اِستِثنا33
1خدایہِ سُنٛد نبی موسیٰؔ مرنہٕ برُونٛہہ، کٔر تٔمؠ خدایس اسرائیلی لوٗکن برکت دِنٕچ عرضی۔2تٔمؠ یہ ووٚن تہِ چُھ یتھٕ کنؠ: "یہُوواہؔ آو تہٕ کوٚرُن سینا کوٚہس پٮ۪ٹھ اسہِ سٟتؠ کلام۔ سُہ آو تِتھ کنؠ زنتہٕ ادومؔ کِس علاقس منٛز آفتاب کھوٚت تہٕ تمکہ گاشٕکؠ پٲٹھؠ پرٮ۪زلیٚو اسہِ پٮ۪ٹھ ییٚلہ أسؠ کوہہِ سینا ترٲوِتھ کوہہِ فارانس نکھٕ صحراہس منٛز ٲسؠ۔ سُہ آو دہن ساسن فرشتن سٟتؠ، تہٕ تمِس دٔچِھنؠ کِنؠ اوس وہُہ وُن نارٕ الاو۔3یہُوواہؔ چُھ پننٮ۪ن رٕتٮ۪ن لوٗکن سٟتؠ پوٚز محبت کران، تہٕ تِمن سارنی رٲچھ کران یِم تمسنٛدؠ چھِ۔ اوٕکنؠ چھِ تمِس برُونٛہہ کنہِ تِم سربہ سجود سپدان، تہٕ تمسنٛدؠ ہِدایت بوزان۔4موسیٰؔ ہن دِتؠ تِمن قانون اپناونہ باپتھ، تِم قانون یمہٕ یعقوب سنٛدین اولادن باپتھ ہمیشہ روزن۔5تہٕ یہُوواہؔ بنیاو پننہِ اسرائیلی قومُک بادشاہ، ییٚلہ سٲری قبیلہٕ تہٕ تِہنٛدؠ سردار جمع سپدؠ۔6بہٕ چُھس روبنؔ قبیلہٕ باپتھ یہ ونان: بہٕ چُھس یژھان زِ تِہُنٛد قبیلہٕ گوٚژھ نہٕ زانٛہہ تہِ نابود گژھُن، مگر تِم گٔژھؠ نہٕ زیادٕ تہِ آسٕنؠ۔7بہٕ چُھس یہُوداؔ قبیلس متعلق یہ ونان: یہُوواہؔ، تِہُنٛد بوزؠ زِ ییٚلہِ تِم مدٕتہٕ خٲطرٕ آلو دِنے۔ ییٚلہ تِم دوٚیمیٚو قبیلو نشہٕ ژھیٚنہٕ گژھن تِم رلٲے زیوکھ بیٚیہِ باقی قبیلن سٟتؠ۔ تہنٛدِ باپتھ لٔڑزیٚو، تہٕ دشمنن سٟتؠ جنگہٕ وزِ کٔرزیٚو تِمن مدد۔8بہٕ چُھس لاوی قبیلہٕ کٮ۪ن لوٗکن باپتھ یہ ونان: اے یہُوواہؔ، یمہٕ ژےٚ سٟتؠ وقف چھِ تِمن دِ مقدس کٔنؠ یۅسہ تِم یہ زاننہٕ باپتھ استعمال کرن زِ توٚہؠ کیاہ چُھو کرُن یژھان؛ توٚہہ ازمٲے ووکھ تِم صحراوس منٛز اکِس ناگس نِش، تتھ ناگس نِش یتھ تِمو مسہؔ ناو تُھوو تہٕ مریبہؔ تہِ وُنہس، یہ وُچھنہٕ باپتھ زِ تِم کرناہ توٚہہِ وفادٲری۔9لاوی قبیلن کوٚر تی یہ توٚہہ تِمن کرُن وُنو، تہٕ تمہِ عہدٕچ کٔرکھ تعمیل یُس توٚہہِ بنی اسرائیلس سٟتؠ کوٚرمُت اوسو۔ تِم قانون ٲسؠ تہنٛدِ خٲطرٕ زیادٕ اہم، تِہنٛدیٚو بایو، بیٚنیو، نیٚچیو تہٕ والدینو کھۅتہٕ۔10لاوی قبیلٕکؠ ہیٚچھناون اسرائیلی لوٗکن تُہنٛدؠ قٲیِدٕ تہٕ قانون، تہٕ تِمے لوٗکھ زالن بخور تہِ تہٕ قربان گاہس پٮ۪ٹھ زالن تِم قربٲنیہ تہِ یمہٕ لوٗکھ انان چھِ۔11اے یہُوواہؔ تِہنٛزن کامٮ۪ن کر برکت، تہٕ یہ کینٛژھا تِم کرن تہِ کر قبوٗل۔ تِہنٛدؠ تمام دشمن چیرُکھ تِہنٛدؠ دشمن مہٕ بنٲے ووکھ اتھ قٲبل زِ تِم لڑن تِمن سٟتؠ بیٚیہِ۔