اِستِثنا34
1امہِ پتہٕ کھوٚت موسیٰؔ موآبؔ علاقہ کیٚو مٲدانو منٛزؠ نبوؔ پہاڑس پٮ۪ٹھ، پِسگہ تینٛتٲلِس پٮ۪ٹھ یُس یریحو کِنؠ یردن دریاوس اپارِ چُھ۔ تتہِ ہٲو یہُوواہنؔ تمِس سۅ سٲرےٕ زمین یتھ پٮ۪ٹھ اسرائیلی قبضہٕ کرن۔ تٔمؠ ہوو تمِس جلعادُک علاقہ یۅتام شمالہ کِنؠ دان شہر چُھ۔2سُہ سورےٕ زمین یتھ نفتٲلی قبیلہٕ قبضہٕ کرِ، سُہ سورےٕ زمین یتھ پٮ۪ٹھ افرائیمؔ تہٕ منسیؔ قبیلہٕ کیٚو قبضہٕ کوٚرمُت اوس۔ سُہ سورےٕ زمین یتھ پٮ۪ٹھ یہُوداؔ قبیلہٕ رومؔ سمندرٕ کِنؠ مُربسؔ تام قبضہٕ کرِ۔3یہُوداؔ کِس جنوبی حصس منٛز صحرائی علاقہ۔ تہٕ یردن وادی یۅسہ شمالس کِنؠ یریحو پٮ۪ٹھ جنوبی ضُعرؔ شہرس تام پھٲلِتھ چھےٚ۔4پتہٕ ووٚن یہُوواہنؔ تمِس زِ وۅنؠ وچُھتھ ژےٚ یہ ملک یمیُک وعدہ مےٚ ابرہامسؔ، اضحاقسؔ تہٕ یعقوبس سٟتؠ کوٚرمُت چُھ زِ بہٕ دمہٕ یہ چانہِ پُشتہٕ کٮ۪ن۔ مےٚ دیُت مےَ ژےٚ اجازت وُچھ ژٕ یہ دورے مگر ژٕ گژھکھ نہٕ تور۔"5تہٕ موسیٰؔ یُس ہمیشہ وفادٲری سان یہُوواہؔ سنٛز خدمت کران اوس گُذریاو تٔتؠ موآبؔ ملکسےٕ منٛز یہ زن یہُوواہنؔ ونمُت اوس یہ سپدِ۔6یہُوواہنؔ کٔر موسیٰؔ سنٛز لاش موآبؔ وادی منٛز بیت فعورؔ شہرس اپارِ دفن، مگر از تام چھنہٕ کانٛہہ اکھ زانان سُہ کتھ جایہ چُھ دفن۔7موسیٰؔ سنٛز عمر ٲس اکھ اتھ تہٕ وُہہ وری یمہِ ساعتہٕ سُہ گذریو، مگر تمہ وزِ تہ اوس صحت منٛد، تمہِ وِزِ، تہِ اوس سُہ اصل وُچِھتھ ہیٚکان۔8اسرائیل کیٚو لوٗکو کوٚر ترہَن دوٚہُن موآبؔ کٮ۪ن مٲدانن منٛز موسیٰ سنٛدِ باپتھ ماتم۔9خداین بنوو یشوع واریاہ عقلمند، تکیازِ موسیٰؔ ہن تُھوو یشوعؔ ہس پٮ۪ٹھ اتھٕ تاکہِ تمِس کرِ پنُن نوو سردار مقرر۔ اسرائیل کیٚو لوٗکو مٲنؠ یشورؔ سنٛز کتھ، تہٕ تِمو کٔر تِمن تمام احکامن ہنٛز تعمیل یمہٕ یہُوواہنؔ موسیٰؔ ہس اسرائیلی لوٗکن وننہٕ خٲطرٕ دِتمٕتؠ ٲسؠ۔10یۅتام موسیٰؔ زندٕ رودؠ، اسرائیلس منٛز اوس نہٕ تیٚوتھ کانٛہہ نبی آمُت، تکیازِ یہُوواہؔ اوس تس سٟتؠ روبرو کتھٕ کران۔11کٲنٛسہ بیٚؠ رسولن کٔرؠ نہٕ تِتھؠ بٔڈؠ معجزٕ یمہٕ تس یہُوواہنؔ مِصرٕ کِس بادشاہ فرعونس، تمسنٛدین تمام افسرن تہٕ مِصرٕ کٮ۪ن لوٗکن خلاف ہٲوؠ۔12کانٛہہ بیاکھ رسول اوس نہٕ یمہ عظیم تہٕ خوفناک کامہِ انجام دِنس لایکھ یمہ موسیٰؔ ہن انجام دژٕ یہ زن تمام اسرائیلی وُچھان ٲسؠ۔
Bridge Connectivity Solutions Pvt. Ltd.