خروج14
1پتہٕ ووٚن یہُوواہنؔ موسیٰؔ ہس،2"اسرائیل ین وُن زِ تِم نیرن فی ہخیروتس کُن تہٕ ترٲوِن تتھ نزدیک ڈیرٕ۔ سۅ جاے چھِ مجدال تہٕ بحرِ قُلزمسؔ درمیان بعلؔ صفونس نکھٕ۔ پنٕنؠ خیمہٕ دِیو تتہِ سمندرس نکھٕ۔3ییٚلہِ سُہ بادشاہ زانہِ زِ توٚہہِ چُھ تہِ کوٚرمُت سُہ سونچہِ، "اسرائیلی ڈلؠ وتہِ۔ تِم چھِ اورٕ یوٗر پھیران تہٕ صحراوس منٛز راوِ تِمن وتھ۔"4بہٕ بناون بادشاہ بیٚیہِ تہِ ضدی تہٕ سُہ لارِ توٚہہِ پنُن فوج ہٮ۪تھ پتہٕ۔ پتہٕ کرن لوٗکھ مےٚ بادشاہ تہٕ تسٕنٛدِ فوجہِ کھۅتہٕ زیادٕ احترام، بیٚیہِ ترِ مِصرٕی لوٗکن فکرِ زِ بہٕ چُھس یہُوواہؔ۔ "لہٰذا موسیٰؔ ہن ووٚن تہِ اسرائیل ین تہٕ تِمو کوٚر تیٖ یہِ تٔمؠ تِمن کرُن ووٚن۔5ییٚلہِ کمؠ تام مِصرٕ کِس بادشاہس ووٚن زِ اسرائیلی ژلؠ، تٔمؠ سُنٛد تہٕ تسنٛدین دربارین ہُنٛد دل بدلیٚو تِمن ہنٛدِ باپتھ تِمو ووٚن، "اسہِ کیاہ چُھ کوٚرمُت؟ اسرائیلی بنَن نہٕ زانٛہہ تہِ سٲنؠ غلام تکیازِ اسہِ دِیُت تِمن گژھنہٕ!"6لہٰذا کمؠ تام ٲسؠ بادشاہ سٕنٛدِس رتھس گُرؠ گنڈیمٕتؠ تہٕ سُہ گوٚو تتھ سوار تہٕ دراو پنُن فوج ہٮ۪تھ۔7تٔمؠ نِیہِ مِصرٕکؠ سٲری رتھ، یِمن منٛز ساروےٕ کھۅتہٕ اصل شےٚ ہتھ رتھ شٲمل ٲسؠ۔ پریتھ کُنہِ رتھس پؠٹھ بہنوِوُنؠ اکھ رتھ چلاون وول، اکھ سپہہ تہٕ اکھ فوجک سربراہ۔8یہُوواہنؔ بنوٚو مِصرٕ کِس بادشاہ ضدی اوے لاریو سُہ تہٕ تسنٛد فوج اسرائیل ین پتہٕ۔ اسرائیلی روٗدؠ اعتمادٕ سان پکان۔9مِصرٕی فوج لارییہِ پنٕنؠ سٲری شٲہی گُرؠ تہٕ رتھ تہٕ رسالہٕ دار اسرائیل ین پتہٕ۔ تِمو رٔٹؠ تِم سمندرس نزدیک فی ہخیروتس سیٹھاہ نکھٕ بعلؔ صفون برونٛہہ کنہِ، ییٚتہِ تِم ڈیرٕ دِتھ ٲسؠ۔ بعَلزبُولسؔ برونٛہہ کنہِ۔10ییٚلہِ بادشاہ سُنٛد فوج اسرائیل ین نکھٕ ووت تِم گییہِ وُچِھتھ حیران زِ مِصری ٲسؠ تِمنے کُن دوان۔ تِمن ژاو لرزٕ، لہٰذا تِمو کوٚر یہُوواہسؔ مددتہٕ باپتھ فریاد۔