12بہٕ چُھس بنیمِینؔ قبیلس متعلق یہ ونان: یہ چُھ سُہ قبیلہٕ یتھ سٟتؠ یہُوواہؔ محبت کران چُھ۔ سُہ چُھ تِمن رٲچھ کرِتھ۔ سُہ چُھ ہمیشہٕ تِمن حفاظت کران، تہٕ سُہ چُھ تِہنٛدین پہاڑن منٛز روزان۔13بہٕ چُھس یوسف سنٛدین قبیلن متعلق یہ ونان: بہٕ چُھس یژھان یہُوواہؔ کرِن تہنٛدِس زمینس برکت، تتھ پٮ۪ٹھ آسمٲنی رود تراوِتھ، تہٕ زمینہٕ کیٚو سنرو منٛزٕ آب فراہم کرِتھ۔14بہٕ چُھس یژھان زِ یہُوواہؔ کرِن تِمن برکت اصل میٚوہ دِتھ آفتابہٕ سٟتؠ پٔپرٲوِتھ، تہٕ اصلیٚن ریتن منٛز بہتر فصٕل دِتھ۔15بہٕ چُھس یژھان زِ یہُوواہؔ دِین تِمن سُہ بہترین میٚوہ یُس تِہنٛدین پرانیٚن پہاڑن ہنٛدیٚو کُلیٚو پٮ۪ٹھٕ ۅپدِ۔16بہٕ چُھس یژھان زِ یہُوواہؔ کرِن تِہنٛدِس زمینس برکت تہٕ سُہ زمین یِین رٕتیٚو فصلو سٟتؠ برنہٕ۔ بہٕ چُھس یژھان زِ یہُوواہؔ کٔرِن یوسف سنٛدین قبیلن یمو ساروےٕ طریقو برکت، تیازِ ییٚلہ سُہ مِصرس منٛز اوس سُہ اوس پننٮ۪ن بڈین باین ہُنٛد رہنما۔17یوسف سنٛدؠ اولاد ٲسِن سانٛڈن ہنٛدؠ پٲٹھؠ مضبوط؛ تِم کٔرِن پننٮ۪ن دشمنن پننیٚو ہتھیارو سٟتؠ تتھ کنؠ زخمی یتھ کنؠ جنٛگلؠ سانٛڈ باقی جانورن پننیٚو ہیٚنٛگو سٟتؠ کران چھِ۔ تِم دِن باقی لُکہٕ جمٲژن دکہٕ، تِمن سارنی ژھنن، زمینہِ ہنٛدین دوٗر دراز مقامن کُن۔ سُہ گو، یوسف سنٛدین دوٚنونؠ نیٚچوٮ۪ن ہنٛدؠ اولاد کرن، افرائیمؔ سنٛدین دہَن ساسن قبیلن تہٕ منسیؔ قبیلہٕ کٮ۪ن ساسہٕ واد لوٗکن یتھے کنؠ۔18بہٕ چُھس زبولونؔ تہٕ اِشکار سنٛدین قبیلن متعلق یہ ونان: بہٕ چُھس یژھان زِ زبُولونٕکؠ لوٗکھ روزن سمندرس تار دِنہ پتہٕ سفرس دوران خوشحال تہٕ اشکارٕکؠؔ لوٗکھ روزن تۅتام ترقی کران یۅتام تِم گھرِ روزن تہٕ کرن پننٮ۪ن چارواین تہٕ فصلٕچ رٲچھ راوٕٹ۔19تِم انن اسرائیل کیٚن دوٚیمین قبیلن ہنٛدین لوٗکن تتھ پہاڑس پٮ۪تھ ناد دِتھ یتہِ تِم یہُوواہؔ سنٛز عبادت کران چھِ، تہٕ تِم کرن تس پزٕ قربٲنیہ پیش۔ تہٕ کرن تمہِ تجارتہٕ سٟتؠ سٮ۪ٹھاہ ترقی یُس تِم سمندر بٹھِس پٮ۪ٹھ کران چھِ، سیٚکھ تہٕ سیٚکہِ منٛزٕ مختلف چیز کٔڈِتھ کران چھِ۔20بہٕ چُھس جد قبیلس متعلق یہ ونان: یہُوواہسؔ کُن کٔریٚو حمد یمؠ تُہنٛدؠ علاقہ بڑٲوؠ۔ تِہنٛدِ قبیلٕکؠ لوٗکھ کرن پننٮ۪ن دشمنن پٮ۪ٹھ تِتھؠ شدید حملہ یِتھؠ سٕہہ پنٛجہ تلِتھ، کانسہِ جانور سُنٛد پھیٚوک یا کلہٕ ہیر بُچھنہٕ باپتھ انتظار کران چُھ۔