٹنہٕ نِشہ!12بلعامنؔ ووٚن بلقسؔ، "کیاہ ژےٚ چُھے نا یاد زِ مےٚ کیاہ ووٚن تِمن قٲصدن یمہٕ ژےٚ مےٚ نِش سوزؠ مٕتؠ ٲسؠ تھکھ؟ مےٚ ونمکھ،13"اگر بلق مےٚ چانٛدِ تہٕ سۅنہٕ سٟتؠ بٔرِتھ محل تہِ دییہِ توتہِ کرنہٕ بہٕ یہُوواہؔ سنٛز نافرمٲنی۔ بہٕ کرنہٕ کانٛہہ تہِ رٕژ یا بُرٕ کٲم یۅسہ نہٕ تس منظور آسہ۔ تہٕ مےٚ وۅنمے ژےٚ زِ بہٕ ہیٚکہ تی ونِتھ یہ یہُوواہؔ مےٚ ونہِ۔14آ، بہٕ گژھٕ وۅنؠ پننٮ۪ن لوٗکن نِش واپس مگر گۅڈٕ دِ مےٚ یہ وننُک اجازت زِ آینٛدٕ کیاہ بنہِ توٚہہ موآبؔ کیٚن لوٗکن سٟتؠ۔"15پتہٕ وُتھ بیٚیہِ بلعام بلقسؔ کُن،"بہٕ، بلعام، بعورؔ سُنٛد نیٚچو چُھسے نُبوت ونان۔یۅسہ پیشن گوئی بہٕ ونان چُھسے چھےٚ اکہِ لٹہِ بیٚیہِ تمِس نفرٕ سنٛز یُس نٔنؠ پٲٹھؠ وُچھان چُھ زِ آینٛدٕ کیاہ سپدِ۔16بہٕ چُھس خدایہ سُنٛد اکھ پٲغام بوزان۔بہٕ چُھس تِمہ کتھٕ زانان یمہ آسمان پیٚٹھُک خدا مےٚ پٮ۪ٹھ ظٲہر کران چُھ۔بہٕ چُھس قدرتہٕ وٲلِس خدایہ سنٛدؠ جلوٕ ڈیشان۔میانہِ نظرٕ چھےٚ یلہٕ گژھان ییٚلہِ بہٕ تمِس برُونٛہہ کنہِ سجدٕ کران چُھس۔17یہ کینٛژھا بہٕ مشاہِدس منٛز وُچھان چُھس تہِ چُھنہٕ وۅنؠ سپدن وول۔بہٕ چُھس تمہ چیز وچھان یمہ خدا آینٛدٕ کرِ۔اکھ شخص یُس یعقوبؔ سنٛدِ پشتُک آسہ نیرِ تارکٕکؠ پٲٹھؠ نوٚن۔بنی اسرائیل منٛزٕ آسہ اکھ بادشاہ یمِس عاصہٕ ہیٚتھ آسہ۔سُہ نیٚیہ توٚہہِ موآبؔ کیٚن لوٗکن کلہٕ تُلِتھ۔سُہ کرِ سیٹھؔ سنٛز ذریاتھ نابود۔18بنی اسرائیل کرِ عدومسؔ پٮ۪ٹھ قبضہٕ،تہٕ تِم لبن پننٮ۪ن دشمنن پٮ۪ٹھ فتح یم کوہہِ شعیرسؔ نکھٕ روزان چھِ۔بنی اسرائیل لٕکؠ لوٗکھ سپدن فتح یاب۔19اکھ حٲکم ییہِ یُس یعقوبؔ سنٛدِ قبیلہٕ منٛزٕ آسہ۔تمسنٛدِ سٟتؠ میلہِ تِمن تِمو لوٗکو نِشہ نجات یم وُنتہِ تتھ شہرس منٛز روزان چھِ یتہِ بلعامنؔ تہٕ بلقنؔ گۅڈنیُک ملاقات کۅر۔"20پتہٕ وُچھ بلعامن زِ عمالیقؔ لوٗکن ہنٛز کماتھ کتہِ چھےٚ روزان، تہٕ تٔمؠ کٔر یہ پیشن گوئی:"عمالیق قبیلہٕ آسہ ساروےٕ کھۅتہٕ بوٚڈ قبیلہٕ،مگر تمہٕ تہِ روزن نہٕ کُنہِ۔"21پتہٕ دِژ تٔمؠ تتھ علاقس کُن نظر یتہِ کنعٲنؠ لوٗکن ہنٛز جماتھ روزِتھ ٲس، تہٕ کرٕن یہ پیشن گوئی:"توٚہؠ ٲسیٚو زانان زِ یتھ جایہ أسؠ روزان چھِ یہ چھےٚ پہاڑن منٛز بٔنِتھ آلیٚن ہنٛدؠ پٲٹھؠ مضبوط،22مگر ییٚلہ اسُورؔ سُنٛد فوج توٚہہِ فتح کرِ تہٕ توٚہؠ تہِ روزیٚو نہٕ کُنہِ۔"23بلعامنؔ مۅکلاوِ یہ ؤنِتھ پننہِ پیشن گوئی،ییٚلہِ خدا یہ سورےٕ کرِ تہٕ پتہٕ کُس روزِ زنٛدٕ؟24کتیمؔ کہ سٲحلہٕ پٮ۪ٹھٕ ییٚلہ ٲبی جہازٕ ین،تہٕ تِمن جہازن ہنٛدؠ نفر دِن اسُورؔ تہٕ عِبر کِس فوجس شِکس۔مگر خدا دییہِ تتہِ تمن لوٗکن نشہٕ یہِ نجات۔25مگر پتہٕ دراے بلعامؔ تہٕ بلقؔ پنٕنؠ پٲغام مۅکلٲوِتھ تہٕ گے واپس پننہِ جایہِ پن پننٮ۪ن گرن کُن۔
Bridge Connectivity Solutions Pvt. Ltd.