11پتہٕ ووٚن تِمو موسیٰؔ ہس، "ژےٚ چُھتھ نہٕ اسہِ مِصرٕ منٛزٕ نیٚبر کرنس منٛز مدد کوٚرمُت۔ فروعونہٕؔ سُنٛد فوج چُھ اسہِ وجارس منٛز قتل کرِ وول۔ ہرگاہ أسؠ مِصرس منٛز ٹھہریمٕتؠ آسہ ہو، کانٛہہ کرہے اسہِ قبرن منٛز دفن۔12یہِ چُھ سۅے کتھ یۅسہ اسہِ ژےٚ مِصرس منٛز ؤنؠ مٔژ ٲسی۔ اسہِ ووٚن، "اسہِ تراو پننِس حالس پؠٹھ تہٕ أسؠ کرو مِصرٕین ہنٛدِ باپتھ کٲم۔ "یتھ وجارس منٛز مَرنہٕ کھۅتہٕ بہتر ٲس اسہِ مِصرٕین ہنٛز غلامی کریِن جان!"13موسیٰؔ ہن ووٚن لوٗکن، "مٕہ کھوٗژو! ہمتہٕ سان روزیٚو تہٕ وُچھِو یہُوواہؔ کتھٕ پٲٹھؠ بچاوِ اسہِ۔ سُہ کرِ اسہِ از حفاظت، تہٕ توٚہؠ وُچھیوٗکھ نہٕ مِصری دُبارٕ یِم توٚہؠ از وچھان چُھو۔14یہُوواہؔ کرِ تُہنٛدِ باپتھ لڑٲے! صرف روزیٚو ژھوٗپہٕ کریتھ۔ امہِ بغٲر چُھنہٕ بے کانٛہہ چارے یہِ توٚہؠ کرِہیو۔"15پتہٕ ووٚن یہُوواہنؔ موسیٰؔ ہس، "مےٚ مدد منٛگنہٕ بجایہ ووٚن لوٗکن زِ تِم گنڈین پنٕنؠ خیمہٕ تہٕ کرِن نیرنٕچ تیاری۔16ژٕ تُل پنُن عاصہٕ تہٕ رُٹن سمندرس کُن اتھ گژھن زٕ حصہٕ۔ پتہٕ پکن اسرائیلی سمندرٕ منٛزؠ خوشک زمیٖنہِ پیٚٹھؠ۔17مےٚ کُن وُچھ! بہٕ بناوکھ مِصری ضدی یُتھ تِم اسرائیل ین پتہٕ لارن۔ پتہٕ کرٕ بہٕ تہِ بادشاہس، تسٕنٛدِس فوجس، تسنٛدین رتھن بیٚیہِ تسنٛدین گُرین، یُتھ لوٗکھ مےٚ تعظیم کرن۔18ییٚلہِ بہٕ بادشاہس، تسنٛدین رتھن تہٕ گُرین پؠٹھ شاندار فتح حٲصل کرٕ، مِصرٕکؠ باقیو لوٗکھ زانن زِ بہٕ چُھس یہُوواہؔ، سُہ خدا یُس کینٛہہ تہِ ہیٚکہ کٔرِتھ۔"19پتہٕ دراو سُہ خدایہِ سُنٛد فرشتہٕ اسرائیل ین پتہٕ پتہٕ یُس تِم برونٛہہ برونٛہہ آسان اوس۔ سُہ زیوٹھ چمکدار اوٚبر تہِ دراو تِمن پتہٕ پتہٕ یُس تِمن برونٛہہ برونٛہہ پکان اوس۔20سُہ اوٚبر اوس مِصرٕین تہٕ اسرائیل ین درمیان۔ اوٚبرن کوٚر مِصری فوجس انہِ گٹہٕ، مگر تٔمؠ دِیُت اسرائیل ین گاش۔ تمیک نتجہِ دراو یہِ زِ سٲرسےٕ راتس ہیٚچ نہٕ اکھ جماتھ بییٚس جمٲژ نکھٕ یِتھؠ۔