21تِمو ژور پننہِ باپتھ زمینُک اکھ بہترین حصہ، زمینُک اکھ بوٚڈ حصہٕ، تیٚوتھ حصہ رٹُکھ یُس کٲنٛسہِ سردارس دیُن پزِہے، ییٚلہ اسرائیل قبیلٕکؠ قٲیِد جمع سپٕدؠ، تہٕ تِمو نیٚو فٲصلہٕ زِ جد قبیلہٕ کیٚن گژھِ زمینُک بوٚڈ حصہٕ دِنہٕ یُن۔ جد قبیلہٕ کیٚو کٔر یہُوواہؔ سنٛدین حکمن تہٕ تِمن چیزن ہنٛز تعمیل یمہٕ تمؠ فٲصلہ نمٕتؠ ٲسؠ زِ تِم گژھن کرٕنؠ۔22بہٕ چُھس دان قبیلس متعلق یہ ونان: دان قبیلٕکؠ لوٗکھ چھِ اکِس جوان سٕہہ سنٛدؠ پٲٹھؠ، تِم چھِ پننِٮ۪ن دشمنن پٮ۪ٹھ حملہٕ کرنہٕ باپتھ بسن علاقس منٛز پننیٚو گۅپھو منٛزٕ جٔپھؠ دِنس تیار۔23بہٕ چُھس نفتالیؔ قبیلہٕ کٮ۪ن متعلق یہ ونان: نفتالیؔ قبیلہٕ کٮ۪ن لوٗکن کٔر یہُوواہنؔ برکت، یُس تِمن پٮ۪ٹھ مہربان سپُد؛ تِہنٛز زمیٖن چھےٚ گُلیلؔ جھیلہٕ پٮ۪ٹھٕ دوٗر دوٗر تام جنوٗبس تام پھٲلِتھ۔24بہٕ چُھس آشرؔ قبیلس متعلق یہ ونان: یہُوواہؔ کرِن آشیرؔ قبیلہٕ کٮ۪ن اولادن دویمٮ۪ن قبیلن ہنٛدیٚو اولادو نشہٕ زیادٕ برکت۔ یہُوواہؔ کرِ تِمن پٮ۪ٹھ ساروےٕ کھۅتہ بوٚڈ احسان۔ بہٕ چُھس یژھان زِ تِہنٛدؠ کھاہ یِین زیتون کُلیٚو سٟتؠ برنہٕ یمہ زیتون تیٖل دنہٕ باپتھ واریاہ زیتون دِتھ ہیٚکن۔25تِہنٛدؠ شہر آسن تھدیٚو دیوارو سٟتؠ محفوظ یِمن ہنٛدؠ دروازٕ سرتلہِ تہٕ شستٕر سُرین ہنٛدؠ آسن۔ بہٕ چُھس پرٮ۪تھ وزِ یژھان زِ تِم روزِن زنٛدٕ تہٕ کانٛہہ مہٕ واتنٲوؠ نکھ زکھ۔26اے اسرائیلی لوٗکو، تُہنٛدس خدایس ہیٚو چُھنہٕ بیٚیہِ کانٛہہ خدا، یُس آسمانس پٮ۪ٹھ تُہنٛدِ مددتہٕ باپتھ جاہ و جلاہٕ سان گتھ چُھ کران۔27خدا، یُس لا فٲنی چُھ، سُہ چُھ توٚہہ پناہ دِوان۔ مطلب، سُہ چُھ توٚہہ مدد دِنہٕ باپتھ پننہِ لازوال نرِ آلوان۔ سُہ کرِ تُہنٛدین دشمنن لار ییٚلہ توٚہؠ برُونٛہہ پٔکیٚو؛ سُہ چُہ توٚہہ ونان زِ یِم سٲری کٔرؠ ووکھ فناہ۔28تہٕ توٚہؠ اسرائیلی لوٗکھ روزیٚو محفوظ؛ توٚہہ یعقوب سنٛدین اولادن کرِ نہٕ بیٚیہِ کانٛہہ پریشان۔ یتھ ملکس منٛز توٚہؠ روزیٚو تتہ آسہ وٲفِر اناج تہٕ مےَ، تہٕ آسہ آسمانہٕ پٮ۪ٹھٕ خوب بٲرِش پیٚوان۔29اے اسرائیلی لوٗکو، توٚہؠ کٲتیاہ خوش نصیب چُھو۔ پٔزؠ پٲٹھؠ چُھنہٕ تُہنٛدِس قومس ہیٚوٗ بیٚیہِ کانٛہہ قوم، یُس یہُوواہنؔ مِصرچہِ غلامی نِشہ بچوو۔ سُہ چُھ تُہنٛزِ حفاظتہٕ باپتھ ڈھال بنِتھ، تہٕ تُہنٛزِ رٲچھ خٲطرٕ تلوار ہیٚوٗ کھڑا یُتھ تُہنٛدین دشمنن شِکس دییہِ۔ تُہنٛدؠ دشمن ین توٚہہ نِش تہٕ کرن توٚہہِ درخواس زِ اسہِ پٮ۪ٹھ کٔریٚو رحم، مگر توٚہؠ کٔرؠ ووکھ تِم پٔتؠ کِنی پامال۔"
Bridge Connectivity Solutions Pvt. Ltd.