Eksọdọs38
Akpokoro Ufọb Uwa
1Ammọ emaebọp akpokoro ufọfọb uwa ke eto akasia, kubid ita ke ukoñ; akedodo mbañinaañ, ndin kubid ition ke unyọọñ ye kubid ition ke ukpa. 2Emaenam nnʌk ke afịd inuuk inaañ ado, nọ nnʌk ye akpokoro eba itie keed, ndin emaefʌk akpokoro ufọb uwa ke brọns.3Ammọ emaenam afịd ñkpoduoho utem ñkpọ amọ ke brọns, mme ako, mme udọk, mme bọwịd usiime mmọọñ, mme akuum ukịm unam, ye mme akpañkpañ ufraññkpọ.4Emaenam adukpọk ufʌkñkpọ enọ akpokoro uwa ke brọns, nọ aba ke ñkañ mbakka iba anyọñ akpokoro uwa.5Ammọ emaedian mme ikara brọns nọ amʌm eto adaaha ke mbañ inaañ e-ekekappa ke brọns akama.6Emaenam mme mboi ke eto akasia enyʌñ edat brọns efʌk ammọ.7Emaesịn eto ke mme ikara ndudu ke ñkañ itie akpokoro uwa se ekama ebenne anye. Ekekama adukpọk enam anye, ndin amaatʌñọ.Besịn Uyieubọk
8Ammọ ekedat ukịdiso ibaan e-ekenamma utom ke inuaatob atayad mbono enam besịn brọns ye udodukod brọns.Esịd Akwere
9Akema, ammọ emaebọp esịd akwere. Edem usuuk akedo kubid ikie ke unyọọñ, anyʌñ anie afọñ ikpeghe e-enamma ke eti linen e-edọkkọdọk,10ye mboi edịb ye brọns edịb ke idak, ye ekọb silfa ye mme idiọọñọ ke mboi amọ.11Ukan anyọñ-anyọñ akedo kubid ikie ke unyọọñ, anyʌñ anie eto mboi edịb ye brọns edịb ke idakisọñ, ndin ekọb silfa adiana ye idiọọñọ ke mboi amọ.12Ukañ usobutịn akedo kubid aba mme duob ke ukpa, anyʌñ anie afọñ ikpeghe duob ke adaaha ye duob mfen ke idakisọñ, ye mme ekọb silfa ye mme idiọọñọ ke adaaha amọ.13Ukañ usakkautịn, akenyʌñ ado ñkpad ata mme duob ke ukpa.14Afọñ ikpeghe a-akebaaha ke ukañ inuausʌñ keed akedo kubid duob mme ition ke unyọọñ, ye eto adaaha ita ye ake idakisọñ ita ñko,15ndin afọñ ikpeghe a-akedooho kubid duob mme ition ke unyọọñ akeba ke ukañ ntondʌk esịd akwere, ye eto adaaha ita ye ake idakisọñ ita.16Afịd mme afọñ ikpeghe se ikiba ke esịd akwere akedo ataa nti linen.17Mme idak abọbọọk usʌñ akedo ke brọns. Mme ekọb ye idiọọñọ akedo ke silfa, ndin ekedat silfa efʌk anyọñ ammọ; ndin afịd mme abọbọọk usʌñ e-ebaaha ke esịd akwere emaenie idiọọñọ silfa.18Ekenam afọñ ikpeghe ntondʌk esịd tabanakịd ke bru, iduod-iduod, ndad-ndad udʌk ye eti linen, utom a-adọk afọñ anamma. Akedo kubid edịb ke unyọọñ, ndin kpa nte afọñ ikpeghe esịd akwere, ado kubid ition ke ukoñ,19ye eto idaha inaañ ye brọns inaañ ke idakisọñ, ndin emaedat silfa efʌk anyọñ ammọ.20Afịd mme mboi atayad itie tabanakịd ye mme ñkanñkʌk esịd akwere ekedo ke brọns.Mme Ñkpọ Unam Utom
21Mme ibad ñkpọutom se ekedat ebọp itieukpono mbed edioomo edo ami, kpa naña mme Lifai ekewet, akeene naña Moses aketemme ato ke ndadusʌñ Itama, ayịn Erọn, a-akedooho aku.22(Besalel ayịn Uri, ayịn Hur, a-aketooho ubon Yuda, akenam afịd ñkpọ naña Abọọñ aketemme Moses.23Awo a-akebaaha ye anye akedo Oholiab, ayịn Ahisamak, a-aketooho ubon Daan, awo utomusọ, a-akekanna atuak afọñ ke bru, ke iduod-iduod, ke ndad-ndad udʌk, ye ke eti linen.)24Afịd ekọmudua a-kold ufọfʌñ uwa se ekedat enam utom ke adisana itie akedo talen edịb mme usʌkkeed ye sekel 730, naña ndutʌm adisana itie sekel atemme.25Silfa se ekebọọ eto mbon e-ekebatta ke ini ubadawo akedo talen ikie ye sekel 1,775, naña ndutʌm adisana itieukpono sekel aketañ,26beka keed anie awo keed, a-adooho mbaak sekel keed , akeene udomo sekel adisana itie, tọọñọ ke afịd mbon se ikisaña iboiyo tutu akesịm mbon se ekebat, e-ekedooho isua edịb me awakka akan ado, ekedo ideen (603,550).27Talen silfa ikie ke ekedat enam idakisọñ adisana itie, ndin afọñ ikpeghe akedo ikie ke atu talen ikie ami, talen keed anie itie keed.28Ekekama sekel tọsịn keed mme ikie itiaba mme ata mme duob mme ition (1,775) enam ekọb enọ mme adaaha, adidoot mme anyọñ ammọ, adinyʌñ nnam idiọọñọ ammọ.29Mme brọns a-aketooho ufọfʌñ uwa akedo talen ata mme duob (70), ye sekel tọsịn iba mme ikie inaañ (2,400). 30Ammọ ekekama anye enam idak itie ntondʌk inuaatob atayad mbono, akpokoro uwa brọns ye brọns amọ adiana ye afịd mme ñkpoduoho amọ,31idak itie ñkanñkʌk esịd akwere ye mbon itie inuausʌñ, ye afịd mboi atayad ye ake mme ñkanñkʌk esịd tabanakịd.Biblica, Inc.