21موسیٰؔ ہن کوٗڈ پنُن اتھٕ سمندرس کُن۔ پتہٕ سوز یہُوواہنؔ مشرقہٕ طرفہٕ اکھ واوٕ طوفان۔ یُس سٲرسےٕ راتس وُڈان روٗد تہٕ آبس لوٚگ ژھیٚن تہٕ امہِ سٟتؠ گییہِ ٲبی زمیٖن منٛزس خشک۔22پتہٕ گییہِ اسرائیلی سمندرٕ منٛزؠ خشک وتہِ۔ تِمن دٔچِھنؠ تہٕ کھووٕرؠ اوس آب دؠوارکؠ پٲٹھؠ۔23مِصری فوج درایہِ تِمن پتے سمندرٕ منٛزؠ پنٕنؠ گُرؠ، رتھ تہٕ رسالہٕ دار ہٮ۪تھ۔24گاش پھلنہٕ برونٛہہ پہن دِژ یہُوواہنؔ پرٛزل ونہِ اوٚبرٕ پؠٹھٕ بوٗن کُن نظر، تہٕ تمہِ سٟتؠ کھوژ مِصری فوج۔25تٔمؠ کٔرؠ تہنٛدن رتھن ہنٛدؠ پہییہِ زمیٖنس منٛز بنٛد لہٰذا تِم ٲسؠ سیٹھاہ مُشکلی سان ہیکن پکتؠ۔ اوے ووٚن مِصرِیو، "یہُوواہؔ چُھ اسرائیل ین ہنٛدِ خٲطرٕ اسہِ خلاف لڑان؛ اسہِ پزِ تِمن نِشہ ژلنُ!"26پتہٕ ووٚن یہُوواہنؔ موسیٰؔ ہس، "پنُن اتھٕ کڈ سمندرس کُن۔ آب ییہِ پتہٕ مِصرٕین، تہنٛدین رتھن کُن، بیٚیہِ تہنٛدین گُرین کُن واپس۔"27لہٰذا موسیٰؔ ہن کڈؠ پنٕنؠ نرؠ سمندرس کُن تہٕ آب آو واپس پننِس اصلی صورتس منٛز یتھٕ پٲٹھؠ سحرس اوس۔ مِصرِیو کٔرؠ ژلنچؠ کوٚشش، مگر یہُوواہنؔ دِیُت تِمن سمندرس کُن واپس دھکہٕ۔28آب آو واپس تہٕ سورے مِصرٕی فوج، رتھ بیٚیہِ رسالہٕ دار گییہِ سمندرس منٛز غرق یِم اسرائیل ین پتہٕ لاران ٲسؠ۔ مِصرِیو منٛزٕ روٗد نہٕ اکھ تہِ زندٕ۔29پوٚز اسرائیلی ٲسؠ برونٹھے سمندرٕ منٛزؠ خوشک وتہِ پکان پکان درٲمٕتؠ۔ آب اوس تِمن دٔچِھنؠ تہٕ کھوورؠ دوٚسہِ ہنٛدؠ پٲٹھؠ کھڑا۔30امی طریقہٕ دِیُت یہُوواہنؔ تمہِ دوٚہہ اسرائیل ین مِصری فوجہِ نِشہ نجات۔ اسرائیل یو وُچھ مِصرین ہنٛزٕ لاشہِ سمندر بٹھس پؠٹھ۔31اسرائیل یو وُچھ تہِ یہِ یہُوواہنؔ مِصرین سٟتؠ پننہِ قدرتہٕ سٟتؠ کوٚر۔ تِمو کوٚر یہُوواہسؔ احترام تہٕ اونکھ یہُوواہسؔ بیٚیہِ تسنٛدس خدمت گار موسیٰؔ ہس پؠٹھ ایمان۔
Bridge Connectivity Solutions Pvt. Ltd.